JƐRƖMAAYA 3:1 - WƖA TENIŊ

¹ La TƖƖNA pɩɛsa, “Dɩ baal nɛ vɩa ʋ haala, dɩ haal-la lɩɩ mʋ jaa baal dɔŋ, baal-la sɩ laa sɩpaaŋ vɩaʋ maga dɩ ʋ bɩra mʋ chɩchɛ haal-la nɛɛ? Dɩ ʋ nɛ ŋaa ŋɩɩ, ba tinteeŋ bɩ jaŋ kɛŋ disiniŋ? Ama ma Iziral tɩŋŋaa ŋaa wɩaa a nagɛ hachɔrʋŋ nɛ, a kɛŋ hɩɩlaba yʋgɛ, aŋ lɛɛlɛ chɩchɛ dɩ ma mɩɩra kɔ mɩ teeŋ.

JƐRƖMAAYA 3:1 Iomraidhean Croise

WƖA YƖƖLAA 106:38

Ba kpʋ nɩalɩŋ sɩ bɩ wɩɩ cheye, ba hambolibiisiŋ arɩ ba toloo. Ba kɛsɛba kpʋ nɛ a kpaarɛ Kɛnaŋ tɩŋŋaa tɔŋŋɔɔ, ba chalɩŋ leŋ tintee-la kɛŋ disiniŋ.

AZAAYA 24:5

Dʋnɩa nɩaa ŋaa tinteeŋ kɛŋ disiniŋ nɛ. Ba chei La TƖƖNA wombie-la ʋ sɩ bile dɩ la tuto nɛ a vɩa wɩalɩŋ ʋ sɩ daga, aŋ ŋaa wɩaa chei nii-la fa sɩ maga ʋ hɛ ʋ dɩ ba pɛgɛ a kaa mʋ wuu.

JƐRƖMAAYA 2:20

Faafaa kala nɛ ma vɩamɛ a bɩ mɩɩ to. Ma fa sɩ, ‘La bɩ jaŋ tɩma pɩŋ.’ Dundolo kala nyuŋ arɩ tɩɩ-lugu kala bʋbʋɔŋ nɛ ma kpʋkpaarɛ vesiŋ.

JƐRƖMAAYA 2:23

Ɛɛ nɛ saa ma jaŋ wuo bʋl, ‘La bɩ disiniŋ ŋaa chei la tɩtɩa, la bɩ vene-la ba sɩɩ yɩrɛ Baal kpaara?’ Má beŋ wɩalɩŋ ma sɩ ŋaa fuonaaŋ lɛ. Má kɛŋ wɩalɩŋ ma sɩ ŋaa bɩɩna na. Ma nagɛ bʋntaŋŋɩ-nɩɩŋ sɩ gɔllɔ fá a chɩchɛ belliŋ dɩ ba jɩlʋ nɛ.

JƐRƖMAAYA 2:7

Mɩ kɛmma kaa kʋ jʋʋ tinteeŋ sɩ sɩma nɛ, dɩ ma dii ʋ kɩaa arɩ kʋzɔŋ na-kala sɩ hɛ ʋ lɛ a nɩɩ sɩma. Ama ma kʋ jʋʋ nɛ a ŋaa disiniŋ hɛ mɩ tintee-la mɩ sɩ joŋo pɩma lɛ, a leŋ mɩ dɩ-tɩɩlɩŋ nagɛ kʋŋ mɩ sɩɩ kɩsʋ.

JƐRƖMAAYA 22:20

Jerusalɛm nɩaa, má mʋ Lɛbanɔŋ a ŋmoo niiŋ, ma leŋ dɩ Basaŋ nɩaa ma nɩɩ ma yikoro. Má chɩŋ Abarɩm peele-la nyuŋ a ŋmoo niiŋ, bɛɛ wɩaa ba yuo dii nɩalɩŋ kala fa sɩ kʋ pɛ ma lɛ nɛ.

JƐRƖMAAYA 3:22

Ma ŋaa nɩa sɩ bɩ wʋtɩtɩɩ kɛnɛ nɛ, má mɩɩra kɔ mɩ teeŋ. Mɩ jaŋ vaarɛma a leŋ dɩ ma kɛŋ wʋtɩtɩɩ.” Nɩalɩŋ jaŋ bʋl, “La jaŋ kɔ ŋ teeŋ, ŋ nɛ La TƖƖNA Wɩa.

JƐRƖMAAYA 3:9

Iziral tɩŋŋaa fa sɩ bɩ wʋchɔrʋmɔɔ ŋaanɩŋ joŋo dɩ ʋ ŋaa wʋbɔŋ ŋɩɩ, ba kpʋkpaarɛ tabɩaa arɩ tɩɩsɩŋ a ŋaa disiniŋ a hɛ tintee-la lɛ.

JƐRƖMAAYA 31:22

Ɛɛ nɛ maa chɛ ma gɔllɔ baara diene magɛ, ma Iziral tɩŋŋaa sɩ bɩ wʋtɩtɩɩ kɛnɛ? La TƖƖNA jaŋ ŋaa wʋfalɩɩ dʋnɩa lɛ, haala jaŋ pʋpɔ baala.”

JƐRƖMAAYA 4:1

La TƖƖNA sɩ, “Iziral tɩmma, dɩ ma nɛ jaŋ mɩɩra kɔ mɩ teeŋ, má mɩɩra kɔ. Dɩ ma nɛ joŋ ma vʋɩya-la mɩ sɩɩ kɩsʋ ta a bɩra bɩ wɩalɩŋ sɩ leŋe ma yeŋŋi ka to,

JƐRƖMAAYA 4:14

Jerusalɛm nɩaa, má chɛsɛ wʋbɔmɔ-la sɩ hɛ ma tʋɔŋ lɛ ta, ka dɩ La TƖƖNA laama ta. Ɛɛ nɛ maa chɛ dɩ ma laa wʋbɔŋŋɔɔ hɛ ma tʋɔŋ lɛ a diene magɛ?

JEMBIEE 1:2

Ʋ chaasa yel nɛ tɩtaŋɩŋ, ʋ chaŋkpaŋŋaa kala ŋaa sɩlɩɩrɩŋ. Ʋ hɩɩlaa kala tʋɔŋ nʋʋkala tuo dɩ ʋ nyagɛ ʋ bɔyɛ. Ʋ tanlɔsʋŋ kala joŋu yallɛ nɛ, ba mɩɩra ŋaa ʋ dʋndɔmɔ nɛ.

ƐZƖKƖƐL 16:26

Ŋ ŋaa hachɔrʋŋ wɩalɩŋ nɛ a joŋ ŋ tɩtɩa pɩ Ijipiti tɩŋŋaa sɩ hɔnɔ kpagɩŋ. Nɩalɩŋ sɩ cho wʋlɩɩlɩŋ kɛnɩŋ pɩpɩŋ a leŋ mɩ baanɩŋ sii.

ƐZƖKƖƐL 16:30

Mɩ-na ma TƖƖNA Wɩɩjarɩbakɔ nɛ bʋla: Ŋ tʋɔŋ nyaa ɛɛ nɛ, ŋ ŋaa wɩaa deemba a nagɛ hachɔrʋŋ sɩ bɩ hɩɩsɩŋ ka fá.

ƐZƖKƖƐL 16:35

Ŋɩɩ wɩaa Jerusalɛm, ŋ ŋaa hachɔrʋŋ nɛ, jegile nɩɩ wɩɩ-la mɩ-na ŋ TƖƖNA sɩ bʋla.

ƐZƖKƖƐL 33:11

Bʋla pɩba arɩ mɩ-na ma TƖƖNA Wɩɩjarɩbakɔ ŋmɩɛsa arɩ mɩ tʋɔŋ bɩ nɩbɔmʋŋ sʋʋŋ lɛ ka tɔrɛ. Mɩ tʋɔtɔrʋŋ nɛ dɩ ʋ bɩrɩma lɩɩ ʋ wʋŋaalaa lɛ a kɛŋ mɩɩsɩŋ. Iziral tɩmma, má leŋ wʋbɔmɔ-la ma sɩɩ ŋaa. Bɛɛ nɛ tɩɩ ma chɩchɛ dɩ ma sʋʋ?

HOSIA 1:2

La TƖƖNA sɩ suomo dɩ ʋ to Hosia lɛ a bʋl wɩaa pɩ Iziral tɩŋŋaa, ʋ bʋla pʋ, “Mʋ jaa hachɔrʋmʋŋ dɩ ʋ lʋl mɛŋgaa-biiriŋ, bɛɛ wɩaa ŋɩɩ tɩtɩa nɛ mɩ nɩaa vɩa mɩ-na ba TƖƖNA aŋ kpʋkpaarɛ vʋɩyaa.”

HOSIA 2:2

Má kpɩa ma naaŋ lɛ, má kpɩa ʋ lɛ, bɛɛ wɩaa ʋ tuo mɩ haal, mɩ ma tuo ʋ bala. Má leŋ dɩ ʋ lɩɩsɛ ʋ sɩaa hachɔrʋŋ wʋŋaalaa lɛ a leŋ dɩ hachɔrʋŋ wɩaa dɛrɛ ʋ tʋɔŋ lɛ.

MƖKA 2:10

Má sii viiri, daha tuo ma dɩ-wiesii. Ma wʋŋaalaa leŋe ʋ kɛŋ disiniŋ nɛ, ʋ cheye nɛ, nʋʋ bɩra bɩ jaŋ wuo wasʋ.

ZƐKARƖYA 1:3

Ŋɩɩ wɩaa bʋla pɩ nɩalɩŋ: Wɩɩ-la mɩ-na ma TƖƖNA doluŋ kala Tɩɩna sɩ bʋla nɛ ŋ-la: Má mɩɩra kɔ mɩ teeŋ, mɩ ma jaŋ mɩɩra kɔ ma teeŋ. Mɩ-na ma TƖƖNA doluŋ kala Tɩɩna nɛ bʋla.

Matiu 5:31

Ba bɩra dagɛma a bʋl, ‘Dɩ nʋʋ nɩɩ chɛ dɩ ʋ vɩa ʋ haala, ʋ maga dɩ ʋ ŋmʋnsɛ teniŋ pɩ haal-la arɩ ʋ jaŋ vɩaʋ.’

MOSIS BƖRA WULLI WƖA WOMBIIŊ 22:21

ŋɩɩ-na ba jaŋ kɛŋ tolo-la a mʋ ʋ nyɩmma dɩa boiŋ niiŋ, dɩ ʋ jaŋ baalaa yagʋ kpʋ arɩ tabɩaa, bɛɛ wɩaa hɩɩsɩ wɩɩ nɛ ʋ ŋaa ŋɩɩ Iziral kala lɛ, ʋ sɩ hɛ ʋ nyɩmma dɩa lɛ a bɩ bala jaa aŋ pɩpɩŋ baalaa. Ʋ maga dɩ ma giri wʋbɔmʋŋ deeŋ ta nɛ ma tʋɔŋ.

SƖPAALAARAA 19:2

Ama haal-la fa na baanɩŋ ʋ bala nyuŋ, a leŋu aŋ mɩɩra mʋ ʋ nyɩmma dɩa Bɛtɩlɛhɛm lɛ. Ʋ sɩ hɛ nɩmɛ chɛnsɩŋ banɛsɛ,