JƐRƖMAAYA 7:9 - WƖA TENIŊ

⁹ Ma yie gɩgaa nɩaa kɩaa nɛ, a kpʋkpʋ nɩaa, a chɩchɛ dɔŋɔba haalaa, a nyɩɛ wɩaa aŋ ŋmɩŋmɩɛsɛ, a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a tuto vesiŋ dɔnsʋŋ ma sɩ bɩ jɩŋ,

JƐRƖMAAYA 7:9 Iomraidhean Croise

1 KUOROO 18:21

Ɩlaaja mʋ chɩŋ nɩalɩŋ sɩpaaŋ aŋ bʋl, “Ɛɛ nɛ maa chɛ dɩ ma diene magɛ aŋ joŋ wɩaa deemba balɩa kʋ-la sɩ maga dɩ ma to? Dɩ La TƖƖNA nɛ ŋaa Wɩa, má tou, ama dɩ Baal ma nɛ ŋaa Wɩa, má tou.” Ama nɩalɩŋ bɩ wɩɩkala bʋla.

MOSIS KƐŊ IZIRAL TƖŊŊAA LƖƖ 20:3

Ma bɩ maga dɩ ma kɛŋ wɩa kala a pɛ mɩ-na Wɩa lɛ.

AZAAYA 1:13

Má bɩra sɩ́ ma Wɩɩsʋlʋŋ kɩalɩŋ sɩ bɩ bʋbʋɔŋ kɛnɛ kaa kɔ mɩ sɩpaaŋ. Mɩ bɩra bɩ ma kʋsʋɔrʋsʋ-la ma sɩ yie nyɩgaa pɩmɛ maa chɛ. Ba nagɛ bɩnɩŋ nɛ mɩ teeŋ. Ma chɛŋ-falɩŋ gbiele arɩ ma chɛ-wiesiŋ gbielee arɩ ma sɩ yie hilimi aa zilmi, mɩ bɩra bɩ jaŋ wuo chɩna gbɛrɛma ba kʋŋkala lɛ.

AZAAYA 58:2

Tapʋlɩɩ-kala ba yie chʋɔlɛmɛ nɛ, a nagɛ ba ŋaa nɩaa sɩɩ chel dɩ ba jɩŋ mɩ wombiee nɛ, a bɩra nagɛ ba ŋaa tinteeŋ nɩaa sɩɩ ŋaa wɩaa ba bʋa lɛ nɛ, a bɩ wɩalɩŋ ba Wɩa sɩ daga ka vɩa. Ba yie pɩɛsɛmɛ dɩ mɩ dagɛba wombie-la sɩ zɔmɔ dɩ ba tuto, a nagɛ baa chel nɛ dɩ ba kpagɛ Wɩa.

JƐRƖMAAYA 1:16

Mɩ jaŋ dii mɩ nɩaa sarɩya a tɩŋ ba wʋbɔŋŋɔɔ wɩaa. Ba vɩamɛ nɛ, aŋ nyɩgɛ kʋsʋɔrʋsʋŋ pɩpɩ vesiŋ a kpʋkpaarɛ vʋɩyaa ba tɩtɩa sɩ ŋaa.

JƐRƖMAAYA 11:13

Ma Juda nɩaa kɛŋ vʋɩyaa yʋga magɛ tasɩ-la ma sɩ kɛnɛ nɛ. Korunu-la ma sɩ saa dɩ ma nyɩgɛ kʋsʋɔrʋsʋŋ pɩpɩ ma hɩɩsɛ vene-la ba sɩɩ yɩrɛ Baal ma yʋga nɛ a magɛ Jerusalɛm womporunuŋ.’

JƐRƖMAAYA 11:17

Mɩ-na ma TƖƖNA, doluŋ kala Tɩɩna sɩ leŋe ma hɛ nɩmɛ, bʋla arɩ wʋlɔrʋŋ jaŋ jʋʋma, bɛɛ wɩaa ma Iziral arɩ ma Juda nɩaa ŋaa wʋbɔŋŋɔɔ nɛ a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a ŋaa mɩ baanɩŋ sii.”

JƐRƖMAAYA 13:10

Nɩbɔŋŋɔɔ deemba sɩ vɩa dɩ ba jegile nɩɩ mɩ wɩaa, nɩalɩŋ sɩɩ to ba nyuduoŋ harɩŋ, a kire tuto vʋɩyaa harɩŋ a tɩma pɩpɩba a kpʋkpaarɛba jaŋ nagɛ tɩŋgɛnnɛ deeŋ. Ba jaŋ chei a chaasa ŋaa nɩpɛɩba.

JƐRƖMAAYA 18:15

Ama mɩ nɩaa yʋ mɩ wɩaa nɛ. Ba nyɩgɛ kʋsʋɔrʋsʋŋ a pɩpɩ tɔŋŋɔɔ sɩ ŋaa kʋpɛɩba nɛ. Tɔmɔ-la nɛ leŋe ba titel ba wʋŋaalaa lɛ, a bɩ wombii-bɩnɩa-la ka to. Tɔmɔ-la leŋe ba vɩvɛŋ wombiee ba sɩ vɩa ta lɛ nɛ, wombiee ba sɩ bɩ wasa.

JƐRƖMAAYA 19:4

Ba vɩamɛ nɛ aŋ kɛŋ leriŋ deeŋ bɩrɩmɛ vesiŋ lee. Ba kpʋ pʋsʋŋ a nyɩga pɩ vesiŋ ba-na koo ba naabalɩmaba koo Juda kuoroo ha sɩ bɩ jɩŋ. Ba kpʋ nɩaa sɩ bɩ wɩɩ cheye nɛ a chei leriŋ deeŋ kala.

JƐRƖMAAYA 32:29

Babɩlɔŋ tɩmma-la sɩɩ yuo tabalɩŋ deeŋ jaŋ kʋ jʋʋ joŋ nyiniŋ hɛʋ. Ba jaŋ nyɩgʋ dɩ ʋ dii tel, a pɛ dɩɩsɩ-la nɩaa sɩ kaa ŋaa wɩaa mɩ baanɩŋ sii lɛ. Dɩɩsɩ-la nyuŋ nɛ ba nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal, aŋ pɛ ŋaa kʋnyʋalaa Wɩɩsʋlʋŋ ma aa pɩ vesiŋ.

JƐRƖMAAYA 44:3

a tɩŋ wʋbɔmɔ-la ba sɩ ŋaa wɩaa. Ba leŋe mɩ baanɩŋ sii ba nyuŋ nɛ ba sɩ nyɩgɛ kʋsʋɔrʋsʋŋ a kpʋkpaarɛ vesiŋ, ba-na koo ma-na koo ma naabalɩmaba sɩ bɩ jɩŋ.

JƐRƖMAAYA 44:8

Bɛɛ nɛ tɩɩ ma kɛŋ kɩalɩŋ ma tɩtɩa sɩ ŋaa a leŋ mɩ baanɩŋ sii, ma sɩ nyɩgɛ kʋsʋɔrʋsʋŋ a pɩpɩ Ijipiti vesiŋ lee-la ma sɩ kʋ hɔŋ? Ma jaŋ chei ma tɩtɩa, dɩ dʋnɩa tinteyee kala nɩaa sisieri ma lɛ, a kɛŋ ma yɩrɩŋ ŋmɩɛsa hɩhɛ nɩaa lɛ.

JƐRƖMAAYA 44:9

Ma yʋ wʋbɔmɔ-la kala ma naabalɩmaba sɩ ŋaa nɛɛ? Wʋbɔmɔ-la ma Juda kuoroo arɩ ba haalaa, ma tɩtɩa arɩ ma haalaa sɩ ŋaa Juda arɩ Jerusalɛm womporunuŋ lɛ nɛɛ?

JƐRƖMAAYA 48:35

Mʋab tinteeŋ lɛ, mɩ jaŋ dɛrɛ nɩalɩŋ sɩɩ kpaarɛ vʋɩya vesiŋ dɩ-kpaaraa a nyɩgɛ kʋsʋɔrʋsʋŋ pɩpɩ ba vesiŋ. Mɩ-na ma TƖƖNA nɛ bʋla.

JƐRƖMAAYA 5:2

Ba yie bʋl, ‘La ŋmɩɛsɛ La TƖƖNA sɩ weye,’ aŋ ha nyɩɛ wɩaa a ŋmɩŋmɩɛsɛ.”

JƐRƖMAAYA 5:7

LA TƖƖNA sɩ, “Bɛɛ nɛ tɩɩ mɩ jaŋ joŋo chɛma? Ma biiriŋ vɩamɛ nɛ aŋ ŋmɩŋmɩɛsɛ vesiŋ sɩ ŋaa kʋpɛɩba. Mɩ pɩba kɩalɩŋ kala ba sɩɩ chɛ nɛ, ka ba ha ŋɩŋaa bachɔrʋŋ wɩaa, a yie pʋɔla mʋmʋ hachɔrʋmɔɔ dɩɩsɩŋ.

JƐRƖMAAYA 7:6

dɩ ma nɛ bɩ nʋhʋɔraa, biisinsiŋ arɩ yo-haalaa ka wʋrʋgɛ, a bɩ nɩaa sɩ bɩ wɩɩ cheye maa kpʋ tinteeŋ deeŋ lɛ, a bɩ vesiŋ sɩ jaŋ ŋaama wʋbɔŋ harɩŋ ka to,

ƐZƖKƖƐL 18:18

Ama ʋ nyɩmma tɩtɩa nɛ jaŋ sʋʋ a tɩŋ ʋ wʋbɔŋŋɔɔ wɩaa, bɛɛ wɩaa ʋ nɛ gɩrɩmɛ nɩaa a kɛŋ ʋ naambiiriŋ kɩaa laa arɩ doluŋ, a ŋaa wɩalɩŋ sɩ bɩ zɔŋ ʋ nɩaa tʋɔŋ.

ƐZƖKƖƐL 20:30

Ŋɩɩ wɩaa, bʋla pɩ Iziral tɩŋŋaa, ‘Wɩɩ-la mɩ-na ma TƖƖNA Wɩɩjarɩbakɔ sɩ pɩɛsa nɛ ŋ-la: Ma ma jaŋ cho dɩ ma ŋaa disiniŋ hɛ ma tɩtɩa lɛ arɩ ma naabalɩmaba fa sɩ kpaarɛ ba tɔŋŋɔɔ sɩ ŋaa disiŋ kɩa a kɛŋ disiniŋ ŋɩɩ?

ƐZƖKƖƐL 23:39

Tapʋlɩɩ-la tɩtɩa ba sɩ kɛsɛ ba biiriŋ kpʋ nyɩga pɩ ba tɔŋŋɔɔ nɛ ba jʋʋ mɩ dɩɩ-bal-la a ŋaa disiniŋ cheyu. Wɩɩ-la ba sɩ ŋaa mɩ dɩa lɛ nɛ ŋɩɩ.

ƐZƖKƖƐL 5:11

Ŋɩɩ wɩaa, mɩ-na ŋ TƖƖNA Wɩɩjarɩbakɔ ŋmɩɛsa nɛ, a tɩŋ ŋ sɩ ŋaa wʋkɩsɩa-la a kɛŋ tɔŋŋɔɔ sɩ ŋaa disiŋ kɩa kʋ jʋʋ mɩ dɩa a leŋ ʋ kɛŋ disiniŋ, mɩ jaŋ lɩɩsɛ mɩ nɩsɩŋ ŋ lɛ, mɩ bɩ jaŋ fá ŋ nenige, mɩ jaŋ dɔgʋsʋŋ.

HOSIA 2:13

Mɩ jaŋ dɔgʋsʋ a tɩŋ tapʋlɩa-la ʋ sɩ nyɩgɛ kʋsʋɔrʋsʋŋ a pɩ vene-la ba sɩɩ yɩrɛ Baal. Ʋ fa kpɩɛrɛ ʋ tɩtɩa nɛ a joŋ nenii-pɩraa arɩ banzɔlɔba hɛ a kire to ʋ hɩɩlaba harɩŋ aŋ yʋ mɩ wɩaa. Mɩ-na ma TƖƖNA nɛ bʋla.

HOSIA 6:9

A nagɛ wɛŋ-boruroo sɩ yie faa a gbɛrɛ nɩaa ŋɩɩ, ŋɩɩ nɛ Wɩɩsʋllɩ sɩpaalaaraa ma yie hɛ dɔŋɔ lɛ a ŋɩŋaa. Ba yie kpʋ nɩaa Sɛkɛm wombiiŋ lɛ a ŋaa wʋbɔŋŋɔɔ sɩ kɛŋ hɩɩsɩŋ.

AMƆS 4:5

Má nyɩgɛ boroboro-la sɩ kɛŋ sɩbʋrʋŋ a sʋl Wɩɩsʋlʋŋ, a kɛŋ ma tʋɔtɔrɛ Wɩɩsʋlʋŋ kɩaa ma sʋl Wɩɩsʋlʋŋ aŋ ŋmoo ma bɔɩsɩŋ lɛ. Wʋbɔmɔ-la ma Iziral tɩŋŋaa sɩ cho dɩ maa ŋaa nɛ ŋɩɩ. Mɩ-na ma Tɩɩna Wɩɩjarɩbakɔ nɛ bʋla.

ZEFANAAYA 1:5

Mɩ jaŋ chei nɩalɩŋ sɩ yie jɩl lusuŋ a kpirime chʋɔlɛ wɩɩpɔsʋŋ, chɛnɛ arɩ chɛnwʋlaa, arɩ nɩalɩŋ sɩ yie kpirime chʋɔlɛ mɩ-na ba TƖƖNA a ŋmɩɛsɛ mɩ yɩrɩŋ lɛ, aŋ ha bɩra ŋmɩŋmɩɛsɛ vene-la ba sɩɩ yɩrɛ Mɔlɛk ma yɩrɩŋ lɛ.

MALAKAƖ 3:5

La TƖƖNA doluŋ kala Tɩɩna sɩ, “Mɩ jaŋ kɔ a guu dii ma sarɩya. Mɩ jaŋ guu dagɛ nɩaa deemba wʋcheelee. Nɩalɩŋ sɩɩ ŋaa chichiribi wɩaa, nɩalɩŋ sɩɩ ŋaa wʋlɩɩlɩŋ, nɩalɩŋ sɩɩ nyɩɛ wɩaa sarɩya dɩ-diiliŋ arɩ nɩalɩŋ sɩɩ gʋrɛ ba tɩntɩnnaa, nɩalɩŋ sɩɩ dɔgɩsɛ yo-haalaa arɩ biisinsiŋ koo a gʋgʋrɛ nɩwogusuŋ. Nɩaa deemba kala bɩ mɩ ka fá.

Rom Tɩŋŋaa 2:2

Wɩa sɩ joŋ cheeriŋ pɩ ma nɩalɩŋ sɩɩ ŋaa wʋbɔŋŋɔɔ deemba, la jɩma arɩ ʋ kɛŋ wʋtɩtɩɩ nɛ.

MOSIS BƖRA WULLI WƖA WOMBIIŊ 32:17

Ma vɩa Wɩa nɛ aŋ tuto jɩŋ-bɔŋŋɔɔ, a kpʋkpaarɛ veŋ-falɩa-la ma sɩ bɩ jɩŋ, Vesi-la ma naabalɩmaba sɩ bɩ fá.

Jɔɔŋ Wʋnaalaa 21:8

Ama nɩalɩŋ sɩ ŋaa fawʋlʋba, arɩ nɩalɩŋ sɩ bɩ Wɩa wɩaa laa dii, arɩ disiŋ ŋaaraa, arɩ nɩkpʋʋraa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ ŋaa chichiribi wɩaa, arɩ vʋɩ-kpaaraa, arɩ nɩalɩŋ kala sɩɩ nyɩɛ wɩaa, ba jaŋ jʋʋ nyiniŋ sɩɩ dii a nagɛ jiribiiŋ tʋɔŋ. Sʋʋ bʋlɩa-la nɛ ŋɩɩ.”

Jɔɔŋ Wʋnaalaa 22:15

Ama nɩbɔŋŋɔɔ jaŋ chɩŋ taŋ-la jeeŋ harɩŋ. Nɩalɩŋ wʋŋaalaa sɩ nagɛ vasɩŋ, arɩ nɩalɩŋ sɩɩ ŋaa chichiribi wɩaa, arɩ nɩalɩŋ sɩɩ ŋaa wʋlɩɩlɩŋ, arɩ nɩalɩŋ sɩɩ kpʋ nɩaa, arɩ vʋɩ-kpaaraa, arɩ nɩalɩŋ kala sɩ cho wʋnyɩɛrɩŋ aa nyɩɛ wɩaa, ba kala jaŋ chɩŋ taŋ-la jeeŋ harɩŋ.

SƖPAALAARAA 5:8

Iziral tɩŋŋaa sɩ kʋʋ to vesiŋ, laalɩŋ kʋ jʋʋba nɛ. Iziral nɩaa bʋɩ mahɩŋ balɩa tʋɔŋ, hɔɔtaalɩ-la laalɩyuoroo sɩ kaa kɛrɛɛ laa bayuori hɛŋŋɛɛ koo timiŋ kʋbala ma fa tuo ba teeŋ.