JƐRƖMAAYA 3:10 - WƖA TENIŊ

¹⁰ Arɩ wɩaa deemba kala ba sɩ ŋaa ma, ama ba naambie Juda sɩ bɩ wʋtɩtɩɩ kɛnɛ bɩ mɩɩra kɔ mɩ teeŋ arɩ ʋ tʋɔŋ kala. Ama ʋ fa fugo nagɛ ʋ cheye nɛ. Mɩ-na ma TƖƖNA nɛ bʋla.”

JƐRƖMAAYA 3:10 Iomraidhean Croise

2 IZIRAL TƖŊŊAA NAABARƖŊ 34:33

Josaaya chei tɔmɔ-la kala sɩ hɛ Iziral tinteeŋ lɛ, a leŋ nɩalɩŋ kala sɩ hɛ Iziral lɛ to ba TƖƖNA Wɩa. Bʋa-la kala ʋ sɩ hɛ ʋ mɩɩsɩŋ lɛ, ba bɩra bɩ La TƖƖNA ba nyɩmmaba Wɩa harɩŋ mɩɩra.

WƖA YƖƖLAA 18:44

Dɩ mɩ nɛ bʋl wɩɩ, ba yie nɩɩ nɛ a to mɩ niiŋ. Tintee-wogusuŋ nɩaa ka kpirimi mɩ sɩpaaŋ nɛ.

WƖA YƖƖLAA 66:3

Má bʋla pɩ Wɩa, “Wɩɩkala ŋ sɩ ŋaa kɛŋ fawʋllʋŋ nɛ. Ŋ doluŋ yʋga, ŋɩɩ leŋ ŋ dʋndɔŋŋɔɔ gbigbieni ŋ sɩpaaŋ.

AZAAYA 10:6

Mɩ tɩŋ Asiiria tɩŋŋaa nɛ dɩ ba mʋ yuo tintee-la nɩaa sɩ bɩ mɩ-na Wɩa ka fá, nɩalɩŋ sɩ ŋaa mɩ baanɩŋ sii. Mɩ tɩmba dɩ ba mʋ kɛŋ ba dʋa laa nɛ aŋ fɩrɩgɛba a nagɛ vʋchɔɔŋ sɩ pɩŋ wombiiŋ lɛ.

AZAAYA 29:13

La TƖƖNA sɩ, “Nɩaa deemba yie kɔ mɩ teeŋ a kɛŋ niiŋ nɛ zizilmi, ka ba tʋɔbɩɩnaa bol arɩ mɩ. Ba yie to nuhuobiinee wombiee nɛ a chʋchʋɔlɛmɛ.

AZAAYA 31:6

Iziral tɩmma, ma lɩɩ La TƖƖNA harɩŋ nɛ a ŋaa wɩaa kɩŋkɛŋ a cheyu, má mɩɩra kɔ ʋ teeŋ.

JƐRƖMAAYA 11:10

Ba mɩɩra ŋɩŋaa wʋbɔmɔ-la ba naabalɩmaba-la fa sɩ vɩa dɩ ba jegile nɩɩ mɩ niiŋ wɩaa aŋ ŋaa nɛ. Ba to vʋɩyaa nɛ a kpaarɛba. Juda arɩ Jerusalɛm nɩaa kala chei nii-la mɩ fa sɩ bile mɩ dɩ ba naabalɩmaba pɛgɛ nɛ.

JƐRƖMAAYA 12:2

Ŋ chɔnsɛba a nagɛ tɩa ba sɩ chɔnsɔ nɛ, ba naapoloo tuu woruŋ, ba waa a nɛŋ nɛnɛɛ. Ŋ wɩaa hɛ ba niiree lɛ aŋ bol arɩ ba tʋɔŋ.

JƐRƖMAAYA 9:1

Mɩ fa cho dɩ mɩ nyuŋ nagɛ lɩɩ-bul-sɩɩŋ nɛ dɩ mɩ sɩaa ma fa bubul sɩlɩɩrɩŋ. Mɩ fa jaŋ yel tɩtaŋɩŋ arɩ wɩɩhɛyɛ kala a tɩŋ ba sɩ kpʋ mɩ nɩaa wɩaa.

HOSIA 7:14

Ba tʋɔŋ kala dee ba kaa yele pɩpɩmɛ, ba mɩɩrɛ mɩ harɩŋ nɛ. Dɩ ba nɛ sʋla chɩchɛ kʋdiilee arɩ sɩnɩŋ ba yie pɩŋ ba bɔsʋnʋŋ lɛ nɛ a ŋmuŋmoo niiŋ a nagɛ nɩalɩŋ sɩ bɩ mɩ jɩŋ sɩɩ ŋaa ŋɩɩ.

AMƆS 4:9

Mɩ leŋe hɩlɩŋ chɩŋ nɛ ma bagɩsɩŋ lɛ, ma ŋmaŋkaanɩŋ arɩ ma girep tɩɩsɩŋ bagɩsɩŋ kala lɛ, ma kʋduuloo kala hɩl. Hɔbɔ dii ma tutogusuŋ arɩ ma olif tɩɩsɩŋ kala, ka ma ha vɩa dɩ ma mɩɩra kɔ mɩ teeŋ.”

MALAKAƖ 2:11

Juda nɩaa bɩ wʋtɩtɩɩ joŋo to La TƖƖNA. Ba ŋaa wʋbɔŋŋɔɔ Jerusalɛm arɩ Iziral tinteeŋ lɛ nɛ. Juda tinteeŋ nɩaa ŋaa disiniŋ hɛ Wɩa dɩa-la ʋ sɩ cho lɛ nɛ. Ba baalaa jaa haalaa sɩ lɩɩ tintee-wogusuŋ nɛ a kpʋkpaarɛ vesiŋ.