JƐRƖMAAYA 5:1 - WƖA TENIŊ

¹ La Tɩna sɩ, “Joŋ Jerusalɛm womporunuŋ kala gɔllɛ, beŋ ba kala lɛ fii a gollo bala na, nyilimi ba dɩ-hɔnɔɔ kala. Dɩ ŋ nɛ na nɩbala ma sɩɩ ŋaa wɩaa ba bʋa lɛ a chɩchɛ wʋtɩtɩɩ, mɩ jaŋ joŋo chɛ tabal-la nɩaa.

JƐRƖMAAYA 5:1 Iomraidhean Croise

1 KUOROO 19:10

Ʋ bʋl, “Mɩ TƖƖNA, doluŋ kala Tɩɩna, mɩ hɛ mɩ doluŋ kala nɛ a toŋ. Ama Iziral tɩŋŋaa vɩa nii-la sɩ hɛ ŋ dɩ ba pɛgɛ nɛ, aŋ ŋmoo ŋ korunuŋ lo, a kpʋ ŋ wʋlaabʋllaa. Mɩ dʋndʋŋa nɛ ka, lɛɛlɛ baa nɛrɩgɛ dɩ ba kpʋ mɩ ma nɛ.”

2 IZIRAL TƖŊŊAA NAABARƖŊ 16:9

La TƖƖNA sɩaa hɛ dʋnɩa lɛ nɛ a bee chɩchɛ nɩalɩŋ sɩɩ tou arɩ ba tʋɔŋ kala dɩ ʋ pɩba doluŋ. Nɩyaarɛ wɩɩ nɛ ŋ ŋaa ŋɩɩ. A chɩŋ lɛɛlɛ kaa mʋ ŋ dɩ laalɩŋ puu dɔŋɔ nɛ.”

WƖA YƖƖLAA 12:1

Mɩɩ sʋlʋŋ mɩ Tɩɩna, pɛ mɩ lɛ. Nɩalɩŋ fa sɩɩ fáŋ kʋŋ bɩra tuo, wʋtɩtɩɩ tɩŋŋaa bɩra tuo.

WƖA YƖƖLAA 14:2

La Tɩɩna hɛ ʋ jaŋ lɛ nɛ aŋ beŋ dɩ ʋ na wʋjɩnnʋ hɛ tinteeŋ lɛ a ŋaa wɩaa chɩchɛ dɩ ʋ jɩmʋ.

WƖA YƖƖLAA 14:3

Ama nʋʋkala joŋ harɩŋ yɩa Wɩa nɛ a ŋaa nɩa sɩ cheye. Nɩbala ma paala tuo a ŋɩŋaa wʋzɔŋŋɔɔ.

WƖA YƖƖLAA 94:16

Kʋbɛɛ nɛ jaŋ sii chɩŋ mɩ harɩŋ dɩ la yuo nɩbɔŋŋɔɔ? Kʋbɛɛ nɛ jaŋ chɩna pɛ mɩ lɛ dɩ la yuo wʋbɔŋ ŋaaraa?

NAMAGABA 20:6

Nɩ-daŋ nɛ yie bʋl arɩ ba kɛŋ chono-la sɩ bɩ dɛrɛ nɛ, ama kʋbɛɛ nɛ jaŋ wuo chaasa na nɩɩ-la sɩ kɛŋ wʋtɩtɩɩ?

NAMAGABA 23:23

Chɛ wʋtɩtɩɩ, a sɩ́ joŋo yallɛ. Chɛ wʋjɩmɩŋ a sɛɩ dɩ ba kɛnɩŋ tʋrɛ, arɩ ŋɩɩ ŋ sɩ jaŋ to jɩŋ wɩaa sɩaa.

NAMAGABA 8:3

Ʋ chɩŋ taŋ-la boi-baalɩŋ lɛ nɛ, lee-la nʋʋkala sɩ to jʋjʋʋ taŋ-la, nɩmɛ nɛ ʋ hɛ a ŋɩŋaa goŋ a bʋl,

SOLOMOŊ YƖƖL-SƖMƖŊ 3:2

Mɩ sɩ mɩ jaŋ sii lɛɛlɛ a jʋʋ tabal-la tʋɔŋ, a to ʋ womporunuŋ arɩ ʋ taŋ nɩaa dɩ-hɔnɔɔ. Mɩ sɩ mɩ jaŋ chɛ kɛŋ nɩɩ-la mɩ sɩ cho. Ŋɩɩ nɛ mɩ sii bee chɛʋ, ama mɩ bɩ ʋ na.

AZAAYA 59:4

Dɩ ma nɛ mʋ wɩaa dɩ-bʋlʋŋ, nʋʋkala bɩ wʋtɩtɩɩ ka bʋl. Ma yie nyɩɛ wɩaa nɛ a laa kʋsɩŋŋaa, aŋ yigi ma dɔnsʋŋ tɩŋŋaa a hɛ wɩaa lɛ.

JƐRƖMAAYA 2:29

Wʋbɛɛ nɛ ma kɛŋ dɩ ma bʋl mɩ teeŋ? Ma kala vɩamɛ nɛ. Mɩ-na ma TƖƖNA nɛ bʋla.

JƐRƖMAAYA 44:15

Ŋɩɩ nɛ baala-la kala sɩ jɩma dɩ ba haalaa ka nyɩgɛ kʋsʋɔrʋsʋŋ pɩpɩ vesiŋ arɩ haala-la kala sɩ hɛ nɩmɛ, ba fa yʋga nɛ woruŋ, arɩ nɩalɩŋ kala sɩ hɛ Ijipiti sɛmɛ-la sɩ hɛ bʋbʋɔŋ arɩ sɛmɛ-la sɩ hɛ nyuŋ bʋla pɩ Jɛrɩmaaya,

JƐRƖMAAYA 8:6

Mɩ-na chaasa jegili ba teeŋ nɛ woruŋ, ama ba bɩ wɩaa ka bʋl ba bʋɔsʋŋ lɛ. Nʋʋkala bɩ bɩrɩma lɩɩ ʋ wʋbɔŋŋɔɔ ŋaanɩŋ lɛ, a pɩɛsɛ, ‘Wʋbɛɛ nɛ mɩ ŋaa?’ Nʋʋkala ka ŋaa wɩɩ-la ʋ sɩ cho nɛ, a nagɛ jaaba sɩ tʋɔra mʋmʋ laalɩŋ.

JƐRƖMAAYA 9:2

Mɩ fa cho dɩ mɩ kɛŋ lee nɛ tintee-hɩlɩŋ lɛ nʋhʋɔraa sɩ jaŋ kʋ jʋjʋʋ, dɩ mɩ lɩɩ mɩ nɩaa tʋɔŋ a fá mʋ hɛ nɩmɛ, a kagɛ ba lɛ. Ba kala ka ŋaa wʋchɔrʋmɔɔ nɛ. Ba ŋaa nɩ-daŋ nɛ, ba bɩ wʋtɩtɩɩ kɛnɛ Wɩa teeŋ.”

JƐRƖMAAYA 9:7

Ŋɩɩ wɩaa, wɩɩ-la La TƖƖNA, doluŋ kala Tɩɩna sɩ bʋla nɛ ŋ-la: “Mɩ jaŋ joŋ nyiniŋ hɛ ba lɛ a magɩsɛba na a lɩɩsɛ ba disiniŋ ta a nagɛ ba sɩ yie joŋ hɔpʋla hɛ nyiniŋ lɛ a lɩɩsɛ disiniŋ ŋɩɩ. Wʋbɛɛ nɛ mɩ jaŋ bɩra wuo ŋaa a tɩŋ mɩ nɩaa wʋbɔŋŋɔɔ wɩaa?

ƐZƖKƖƐL 22:30

Mɩ beŋ ba tʋɔŋ a chɩchɛ nʋʋ sɩ jaŋ saa jeeŋ a chɩŋ mɩ sɩpaaŋ wuol-la sɩ hɛ mɩ dɩ ba pɛgɛ lɛ, a pɔ tintee-la dɩ mɩ sɩ́ ʋ chei, ama mɩ bɩ nʋʋ na.

ƐZƖKƖƐL 9:9

Ŋɩɩ nɛ Wɩa bʋl, “Iziral arɩ Juda nɩaa chaasa ŋaa wʋbɔŋ bal nɛ, ba kpʋ nɩaa yʋgɛ nɛ tintee-la lɛ, ka Jerusalɛm kala su arɩ wʋbɔŋŋɔɔ ŋaanɩŋ. Ba yie bʋl, ‘La TƖƖNA vɩa la tinteeŋ ta nɛ, ʋ bɩ laa na.’

DANƖƐL 12:4

Ŋ-na Danɩɛl, sɩ́ wɩaa deemba bʋla pɩ nʋʋkala. Kɛŋ teŋ-la tɔ a joŋ kʋa magɩlɛ a kaa mʋ yi dʋnɩa dɩdɛrɩŋ. Nɩaa jaŋ yʋgɛ a lɩɩ daha a mʋ daha a chɩchɛ dɩ ba wʋjɩmɩŋ pʋŋa pɛ.”

JOWƐL 2:9

Ba yie fá mʋ tabal-la lɛ, a jɩl ʋ jeeŋ a jʋʋ ʋ tʋɔŋ. Ba yie to tokoroba a jʋʋ dɩɩsɩŋ a nagɛ gaaraa.

AMƆS 8:12

Ma jaŋ gɔllɛ lee-kala, a chɩchɛ dɩ ma nɩɩ mɩ-na ma TƖƖNA niiŋ wɩaa, a chɩŋ wɩɩpɔsʋŋ nagʋa dɩɩrɩŋ a mʋmʋ wɩɩpɔsʋŋ dɩɩrɩŋ, a gɔllɛ tinteeŋ kala, ama ma bɩ jaŋ nɩɩ.

ZƐKARƖYA 2:4

a bʋla pʋ: “Fá mʋ bʋla pɩ bapʋɔsɩ-bie-la, ‘Jerusalɛm jaŋ ŋaa tabal kɛrɩsɩŋ sɩ bɩ gollo, a tɩŋ nɩaa arɩ pʋsʋŋ sɩ jaŋ faasa yʋgɛ ʋ lɛ wɩaa.

Luuk 14:21

Ŋɩɩ nɛ tɩntɩnnʋ-la mɩɩra mʋ bʋla pɩ ʋ kʋhɩaŋ-la. Ʋ sɩ nɩɩ ŋɩɩ, ʋ baanɩŋ sii kɩŋkɛŋ. Ŋɩɩ nɛ ʋ bɩra bʋla pʋ, ‘Lɩɩ mʋ wombiiŋ niiŋ lɩma arɩ jaŋ tʋɔŋ wombii-biisiŋ a yɩrɛ summoo arɩ gbɛrɩgɛɛ arɩ nyʋlɩmaa, arɩ nɩalɩŋ naasɩŋ arɩ nɩsaa sɩ sʋba.’

2 Tɛsalonaaka Nɩaa 2:10

Ʋ jaŋ kɛŋ wʋbɔŋ-na kala kaa kɔ a nyɩsɛ nɩalɩŋ sɩ jaŋ lɛl, bɛɛ wɩaa ba vɩa dɩ ba cho wʋtɩtɩɩ nɛ dɩ Wɩa laaba ta.