JƐRƖMAAYA 3:4 - WƖA TENIŊ

⁴ Lɛɛlɛ nɛ ma yɩrɛmɛ a bʋl, ‘Mɩ nyɩmma, ŋ nɛ mɩ nandɔŋɔ a chɩŋ mɩ hammiiriŋ kala lɛ a kaa kɔ.

JƐRƖMAAYA 3:4 Iomraidhean Croise

WƖA YƖƖLAA 119:9

Ɛɛ nɛ bapʋɔsɩ-bie jaŋ ŋaa a sɩ́ disiniŋ kɛŋ? See dɩ ʋ kɛŋ wɩalɩŋ ŋ sɩ daga tɩtɩŋ.

WƖA YƖƖLAA 48:14

La Wɩa nɛ ŋ-la, ʋ nɛ la Wɩa a kaa mʋ wuu. Ʋ nɛ jaŋ pɔla a kaa mʋ la dɩdɛrɩŋ.

WƖA YƖƖLAA 71:17

Mɩ Wɩa, ŋ dagɛmɛ mɩ hambiriŋ kala lɛ nɛ. Mɩ ha heelee bʋl wʋkpuŋkperisi-la ŋ sɩ ŋaa wɩaa nɛ arɩ jɩnɩŋ kala.

WƖA YƖƖLAA 71:5

Mɩ Tɩɩna Wɩɩjarɩbakɔ, mɩ yɩɛlaa kala hɛ ŋ lɛ nɛ. Mɩ laaŋ dii nɛ mɩ bapʋɔsʋŋ kala lɛ.

NAMAGABA 1:4

Ba jaŋ wuo dagɛ nɩalɩŋ sɩ bɩ wɩaa jɩŋ woruŋ dɩ ba kɛŋ wʋjɩmɩŋ, a pɛ bapʋɔsaa arɩ hatoloo lɛ dɩ ba kɛŋ wʋjɩmɩŋ a bɩɩnɛ wɩaa woruŋ aŋ ŋɩŋaa.

NAMAGABA 2:17

haal-la sɩ vɩa ʋ hatol bala, a yʋ nii-la ʋ sɩ hɛ Wɩa sɩpaaŋ.

JƐRƖMAAYA 2:2

“Mʋ heele bʋla pɩ Jerusalɛm nɩaa kala, mɩ liise yi ŋɩɩ ma fa sɩɩ to mɩ nɛ ma hambiriŋ lɛ. Ma fa chomi nɛ woruŋ a nagɛ nɩa sɩ cho ʋ ha-falɩŋ ŋɩɩ, a to mɩ harɩŋ tintee-hɩlɩŋ lɛ, gɩrɩpɩrɩŋ tʋɔŋ.

JƐRƖMAAYA 2:27

Ba yie bʋla pɩ tɩa, ‘Ŋ nɛ ŋaa la nyɩmma,’ a bʋla pɩ tabɩɩŋ ma, ‘Ŋ nɛ ŋaa la naaŋ.’ Ba joŋ ba harɩŋ yɩamɛ nɛ, ba sɩpaaŋ tuo mɩ lɛ. Ama dɩ wɩaa nɛ jʋʋba, ba yie bʋla pɩmɛ, ‘Kʋ laala ta.’

JƐRƖMAAYA 3:19

Mɩ-na tɩtɩa nɛ fa sɩ, “Mɩ tʋɔŋ fa jaŋ tɔrɛ dɩ mɩ kɛmma a nagɛ mɩ biiriŋ, a joŋ tinteeŋ sɩ zɔmɔ woruŋ a pɩma. Tintee-la nɛ zɔmɔ kɩɩ tintee kala dʋnɩa lɛ. Mɩ fa bɩɩna ma jaŋ kɛmmɛ yɩrɛ ‘Ma Nyɩmma’, aŋ bɩra bɩ jaŋ mɩɩrɛ mɩ harɩŋ.

JƐRƖMAAYA 31:22

Ɛɛ nɛ maa chɛ ma gɔllɔ baara diene magɛ, ma Iziral tɩŋŋaa sɩ bɩ wʋtɩtɩɩ kɛnɛ? La TƖƖNA jaŋ ŋaa wʋfalɩɩ dʋnɩa lɛ, haala jaŋ pʋpɔ baala.”

JƐRƖMAAYA 31:9

Ba jaŋ kɔ aŋ yiyel, mɩ nɛ kɛmba mɩɩraa kɔ, ba jaŋ chʋchʋɔlɛmɛ. Mɩ jaŋ kɛmba to lere-la sɩ kɛŋ lɩɩŋ yʋgɛ, dɩ ba vɛŋ tinteeŋ sɩ magɛ dɔŋɔ nyuŋ a sɩ́ gɛrʋ, bɛɛ wɩaa mɩ nɛ Iziral tɩŋŋaa nyɩmma. Efirem nɛ ŋaa mɩ hambolibii bumbuŋ.

HOSIA 2:15

Nɩmɛ nɛ mɩ jaŋ bɩra joŋ ʋ tɩɩnɛnɛɛ bagɩsɩŋ pʋ, a leŋ dɩ Akɔ fuonaa-la fa sɩ ŋaa wʋjʋʋlaa lee, dɩ ʋ mɩɩra ŋaa lee sɩ kɛŋ yɩɛlaa. Nɩmɛ nɛ ʋ jaŋ yɩɩ yɩɩlaa a nagɛ ʋ hambiiriŋ bʋa lɛ, a nagɛ tapʋlɩɩ-la ʋ sɩ lɩɩ Ijipiti tinteeŋ lɛ.

MALAKAƖ 1:6

Mɩ-na ma TƖƖNA doluŋ kala Tɩɩna sɩ, “Biiriŋ yie zizil ba nyɩmmaba nɛ, tɩntɩnnaa ma zizil ba nɩhɩasɩŋ. Mɩ-na nɛ ŋaa ma nyɩmma, a ŋaa ma nɩhɩaŋ ma. Wʋbɛɛ nɛ saa ma ŋaa a zizilmi? Ma Wɩɩsʋllɩ sɩpaalaaraa, ma sɩɩŋ jʋʋmɛ nɛ, aŋ lɛɛlɛ pɩɛsɛ, ‘Sɩɩ-jʋʋ wʋbɛɛ nɛ la ŋaa ŋ-na La Tɩɩna lɛ?’

MALAKAƖ 2:14

Ma yie pɩɛsɛ, “Bɛɛ nɛ tɩɩ ʋ bɩ la Wɩɩsʋlʋŋ ka laa?” Wɩɩ-la sɩ tɩɩ nɛ ŋ-la: La TƖƖNA na arɩ ma kʋŋkala bɩ tɛŋɛ joŋo tuto ŋ bapʋɔsɛ haala lɛ. Ma fa hɛ niiŋ ma TƖƖNA sɩpaaŋ arɩ ma dɩ ba nɛ jaŋ hɛ nɩmɛ, ama lɛɛlɛ ma chei nii-la nɛ.