JƐRƖMAAYA 3:12 - WƖA TENIŊ

¹² Mʋ heele bʋl wɩɩŋ deeŋ mɩ sɩɩ bʋl, wɩɩpɔsʋŋ nagʋa dɩɩrɩŋ, ‘Ma Iziral tɩŋŋaa sɩ bɩ wʋtɩtɩɩ kɛnɛ, La TƖƖNA sɩ má mɩɩra kɔ. Mɩ bɩra bɩ jaŋ kɛŋ mɩ sɩaa chei ma nyuŋ, mɩɩ fá nɩaa nenige nɛ. Mɩ-na ma TƖƖNA nɛ bʋla. Mɩ bɩ jaŋ na baanɩŋ ma nyuŋ a kaa mʋ wuu.

JƐRƖMAAYA 3:12 Iomraidhean Croise

WƖAA DƖ-SUOMUŊ 4:7

Dɩ ŋ nɛ fa ŋaa woruŋ, mɩ fa bɩŋ ka laa? Aŋ ka ŋ sɩ bɩ woruŋ ŋaa, wʋbɔmʋŋ chɩna gbɛrɩŋ nɛ a chɩchɛ dɩ ʋ kɛnɩŋ. Ʋ maga dɩ ŋ yuo diiu nɛ.”

2 KUOROO 15:29

Bʋa-la lɛ Pɛka sɩ dii kuoruŋ Iziral tinteeŋ lɛ nɛ, Asiiria tinteeŋ kuoro ba sɩɩ yɩrɛ Tɩgɩlaf Pɩlɩsa kʋ yuo Iziral tinteeŋ a laa tasɩŋ deemba: Ɩjɔŋ, Abɛl Bɛf Maaka, Janʋa, Kɛdɛs arɩ Hazɔ, a pɛ Gɩlɩad arɩ Galilii arɩ Nafɩtalɩ tinteeŋ kala lɛ, a kɛsɛ ba nɩaa kala kaa mʋ Asiiria tinteeŋ.

2 KUOROO 17:23

a kaa kɔ bʋa-la lɛ La TƖƖNA sɩ kiriba ta ʋ sɩpaaŋ arɩ ŋɩɩ ʋ fa sɩ to ʋ tɩntɩnnaa sɩ ŋaa ʋ wʋlaabʋllaa lɛ a kpʋrɩsɛ ba dɩgɩlaa. Ŋɩɩ nɛ Asiiria tɩŋŋaa yuo kɛsɛba a kaa mʋ ba tinteeŋ, ba hɔŋ nɩmɛ a kaa kɔ arɩ jɩnɩŋ kala.

2 KUOROO 17:6

Hosia sɩ dii kuoruŋ ʋ jɩ-nibi lɛ nɛ, Asiiria kuoro yuo dii Samarɩa a kɛsɛ Iziral tɩŋŋaa kala a kaa mʋ Asiiria tinteeŋ. Ʋ kɛmba mʋ a leŋ dɔnsʋŋ hɔŋ taŋ-la ba sɩɩ yɩrɛ Hala lɛ, dɔnsʋŋ ma hɔnɔ kpagɛ fuo-la ba sɩɩ yɩrɛ Habɔ a hɛ Goza tinteeŋ. Ka dɔnsʋŋ ma hɔŋ tasɩ-la sɩ hɛ Medis tɩŋŋaa tinteeŋ lɛ.

2 KUOROO 18:1

Ɛla nanʋala Hosia sɩ dii kuoruŋ Iziral tinteeŋ lɛ, ʋ jɩ-tori lɛ nɛ Ahas nanʋala Hezikaaya ma dii kuoruŋ Juda tinteeŋ lɛ.

2 IZIRAL TƖŊŊAA NAABARƖŊ 29:10

Lɛɛlɛ mɩɩ chɛ mɩ hɛ niiŋ nɛ mɩ dɩ La TƖƖNA, Iziral tɩŋŋaa Wɩa pɛgɛ, dɩ ʋ baaŋ-la ʋ sɩ faasa na la nyuŋ fɩɛlɛ.

2 IZIRAL TƖŊŊAA NAABARƖŊ 30:9

Dɩ ma nɛ mɩɩra kɔ La TƖƖNA teeŋ, ʋ jaŋ leŋ dɩ ma dʋndɔmɔ-la fa sɩ yuo kɛsɛ ma naambiiriŋ arɩ ma biiriŋ fá ba nenige, a jomba ta dɩ ba mɩɩra kɔ dɩa. Ma TƖƖNA Wɩa kɛŋ zile a fɩfá nɩaa nenige. Dɩ ma nɛ mɩɩra kɔ ʋ teeŋ, ʋ jaŋ laama.”

WƖA YƖƖLAA 103:17

Ama La Tɩɩna-na cho nɩalɩŋ sɩɩ fáʋ nɛ a kaa mʋ wuu, a ŋaa tʋɔpʋl wɩaa pɩpɩ ba biiriŋ arɩ ba nihee,

WƖA YƖƖLAA 103:8

La Tɩɩna kɛŋ zile a fɩfá nɩaa nenige, ʋ baanɩŋ bɩ lɩma lɩma ka sii, ʋ nɩaa chonuŋ ma bɩ dɩdɛrɩ kɛnɛ.

WƖA YƖƖLAA 103:9

Ʋ bɩ laa nyaŋ bʋa na-kala, a bɩ baanɩŋ maa na la nyuŋ deeŋ deeŋ.

WƖA YƖƖLAA 145:8

La Tɩɩna ka fá nɩaa nenige nɛ, a kɛŋ zile. Ʋ baanɩŋ bɩ lɩma lɩma ka sii, ʋ cho nɩaa bʋa na-kala lɛ.

WƖA YƖƖLAA 79:5

La TƖƖNA, ŋŋ chɛ dɩ ŋ na baanɩŋ la nyuŋ a kaa mʋ wuu nɛɛ? Ɛɛ nɛ ŋ baanɩŋ jaŋ faasa sii la nyuŋ a diene magɛ?

WƖA YƖƖLAA 86:15

Ama ŋ-na La Tɩɩna, ŋ nɛ Wɩa sɩ kɛŋ zile a fɩfá nɩaa nenige. Ŋ baanɩŋ bɩ lɩma lɩma ka sii, ŋ kɛŋ chonuŋ arɩ wʋtɩtɩɩ.

WƖA YƖƖLAA 86:5

Ŋ wɩaa zɔmɔ, ŋ joŋ wɩaa ma a chɩchɛ nɩaa. La Tɩɩna, ŋ chonuŋ bɩ magɩa kɛnɛ, nɩalɩŋ kala sɩɩ chʋɔlʋŋ teeŋ.

NAMAGABA 28:13

Nɩɩ-la kala sɩ joŋ ʋ wʋbɔŋŋɔɔ faa, ʋ wɩaa bɩ sɩpaaŋ ka mʋ, ama nɩɩ-la kala sɩ suri ʋ niiŋ a dagɛ ʋ kɩaa aŋ vɩaba, Wɩa jaŋ fá ʋ nisusuŋ.

AZAAYA 31:6

Iziral tɩmma, ma lɩɩ La TƖƖNA harɩŋ nɛ a ŋaa wɩaa kɩŋkɛŋ a cheyu, má mɩɩra kɔ ʋ teeŋ.

AZAAYA 44:22

Mɩ dʋɔrɛ ma wʋcheelee kala ta nɛ a nagɛ duoŋ-bɩlɩmbaanɩŋ sɩ sie, a lɩɩsɛ ma wʋbɔŋŋɔɔ ma kala ta arɩ nyalɩŋ sɩ huoso. Má mɩɩra kɔ mɩ teeŋ, mɩ laama ta nɛ.”

JƐRƖMAAYA 11:6

La TƖƖNA bɩra bʋla pɩmɛ, “Heele bʋl wɩaa deemba Juda tasɩŋ arɩ Jerusalɛm womporunuŋ lɛ, ‘Má jegile nɩɩ wɩalɩŋ sɩ hɛ niiŋ deeŋ sɩ hɛ mɩ dɩ ma pɛgɛ lɛ a toba.

JƐRƖMAAYA 12:15

Ama dɩ mɩ nɛ churiba dɛrɛ, mɩ jaŋ bɩra fá ba nenige aŋ kɛŋ ba kʋŋkala mɩɩra kɔ ba tinteeŋ arɩ ba dʋa leriŋ.

JƐRƖMAAYA 23:8

Ama ba jaŋ bʋl, ‘La ŋmɩɛsɛ La TƖƖNA sɩ weye a kɛŋ Iziral tɩŋŋaa kaa lɩɩ wɩɩpɔsʋŋ nagʋa tinteeŋ lɛ arɩ tinteye-la kala lɛ ʋ sɩ kɛmba pɩsa hɛ.’ Ŋɩɩ nɛ ba jaŋ bɩra hɔŋ ba tɩtɩa tinteeŋ lɛ.”

JƐRƖMAAYA 3:1

La TƖƖNA pɩɛsa, “Dɩ baal nɛ vɩa ʋ haala, dɩ haal-la lɩɩ mʋ jaa baal dɔŋ, baal-la sɩ laa sɩpaaŋ vɩaʋ maga dɩ ʋ bɩra mʋ chɩchɛ haal-la nɛɛ? Dɩ ʋ nɛ ŋaa ŋɩɩ, ba tinteeŋ bɩ jaŋ kɛŋ disiniŋ? Ama ma Iziral tɩŋŋaa ŋaa wɩaa a nagɛ hachɔrʋŋ nɛ, a kɛŋ hɩɩlaba yʋgɛ, aŋ lɛɛlɛ chɩchɛ dɩ ma mɩɩra kɔ mɩ teeŋ.

JƐRƖMAAYA 3:14

Mɩ-na ma TƖƖNA sɩ, “Ma ŋaa nɩaa sɩ bɩ wʋtɩtɩɩ kɛnɛ nɛ, má mɩɩra kɔ mɩ teeŋ. Mɩ nɛ ma bala. Mɩ jaŋ bagɩsa lɩɩsɛ nɩaa ma tʋɔŋ. Mɩ jaŋ lɩɩsɛ nɩbala taŋ kala lɛ, aŋ lɩɩsɛ nɩaa balɩa ma nyɩŋ-nɩaa tʋɔŋ a kɛmba kaa kɔ Zaayɔŋ.

JƐRƖMAAYA 3:18

Bʋa-la lɛ Juda nɩaa jaŋ mʋ pɛ Iziral nɩaa lɛ. Ba kala jaŋ to dɔŋɔ a lɩɩ wɩɩpɔsʋŋ nagʋa tintee-la a kɔ tintee-la mɩ sɩ joŋo pɩ ma naabalɩmaba ʋ ŋaa ba kʋŋ.”

JƐRƖMAAYA 3:22

Ma ŋaa nɩa sɩ bɩ wʋtɩtɩɩ kɛnɛ nɛ, má mɩɩra kɔ mɩ teeŋ. Mɩ jaŋ vaarɛma a leŋ dɩ ma kɛŋ wʋtɩtɩɩ.” Nɩalɩŋ jaŋ bʋl, “La jaŋ kɔ ŋ teeŋ, ŋ nɛ La TƖƖNA Wɩa.

JƐRƖMAAYA 3:5

Ŋ jaŋ na baanɩŋ la nyuŋ bʋa na-kalaa? Ŋ baanɩŋ jaŋ sii la nyuŋ a kaa mʋ wuu?’ Ŋ-la nɛ ma yie bʋl wɩaa, ama ma yie ŋaa wʋbɔŋ na-kala ma sɩ jaŋ wuo ŋaa nɛ.”

JƐRƖMAAYA 3:7

Mɩ fa bɩɩna ba sɩ ŋaa wɩaa deemba kala, ba jaŋ mɩɩra kɔ mɩ teeŋ. Ama ba bɩ mɩɩra kɔ. Ba naambie Juda ma sɩ bɩ wʋtɩtɩɩ kɛnɛ na wɩalɩŋ kala nɛ.

JƐRƖMAAYA 30:11

Mɩ hɛ ma teeŋ nɛ, mɩ jaŋ laama ta. Mɩ-na ma TƖƖNA nɛ bʋla. Mɩ jaŋ chei tinteye-la kala lɛ mɩ sɩ kɛmma pɩsa hɛ, ama mɩ bɩ jaŋ chei ma-na gbelem gbelem. Mɩ jaŋ kɛmma tʋra kɩɩ arɩ wʋtɩtɩɩ. Mɩ bɩ jaŋ leŋ dɩ ma mʋ pɛɩ, mɩ jaŋ dɔgɩsɛma mʋa.”

JƐRƖMAAYA 31:20

Efirem nɛ mɩ hambolibii-chooluŋ, mɩ tʋɔŋ tɔrɛ ʋ nyuŋ. Mɩ yie bʋl wɩaa a jʋʋ ʋ lɛ ma nɛ, ama mɩ haa liisi ʋ wɩaa nɛ. Mɩ tʋɔŋ kɛnʋ woruŋ, mɩ chaasaa fá ʋ nenige. Mɩ-na ma TƖƖNA nɛ bʋla.

JƐRƖMAAYA 31:21

Má bil magɩlaa wombiee lɛ, má bil magɩla-la sɩ jaŋ dagɛma wombiiŋ. Má jɩŋ wombii-jalɩɩ-la wɩaa, wɛŋ-la ma fa sɩ to mʋ. Iziral tɩmma, má mɩɩra kɔ, má mɩɩra kɔ ma tasɩŋ.

JƐRƖMAAYA 31:8

Má bee na, mɩ jaŋ kɛmba lɩɩ wɩɩpɔsʋŋ nagʋa tinteeŋ dɩɩrɩŋ a kɔ, mɩ jaŋ kɛmba lɩɩ dʋnɩa sɛmɛ na-kala a kʋ hɛ dɔŋɔ. Nyʋlɩmaa arɩ gbɛrɩgɛɛ jaŋ hɛ ba tʋɔŋ, hapuugoo arɩ haalaa sɩɩ chɛ ba lʋl ba luoruŋ wʋwɩɩ ma jaŋ hɛ ba tʋɔŋ. Ba jaŋ yʋgɛ woruŋ a mɩɩra kɔ.

JƐRƖMAAYA 33:26

ŋɩɩ-na mɩ fa jaŋ vɩa Jekɔb doho nɩaa arɩ mɩ tɩntɩnna Devit, a bɩ jaŋ lɩɩsɛ ʋ hambolibiisiŋ dɔŋɔ dɩ ʋ beŋ Abɩraham, Aɩzɩk arɩ Jekɔb doho nɩaa. Mɩ jaŋ leŋ dɩ ba bɩra mɩɩra kɔ ba tinteeŋ a fá ba nenige.”

JƐRƖMAAYA 4:1

La TƖƖNA sɩ, “Iziral tɩmma, dɩ ma nɛ jaŋ mɩɩra kɔ mɩ teeŋ, má mɩɩra kɔ. Dɩ ma nɛ joŋ ma vʋɩya-la mɩ sɩɩ kɩsʋ ta a bɩra bɩ wɩalɩŋ sɩ leŋe ma yeŋŋi ka to,

JEMBIEE 3:22

La TƖƖNA chono-la sɩ bɩ dɛrɛ wɩaa nɛ tɩɩ la bɩ sʋba, bɛɛ wɩaa ʋ sɩɩ fá nɩaa nenige ŋɩɩ bɩ birigi.

ƐZƖKƖƐL 11:17

Ŋɩɩ wɩaa bʋla pɩba, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ jaŋ kɛmma hɛ dɔŋɔ a kaa lɩɩ tinteyee arɩ tinteye-la lɛ mɩ fa sɩ kɛmma pɩsa hɛ kɔ. Mɩ jaŋ bɩra joŋ ma Iziral tɩŋŋaa tinteeŋ pɩma.’

ƐZƖKƖƐL 33:11

Bʋla pɩba arɩ mɩ-na ma TƖƖNA Wɩɩjarɩbakɔ ŋmɩɛsa arɩ mɩ tʋɔŋ bɩ nɩbɔmʋŋ sʋʋŋ lɛ ka tɔrɛ. Mɩ tʋɔtɔrʋŋ nɛ dɩ ʋ bɩrɩma lɩɩ ʋ wʋŋaalaa lɛ a kɛŋ mɩɩsɩŋ. Iziral tɩmma, má leŋ wʋbɔmɔ-la ma sɩɩ ŋaa. Bɛɛ nɛ tɩɩ ma chɩchɛ dɩ ma sʋʋ?

ƐZƖKƖƐL 39:25

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Lɛɛlɛ, mɩ jaŋ fá Jekɔb doho nɩaa sɩ ŋaa Iziral tɩŋŋaa nenige, a leŋ dɩ ba mɩɩra lɩɩ yoŋ-baga kɔ, a tɩɩ ba tinteeŋ. Mɩ tʋɔŋ ka wɩɩ mɩ yɩrɩ zɔmʋŋ lɛ nɛ.

HOSIA 6:1

Iziral tɩŋŋaa sɩ, “Má kɔ dɩ la mɩɩra mʋ La TƖƖNA teeŋ. Ʋ kɛnla pʋɔsɛ muno muno nɛ, ama ʋ jaŋ vaarɛla. Ʋ pɩrɛla nɛ, ama ʋ jaŋ vɔɔ tɔ la naawɩɩlaa.

LEVI DOHO NƖAA 26:40

Ama ʋ dɩdɛrɩŋ, dɩ mɩ nɩaa nɛ jaŋ sɛɩ a dagɛ ba wʋbɔŋŋɔɔ arɩ ba naabalɩmaba wʋbɔŋŋɔɔ, arɩ baaŋ-siiri wɩalɩŋ ba sɩ ŋaa mɩ lɛ, a vɩa mɩ niiŋ,

ZƐKARƖYA 1:4

Má sɩ́ ma naabalɩmaba nagʋ, ba nɛ mɩ wʋlaabʋlla-la laa sɩpaaŋ kʋ bʋla pa ŋɩɩ: Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ: ‘Má bɩrɩma lɩɩ ma wombii-bɔŋŋɔɔ arɩ wʋbɔmɔ-la ma sɩɩ ŋaa lɛ.’ Ama ba bɩ jegile nɩɩ mɩ teeŋ koo a kaa tɩŋ. Mɩ-na ma TƖƖNA nɛ bʋla.

MOSIS BƖRA WULLI WƖA WOMBIIŊ 30:2

ama dɩ ma dɩ ma biiriŋ nɛ mɩɩra kɔ ma TƖƖNA Wɩa teeŋ a tou arɩ ma tʋɔŋ arɩ ma wɩɩwɩɩ kala, a to wɩalɩŋ kala mɩ sɩ joŋo dagɛma jɩnɩŋ,