JƐRƖMAAYA 3:6 - WƖA TENIŊ

⁶ Bʋa-la lɛ Josaaya sɩ dii kuoruŋ nɛ La Tɩɩna pɩɛsɛmɛ, “Ŋ na wɩɩ-la Iziral tɩŋŋaa sɩ bɩ wʋtɩtɩɩ kɛnɛ sɩ ŋaa nɛɛ? Ba mʋ dundolo kala sɩ leŋie nyuŋ nɛ, arɩ tɩɩ-lugu na-kala bʋbʋɔŋ a ŋaa wʋchɔrʋmɔɔ nɩmɛ.

JƐRƖMAAYA 3:6 Iomraidhean Croise

1 KUOROO 14:23

Ba ma fa saa veŋ kpaarɛ leree nɛ, a bil tabɩa, a pɛ Asɩra daasɩŋ dundolluŋ nyuŋ arɩ tɩɩ-lugunuŋ bʋbʋɔŋ a kpʋkpaarɛ.

2 IZIRAL TƖŊŊAA NAABARƖŊ 34:1

Josaaya fa ŋaa jɩsɩŋ chori nɛ aŋ dii kuoruŋ Juda tinteeŋ lɛ. Ʋ hɔŋ Jerusalɛm lɛ a bemba jɩsɩŋ mara arɩ fii arɩ kʋbala nɛ.

WƖA YƖƖLAA 106:39

Wɩalɩŋ ba sɩ ŋaa leŋe ba kɛŋ disiniŋ nɛ, ba fa bɩ wʋtɩtɩɩ kɛnɛ arɩ Wɩa.

AZAAYA 57:3

Ama ma nɩaa deemba nagɛ vʋgʋraa, arɩ nɩlɩɩlɩŋ arɩ bachɔrʋmɔɔ arɩ hachɔrʋmɔɔ nɛ!

AZAAYA 57:7

Ma ŋaa ma dɩ-pɩnaa peelee sɩ leŋie nyusuŋ nɛ, a kpʋkpaarɛ ma tɔŋŋɔɔ nɩmɛ.

JƐRƖMAAYA 1:2

Amɔŋ nanʋala Josaaya sɩ dii Juda tinteeŋ kuoruŋ, ʋ jɩsɩŋ fii arɩ batori tʋɔŋ nɛ La TƖƖNA fa bʋl wɩaa a pɩ Jɛrɩmaaya.

JƐRƖMAAYA 11:10

Ba mɩɩra ŋɩŋaa wʋbɔmɔ-la ba naabalɩmaba-la fa sɩ vɩa dɩ ba jegile nɩɩ mɩ niiŋ wɩaa aŋ ŋaa nɛ. Ba to vʋɩyaa nɛ a kpaarɛba. Juda arɩ Jerusalɛm nɩaa kala chei nii-la mɩ fa sɩ bile mɩ dɩ ba naabalɩmaba pɛgɛ nɛ.

JƐRƖMAAYA 17:2

Ba biiriŋ ma paala ka liisi ba vʋɩyaa korunu-la wɩaa nɛ arɩ vene-la ba sɩɩ yɩrɛ Asɩra daasɩŋ ba sɩ pɛ tɩɩ-lugu na-kala bʋbʋɔŋ arɩ dundolluŋ sɩ leŋie nyuŋ.

JƐRƖMAAYA 3:8

Mɩ joŋ teŋ-la mɩ sɩ ŋmʋnsa a vɩvɩa Iziral mɩ sɩ jaa, ka ʋ bɩ wʋtɩtɩɩ kɛnɛ a pʋ nɛ aŋ kiru ta, a tɩŋ wʋchɔrʋmɔ-la kala ʋ sɩ ŋaa wɩaa. Ama ʋ naambie Juda ma fa sɩ bɩ wʋtɩtɩɩ kɛnɛ bɩ fawʋllʋŋ fá, aŋ ma mʋ ŋaa wʋchɔrʋmɔ-la tɩtɩa.

JƐRƖMAAYA 31:22

Ɛɛ nɛ maa chɛ ma gɔllɔ baara diene magɛ, ma Iziral tɩŋŋaa sɩ bɩ wʋtɩtɩɩ kɛnɛ? La TƖƖNA jaŋ ŋaa wʋfalɩɩ dʋnɩa lɛ, haala jaŋ pʋpɔ baala.”

JƐRƖMAAYA 5:11

Iziral tɩŋŋaa arɩ Juda nɩaa chaasa bɩ wʋtɩtɩɩ mʋa ma kɛnɛ mɩ teeŋ. Mɩ-na ma TƖƖNA nɛ bʋla.”

JƐRƖMAAYA 7:24

Ama ba fa bɩ jegile nɩɩ koo a kaa tɩŋ. Ba fa mɩɩra to ba nyuduoŋ arɩ ba tʋɔbɩɩŋ bɔŋŋɔɔ harɩŋ nɛ. Ba fa mɩɩra mʋ harɩŋ nɛ, ba bɩ sɩpaaŋ mʋa.

ƐZƖKƖƐL 16:31

Ŋ sɩ saa vesiŋ dɩ-kpaaraa womporii na-kala nyuŋ, aŋ saa vʋɩyaa lee-la taŋ nɩaa sɩɩ hɔŋ, ŋ fa bɩ hachɔrʋŋ naga, bɛɛ wɩaa ŋ bɩ moribiee ka laa.

ƐZƖKƖƐL 16:35

Ŋɩɩ wɩaa Jerusalɛm, ŋ ŋaa hachɔrʋŋ nɛ, jegile nɩɩ wɩɩ-la mɩ-na ŋ TƖƖNA sɩ bʋla.

ƐZƖKƖƐL 20:28

Bʋa-la lɛ mɩ sɩ kɛmba kʋ jʋʋ tintee-la mɩ fa sɩ hɛ niiŋ arɩ mɩ jaŋ joŋo pɩba, dɩ ba nɛ na dundolo kala koo tɩɩ-lugu kala nɩmɛ, ba yie kpʋkpaarɛ vʋɩyaa nɩmɛ nɛ. Ba yie joŋ kɩaa pɩpɩba, a nyɩnyɩgɛ kʋsʋɔrʋsʋŋ sʋɔra sɩ sɩma a ŋaa kʋnyʋalaa pɩpɩba a ŋaa mɩ baanɩŋ sii.

ƐZƖKƖƐL 23:11

Ʋ ŋaana Oholiba na wɩɩ-la sɩ ŋaa, aŋ ha hɩhɩɛnɛ baalaa a ŋaa hachɔrʋŋ wɩaa yʋga kɩɩ ʋ malɩma.

ƐZƖKƖƐL 23:4

Nɩhɩaŋ yɩrɩŋ nɛ fa Ohola, ʋ ŋaana ma yɩrɩŋ nɛ Oholiba. Mɩ fa jaa ba nɛ ba lʋl hambolibiisiŋ arɩ hantolibiisiŋ kala. Ohola nɛ chɩŋ taŋ-la ba sɩɩ yɩrɛ Samarɩa nyuŋ, Oholiba ma nɛ chɩŋ taŋ-la ba sɩɩ yɩrɛ Jerusalɛm nyuŋ.

HOSIA 11:7

Mɩ nɩaa kɛŋ ba tʋɔŋ dɩ ba mɩɩrɛ mɩ harɩŋ nɛ. Dɩ ba nɛ paala sʋla yɩrɛ mɩ-na Wɩa sɩ kɩɩ kʋŋkala ma, mɩ bɩ jaŋ pɛ ba lɛ.

HOSIA 4:13

Ba yie kpaarɛ vʋɩyaa peelee nyuŋ, a nyɩgɛ kʋsʋɔrʋsʋŋ dundolluŋ nyuŋ, arɩ tɩɩsɩŋ sɩ kɛŋ fɩɛlɩŋ bʋbʋɔŋ. Ŋɩɩ wɩaa ma toloo ŋɩŋaa hachɔrʋŋ wɩaa, ma bii-haalaa ma chɩchɛ nɩaa balaba.

SƖPAALAARAA 2:17

Ama Iziral tɩŋŋaa vɩa dɩ ba to sɩpaalaara-la niiŋ, aŋ ha joŋ ba tɩtɩa a hɛ vesiŋ lɛ a kpʋkpaarɛba. Doho deeŋ nɩaa-na fa bɩ ba nyɩmmaba naga, ba nyɩmmaba fa sɩɩ to La TƖƖNA niiŋ wɩaa ŋɩɩ. Ba-na guu vɩa ba kala nɛ.