JƐRƖMAAYA 4:1 - WƖA TENIŊ

¹ La TƖƖNA sɩ, “Iziral tɩmma, dɩ ma nɛ jaŋ mɩɩra kɔ mɩ teeŋ, má mɩɩra kɔ. Dɩ ma nɛ joŋ ma vʋɩya-la mɩ sɩɩ kɩsʋ ta a bɩra bɩ wɩalɩŋ sɩ leŋe ma yeŋŋi ka to,

JƐRƖMAAYA 4:1 Iomraidhean Croise

WƖAA DƖ-SUOMUŊ 35:2

Ŋɩɩ nɛ Jekɔb bʋla pɩ ʋ dɩa nɩaa arɩ nɩalɩŋ kala sɩ hɛ ʋ teeŋ, “Má paa ma tɔŋŋɔɔ kala ta aŋ pɩɩsɛ ma disiniŋ ta aŋ wuri ma gɛnnɩŋ aŋ laalɛ gɛrɩ-falaa

2 KUOROO 23:13

Kuoro Josaaya fa bɩra chei vesiŋ dɩ-kpaarɩa-la sɩ hɛ Jerusalɛm wɩɩpɔsʋŋ, a hɛ dundolo-la ba sɩɩ yɩrɛ Cheeriŋ Dundolo wɩɩpɔsʋŋ nadiiŋ, lere-la Iziral tinteeŋ kuoro Solomoŋ fa sɩ saa a pɩ Sɩdɔŋ tɩŋŋaa veŋ-bɔŋ-la ba sɩɩ yɩrɛ Asɩtɔrɛf, arɩ Mʋab tɩŋŋaa veŋ-bɔŋ-la ba sɩɩ yɩrɛ Chɛmɔs arɩ Amɔŋ tɩŋŋaa veŋ-bɔŋ-la ba sɩɩ yɩrɛ Mɔlɛk.

2 KUOROO 23:24

Josaaya fa paala kiri vʋgʋraa arɩ nɩalɩŋ sɩɩ yɩrɛ kantɔŋŋɔɔ nɛ, a chei vesiŋ arɩ tɔŋŋɔɔ kala Juda arɩ Jerusalɛm tinteeŋ kala lɛ, ka dɩ ba wuo kɛŋ Wɩa wombie-la ba sɩ ŋmʋnsa hɛ teŋ-la lɛ kaa tɩŋ, teŋ-la Hɩlɩkaaya, nɩɩ-la fa sɩ ŋaa Wɩɩsʋllɩ sɩpaalaarʋ sɩ gbille na Wɩa dɩɩ-bal-la lɛ.

2 IZIRAL TƖŊŊAA NAABARƖŊ 15:8

Asa sɩ nɩɩ wɩaa deemba Ɔdɛd nanʋala Azarɩa Wɩa wʋlaabʋllʋ-la sɩ bʋla, ʋ nyuŋ nyaasɛ. Ʋ chei tɔmɔ-la kala sɩ hɛ Juda arɩ Bɛnjamɩŋ tinteeŋ arɩ tasɩ-la kala ʋ sɩ yuo laa Efirem tintee-la peelee sɩ yʋga lɛ. Ʋ wasa bɩrɩmɛ La TƖƖNA koru-la sɩ hɛ La TƖƖNA dɩɩ-bal-la zawʋra sɩpaaŋ.

2 IZIRAL TƖŊŊAA NAABARƖŊ 33:8

Mɩ bɩra bɩ jaŋ leŋ dɩ Iziral tɩŋŋaa lɩɩ tintee-la lɛ mɩ sɩ joŋo pɩ ba naabalɩmaba, dɩ ba nɛ jaŋ fɩɛlɛ ba sɩaa a to wɩalɩŋ kala mɩ sɩ dagɛba a mʋ tɩgɛ wombie-la kala mɩ tɩntɩnna Mosis sɩ ŋmʋnsa bil dɩ ba tuto.”

2 IZIRAL TƖŊŊAA NAABARƖŊ 34:33

Josaaya chei tɔmɔ-la kala sɩ hɛ Iziral tinteeŋ lɛ, a leŋ nɩalɩŋ kala sɩ hɛ Iziral lɛ to ba TƖƖNA Wɩa. Bʋa-la kala ʋ sɩ hɛ ʋ mɩɩsɩŋ lɛ, ba bɩra bɩ La TƖƖNA ba nyɩmmaba Wɩa harɩŋ mɩɩra.

AZAAYA 31:6

Iziral tɩmma, ma lɩɩ La TƖƖNA harɩŋ nɛ a ŋaa wɩaa kɩŋkɛŋ a cheyu, má mɩɩra kɔ ʋ teeŋ.

JƐRƖMAAYA 15:19

Ŋɩɩ wɩaa, wɩɩ-la La TƖƖNA sɩ bʋla pɩ Jɛrɩmaaya nɛ ŋ-la: “Dɩ ŋ nɛ bɩrɩma lɩɩ ŋ wʋbɔŋŋɔɔ ŋaanɩŋ lɛ, mɩ jaŋ leŋ dɩ ŋ bɩra kʋ tɩma pɩpɩmɛ. Dɩ ŋ nɛ jaŋ leŋ wʋtɔɔnʋŋ bʋlʋŋ, aŋ bʋbʋl wɩaa sɩ kɛŋ bʋbʋɔŋ, ŋ jaŋ ŋaa mɩ wʋlaabʋllʋ. Leŋ dɩ nɩaa deemba nɛ mɩɩra kʋ toŋ, ama ʋ bɩ maga dɩ ŋ nɛ toba.

JƐRƖMAAYA 15:4

Mɩ jaŋ ŋaa dɩ ba nagɛ kʋŋ sɩɩ sʋɔrʋ dʋnɩa kuoroo kala teeŋ, a tɩŋ wɩalɩŋ Hezikaaya nanʋala Manasɛ sɩ dii Juda tinteeŋ kuoruŋ a ŋaa Jerusalɛm lɛ wɩaa.

JƐRƖMAAYA 18:11

Lɛɛlɛ bʋla pɩ Juda nɩaa arɩ ba nɩalɩŋ dɔnsʋŋ sɩ hɛ Jerusalɛm lɛ, ‘Wɩɩ-la mɩ-na ma TƖƖNA sɩ bʋla nɛ ŋ-la: Má bee na, mɩɩ bɩɩnɛ wɩɩ nɛ dɩ mɩ ŋaa ma lɛ. Wʋlɔrʋ nɛ mɩɩ bɩɩnɛ dɩ mɩ joŋo dɔgɩsɛma. Ŋɩɩ wɩaa má kʋŋkala bɩrɩma lɩɩ ma wʋbɔŋŋɔɔ lɛ. Ma bɩrɩmɛ ma mɛlɛ arɩ ma wʋŋaalaa.’

JƐRƖMAAYA 24:9

Mɩ jaŋ lɛrɛ wʋlɔrʋŋ kʋ hɛ ba lɛ, dɩ ba nagɛ kʋŋ sɩɩ sʋɔrʋ dʋnɩa tinteyee nɩaa kala teeŋ. Hɩɩsɩŋ jaŋ diiba dɩ nɩaa sisieri ba lɛ. Nɩaa jaŋ kɛŋ ba yɩrɩŋ ŋmɩɛsa hɩhɛ nɩaa lɛ lee na-kala mɩ sɩ kɛmba pɩsa hɛ.

JƐRƖMAAYA 25:5

Ba sɩ, “Má kʋŋkala bɩrɩma lɩɩ ma wombii-bɔmɔ-la ma sɩɩ to arɩ wʋbɔmɔ-la ma sɩɩ ŋaa lɛ. Dɩ ma nɛ ŋaa ŋɩɩ, ma jaŋ wuo hɔŋ tintee-la lɛ La TƖƖNA sɩ joŋo pɩ ma dɩ ma naabalɩmaba a kaa mʋ wuu.

JƐRƖMAAYA 3:1

La TƖƖNA pɩɛsa, “Dɩ baal nɛ vɩa ʋ haala, dɩ haal-la lɩɩ mʋ jaa baal dɔŋ, baal-la sɩ laa sɩpaaŋ vɩaʋ maga dɩ ʋ bɩra mʋ chɩchɛ haal-la nɛɛ? Dɩ ʋ nɛ ŋaa ŋɩɩ, ba tinteeŋ bɩ jaŋ kɛŋ disiniŋ? Ama ma Iziral tɩŋŋaa ŋaa wɩaa a nagɛ hachɔrʋŋ nɛ, a kɛŋ hɩɩlaba yʋgɛ, aŋ lɛɛlɛ chɩchɛ dɩ ma mɩɩra kɔ mɩ teeŋ.

JƐRƖMAAYA 3:12

Mʋ heele bʋl wɩɩŋ deeŋ mɩ sɩɩ bʋl, wɩɩpɔsʋŋ nagʋa dɩɩrɩŋ, ‘Ma Iziral tɩŋŋaa sɩ bɩ wʋtɩtɩɩ kɛnɛ, La TƖƖNA sɩ má mɩɩra kɔ. Mɩ bɩra bɩ jaŋ kɛŋ mɩ sɩaa chei ma nyuŋ, mɩɩ fá nɩaa nenige nɛ. Mɩ-na ma TƖƖNA nɛ bʋla. Mɩ bɩ jaŋ na baanɩŋ ma nyuŋ a kaa mʋ wuu.

JƐRƖMAAYA 3:14

Mɩ-na ma TƖƖNA sɩ, “Ma ŋaa nɩaa sɩ bɩ wʋtɩtɩɩ kɛnɛ nɛ, má mɩɩra kɔ mɩ teeŋ. Mɩ nɛ ma bala. Mɩ jaŋ bagɩsa lɩɩsɛ nɩaa ma tʋɔŋ. Mɩ jaŋ lɩɩsɛ nɩbala taŋ kala lɛ, aŋ lɩɩsɛ nɩaa balɩa ma nyɩŋ-nɩaa tʋɔŋ a kɛmba kaa kɔ Zaayɔŋ.

JƐRƖMAAYA 3:22

Ma ŋaa nɩa sɩ bɩ wʋtɩtɩɩ kɛnɛ nɛ, má mɩɩra kɔ mɩ teeŋ. Mɩ jaŋ vaarɛma a leŋ dɩ ma kɛŋ wʋtɩtɩɩ.” Nɩalɩŋ jaŋ bʋl, “La jaŋ kɔ ŋ teeŋ, ŋ nɛ La TƖƖNA Wɩa.

JƐRƖMAAYA 35:15

Mɩ tɩŋ mɩ wʋlaabʋllaa kala ma teeŋ nɛ bʋlɩa bʋlɩa. Ba bʋla pɩma, ‘Ma kʋŋkala maga ma bɩrɩma lɩɩ ma wʋbɔŋŋɔɔ lɛ nɛ, a bɩrɩmɛ ma wʋŋaalaa. Má sɩ́ vesiŋ to, dɩ ma nɛ ŋaa ŋɩɩ, ma jaŋ hɔŋ tintee-la mɩ sɩ joŋo pɩ ma dɩ ma naabalɩmaba lɛ.’ Ama ma bɩ jegile nɩɩ mɩ teeŋ koo a kaa tɩŋ.

JƐRƖMAAYA 36:3

Kapo Juda nɩaa nɛ nɩɩ wʋlɔrʋnʋ-la mɩ sɩɩ bɩɩnʋ dɩ mɩ joŋo hɛ ba lɛ, ba jaŋ bɩrɩma lɩɩ ba wʋbɔŋŋɔɔ lɛ. Dɩ ba nɛ ŋaa ŋɩɩ, mɩ jaŋ joŋ ba wʋbɔŋŋɔɔ arɩ ba wʋcheelee a chɛba.”

JƐRƖMAAYA 4:4

Má joŋ ma tɩtɩa hɛ mɩ-na ma TƖƖNA nɩsɩŋ lɛ. Má Juda arɩ Jerusalɛm nɩaa, má pʋllɛ ma tʋɔŋ, dɩ ŋɩɩ dee, mɩ baanɩŋ jaŋ sii ma nyuŋ a nagɛ nyiniŋ a diima a tɩŋ wʋbɔmɔ-la ma sɩ ŋaa wɩaa. Dɩ nyiŋ-la nɩɩ diima, nʋʋkala bɩ jaŋ wuo dɩsʋ.

JƐRƖMAAYA 7:3

Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa bɩra sɩ bʋla nɛ ŋ-la: Má bɩrɩma lɩɩ ŋɩɩ ma sɩ naga lɛ a joŋ wɩalɩŋ ma sɩɩ ŋaa ta, ka dɩ mɩ leŋ dɩ ma hɔŋ daha.

JƐRƖMAAYA 7:5

Dɩ ma nɛ chaasa bɩrɩma lɩɩ ŋɩɩ ma sɩ naga lɛ, a joŋ wɩalɩŋ ma sɩɩ ŋaa ta, aŋ ŋɩŋaa wɩaa ba bʋɔsʋŋ lɛ dɔŋɔba teeŋ,

JƐRƖMAAYA 7:7

ŋɩɩ-na, mɩ jaŋ leŋ dɩ ma hɔŋ tinteeŋ deeŋ lɛ a kaa mʋmʋ wuu, lee-la mɩ sɩ joŋo pɩ ma naabalɩmaba.

ƐZƖKƖƐL 11:18

Dɩ ba nɛ mɩɩra kɔ, ba jaŋ chei tɔŋŋɔɔ sɩ ŋaa disiŋ kɩaa arɩ vesiŋ mɩ sɩɩ kɩsʋ kala sɩ hɛ tintee-la lɛ.

ƐZƖKƖƐL 18:13

Ʋ yie joŋ kɩaa chɩŋ nɩaa aŋ leŋ ba tiŋ nyʋʋrʋŋ yʋgɛ. Nɩdoho deeŋ jaŋ wuo kɛŋ mɩɩsɩŋ? Ʋ bɩ jaŋ kɛŋ mɩɩsɩŋ, bɛɛ wɩaa ʋ ŋaa wɩaa deemba kala mɩ sɩɩ kɩsʋ nɛ. Ʋ maga dɩ ba kpʋʋ nɛ, ʋ tɩtɩa nɛ chɛ ʋ sʋʋŋ.

ƐZƖKƖƐL 43:9

Lɛɛlɛ ba maga ba leŋ vʋɩyaa kpaarɩŋ arɩ ba kuoroo vaamaa ba sɩ saa bil a kpʋkpaarɛ. Dɩ ba nɛ ŋaa ŋɩɩ, mɩ jaŋ hɛ ba tʋɔŋ a kaa mʋ wuu.”

HOSIA 14:1

Iziral tɩmma, má mɩɩra mʋ ma TƖƖNA Wɩa teeŋ. Ma wʋbɔŋŋɔɔ nɛ leŋe ma tel.

HOSIA 2:2

Má kpɩa ma naaŋ lɛ, má kpɩa ʋ lɛ, bɛɛ wɩaa ʋ tuo mɩ haal, mɩ ma tuo ʋ bala. Má leŋ dɩ ʋ lɩɩsɛ ʋ sɩaa hachɔrʋŋ wʋŋaalaa lɛ a leŋ dɩ hachɔrʋŋ wɩaa dɛrɛ ʋ tʋɔŋ lɛ.

HOSIA 7:16

Ba bɩ mɩɩra kɔ mɩ-na Wɩa sɩ kɩɩ kʋŋkala teeŋ, ba nagɛ toŋ sɩ golibo nɛ. Ba jaŋ kpʋ ba sɩpaalaaraa laalɩŋ lɛ, a tɩŋ nii-jɩgɩ wɩalɩŋ ba sɩɩ bʋl. Wɩɩŋ deeŋ wɩaa, ba jaŋ mɔmba Ijipiti tinteeŋ lɛ.”

JOWƐL 2:12

La TƖƖNA sɩ, “Lɛɛlɛ, má mɩɩra kɔ mɩ teeŋ arɩ ma tʋɔŋ kala, a vɔɔ niiŋ aŋ pɛ faasa yiyel.”

ZƐKARƖYA 1:4

Má sɩ́ ma naabalɩmaba nagʋ, ba nɛ mɩ wʋlaabʋlla-la laa sɩpaaŋ kʋ bʋla pa ŋɩɩ: Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ: ‘Má bɩrɩma lɩɩ ma wombii-bɔŋŋɔɔ arɩ wʋbɔmɔ-la ma sɩɩ ŋaa lɛ.’ Ama ba bɩ jegile nɩɩ mɩ teeŋ koo a kaa tɩŋ. Mɩ-na ma TƖƖNA nɛ bʋla.

MOSIS BƖRA WULLI WƖA WOMBIIŊ 27:15

‘La TƖƖNA ŋmɩaŋ jaŋ dii nʋʋkala sɩ kɛŋ daaŋ koo tɩɛrɩŋ koo hɔɔŋ a ŋaa tɔmʋŋ a lʋara kpʋkpaarɛ. La TƖƖNA ka kɩsɛ ŋɩɩ nɛ.’ Nɩalɩŋ kala jaŋ laa bʋl, ‘Amɩɩ.’

MOSIS BƖRA WULLI WƖA WOMBIIŊ 4:30

Dɩ wɩaa deemba kala nɛ ŋaa ma lɛ, dɩ hɛɛŋ jʋʋma, ʋ ŋɩɩ harɩŋ ma jaŋ mɩɩra kɔ ma TƖƖNA Wɩa teeŋ a sɛyʋ.

JOSUA 24:14

Maa fá La TƖƖNA a tutou arɩ ma wʋtɩtɩɩ. Má paa vesi-la ma naabalɩmaba fa sɩɩ kpaarʋ Yufireti fuo-la cholo arɩ Ijipiti lɛ a yuo ta, aŋ tɩma pɩpɩ La TƖƖNA.

SƖPAALAARAA 10:16

Ŋɩɩ nɛ ba joŋ vesi-la sɩ hɛ ba teeŋ ta, aŋ tuto La TƖƖNA. Ʋ chaasa fá ba nenige. Ʋ bɩra bɩ leŋe ba na hɛɛŋ.

1 SAMƲƐL 7:3

Ŋɩɩ nɛ Samʋɛl fa bʋla pɩ Iziral tɩŋŋaa kala, “Dɩ ma nɩɩ chɛ dɩ ma joŋ ma tʋɔŋ kala a pɩ La TƖƖNA, ŋɩɩ-na má vɩa nɩwogusuŋ vesiŋ arɩ vene-la ba sɩɩ yɩrɛ Asɩtɔrɛf, aŋ joŋ ma tɩtɩa kala a pɩ La TƖƖNA a tuto ʋ dʋndʋŋa. Dɩ ma nɛ ŋaa ŋɩɩ, ʋ jaŋ laama ta Fɩlɩsɩtɩa tɩŋŋaa nɩsɩŋ lɛ.”