JƐRƖMAAYA 4:2 - WƖA TENIŊ

² aŋ kɛŋ wʋtɩtɩɩ, a ŋɩŋaa wɩaa ba bʋa lɛ arɩ tʋɔpʋla a ŋmɩɛsɛ mɩ-na ma TƖƖNA sɩ weye, ŋɩɩ na, tinteyee nɩaa jaŋ chɩchɛ dɩ mɩ pɛ ba ma lɛ, dɩ nɩaa kala jʋjʋɔsɛ mɩ teeŋ.”

JƐRƖMAAYA 4:2 Iomraidhean Croise

WƖAA DƖ-SUOMUŊ 22:18

A tɩŋ ŋ sɩ sɛɩ mɩ niiŋ wɩaa, mɩ jaŋ to ŋ doho nɩaa lɛ a pɛ dʋnɩa nɩaa kala lɛ.”

1 KUOROO 3:6

Solomoŋ bʋl, “Ŋ chaasa dii zile kɩŋkɛŋ nɛ mɩ nyɩmma Devit sɩ ŋaa ŋ tɩntɩnna lɛ, a tɩŋ ʋ fa sɩ laaŋ dii a kɛŋ tʋɔpʋla a chɩŋ wʋtɩtɩɩ naaŋ lɛ. Zile-la tɩtɩa nɛ ŋ haa ŋaa ʋ lɛ a pʋ hambolibie, ʋ hɔŋ ʋ kuoru kpasa nyuŋ jɩnɩŋ ŋ-la.

WƖA YƖƖLAA 72:17

Leŋ dɩ kuoro yɩrɩŋ yɩrɛ a kaa mʋ wuu, a nagɛ wɩɩpɔsʋŋ sɩ hɛ wɩa-nyuŋ. Leŋ dɩ tinteyee nɩaa kala to ʋ lɛ a na wʋzɔŋŋɔɔ, a kɛnʋ yɩyɩrɛ tʋɔtɔrɛ tɩɩna.

WƖA YƖƖLAA 99:4

Kuoro kɛŋ doluŋ, ʋ cho wʋtɩtɩɩ nɛ. Ŋ leŋe wʋtɩtɩɩ chaasa chɩŋ nɛ kpaŋkpaŋ Iziral tinteeŋ kala lɛ, a ŋaa wɩɩ-la sɩ maga arɩ wʋtɩtɩɩ.

AZAAYA 45:23

Mɩ tɛŋɛ kala nɛ mɩ kaa hɛ niiŋ deeŋ, ʋ bɩ jaŋ ta. Nʋʋkala jaŋ kpirimi mɩ sɩpaaŋ a chʋɔlɛmɛ.

AZAAYA 45:25

La TƖƖNA jaŋ leŋ dɩ Jekɔb doho nɩaa kala ŋaa tʋɔpʋl tɩmma dɩ ba yɩrɩŋ yɩrɛ.

AZAAYA 65:16

Tintee-la lɛ, dɩ nʋʋ nɩɩ chɛ dɩ Wɩa pɛ ʋ lɛ, mɩ-na Wɩa sɩ kɛŋ wʋtɩtɩɩ yɩrɩŋ nɛ ʋ jaŋ yɩrɛ. Dɩ nʋʋ nɩɩ chɛ dɩ ʋ ta niiŋ ma tintee-la lɛ, mɩ-na Wɩa sɩ kɛŋ wʋtɩtɩɩ yɩrɩŋ nɛ ʋ jaŋ yɩrɛ. Mɩ jaŋ yʋ faafaa wʋwalɩmɩa-la kala ba jaŋ lɛl mɩ sɩaa lɛ.

JƐRƖMAAYA 10:10

Ama La TƖƖNA nɛ ŋaa Wɩɩ-tɩtɩɩ. Ʋ nɛ Wɩa sɩ weye. Ʋ nɛ kuoru-bal-la sɩ hɛ nɩmɛ a kaa mʋ deeŋ deeŋ. Dɩ ʋ nɛ na baanɩŋ, tinteeŋ yie zigili nɛ. Dɩ ʋ baanɩŋ nɛ sie, tinteyee bɩ jaŋ wuo chɩŋ.

JƐRƖMAAYA 12:15

Ama dɩ mɩ nɛ churiba dɛrɛ, mɩ jaŋ bɩra fá ba nenige aŋ kɛŋ ba kʋŋkala mɩɩra kɔ ba tinteeŋ arɩ ba dʋa leriŋ.

JƐRƖMAAYA 12:16

Dɩ tintee-la nɩalɩŋ nɛ gʋnnɛ mɩ nɩaa wombiee woruŋ, a kɛŋ mɩ yɩrɩŋ tɩtɩŋ, a bʋbʋl, ‘La ŋmɩɛsɛ La TƖƖNA sɩ weye,’ arɩ ba fa sɩ leŋe mɩ nɩaa ŋmɩŋmɩɛsɛ vene-la ba sɩɩ yɩrɛ Baal yɩrɩŋ lɛ ŋɩɩ, ŋɩɩ-na ba jaŋ hɔŋ mɩ nɩaa tʋɔŋ.

JƐRƖMAAYA 16:19

La TƖƖNA, mɩ doluŋ arɩ mɩ dɩ-duoŋ, ŋ nɛ mɩ yie yuori dɩ hɛɛŋ nɛ jʋʋmɛ. Tinteyee nɩaa jaŋ kɔ ŋ teeŋ, a lɩɩ dʋnɩa sɛmɛ na-kala a bʋl, La naabalɩmaba bɩ kʋŋkala kɛnɛ see vesiŋ sɩ bɩ wʋtɩtɩɩ kɛnɛ, tɔŋŋɔɔ sɩ ŋaa kʋpɛɩba a bɩ wʋzɔŋ kala ŋaa pɩba.

JƐRƖMAAYA 3:17

Bʋa-la lɛ ba jaŋ yɩrɛ Jerusalɛm La Tɩɩna kuoru kpasa. Ŋɩɩ nɛ tinteyee nɩaa kala jaŋ kɔ Jerusalɛm a zil mɩ-na ma TƖƖNA. Ba bɩra bɩ jaŋ tuto ba nyuduoŋ arɩ ba tʋɔbɔmʋŋ harɩŋ.

JƐRƖMAAYA 33:9

Ŋɩɩ nɛ tabalɩŋ deeŋ jaŋ laa yɩrɩŋ pɩmɛ dɩ mɩ tʋɔŋ tɔrɛ, dɩ nɩaa dɩdɛnnɛmɛ a zizilmi dʋnɩa tinteye-la kala nɩaa sɩ nɩɩ wʋzɔmɔ-la mɩ sɩ ŋaa pʋ sɩpaaŋ. Fawʋllʋŋ jaŋ kɛmba dɩ ba chichel a tɩŋ dʋa bal-la arɩ fɩɛl-la mɩ sɩ pʋ wɩaa.”

JƐRƖMAAYA 5:2

Ba yie bʋl, ‘La ŋmɩɛsɛ La TƖƖNA sɩ weye,’ aŋ ha nyɩɛ wɩaa a ŋmɩŋmɩɛsɛ.”

JƐRƖMAAYA 7:5

Dɩ ma nɛ chaasa bɩrɩma lɩɩ ŋɩɩ ma sɩ naga lɛ, a joŋ wɩalɩŋ ma sɩɩ ŋaa ta, aŋ ŋɩŋaa wɩaa ba bʋɔsʋŋ lɛ dɔŋɔba teeŋ,

JƐRƖMAAYA 9:24

Ama, leŋ dɩ nʋʋkala nɩɩ ŋmoo ʋ bɔyɛ, ʋ ŋmoo ʋ bɔyɛ a mʋ tɩgɛ wɩɩŋ deeŋ nɛ: Arɩ ʋ jɩŋ mɩ wɩaa sɩaa nɛ, a jɩmmɛ dɩ mɩ nɛ ŋaa ʋ TƖƖNA. Nɩɩ-la sɩ cho nɩaa a kɛŋ wʋtɩtɩɩ arɩ tʋɔpʋla a ŋɩŋaa wɩaa tinteeŋ lɛ, wɩaa deemba nɩɩ tɔrɛ mɩ tʋɔŋ. Mɩ-na ma TƖƖNA nɛ bʋla.”

HOSIA 2:19

Mɩ jaŋ leŋ dɩ ŋ ŋaa mɩ haala a kaa mʋ wuu, mɩ jaŋ dagɩŋ mɩ tʋɔpʋla arɩ mɩ wʋtɩtɩɩ, a kɛŋ chono-la sɩ bɩ dɛrɛ arɩŋ, a fɩfá ŋ nisusuŋ.

JOWƐL 2:12

La TƖƖNA sɩ, “Lɛɛlɛ, má mɩɩra kɔ mɩ teeŋ arɩ ma tʋɔŋ kala, a vɔɔ niiŋ aŋ pɛ faasa yiyel.”

ZƐKARƖYA 8:8

Mɩ jaŋ kɛmba mɩɩra kɔ dɩ ba hɔŋ Jerusalɛm lɛ. Ba jaŋ ŋaa mɩ nɩaa, dɩ mɩ kɛŋ wʋtɩtɩɩ arɩ tʋɔpʋla ba teeŋ a ŋaa ba Wɩa.”

MALAKAƖ 1:11

Tinteyee nɩaa jaŋ zilmi a chɩŋ wɩɩpɔsʋŋ a kaa mʋ wɩɩjʋʋlʋŋ. Lee na-kala ba jaŋ nyɩgɛ kʋsʋɔrʋsʋŋ aŋ kpʋ pʋsʋŋ a ŋaa Wɩɩsʋlɩɩ-la sɩ maga a pɩmɛ. Tinteyee nɩaa kala jaŋ yɩrɛ mɩ yɩrɩŋ. Mɩ-na ma TƖƖNA doluŋ kala Tɩɩna nɛ bʋla.

1 Kɔrɩntɩ Nɩaa 1:31

Wɩa teniŋ tʋɔŋ ba sɩ, “Dɩ nʋʋkala nɩɩ bigisi ʋ tɩtɩa lɛ, ʋ maga dɩ ʋ bigisi a mʋ tɩgɛ wɩɩ-la La Tɩɩna sɩ ŋaa lɛ nɛ.”

2 Kɔrɩntɩ Nɩaa 10:17

Wɩa teniŋ tʋɔŋ ba sɩ, “Dɩ nʋʋkala nɩɩ bigisi ʋ tɩtɩa lɛ, ʋ maga dɩ ʋ bigisi a mʋ tɩgɛ wɩɩ-la La Tɩɩna sɩ ŋaa lɛ nɛ.”

Galiisia Nɩaa 3:8

Wɩɩŋ deeŋ hɛ Wɩa teniŋ tʋɔŋ faafaa kala nɛ arɩ nɩalɩŋ sɩ bɩ Juu tɩŋŋaa ŋaa, dɩ ba nɛ laa Wɩa dii, ʋ jaŋ leŋ dɩ ba ma kɛŋ tʋɔpʋla. Faafaa kala nɛ Wɩa bʋl wʋzɔmʋŋ deeŋ a pɩ Abɩraham, “Ŋ lɛ nɛ mɩ jaŋ to a pɛ dʋnɩa nɩaa kala lɛ.”

MOSIS BƖRA WULLI WƖA WOMBIIŊ 10:20

Má zizil ma TƖƖNA Wɩa a tɩma pʋpʋ. Má kɛŋ ma tɩtɩa mɛrɛ ʋ lɛ a kɛŋ ʋ yɩrɩŋ dʋndʋŋa nɛ a tɩtɩŋ.

MOSIS BƖRA WULLI WƖA WOMBIIŊ 4:30

Dɩ wɩaa deemba kala nɛ ŋaa ma lɛ, dɩ hɛɛŋ jʋʋma, ʋ ŋɩɩ harɩŋ ma jaŋ mɩɩra kɔ ma TƖƖNA Wɩa teeŋ a sɛyʋ.

MOSIS BƖRA WULLI WƖA WOMBIIŊ 6:13

Má zizil ma TƖƖNA Wɩa a chʋchʋɔlɛ ʋ dʋndʋŋa a tutou, a ŋɩŋaa wɩɩkala ʋ yɩrɩŋ lɛ.

Fɩlɩpa Nɩaa 3:3

La nɛ paala chaasa ŋaa nɩalɩŋ sɩ sɛnɛ keri ba penee, bɛɛ wɩaa la-na to Wɩa Dɩŋ-zɔmʋŋ niiŋ lɛ nɛ aa chʋɔlɛ Wɩa. Ŋɩɩ wɩaa, laa jʋɔsɛ Kirisito Yesu teeŋ nɛ. La-na bɩ la yɩɛlaa joŋo hɛ yaraa wʋŋaalaa lɛ.

RUF 3:13

Pɩŋ daha dɩ taŋ pʋl, dɩ la naambile nɛ jaŋ laaŋ ʋ zɔmɔ, dɩ ʋ nɛ bɩŋ laa, La TƖƖNA doluŋ lɛ mɩ-na jaŋ beniŋ, ŋ-na pɩŋ daha dɩ taŋ pʋl.”

1 SAMƲƐL 20:3

Devit ŋmɩɛsa pɩ Jonataŋ a bʋl, “Ŋ nyɩmma jɩma arɩ ŋ chomi nɛ woruŋ, ŋɩɩ nɛ ʋ bʋl ʋ tʋɔŋ lɛ, ‘Jonataŋ bɩ maga dɩ ʋ jɩŋ wɩɩŋ deeŋ lɛ, dɩ ʋ nɛ jɩma, ʋ tʋɔŋ jaŋ faasa chei.’ Wʋtɩtɩɩ nɛ mɩ bʋlaa pɩŋ La TƖƖNA sɩ weye yɩrɩŋ lɛ, mɩ dɩ sʋʋŋ pɛgɛ bɩ bol mʋa ma.”