JƐRƖMAAYA 4:7 - WƖA TENIŊ

⁷ Naachigiŋ sii ʋ dɩpɩnɩŋ nɛ a kʋ lɩɩ. Kʋ-la sɩɩ chei tinteyee sie nɛ. Ʋ lɩɩ ʋ leriŋ nɛ a kɔ dɩ ʋ chei ma tinteeŋ. Ma tasɩŋ jaŋ pɩŋ jikpeeniŋ, nɩaa jaŋ tuo ba lɛ.

JƐRƖMAAYA 4:7 Iomraidhean Croise

2 KUOROO 24:1

Jehoyakim kuoruŋ bʋa lɛ nɛ Babɩlɔŋ kuoro Nebukadineza kʋ yuo dii Juda tinteeŋ a kɛŋ Jehoyakim a fʋgʋ hɛ ʋ tou jɩsɩŋ batori. Ŋɩɩ harɩŋ lɛ nɛ ʋ vɩa Nebukadineza harɩŋ tonuŋ.

2 KUOROO 25:1

Ŋɩɩ nɛ Zedikaaya vɩa Babɩlɔŋ kuoro niiŋ. Ʋ sɩ dii kuoruŋ ʋ jɩsɩŋ nibi, chɛŋ fii, tapʋl fii lɛ Babɩlɔŋ kuoro Nebukadineza sii kɛsɛ ʋ laalɩyuoroo kala ba kʋ yuo Jerusalɛm. Ba fa ŋmoo buguŋ taŋ-la harɩŋ nɛ aŋ saa vaŋkumba a golli tabal-la jebiiŋ ba sɩ jaŋ to jʋʋ tabal-la tʋɔŋ.

AZAAYA 1:7

Maa beŋ nɛ ka nɩwogusuŋ kʋ yuo dii ma tabalaa a nyɩgɛ ma dɩɩsɩŋ, nʋhʋɔraa dii ma bagɩsɩŋ nɛ, ka ma tinteeŋ pɩŋ jikpeeŋ.

AZAAYA 5:9

La TƖƖNA doluŋ kala Tɩɩna nɛ bʋla pɩmɛ, “Wʋtɩtɩɩ, ma dɩɩ-balaa deemba jaŋ pɩŋ hoi, ma dɩɩ-zɔmɔ-la jaŋ pɩŋ jikpeeŋ.

AZAAYA 6:11

Ŋɩɩ nɛ mɩ pɩɛsɛ, “La TƖƖNA ɛɛ nɛ ŋɩɩ jaŋ diene magɛ?” Ʋ bʋl, “See dɩ ba tabalaa cheye a pɩŋ jikpeeŋ, dɩ nɩaa tuo ba lɛ dɩ ba dɩɩsɩŋ kala wuoli, dɩ ba bagɩsɩŋ ma kala pɩŋ kʋŋkʋlʋŋ.

JƐRƖMAAYA 2:15

Ma dʋndɔŋŋɔɔ ŋaa goŋ nɛ ma nyuŋ a nagɛ naachigee sɩ yele, ba chei ma tinteeŋ nɛ. Ma tasɩŋ kala nɛ nyiniŋ dii, ba lɩɩ vɩa ta.

JƐRƖMAAYA 22:6

Wɩɩ-la La TƖƖNA sɩ bʋla tɩgɛ Juda kuoro dɩa lɛ nɛ ŋ-la: “Arɩ ŋ sɩ zɔmɔ nagɛ Gɩlɩad tinteeŋ ma kala mɩ teeŋ, a nagɛ Lɛbanɔŋ peelee, mɩ jaŋ leŋ dɩ ŋ nagɛ tintee-hɩlɩŋ, a nagɛ tasɩ-la nɩaa sɩ́ bɩ jʋʋ.

JƐRƖMAAYA 22:7

Mɩ jaŋ joŋ nɩalɩŋ sɩɩ chei leriŋ a hɛ ma lɛ, nʋʋkala arɩ ʋ bayuori kɩaa. Ba jaŋ keri ma kuolo tɩɩ zɔŋŋɔɔ kala a joŋo hɛ nyiniŋ lɛ.

JƐRƖMAAYA 25:38

La Tɩɩna jaŋ sii a nagɛ naachigiŋ sɩ sii ʋ dɩpɩnɩŋ, a leŋ dɩ ba tinteeŋ pɩŋ hoi a tɩŋ laal-la sɩ jʋʋba arɩ La TƖƖNA sɩ faasa na baanɩŋ a dɔgɩsɛba wɩaa.

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 26:9

Bɛɛ nɛ tɩɩ ŋ bʋl wɩaa La TƖƖNA yɩrɩŋ lɛ, arɩ Wɩa dɩɩ-balɩŋ deeŋ jaŋ nagɛ Sɩlɔ, dɩ ba vɩa tabalɩŋ deeŋ ma ta dɩ ʋ pɩŋ hoi?” Ŋɩɩ nɛ nɩalɩŋ kala kʋ golli Jɛrɩmaaya La TƖƖNA dɩɩ-bal-la lɛ.

JƐRƖMAAYA 27:8

Dɩ tinteeŋ koo kuoru-gentine kala nɛ vɩa dɩ ʋ tɩma pɩ Babɩlɔŋ kuoro Nebukadineza koo a bɩ ba tɩtɩa joŋo hɛ ʋ nɩsɩŋ lɛ, mɩ jaŋ joŋ laalɩŋ, losuŋ arɩ nyanyal-bɔmʋŋ dɔgɩsɛ tintee-la nɩaa, aŋ to ʋ lɛ a kpʋ ba kala. Mɩ-na ma TƖƖNA nɛ bʋla.

JƐRƖMAAYA 33:10

Wɩɩ-la La TƖƖNA sɩ bʋla nɛ ŋ-la: “Ma bʋla a mʋ tɩgɛ leriŋ deeŋ lɛ, ‘Ʋ pɩŋ hoi nɛ, nɩaa arɩ pʋsʋŋ tuo.’ Arɩ ŋɩɩ kala, Juda tasɩŋ arɩ Jerusalɛm womporunu-la sɩ pɩŋ pɛɩ ŋɩɩ, nɩaa koo pʋsʋŋ tuo ba lɛ, nɩaa jaŋ bɩra nɩɩ

JƐRƖMAAYA 34:22

Mɩ-na ma TƖƖNA nɛ bʋla, mɩ jaŋ pa wombiiŋ, a kɛmba mɩɩra kɔ tabalɩŋ deeŋ. Ba jaŋ yuo laaʋ a nyɩgʋ dɩ ʋ dii tel. Mɩ jaŋ leŋ dɩ Juda tasɩŋ chei a pɩŋ, dɩ nʋʋkala sɩ́ wuo hɔŋ nɩmɛ.”

JƐRƖMAAYA 4:29

Dɩ ja-jɩllaa arɩ to-yuoroo nɛ kpɩa, taŋ kala nɩaa yie giŋ nɛ a fá lɩlɛl. Dɔnsʋŋ jʋʋ tɩɩ-lugunuŋ tʋɔŋ, ka dɔnsʋŋ ma fá jɩla jʋʋ bʋ-gɩraa tʋɔŋ. Ba yie fá vɩa tasɩ-la kala nɛ, nʋʋkala tuo ba lɛ.

JƐRƖMAAYA 44:2

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: “Ma na wʋlɔrʋ-la sɩ bɩ bana kɛnɛ mɩ sɩ kaa kʋ hɛ Jerusalɛm arɩ Juda tasɩŋ kala lɛ nɛ. Jɩnɩŋ tasɩ-la kala cheye nɛ a pɩŋ hoi

JƐRƖMAAYA 46:18

Mɩ-na ma TƖƖNA doluŋ kala Tɩɩna yɩrɩŋ nɛ La TƖƖNA. Mɩ sɩ weye wɩaa, a nagɛ peel-la ba sɩɩ yɩrɛ Tabɔ sɩ sii kɩɩ peelee kala ŋɩɩ, peel-la ba sɩɩ yɩrɛ Kamɛl ma sii kɩɩ mʋgʋ-balɩŋ ŋɩɩ, ŋɩɩ nɛ nɩɩ-la sɩ jaŋ kʋ yuoma doluŋ jaŋ nagɛ.

JƐRƖMAAYA 49:19

A nagɛ naachigiŋ sɩ lɩɩ Jɔdaŋ duuŋ tʋɔŋ a kʋkɔ a mʋmʋ pʋsʋŋ dɩ-diiliŋ sɩ kɛŋ ya-zɔmʋŋ, mɩ jaŋ kɔ a guu kiri Ɛdɔm tɩŋŋaa ba tinteeŋ lɛ. Kʋbɛɛ nɛ mɩ jaŋ lɩɩsɛ dɩ ʋ ŋaa wɩɩŋ deeŋ? Kʋbɛɛ nɛ nagɛmɛ a jaŋ wuo magɩsɛmɛ? Sɩpaalaarɩ bɛɛ nɛ jaŋ wuo kɛŋ ʋ tɩtɩa magɩsɛmɛ?”

JƐRƖMAAYA 5:6

Ŋɩɩ wɩaa, naachigiŋ jaŋ lɩɩ duuŋ tʋɔŋ a kʋ kpʋba. Guŋguro jaŋ lɩɩ tintee-hɩlɩŋ a kʋ kɛmba pʋɔsɛ. Kpeye jaŋ faa kpagɛ ba tasɩŋ a gbɛrɛba, dɩ nʋʋkala nɛ kʋ lɩɩ, ʋ jaŋ kɛnʋ pʋɔsɛ. Ba chaasa vɩa La TƖƖNA nɛ, wɩalɩŋ ba sɩ ŋaa chei yʋga nɛ.

JƐRƖMAAYA 50:17

Iziral tɩŋŋaa nagɛ naachigiŋ sɩ kiri piesee ba pɩsɛ nɛ. Nɩɩ-la sɩ laa sɩpaaŋ yuo diiba nɛ ŋaa Asiiria kuoro. Nɩɩ-la ma sɩ to harɩŋ yɛrɛ ʋ haŋgbelee nɛ Babɩlɔŋ kuoro Nebukadineza.”

JƐRƖMAAYA 50:44

A nagɛ naachigiŋ sɩ lɩɩ Jɔdaŋ duuŋ tʋɔŋ a kʋkɔ a mʋmʋ pʋsʋŋ dɩ-diiliŋ sɩ kɛŋ ya-zɔmʋŋ, mɩ jaŋ kɔ a guu kiri Babɩlɔŋ tɩŋŋaa ba tinteeŋ lɛ. Kʋbɛɛ nɛ mɩ jaŋ lɩɩsɛ dɩ ʋ ŋaa wɩɩŋ deeŋ? Kʋbɛɛ nɛ nagɛmɛ a jaŋ wuo magɩsɛmɛ? Sɩpaalaarɩ bɛɛ nɛ jaŋ wuo kɛŋ ʋ tɩtɩa magɩsɛmɛ?”

JƐRƖMAAYA 8:16

La nɩɩ la dʋndɔŋŋɔɔ janɩŋ sɩ ŋmʋʋ mɩɩsɩŋ a lɩɩ Daŋ tinteeŋ nɛ. Ba janɩ-la yele leŋe tintee-la kala zigili nɛ. Ba kɔ dɩ ba yuo dii la tinteeŋ nɛ a chei kʋŋkala sɩ hɛ ʋ lɛ, la tabal-la arɩ nɩalɩŋ kala sɩ hɛ nɩmɛ.”

JƐRƖMAAYA 9:11

La TƖƖNA sɩ, “Mɩ jaŋ leŋ dɩ Jerusalɛm pɩŋ jikpeeŋ, a ŋaa jolluŋ dɩjʋʋlʋŋ. Mɩ jaŋ leŋ dɩ Juda tasɩŋ pɩŋ hoi, dɩ nʋʋkala sɩ́ wuo hɔŋ lee-la.”

ƐZƖKƖƐL 12:20

Tasɩ-la lɛ nɩaa sɩ hɔnɔ jaŋ pɩŋ jikpeeŋ, dɩ tintee-la kala pɩŋ hoi. Ŋɩɩ nɛ ba jaŋ jɩŋ arɩ mɩ nɛ ba TƖƖNA.”

ƐZƖKƖƐL 21:31

Mɩ jaŋ na baanɩŋ ma nyuŋ, mɩ baanɩŋ jaŋ sii ma nyuŋ a nagɛ nyiniŋ. Mɩ jaŋ jomma hɛ ma dʋndɔmɔ-la sɩ bɔmɔ kɩŋkɛŋ nɩsɩŋ lɛ, nɩalɩŋ sɩ kɛŋ nɩaa kpʋnʋŋ jɩma.

ƐZƖKƖƐL 32:2

“Nuhuobiiŋ, ta jembiiŋ pɩ Ijipiti tinteeŋ kuoro a bʋla pʋ, ‘Ŋ nagɛ naachigiŋ nɛ tinteye-la tʋɔŋ, ŋ nagɛ lɩɩŋ tʋɔŋ peribanyeŋŋu nɛ a puŋŋi lɩɩŋ bɩbal, a kɛŋ ŋ naasɩŋ faasa vuugi lɩɩ-la, ʋ kala ŋaa gbʋna gbʋna.’ ”

DANƖƐL 5:19

Ʋ sɩ leŋe ʋ dɩchɩnɩŋ yuŋ ŋɩɩ, nɩaa kala, tinteyee nɩaa arɩ yikoro na-kala nɩaa fɩfáʋ. Nɩalɩŋ kuoro sɩ cho dɩ ʋ kpʋ, ʋ kpʋba nɛ. Nɩalɩŋ ma ʋ sɩ bɩ cho dɩ ʋ kpʋa, ʋ lemba nɛ. Nɩalɩŋ ʋ sɩ cho dɩ ʋ leŋ ba dɩchɩnɩŋ yuŋ, ʋ leŋe ba dɩchɩnɩŋ yʋgɛ nɛ. Nɩalɩŋ ma ʋ sɩ cho dɩ ʋ kɛmba muuri, ʋ kaa muuri nɛ.

DANƖƐL 7:4

Bumbuŋ kʋa nagɛ naachigiŋ aŋ kɛŋ kachuuŋ kɩŋkɛnsɩŋ. Mɩɩ benu ka ʋ kɩŋkɛnsɩ-la kala churi, ka ba kɛnʋ chʋʋla kɩɩ ʋ hui-naasɩŋ balɩa nyuŋ a nagɛ nuhuobiine. Ba joŋ nuhuobiine tʋɔbɩɩnaa hɛ ʋ lɛ.

LEVI DOHO NƖAA 26:31

Mɩ jaŋ leŋ dɩ ma tasɩŋ pɩŋ jikpeeniŋ aŋ chei ma vʋɩyaa dɩ-kpaaraa, ma kʋnyɩgaa Wɩɩsʋlʋŋ sʋɔra bɩra bɩ jaŋ sɩma pɩmɛ.

LEVI DOHO NƖAA 26:33

Mɩ jaŋ leŋ dɩ laalɩŋ kirima dɩ ma fá a pɩsa jʋʋ tintee-wogusuŋ, ka ma tinteeŋ arɩ ma tasɩŋ pɩŋ jikpeeŋ.