JƐRƖMAAYA 4:4 - WƖA TENIŊ

⁴ Má joŋ ma tɩtɩa hɛ mɩ-na ma TƖƖNA nɩsɩŋ lɛ. Má Juda arɩ Jerusalɛm nɩaa, má pʋllɛ ma tʋɔŋ, dɩ ŋɩɩ dee, mɩ baanɩŋ jaŋ sii ma nyuŋ a nagɛ nyiniŋ a diima a tɩŋ wʋbɔmɔ-la ma sɩ ŋaa wɩaa. Dɩ nyiŋ-la nɩɩ diima, nʋʋkala bɩ jaŋ wuo dɩsʋ.

JƐRƖMAAYA 4:4 Iomraidhean Croise

2 IZIRAL TƖŊŊAA NAABARƖŊ 34:25

bɛɛ wɩaa ba vɩamɛ nɛ aŋ nyɩgɛ kʋsʋɔrʋsʋŋ pɩpɩ vesiŋ, a leŋ mɩ baanɩŋ sii kɩalɩŋ ba tɩtɩa sɩ ŋaa lɛ. Mɩ baanɩŋ chaasa sii ba nyuŋ nɛ, ʋ bɩ jaŋ fɩɛlɛ.’

AZAAYA 10:17

Iziral tɩŋŋaa Wɩa sɩ ŋaa ba pʋlʋmʋŋ jaŋ nagɛ nyiniŋ. Ba Wɩa sɩ bɩ disiniŋ kɛnɛ jaŋ nagɛ nyiŋgeliŋ, ʋ jaŋ joŋ tapʋl-bala a dii Asiiria tɩmma-la sɩ nagɛ yakʋɔŋ arɩ sɔsʋŋ sɩ lugo.

AZAAYA 30:33

Ba gɩrɛ daasɩŋ nɛ lee-la ba sɩɩ yɩrɛ Tɔfɛf lɛ faafaa kala a gbɩgbɛrɛ Asiiria kuoro. Ba leŋe nyiŋ-la bʋa luŋ nɛ aŋ jal ma, nyiniŋ arɩ daasɩŋ yʋga nɛ a hɛ nɩmɛ. La TƖƖNA wiese jaŋ nagɛ juribiiŋ sɩ chol nyiŋgeliŋ a jomba dii.

AZAAYA 51:17

Jerusalɛm nɩaa, má sii chɩŋ, ma na hɛɛŋ nɛ woruŋ La TƖƖNA nɩsɩŋ lɛ. Ʋ na baanɩŋ a dɔgɩsɛma kɩŋkɛŋ nɛ, ma kala vɔgɛ a gɩgɛrɛ.

JƐRƖMAAYA 15:14

Mɩ jaŋ leŋ dɩ ma ŋaa ma dʋndɔŋŋɔɔ yosi, tintee-la ma sɩ bɩ jɩŋ lɛ. Mɩ baanɩŋ jaŋ sii a nagɛ nyiniŋ ma nyuŋ a diima.”

JƐRƖMAAYA 21:12

Devit doho nɩaa, wɩɩ-la mɩ-na ma TƖƖNA sɩ bʋla nɛ ŋ-la: Má to wʋtɩtɩɩ tapʋlɩɩ na-kala. Má lorigo laa nɩɩ-la ba sɩ nyaga bil ta, nɩɩ-la sɩɩ gʋrʋ nɩsɩŋ lɛ. Dɩ ŋɩɩ dee, mɩ baanɩŋ jaŋ pusi a nagɛ nyiniŋ, a tɩŋ wʋbɔmɔ-la ma sɩ ŋaa wɩaa. Nʋʋkala tuo sɩ jaŋ leŋ dɩ mɩ baaŋ-la fɩɛlɛ.

JƐRƖMAAYA 21:5

Mɩ-na tɩtɩa nɛ jaŋ tɩɛnɛ mɩ naduoŋ a yuoŋ arɩ baanɩŋ. Mɩ baanɩŋ jaŋ chaasa sii woruŋ.

JƐRƖMAAYA 23:19

Bee na, mɩ-na ma TƖƖNA baanɩŋ nagɛ pel-duoŋ nɛ. Ʋ jaŋ lu a nagɛ pel-vinvilimiŋ a kʋ tuu nɩbɔŋŋɔɔ nyuŋ.

JƐRƖMAAYA 36:7

Kapo ba jaŋ kɔ La TƖƖNA sɩpaaŋ a sʋlʋ aŋ bɩrɩma lɩɩ ba wʋbɔŋŋɔɔ lɛ, bɛɛ wɩaa La TƖƖNA sɩ na baanɩŋ a bʋl wɩalɩŋ tɩgɛ nɩaa deemba lɛ bɩ bana kɛnɛ.”

JƐRƖMAAYA 44:22

La TƖƖNA sɩ kʋ magɛ ŋɩɩ a bɩra bɩ ma wʋbɔŋŋɔɔ arɩ ma wʋkɩsɩa-la lɛ wuo nyalɩmɛ, ʋ leŋe ma tinteeŋ pɩŋ hoi nɛ, nʋʋkala tuo nɩmɛ arɩ ʋ sɩ nagɛ ŋɩɩ jɩnɩmba, nɩaa kɛŋ ʋ yɩrɩŋ ŋmɩɛsa hɩhɛ nɩaa lɛ.

JƐRƖMAAYA 9:25

La TƖƖNA bɩra sɩ, “Tapʋlaa ka kɔ nɛ, mɩ sɩ jaŋ dɔgɩsɛ nɩalɩŋ kala sɩ keri ba penee dʋndʋŋ, aŋ bɩ ba tʋɔŋ pʋlla.

JƐRƖMAAYA 9:26

Nɩalɩŋ nɛ ŋaa: Ijipiti nɩaa, Ɛdɔm nɩaa, Amɔŋ nɩaa, Mʋab nɩaa arɩ nɩalɩŋ kala sɩ hɛ tintee-hɩlɩŋ lɛ dɩ-boloo. Tinteyee deemba kala nɩaa bɩ ba tʋɔŋ pʋlla. Iziral tɩŋŋaa kala ma paala bɩ ba tʋɔŋ pʋlla.”

JEMBIEE 4:11

La TƖƖNA chaasa na baanɩŋ nɛ, ʋ baanɩŋ chaasa sii nɛ ʋ pɔsɛ. Ʋ fuuni nyiniŋ hɛ Zaayɔŋ lɛ nɛ, ʋ joŋ ʋ kala kɔlɩmɛ a tuu yi gentine.

ƐZƖKƖƐL 16:38

Mɩ jaŋ joŋ cheeriŋ pɩŋ a dɔgʋsʋŋ a tɩŋ ŋ sɩ ŋaa hachɔrʋŋ arɩ nɩkpʋʋrʋ wɩaa. Mɩ jaŋ na baanɩŋ kɩŋkɛŋ ŋ nyuŋ, a leŋ dɩ ba kpʋŋ.

ƐZƖKƖƐL 18:31

Má lɩɩsɛ ma tɩtɩa wʋbɔmɔ-la ma sɩɩ ŋaa lɛ, aŋ ka dɩ mɩ pɩma tʋɔ-falɩŋ arɩ dɩŋ-falɩŋ. Bɛɛ nɛ tɩɩ ma Iziral tɩŋŋaa cho dɩ ma sʋba?

ƐZƖKƖƐL 20:33

Mɩ-na ma TƖƖNA Wɩɩjarɩbakɔ ŋmɩɛsa: Mɩ jaŋ na baanɩŋ a bemma arɩ mɩ dol-balɩŋ.

ƐZƖKƖƐL 21:17

Mɩ ma jaŋ porisi mɩ nɩsaa, ka dɩ mɩ baanɩŋ fɩɛlɛ. Mɩ-na ma TƖƖNA nɛ bʋla.”

ƐZƖKƖƐL 24:13

Jerusalɛm, ŋ disiniŋ nɛ ŋaa hachɔrʋŋ wɩalɩŋ ŋ sɩ ŋaa. Mɩ hɛ doluŋ dɩ mɩ chɛsɛ disiŋ-la ta nɛ, ama ŋ bɩ sɛyɛ. Ŋ disiniŋ bɩra bɩ jaŋ lɩɩ, see dɩ mɩ joŋ baaŋ-la kala mɩ sɩ na ŋ nyuŋ a fɩɩsɛ ŋ lɛ ŋɩɩ deeŋ deeŋ dɩ ʋ mʋ fɩɛlɛ.

ƐZƖKƖƐL 24:8

Mɩ baanɩŋ sɩ jaŋ sii dɩ mɩ ŋaa wɩaa tiŋ chɩmɩŋ ba lɛ nɛ tɩɩ, mɩ leŋ chal-la bʋ-taala-la nyuŋ ŋɩɩ, dɩ ba sɩ́ wuo gbaa tɔ.

ƐZƖKƖƐL 44:7

Ma kɛŋ nɩwogusuŋ sɩ bɩ mɩ ka to nɛ, a bɩ ba penee ma kere kʋ jʋʋ mɩ dɩɩ-bal-la a joŋ disiniŋ hɛ ʋ lɛ, bʋa-la lɛ ma sɩ yie joŋ pʋsʋŋ nʋʋŋ arɩ chalɩŋ sɩ ŋaa mɩ kʋdiilee a ŋaa Wɩɩsʋlʋŋ pɩmɛ. Ma chei nii-la sɩ hɛ mɩ dɩ ma pɛgɛ nɛ, a tɩŋ wʋkɩsɩa-la kala ma sɩ ŋaa wɩaa.

ƐZƖKƖƐL 6:12

Nɩalɩŋ sɩ hɛ dɩ-bolii, nyanyal bɔŋŋɔɔ jaŋ kpʋba, nɩalɩŋ sɩ kpaga ma jaŋ sʋʋ laalɩŋ lɛ, nɩalɩŋ ma sɩ ka a bɩ sʋba, losuŋ jaŋ kpʋba. Ŋɩɩ nɛ mɩ jaŋ joŋ mɩ baanɩŋ a fɩɩsɛ ba lɛ.

ƐZƖKƖƐL 8:18

Ŋɩɩ wɩaa, mɩ jaŋ dagɛba arɩ baanɩŋ, mɩ bɩ jaŋ fá ba nenige koo a lemba. Ba jaŋ faasa suri ba yikoro a sʋsʋlmɛ, ama mɩ bɩ jaŋ jegili ba teeŋ.”

LEVI DOHO NƖAA 26:28

mɩ baanɩŋ jaŋ sii ma nyuŋ dɩ mɩ dɔgɩsɛ ma a kɩɩ ŋɩɩ naansɩɩŋ bʋlɩpɛ, a tɩŋ ma wʋbɔmɔ-la wɩaa.

LEVI DOHO NƖAA 26:41

ŋɩɩ leŋ mɩ yaraa hosi ba lɛ, mɩ kiriba hɛ ba dʋndɔŋŋɔɔ tinteyee lɛ, dɩ ba nɛ leŋ ba babii-ballɩŋ aŋ kɛŋ ba tɩtɩa muuri a na hɛɛ-la sɩ maga dɩ ba na, a tɩŋ ba wʋbɔmɔ-la wɩaa,

AMƆS 5:6

Má chɛ La Tɩɩna, ŋɩɩ nɛ ma jaŋ kɛŋ mɩɩsɩŋ, dɩ ŋɩɩ dee ʋ jaŋ nagɛ nyiniŋ a kʋ joŋ Josɛf doho nɩaa kala dii, ka nʋʋkala jaŋ tuo Bɛtɛl lɛ sɩ jaŋ dɩsɛ nyiŋ-la.

ZEFANAAYA 2:2

ka dɩ bʋa-la ba sɩ daga-na yi, chɛɛ-la peliŋ sɩ jaŋ paama a nagɛ mɩɩ-jɔrʋŋ, ka dɩ tapʋlɩɩ-la La TƖƖNA sɩ jaŋ na baanɩŋ ma nyuŋ-na yi. Chɛɛ-la La TƖƖNA baanɩŋ jaŋ faasa sii ma nyuŋ woruŋ.

Rom Tɩŋŋaa 2:25

Dɩ ma nɩɩ keri ma penee aŋ tuto wɩalɩŋ kala Mosis sɩ ŋmʋnsa bil dɩ nɩaa tuto, ma penee keriŋ kɛŋ bʋbʋɔŋ nɛ, ama dɩ ma nɩɩ chei wɩalɩŋ Mosis sɩ bile, ʋ naga arɩ ma bɩ ma penee kere.

MOSIS BƖRA WULLI WƖA WOMBIIŊ 10:16

Ŋɩɩ wɩaa a chɩŋ lɛɛlɛ a kaa mʋ, ʋ maga dɩ ma pʋllɛ ma tʋɔŋ, aŋ bɩra sɩ́ nyuduoŋ kɛŋ La TƖƖNA teeŋ.

MOSIS BƖRA WULLI WƖA WOMBIIŊ 30:6

Ma TƖƖNA Wɩa jaŋ suri ma dɩ ma doho nɩaa kala tʋɔŋ, dɩ ŋɩɩ leŋ dɩ ma chou arɩ ma tʋɔŋ arɩ ma wɩɩ-wɩɩkala a wuo kɛŋ mɩɩsɩŋ.

MOSIS BƖRA WULLI WƖA WOMBIIŊ 32:22

Mɩ baanɩŋ jaŋ sii a nagɛ nyiŋgeliŋ a dii kʋŋkala sɩ hɛ tinteeŋ lɛ. Ʋ jaŋ dii a tuu yi lɛlɛɛ-jaŋ, a dii peelee kala. Kʋdiilii kala jaŋ tuo.

Koloosi Nɩaa 2:11

Ma dɩ Kirisito sɩ ŋaa kʋbala ŋɩɩ, ʋ naga arɩ ʋ keri ma penee nɛ, ʋ bɩ naga nuhuobiinee nɛ kere. Ʋ sɩ ŋaa ŋɩɩ nɛ leŋe ma wuo joŋ ma faafaa wʋbɔmɔ-la ta.