JƐRƖMAAYA 4:8 - WƖA TENIŊ

⁸ Ŋɩɩ wɩaa, má laalɛ tʋɔ-chei gɛnnɩŋ a ta jembiee yel woruŋ, bɛɛ wɩaa La TƖƖNA baaŋ-la sɩ faasa sii la nyuŋ ha bɩ fɩɛla.

JƐRƖMAAYA 4:8 Iomraidhean Croise

WƖA YƖƖLAA 78:49

Wɩa fa chaasa na baanɩŋ nɛ Ijipiti tɩŋŋaa nyuŋ woruŋ. Ʋ yaraa hosi ba nyuŋ, ŋɩɩ leŋ ʋ ŋaa ʋ tɩndaaraa kʋ tuu cheiba kɩŋkɛŋ.

AZAAYA 10:4

Wɩɩkala bɩ jaŋ laama, ba jaŋ kpʋma koo a kɛsɛma dɩ ma ŋaa nɩa ba sɩ kaa tɔ bɩnɩŋ dɩa. Wɩaa deemba kala jaŋ ŋaa ma lɛ, ama La TƖƖNA baanɩŋ ha bɩ jaŋ fɩɛlɛ. Ʋ ha jaŋ dɔgɩsɛma a pɛ.

AZAAYA 13:6

Má yel, bɛɛ wɩaa tapʋlɩɩ-la mɩ-na ma TƖƖNA doluŋ kala Tɩɩna sɩ jaŋ kɔ kpaga nɛ, mɩ jaŋ dii nɩaa sarɩya a chei leriŋ.

AZAAYA 22:12

La TƖƖNA doluŋ kala Tɩɩna yɩrɛma nɛ tapʋlɩɩ-la dɩ ma ŋmoo niiŋ a yiyel a fʋŋ ma nyusuŋ aŋ laalɛ tʋɔ-chei gɛnnɩŋ.

AZAAYA 32:11

Ma haala-la sɩ bɩɩna ma vɔgɔ nɛ, wɩɩkala ma sɩɩ chɛ lɛ, má leŋ dɩ fawʋllʋŋ kɛmma dɩ ma chichel. Má wuri ma gɛnnɩŋ aŋ paa tʋɔ-chei gɛnnɩŋ a vɔɔ ma tɩnsɩŋ.

AZAAYA 5:25

Ŋɩɩ wɩaa La TƖƖNA na baanɩŋ nɛ ʋ nɩaa nyuŋ, a kɛŋ ʋ tɩtɩa hɛ dɔŋɔ dɩ ʋ kpʋ ʋ nɩaa. Peelee jaŋ jigisi dɩ nɩaa sʋʋ a yieni a nagɛ nʋsʋrʋŋ sɩ pɩŋ womporoo lɛ. Wɩaa deemba kala jaŋ ŋaa ka ʋ baanɩŋ ha bɩ jaŋ fɩɛlɛ, ʋ ha kɛŋ ʋ tɩtɩa hɛ dɔŋɔ nɛ dɩ ʋ dɔgɩsɛ ʋ nɩaa.

AZAAYA 9:12

Siiria tɩŋŋaa sɩ hɛ wɩɩpɔsʋŋ dɩɩrɩŋ, arɩ Fɩlɩsɩtɩa tɩŋŋaa sɩ hɛ wɩɩjʋʋlʋŋ dɩɩrɩŋ, ba jaŋ yuo dii Iziral tɩŋŋaa. Wɩaa deemba kala jaŋ ŋaa, ama La TƖƖNA baanɩŋ ha bɩ jaŋ fɩɛlɛ, ʋ ha jaŋ dɔgɩsɛba a pɛ.

AZAAYA 9:17

Ŋɩɩ wɩaa, La TƖƖNA bɩ jaŋ leŋ dɩ ba-pʋɔsa-la kʋŋkala fori. Ʋ bɩ jaŋ fá biisinsiŋ arɩ yo-haalaa ma nenige, bɛɛ wɩaa ba kʋŋkala bɩ Wɩa ka fá, aŋ ŋɩŋaa wʋbɔŋŋɔɔ, a kala bʋbʋl wʋtɔɔnʋŋ. Wɩaa deemba kala lɛ, La TƖƖNA baanɩŋ ha bɩ jaŋ fɩɛlɛ, ʋ ha jaŋ dɔgɩsɛba a pɛ.

AZAAYA 9:21

Manasɛ arɩ Efirem nɩaa jaŋ gʋra yuyuo dɔŋɔ, ba balɩa-la ma jaŋ bɩra gbaara yuyuo Juda. Wɩaa deemba kala lɛ La TƖƖNA baanɩŋ ha bɩ jaŋ fɩɛlɛ, ʋ ha jaŋ dɔgɩsɛba a pɛ.

JƐRƖMAAYA 25:34

Ma sɩpaalaaraa, má ŋmoo niiŋ a yel. Ma nɩalɩŋ sɩɩ beŋ nɩaa, má bibilimi tinteeŋ. Bʋa-la lɛ ba sɩ jaŋ kpʋma yie nɛ. Ma jaŋ tel a pɩsɛ a nagɛ pupoiŋ sɩ munso.

JƐRƖMAAYA 30:24

La TƖƖNA baaŋ-la sɩ jaŋ chaasa sii bɩ fɩɛlɛ, see dɩ ʋ ŋaa wɩɩ-la kala sɩ hɛ ʋ tʋɔŋ lɛ. Tapʋlaa baŋmɛnɛ harɩŋ, ma jaŋ jɩŋ wɩɩŋ deeŋ bʋbʋɔŋ.

JƐRƖMAAYA 48:20

Hɩɩsɩŋ dii Mʋab nɛ, ʋ kala yagɩsɛ. Má ŋmoo niiŋ, a yel. Má chɩŋ Anɔŋ fuo-la leriŋ a heele bʋl arɩ ba chei Mʋab nɛ.

JƐRƖMAAYA 6:26

La Tɩɩna sɩ, “Mɩ nɩaa, má paa tʋɔ-chei gɛnnɩŋ laalɛ a bilimi tʋɔrʋŋ lɛ. Má chaasa yel, yel-haaŋ a nagɛ nʋʋ sɩ kɛŋ ʋ bii-bala ʋ sʋʋ. Ʋ bɩ jaŋ dieni ka dɩ nɩɩ-la sɩɩ chei leriŋ guu kɔ ma lɛ, a yuola.

JEMBIEE 1:12

Ʋ bɩ wɩɩ ŋaa ma nɩalɩŋ kala sɩ to lee-la bɩbal teeŋ? Má bee gollo na. Nʋʋ tuo ʋ hɛɛŋ nagɛ hɛɛ-la mɩ sɩɩ na, kʋ-la La TƖƖNA sɩ joŋo hɛ mɩ lɛ, tapʋlɩɩ-la ʋ baanɩŋ sɩ faasa sii.

ƐZƖKƖƐL 21:12

Nuhuobiiŋ, ŋmoo niiŋ a yel, mɩ nɩaa Iziral tɩŋŋaa arɩ ba sɩpaalaaraa nyuŋ nɛ tokobii-la kʋkɔ. Baa chɛ dɩ ba kpʋba nɛ, ŋɩɩ wɩaa paa ŋ nɩsaa chʋŋ ŋ nyuŋ lɛ.

ƐZƖKƖƐL 30:2

ʋ sɩ, “Nuhuobiiŋ, bʋl wɩaa mɩ doluŋ lɛ a bʋl, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: ‘Heele bʋl, tapʋl-bɔmʋŋ ka kɔ nɛ.’

JOWƐL 1:13

Wɩɩsʋllɩ sɩpaalaaraa, má laalɛ tʋɔ-chei gɛnnɩŋ a yel, má ŋmoo niiŋ, ma nɩalɩŋ sɩɩ tɩŋ Wɩɩsʋlʋŋ koru-la lɛ. Má kɔ, a laalɛ tʋɔ-chei gɛnnɩŋ tɩtaŋɩŋ kala, ma nɩalɩŋ sɩɩ tɩŋ La TƖƖNA sɩpaaŋ, bɛɛ wɩaa, mɩaa Wɩɩsʋlʋŋ arɩ kʋnyʋalaa Wɩɩsʋlʋŋ kɩaa bɩra tuo Wɩa dɩɩ-balɩŋ lɛ.

AMƆS 8:10

Mɩ jaŋ leŋ dɩ ma Wɩɩchʋɔlɛ gbielee kala bɩrɩmɛ yoho. Ma yɩɩlaa ma kala jaŋ bɩrɩmɛ yele. Ma jaŋ laalɛ tʋɔ-chei gɛnnɩŋ aŋ fʋŋ ma nyusuŋ a nagɛ nʋʋ sɩ lʋl ʋ hambolibii-bala ʋ sʋʋ ʋ yiyel. Tapʋlɩɩ-la dɩdɛrɩŋ jaŋ lɔrɛ.”

MƖKA 1:16

Juda tɩmma, má fʋŋ nyu-kpelliŋ aŋ yel ma bii-chooloo lɛ. Má kɛŋ nyu-kpelliŋ a nagɛ duuŋ, bɛɛ wɩaa ba jaŋ kɛsɛ ma biiriŋ mʋ yoŋ-baga.

NAMBABA 25:4

Ŋɩɩ nɛ La TƖƖNA bʋla pɩ Mosis, “Kɛsɛ Iziral tɩŋŋaa sɩpaalaara-la kala sɩ mʋ pɛ a kpʋkpaarɛ vene-la ba sɩɩ yɩrɛ Baal, a kpʋba wɩɩhɛyɛ mɩ-na ma TƖƖNA sɩpaaŋ. Dɩ ŋ nɛ ŋaa ŋɩɩ, mɩ-na ma TƖƖNA baaŋ-la sɩ faasa sii jaŋ fɩɛlɛ dɩ mɩ leŋ nɩkaana-la.”