JƐRƖMAAYA 5:4 - WƖA TENIŊ

⁴ Mɩ fa bʋl mɩ tʋɔŋ lɛ: Nɩaa deemba ŋaa summo nɛ, ba ŋaa nɩyaara nɛ. Ba bɩ La Tɩɩna wombiiŋ jɩŋ. Ba bɩ wɩalɩŋ ba Wɩa sɩɩ chɛ jɩŋ.

JƐRƖMAAYA 5:4 Iomraidhean Croise

AZAAYA 27:11

Dɩ tɩɩsɩ-la naakelee nɛ hɩla a boro tel, haalaa yie paa mʋ hɛ nyiniŋ nɛ. Nɩaa deemba bɩ wɩɩkala jɩŋ, ŋɩɩ nɛ tɩɩ Wɩa sɩ ŋaaba bɩ ba nenige fá ŋɩɩ a bɩ ba lɛ pɛ.

AZAAYA 29:12

Koo dɩ ma nɛ joŋ teŋ-la pɩ nɩɩ-la sɩ bɩ karɩmɩŋ jɩŋ, aŋ bʋla pʋ, “Laa sʋlʋŋ karɩmɛ wɩɩŋ deeŋ pɩla,” Ʋ jaŋ bʋl, “Mɩ bɩ karɩmɩŋ jɩŋ.”

JƐRƖMAAYA 10:8

Ba kala ŋaa nɩaa sɩ chʋʋla arɩ nɩyaaraa nɛ. Daasɩŋ ba sɩ kaa ŋaa vʋɩyaa sɩ ŋaa kʋpɛɩba nɩɩ dagɛba wɩaa.

JƐRƖMAAYA 4:22

La TƖƖNA sɩ, “Mɩ nɩaa yaara nɛ, ba bɩ mɩ jɩŋ. Ba ŋaa hambii chʋʋlʋ nɛ, ba bɩ wɩaa bʋbʋɔŋ jɩŋ. Ba kaasɛ wʋbɔŋŋɔɔ ŋaanɩŋ lɛ nɛ woruŋ, ama ba bɩ wʋzɔmʋŋ ŋaanɩŋ jɩŋ.”

JƐRƖMAAYA 7:8

Ama, ma bee na, ma mɩɩra joŋ ma yɩɛlaa hɛ ŋɩɩ ba sɩɩ nyɩsɛma lɛ nɛ, ʋ bɩ jaŋ pɛ ma lɛ.

JƐRƖMAAYA 8:7

Naliiribommie sɩɩ fil wɩa-nyuŋ ma paala jɩŋ yibiiniŋ arɩ tafaaŋ bʋa nɛ. Kokosuŋ, zaarɩ-kokobiisiŋ arɩ chakpoliba ma paala jɩŋ bʋa-la lɛ ba sɩ yie gɔllɔ mʋ leree nɛ. Ama mɩ nɩaa-na bɩ wɩalɩŋ mɩ-na ba TƖƖNA sɩɩ chɛ jɩŋ.

JƐRƖMAAYA 9:3

Ŋɩɩ nɛ La TƖƖNA bʋl, “Ba kɛŋ ba tɩtɩa nɛ a nagɛ toŋ ba sɩ lɛrɛ hɛ, baa chɛ dɩ ba nyɩɛ wɩaa nɛ. Ba wʋtɩtɩɩ dee bɩ leŋe ba kɛŋ doluŋ tintee-la lɛ. Ba wʋbɔŋŋɔɔ ŋaanɩŋ lɩa aŋ ka pɩpɩ dɔŋɔ nɛ. Ba bɩ mɩ kaa tɩtɩŋ.

HOSIA 4:6

Wɩaa jaŋ chei mɩ nɩaa a tɩŋ ba sɩ bɩ mɩ jɩŋ. Ma sɩ vɩa dɩ ma jɩmmɛ ŋɩɩ, mɩ ma vɩama nɛ arɩ ma ŋaa Wɩɩsʋllɩ sɩpaalaaraa. Ma sɩ vɩa mɩ wombii-la mɩ sɩ bile dɩ ma tuto ŋɩɩ, mɩ ma jaŋ vɩa ma biiriŋ.

Matiu 11:5

Nyʋlɩmaa sɩaa ka suri nɛ, gbɛrɩgɛɛ vɩvɛŋ, gbegisiŋ ma duduori. Taŋŋaa nɩnɩɩ wɩaa, nɩalɩŋ sɩ sʋba sisii sʋʋŋ lɛ. Summoo ma wuo nɩnɩɩ Wɩa wʋzɔŋŋɔɔ.