JƐRƖMAAYA 3:2 - WƖA TENIŊ

² Má beŋ dundol kpʋlaa nyuŋ na, lee hɛ nɩmɛ ma sɩ bɩ wʋchɔrʋmɔɔ ŋaa? Ma yie hɔŋ wombiiŋ sɛmɛ nɛ a gbɩgbɛrɛ ma hɩɩlaba. Ma nagɛ nɩaa sɩ gɔllɔɔ baarɛ tintee-hɩlɩŋ lɛ nɛ. Ma ŋaa wʋchɔrʋmɔɔ arɩ tʋɔhɛɩ wɩaa a leŋ tintee-la kɛŋ disiniŋ nɛ.

JƐRƖMAAYA 3:2 Iomraidhean Croise

WƖAA DƖ-SUOMUŊ 38:14

ʋ sii wuri ʋ yoha-gɛnnɩŋ a bil aŋ joŋ nyu-bɛlɛ tɔ ʋ tɩtɩa, dɩ Juda sɩ́ ʋ jɩŋ. Ŋɩɩ nɛ aŋ lɩɩ hɔŋ wombii-la sɩɩ jʋʋ Enem a mʋmʋ Tɩmɩna, bɛɛ wɩaa ʋ na dɩ Sɛla waa nɛ, ka ba bɩ ʋ joŋo pʋ dɩ ʋ ŋaa ʋ bala.

1 KUOROO 11:3

Ʋ haalaa zɔɔ-balɩpɛ nɛ fa ŋaa kuoroo toloo, ʋ haala-la ma ʋ sɩ bile aŋ bɩ jaa ŋaa zɔɔ-batori. Ʋ haala-la leŋ ʋ yeŋŋi Wɩa wombiiŋ lɛ.

2 KUOROO 23:13

Kuoro Josaaya fa bɩra chei vesiŋ dɩ-kpaarɩa-la sɩ hɛ Jerusalɛm wɩɩpɔsʋŋ, a hɛ dundolo-la ba sɩɩ yɩrɛ Cheeriŋ Dundolo wɩɩpɔsʋŋ nadiiŋ, lere-la Iziral tinteeŋ kuoro Solomoŋ fa sɩ saa a pɩ Sɩdɔŋ tɩŋŋaa veŋ-bɔŋ-la ba sɩɩ yɩrɛ Asɩtɔrɛf, arɩ Mʋab tɩŋŋaa veŋ-bɔŋ-la ba sɩɩ yɩrɛ Chɛmɔs arɩ Amɔŋ tɩŋŋaa veŋ-bɔŋ-la ba sɩɩ yɩrɛ Mɔlɛk.

WƖA YƖƖLAA 106:38

Ba kpʋ nɩalɩŋ sɩ bɩ wɩɩ cheye, ba hambolibiisiŋ arɩ ba toloo. Ba kɛsɛba kpʋ nɛ a kpaarɛ Kɛnaŋ tɩŋŋaa tɔŋŋɔɔ, ba chalɩŋ leŋ tintee-la kɛŋ disiniŋ.

NAMAGABA 23:28

Ʋ yie pɩna gbɛrɛ nɛ a nagɛ gaara, a leŋ baala-la sɩ bɩ wʋtɩtɩɩ kɛnɛ pʋŋa pɩpɛ.

NAMAGABA 7:11

Ʋ kɛŋ nyuduoŋ a ŋɩŋaa goŋ. Ʋ bɩ dɩa lɛ ka hɔŋ.

JƐRƖMAAYA 12:12

Laalɩyuoro-la sɩɩ chei leriŋ jaŋ kʋ waala tɔ dundollu-la kala sɩ hɛ tintee-hɩlɩŋ lɛ, mɩ-na ma TƖƖNA tokobiiŋ jaŋ chɩŋ tintee-la sɛmɛ dɔŋɔ, a kpʋ nɩaa deeŋ deeŋ a mʋ yi sɛmɛ dɔŋɔ. Nʋʋkala bɩ jaŋ wiesi.

JƐRƖMAAYA 2:20

Faafaa kala nɛ ma vɩamɛ a bɩ mɩɩ to. Ma fa sɩ, ‘La bɩ jaŋ tɩma pɩŋ.’ Dundolo kala nyuŋ arɩ tɩɩ-lugu kala bʋbʋɔŋ nɛ ma kpʋkpaarɛ vesiŋ.

JƐRƖMAAYA 2:23

Ɛɛ nɛ saa ma jaŋ wuo bʋl, ‘La bɩ disiniŋ ŋaa chei la tɩtɩa, la bɩ vene-la ba sɩɩ yɩrɛ Baal kpaara?’ Má beŋ wɩalɩŋ ma sɩ ŋaa fuonaaŋ lɛ. Má kɛŋ wɩalɩŋ ma sɩ ŋaa bɩɩna na. Ma nagɛ bʋntaŋŋɩ-nɩɩŋ sɩ gɔllɔ fá a chɩchɛ belliŋ dɩ ba jɩlʋ nɛ.

JƐRƖMAAYA 2:7

Mɩ kɛmma kaa kʋ jʋʋ tinteeŋ sɩ sɩma nɛ, dɩ ma dii ʋ kɩaa arɩ kʋzɔŋ na-kala sɩ hɛ ʋ lɛ a nɩɩ sɩma. Ama ma kʋ jʋʋ nɛ a ŋaa disiniŋ hɛ mɩ tintee-la mɩ sɩ joŋo pɩma lɛ, a leŋ mɩ dɩ-tɩɩlɩŋ nagɛ kʋŋ mɩ sɩɩ kɩsʋ.

JƐRƖMAAYA 3:1

La TƖƖNA pɩɛsa, “Dɩ baal nɛ vɩa ʋ haala, dɩ haal-la lɩɩ mʋ jaa baal dɔŋ, baal-la sɩ laa sɩpaaŋ vɩaʋ maga dɩ ʋ bɩra mʋ chɩchɛ haal-la nɛɛ? Dɩ ʋ nɛ ŋaa ŋɩɩ, ba tinteeŋ bɩ jaŋ kɛŋ disiniŋ? Ama ma Iziral tɩŋŋaa ŋaa wɩaa a nagɛ hachɔrʋŋ nɛ, a kɛŋ hɩɩlaba yʋgɛ, aŋ lɛɛlɛ chɩchɛ dɩ ma mɩɩra kɔ mɩ teeŋ.

JƐRƖMAAYA 3:13

Má-na sɛɩ arɩ ma cheye nɛ. Ma fa vɩa mɩ-na ma Tɩɩna Wɩa niiŋ nɛ. Ma joŋ ŋɩɩ ma sɩ chomi a pɩ vesiŋ nɛ tɩɩ-lugunuŋ bʋbʋɔŋ, aŋ vɩa dɩ ma to mɩ niiŋ. Mɩ-na ma TƖƖNA nɛ bʋla.’ ”

JƐRƖMAAYA 3:21

Nɩaa nɩɩ yel dundol kpʋlaa nyuŋ, Iziral tɩŋŋaa nɩɩ yel ŋɩɩ aŋ sʋsʋl dɩ mɩ joŋo chɛba, bɛɛ wɩaa ba yʋ mɩ-na ba TƖƖNA Wɩa wɩaa nɛ a vɩa mɩ wombiiŋ.

JƐRƖMAAYA 3:9

Iziral tɩŋŋaa fa sɩ bɩ wʋchɔrʋmɔɔ ŋaanɩŋ joŋo dɩ ʋ ŋaa wʋbɔŋ ŋɩɩ, ba kpʋkpaarɛ tabɩaa arɩ tɩɩsɩŋ a ŋaa disiniŋ a hɛ tintee-la lɛ.

JƐRƖMAAYA 7:29

Jerusalɛm tɩmma, má kɛ ma nyu-pʋnaa a yuo ta, aŋ jɩl dundol kpʋlaa nyuŋ a ta jembiee a yiyel, bɛɛ wɩaa mɩ-na ma TƖƖNA baanɩŋ sii doho deeŋ nɩaa nyuŋ nɛ, mɩ vɩaba ta.

ƐZƖKƖƐL 16:16

Ŋ mɩɩra joŋ ŋ gɛrɩ-zɔmɔ-la dɔnsʋŋ a kpɩɛrɛ vesiŋ dɩ-kpaaraa nɛ, lere-la ŋ sɩɩ ŋaa ŋ hachɔrʋŋ wɩaa. Wʋdosunuŋ deemba saa bɩ maga dɩ baa ŋaa, ŋɩɩ bɩ maga dɩ ʋ ŋaa.

ƐZƖKƖƐL 20:28

Bʋa-la lɛ mɩ sɩ kɛmba kʋ jʋʋ tintee-la mɩ fa sɩ hɛ niiŋ arɩ mɩ jaŋ joŋo pɩba, dɩ ba nɛ na dundolo kala koo tɩɩ-lugu kala nɩmɛ, ba yie kpʋkpaarɛ vʋɩyaa nɩmɛ nɛ. Ba yie joŋ kɩaa pɩpɩba, a nyɩnyɩgɛ kʋsʋɔrʋsʋŋ sʋɔra sɩ sɩma a ŋaa kʋnyʋalaa pɩpɩba a ŋaa mɩ baanɩŋ sii.

HOSIA 2:5

Ba naaŋ ŋaa hachɔrʋŋ nɛ a ŋaa hɩɩsɛ wɩaa a kɛŋ ba luoruŋ. Ʋ sɩ, “Mɩ jaŋ kire to mɩ hɩɩlaba harɩŋ, nɩalɩŋ sɩɩ pɩmɛ mɩ kʋdiilee arɩ lɩɩŋ, pie-pʋnaa gɛnnɩŋ arɩ gɛrɩ-fʋfʋlʋŋ, nʋʋŋ arɩ girep nɛnɛɛ sɩnɩŋ.

Luuk 16:23

ʋ mʋ jʋʋ Wɩa-nyiniŋ a nɩna hɛɛŋ woruŋ. Ŋɩɩ nɛ ʋ bee mʋ na Abɩraham dɩ ʋ hɔŋ dɩ-bolii, ka Lazarɔs ma hɔŋ ʋ sɛmɛ.

MOSIS BƖRA WULLI WƖA WOMBIIŊ 12:2

Tinteye-la kala ma sɩ yuo dii, má chei ba vʋɩyaa dɩ-kpaaraa kala, kɩalɩŋ sɩ hɛ peelee nyuŋ arɩ dundolluŋ arɩ tɩɩsɩŋ bʋbʋɔŋ.