JƐRƖMAAYA 4:6 - WƖA TENIŊ

⁶ Má hɛ duoso pɩ nɩaa dɩ ba fá mʋ Jerusalɛm. Má fá a laa ma tɩtɩa, má sɩ́ dienu. Mɩ kɛŋ wʋlɔrʋŋ nɛ lɩɩ wɩɩpɔsʋŋ nagʋa dɩɩrɩŋ kʋkɔ, ʋ ŋaa wʋlɔrʋ sɩ bɩ bana kɛnɛ.”

JƐRƖMAAYA 4:6 Iomraidhean Croise

AZAAYA 62:10

Ma Jerusalɛm tɩmma, má suri ma boi-baalaa, má wasɛ wombiiŋ bil nɩaa lɛ. Má pori dɩ ʋ jal, má kɛŋ tabɩaa kala paa ta, aŋ kɛŋ jɔnjɔŋ je dɩ tinteyee nɩaa na.

JƐRƖMAAYA 10:22

Má jegile nɩɩ goŋ-la ba sɩ ŋaa kʋkɔ. Yuo-bal nɛ sii wɩɩpɔsʋŋ nagʋa tinteeŋ a kʋkɔ. Ʋ jaŋ ŋaa dɩ Juda tinteeŋ tasɩŋ pɩŋ hoi, a bɩrɩmɛ jolluŋ dɩjʋʋlʋŋ.

JƐRƖMAAYA 18:11

Lɛɛlɛ bʋla pɩ Juda nɩaa arɩ ba nɩalɩŋ dɔnsʋŋ sɩ hɛ Jerusalɛm lɛ, ‘Wɩɩ-la mɩ-na ma TƖƖNA sɩ bʋla nɛ ŋ-la: Má bee na, mɩɩ bɩɩnɛ wɩɩ nɛ dɩ mɩ ŋaa ma lɛ. Wʋlɔrʋ nɛ mɩɩ bɩɩnɛ dɩ mɩ joŋo dɔgɩsɛma. Ŋɩɩ wɩaa má kʋŋkala bɩrɩma lɩɩ ma wʋbɔŋŋɔɔ lɛ. Ma bɩrɩmɛ ma mɛlɛ arɩ ma wʋŋaalaa.’

JƐRƖMAAYA 21:7

La TƖƖNA sɩ, “Ŋɩɩ harɩŋ, mɩ jaŋ joŋ Juda kuoro Zedikaaya, ʋ tɩntɩnnɩ-hɩasɩŋ arɩ nɩalɩŋ sɩ hɛ tabalɩŋ deeŋ lɛ, nɩalɩŋ nyanyal-bɔŋ-la, laalɩŋ arɩ losuŋ sɩ bɩ kpʋa a hɛ Babɩlɔŋ kuoro Nebukadineza nɩsɩŋ lɛ, arɩ ba dʋndɔmɔ-la sɩɩ chɛ dɩ ba lɩɩsɛ ba mɩɩsɩŋ. Ʋ jaŋ kpʋba. Ʋ bɩ jaŋ fá ba nisusuŋ koo ba nenige, ʋ tʋɔŋ bɩ jaŋ wɩɩ ba lɛ.

JƐRƖMAAYA 22:7

Mɩ jaŋ joŋ nɩalɩŋ sɩɩ chei leriŋ a hɛ ma lɛ, nʋʋkala arɩ ʋ bayuori kɩaa. Ba jaŋ keri ma kuolo tɩɩ zɔŋŋɔɔ kala a joŋo hɛ nyiniŋ lɛ.

JƐRƖMAAYA 25:9

mɩ jaŋ yɩrɛ nɩaa kala sɩ hɛ wɩɩpɔsʋŋ nagʋa arɩ mɩ tɩntɩnna Babɩlɔŋ kuoro Nebukadineza a hɛ dɔŋɔ, a kɛmba kʋ hɛ tinteeŋ deeŋ arɩ ʋ nɩaa arɩ tinteye-la kala sɩ gollu lɛ. Mɩ-na ma TƖƖNA nɛ bʋla. Mɩ jaŋ chei ba kala gbelem gbelem dɩ ba ŋaa mɔmɩa dɩ nɩaa sisieri ba lɛ, nɩaa jaŋ naba dɩ fawʋllʋŋ kɛmba dɩ ba hihirigi. Ba jaŋ pɩŋ jikpeeŋ a kaa mʋ wuu.

JƐRƖMAAYA 4:21

Ɛɛ nɛ mɩɩ chɛ dɩ mɩ na laalɩŋ sɩ hoso, aŋ pɛ nɩɩ ba sɩɩ ŋmʋʋ banyile ma a diene magɛ?

JƐRƖMAAYA 50:2

“Heele bʋl tinteyee tʋɔŋ, kɛŋ jɔnjɔŋ je a heele bʋlʋ, sɩ́ wɩɩkala joŋo faa, ama bʋl, ‘Ba jaŋ yuo dii Babɩlɔŋ. Ba jaŋ hɛ vene-la ba sɩɩ yɩrɛ Bɛl hɩɩsɩŋ, fawʋllʋŋ jaŋ faasa jʋʋ vene-la ba sɩɩ yɩrɛ Maduk. Ʋ kɩalɩŋ ba sɩ mɛ kala jaŋ dii hɩɩsɩŋ dɩ fawʋllʋŋ faasa kɛŋ ba tɔŋŋɔɔ.’

JƐRƖMAAYA 50:22

Laalɩyuori goŋ nɛ hɛ tinteeŋ lɛ, leriŋ nɛ ba chei a faasa ŋɩŋaa goŋ.

JƐRƖMAAYA 51:12

Má kɛŋ tuuta je dɩ ba mʋ ŋmoo kɛrɛ-la sɩ golli Babɩlɔŋ a lo. Má leŋ dɩ laalɩyuoro-la sɩɩ pɔ leriŋ faasa yʋgɛ, a chɩŋ ba dɩchɩnaa a bibeŋ. Má leŋ dɩ laalɩyuoro faa a pɔ. La TƖƖNA jaŋ ŋaa wɩalɩŋ ʋ sɩɩ chɛ ʋ ŋaa, wɩalɩŋ ʋ sɩ daga arɩ ʋ jaŋ ŋaa Babɩlɔŋ nɩaa lɛ.

JƐRƖMAAYA 51:27

Má kɛŋ tuuta je tintee-la lɛ. Má ŋmʋʋ banyilliŋ tinteyee lɛ. Má leŋ dɩ tinteye-la nɩaa ŋaa siri a yuo Babɩlɔŋ. Má yɩrɛ kuori-gentisiŋ deemba kala hɛ ʋ lɛ: Ararat, Mini arɩ Asɩkɛnas. Má lɩɩsɛ laalɩyuori-hɩaŋ dɩ ʋ laa nɩalɩŋ sɩpaaŋ dɩ ba mʋ yuou. Má leŋ dɩ janɩŋ mʋ ʋ lɛ a nagɛ hɔbɩ-laalɩŋ.

JƐRƖMAAYA 51:54

Nɩaa nɩɩ ŋmoo niiŋ Babɩlɔŋ lɛ, baa yel Babɩlɔŋ tinteeŋ sɩ chaasa chei wɩaa nɛ.

JƐRƖMAAYA 6:1

“Bɛnjamɩŋ doho nɩaa, má fá a laa ma tɩtɩa. Má fá lɩɩ Jerusalɛm lɛ. Má ŋmʋʋ banyile taŋ-la ba sɩɩ yɩrɛ Tɛkʋa lɛ! Má hɛ nyiniŋ dɩ ʋ ŋaa magɩl lee-la ba sɩɩ yɩrɛ Bɛf Hakerem lɛ, bɛɛ wɩaa wʋlɔrʋŋ nɛ lɩɩ wɩɩpɔsʋŋ nagʋa dɩɩrɩŋ a kʋkɔ. Ʋ ŋaa wɩɩ sɩ chaasa lɔrɛ nɛ.

JƐRƖMAAYA 6:22

Wɩɩ-la La TƖƖNA sɩ bʋla nɛ ŋ-la: “Má bee na laalɩyuoroo nɛ lɩɩ wɩɩpɔsʋŋ nagʋa dɩɩrɩŋ tinteeŋ kʋkɔ. Tintee-la nɩaa sɩ faasa kɛŋ doluŋ nɛ ba koso kʋkɔ ba hɛ ma lɛ, ba lɩɩ dɩ-bolii kʋkɔ.

ƐZƖKƖƐL 9:1

Ŋɩɩ nɛ mɩ nɩɩ La TƖƖNA faasa kpɩa, “Má kɔ, ma nɩalɩŋ sɩ jaŋ dɔgɩsɛ tabal-la nɩaa, nʋʋkala kori ʋ bayuori kɩaa.”

ƐZƖKƖƐL 9:2

Ŋɩɩ nɛ mɩ na baalaa balɩdʋ dɩ ba lɩɩ wɩɩpɔsʋŋ nagʋa boi-baala-la sɩ hɛ nyuŋ dɩɩrɩŋ kʋkɔ, ba kʋŋkala kori bayuori kʋŋ nɛ. Ba tʋɔŋ, baal kʋbala nɛ fa hɛ nɩmɛ a laalɛ gɛrɩpɛ fʋfʋlʋŋ gɛrɩŋ, ka kʋŋ ba sɩ kaa ŋmʋŋmʋnsɛ kɩaa hɛ ʋ sɛmɛ. Ba kɔ a chɩŋ kɔlɩɩŋ Wɩɩsʋlʋŋ koru-la sɛmɛ.

ZEFANAAYA 1:10

La TƖƖNA bɩra sɩ, “Tapʋlɩɩ-la ma jaŋ nɩɩ dɩ nɩaa ŋmoo niiŋ Jerusalɛm boi-baal-la ba sɩɩ yɩrɛ Chenfilee Boi-baalɩŋ lɛ, a nɩɩ yele ma ja-falɩɩ-la ba sɩ saa lɛ, a nɩɩ goŋ ma ba sɩ faasa ŋaa dundolluŋ nyuŋ.

ZƐKARƖYA 6:6

Laalɩŋ janɩŋ toruko-la sɩ kɛŋ ja-bisiŋ ka mʋ wɩɩpɔsʋŋ nagʋa dɩɩrɩŋ tinteeŋ nɛ, kʋ-la ma sɩ kɛŋ ja-pʋllʋŋ mʋmʋ wɩɩjʋʋlʋŋ dɩɩrɩŋ, kʋ-la ma sɩ kɛŋ ja-ŋmʋŋmʋnaa ka mʋ wɩɩpɔsʋŋ nadiiŋ dɩɩrɩŋ nɛ.”