JƐRƖMAAYA 39:3 - WƖA TENIŊ

³ Ŋɩɩ nɛ Babɩlɔŋ kuoro tɩntɩnnɩ-hɩasɩ-la hɔŋ tʋtʋɔbaanɩŋ boi-baal-la lɛ. Ba yɩraa nɛ ŋ-la: Nɛgal-Sarɛza a lɩɩ Samɩga, Nebo-Sasɛkɩm, ʋ ŋaa ʋ tɩntɩnnaa nɩhɩaŋ nɛ, Nɛgal-Sarɛza, ʋ ma ŋaa tɩntɩnnɩ-hɩaŋ nɛ a saa pɛ Babɩlɔŋ kuoro tɩntɩnnɩ-hɩasɩ-la dɔnsʋŋ lɛ.

JƐRƖMAAYA 39:3 Iomraidhean Croise

2 KUOROO 17:30

Babɩlɔŋ nɩaa mɛ ba vene-la ba sɩɩ yɩrɛ Sʋkɔf Bɛnɔf, Kuta nɩaa ma mɛ ba vene baa yɩrɛ Nɛgal, Hamaf nɩaa ma mɛ ba vene baa yɩrɛ Asɩma,

JƐRƖMAAYA 1:15

Mɩɩ chɛ mɩ yɩrɛ wɩɩpɔsʋŋ nagʋa dɩɩrɩŋ tinteeŋ nɩaa nɛ. Ba kuoroo jaŋ kɔ a bil ba kuoru kpasɩnɩŋ Jerusalɛm boi-baalaa niiŋ. Ba jaŋ golli ma kɛrɛsɩŋ chu a yuo Juda tasɩŋ kala. Mɩ-na ma TƖƖNA nɛ bʋla.

JƐRƖMAAYA 21:4

‘Wɩɩ-la La TƖƖNA, Iziral tɩŋŋaa Wɩa sɩ bʋla nɛ ŋ-la: Mɩ jaŋ kɛŋ bayuori kɩalɩŋ sɩ hɛ ŋ nɩsɩŋ lɛ a mɩɩra gʋra chaasɛ ŋ tɩtɩa, kɩalɩŋ ŋ sɩ kaa yuyuo Babɩlɔŋ kuoro arɩ Babɩlɔŋ nɩalɩŋ sɩ hɛ kɛrɩsɩ-la sɩ golluŋ harɩŋ a yuyuoŋ. Mɩ jaŋ kɛŋ nɩalɩŋ kala kʋ jʋʋ hɛ dɔŋɔ tabalɩŋ deeŋ tʋɔŋ.

JƐRƖMAAYA 38:17

Ŋɩɩ nɛ Jɛrɩmaaya bʋla pɩ Zedikaaya, “Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Dɩ ŋ nɛ joŋ ŋ tɩtɩa hɛ Babɩlɔŋ kuoro tɩntɩnna-la nɩsɩŋ lɛ, ŋ jaŋ laa ŋ mɩɩsɩŋ, ba bɩ jaŋ nyɩgɛ tabalɩŋ deeŋ ma, ŋ dɩ ŋ dɩa nɩaa jaŋ kɛŋ mɩɩsɩŋ.

JƐRƖMAAYA 39:13

Ŋɩɩ nɛ Nebuzaradaŋ sɩ ŋaa laalɩyuoro-la sɩɩ pɔ kuoro nɩhɩaŋ, arɩ Nebusazɩbaŋ sɩ ŋaa tɩntɩnnaa nɩhɩaŋ, arɩ Nɛgal-Sarɛza ma sɩ ŋaa tɩntɩnnɩ-hɩaŋ arɩ Babɩlɔŋ tɩntɩnnɩ-hɩasɩ-la dɔnsʋŋ kala

ƐZƖKƖƐL 26:10

Ʋ janɩŋ jaŋ yʋgɛ kɩŋkɛŋ dɩ ba kʋŋkɔlʋŋ sii tɔŋ. Ʋ laalɩŋ janɩŋ jaŋ lɛrɛ janɩŋ torukoba arɩ torukoba a to ŋ boi-baalaa jʋʋ a nagɛ tabal-la ba sɩ yuo dii. Dɩ ba nɛ jʋa, ba dɔmɔ jaŋ leŋ dɩ ŋ jeyee jigisi.