JƐRƖMAAYA 7:3 - WƖA TENIŊ

³ Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa bɩra sɩ bʋla nɛ ŋ-la: Má bɩrɩma lɩɩ ŋɩɩ ma sɩ naga lɛ a joŋ wɩalɩŋ ma sɩɩ ŋaa ta, ka dɩ mɩ leŋ dɩ ma hɔŋ daha.

JƐRƖMAAYA 7:3 Iomraidhean Croise

2 KUOROO 17:13

La TƖƖNA fa to ʋ wʋlaabʋllaa arɩ ʋ sɩɩnaaraa lɛ nɛ a bʋl ŋ-la a chagɩlɛ Iziral tɩŋŋaa arɩ Juda nɩaa kala, “Má bɩrɩma lɩɩ wʋbɔŋŋɔɔ ŋaanɩŋ lɛ. Má to mɩ wombiee arɩ wɩalɩŋ mɩ sɩ dagɛ ma naabalɩmaba dɩ ba to, arɩ mɩ niiŋ wɩalɩŋ kala mɩ sɩ to mɩ tɩntɩnna-la sɩ ŋaa mɩ wʋlaabʋllaa lɛ a bʋla pɩma.”

ƐZƖRA 10:11

Lɛɛlɛ, má dagɛ wɩalɩŋ ma sɩ ŋaa chei a pɩ La TƖƖNA ma naabalɩmaba Wɩa aŋ ŋɩŋaa wɩalɩŋ ʋ sɩɩ chɛ. Má pɔrɛ ma tɩtɩa a lɩɩ nɩalɩŋ sɩ gollima tʋɔŋ arɩ tintee-wogusuŋ toloo-la ma sɩ jaa lɛ.”

NAMAGABA 28:13

Nɩɩ-la kala sɩ joŋ ʋ wʋbɔŋŋɔɔ faa, ʋ wɩaa bɩ sɩpaaŋ ka mʋ, ama nɩɩ-la kala sɩ suri ʋ niiŋ a dagɛ ʋ kɩaa aŋ vɩaba, Wɩa jaŋ fá ʋ nisusuŋ.

AZAAYA 55:7

Nɩbɔŋŋɔɔ, má leŋ wʋbɔmɔ-la ma sɩɩ ŋaa, aŋ bɩrɩmɛ ma tʋɔbɩɩnaa. Má mɩɩra kɔ ma TƖƖNA Wɩa teeŋ, ʋ jaŋ fá ma nenige aŋ joŋ ma wʋbɔŋŋɔɔ chɛma lɩma.

JƐRƖMAAYA 17:25

ŋɩɩ-na kuorusu-la sɩ jaŋ hɔŋ Devit kuoru kpasa nyuŋ arɩ ba tɩntɩnnɩ-hɩasɩŋ jaŋ to boi-baalaa deemba kʋ jʋʋ tabal-la. Ba dɩ ba tɩntɩnnɩ-hɩasɩŋ jaŋ jɩl janɩŋ arɩ janɩŋ torukoba a kʋ jʋʋ. Juda nɩaa arɩ nɩalɩŋ sɩ hɛ Jerusalɛm lɛ jaŋ hɔŋ tabalɩŋ deeŋ lɛ a kaa mʋ wuu.

JƐRƖMAAYA 18:11

Lɛɛlɛ bʋla pɩ Juda nɩaa arɩ ba nɩalɩŋ dɔnsʋŋ sɩ hɛ Jerusalɛm lɛ, ‘Wɩɩ-la mɩ-na ma TƖƖNA sɩ bʋla nɛ ŋ-la: Má bee na, mɩɩ bɩɩnɛ wɩɩ nɛ dɩ mɩ ŋaa ma lɛ. Wʋlɔrʋ nɛ mɩɩ bɩɩnɛ dɩ mɩ joŋo dɔgɩsɛma. Ŋɩɩ wɩaa má kʋŋkala bɩrɩma lɩɩ ma wʋbɔŋŋɔɔ lɛ. Ma bɩrɩmɛ ma mɛlɛ arɩ ma wʋŋaalaa.’

JƐRƖMAAYA 18:8

dɩ tintee-la nɩaa mɩ sɩ bʋl ŋɩɩ pa nɛ bɩrɩma lɩɩ ba wʋbɔŋŋɔɔ lɛ, ŋɩɩ-na mɩ jaŋ lemba, mɩ bɩra bɩ jaŋ joŋ wʋlɔrʋŋ hɛ ba lɛ arɩ mɩ sɩ bɩɩnɛ ŋɩɩ.

JƐRƖMAAYA 26:13

Lɛɛlɛ, má bɩrɩmɛ ma mɛlɛ arɩ ma wʋŋaalaa aŋ to ma TƖƖNA Wɩa niiŋ. Dɩ ma nɛ ŋaa ŋɩɩ, La TƖƖNA jaŋ kɛŋ ʋ tʋɔbɩɩnaa bɩrɩmɛ, ʋ bɩra bɩ jaŋ kɛŋ wʋlɔrʋ-la wɩaa ʋ sɩ bʋla kʋ hɛ ma lɛ.

JƐRƖMAAYA 35:15

Mɩ tɩŋ mɩ wʋlaabʋllaa kala ma teeŋ nɛ bʋlɩa bʋlɩa. Ba bʋla pɩma, ‘Ma kʋŋkala maga ma bɩrɩma lɩɩ ma wʋbɔŋŋɔɔ lɛ nɛ, a bɩrɩmɛ ma wʋŋaalaa. Má sɩ́ vesiŋ to, dɩ ma nɛ ŋaa ŋɩɩ, ma jaŋ hɔŋ tintee-la mɩ sɩ joŋo pɩ ma dɩ ma naabalɩmaba lɛ.’ Ama ma bɩ jegile nɩɩ mɩ teeŋ koo a kaa tɩŋ.

JƐRƖMAAYA 35:16

Rekab nanʋala Jonadab doho nɩaa kɛŋ wɩɩ-la ba naabalɩma sɩ bʋla pɩba kaa tɩŋ nɛ, ama nɩaa deemba bɩ mɩ niiŋ to.

JƐRƖMAAYA 4:1

La TƖƖNA sɩ, “Iziral tɩmma, dɩ ma nɛ jaŋ mɩɩra kɔ mɩ teeŋ, má mɩɩra kɔ. Dɩ ma nɛ joŋ ma vʋɩya-la mɩ sɩɩ kɩsʋ ta a bɩra bɩ wɩalɩŋ sɩ leŋe ma yeŋŋi ka to,

JƐRƖMAAYA 6:16

Wɩɩ-la La TƖƖNA sɩ bʋla nɛ ŋ-la: “Má chɩŋ wɛŋ-chɛŋŋɛɛ lɛ aŋ beŋ, má pɩɛsa chɛ a jɩŋ wombii-bɩnɩa-la, má pɩɛsa na lee-la wombii-zɔŋ-la sɩ hɛ, a tou, dɩ ma dɩnsɩŋ na wiese. Ama ma sɩ, ‘La bɩ jaŋ tou.’

Jeems 4:8

Má sʋrɩsa mʋ kpagɛ Wɩa, ʋ ma jaŋ kʋ kpagɛma. Má sɔŋ ma nɩsaa lɩɩsɛ wʋbɔŋŋɔɔ ŋaanɩŋ lɛ, a pʋllɛ ma tʋɔŋ, a bɩra sɩ́ tʋɔbɩɩŋ lɔrʋnʋŋ bɩɩnʋ, bɛɛ wɩaa ma kɛŋ tʋɔbɩɩnaa balɩa balɩa nɛ.