JƐRƖMAAYA 26:3 - WƖA TENIŊ

³ Kapo ba jaŋ jegile nɩɩ, dɩ ba kʋŋkala bɩrɩma lɩɩ ba wʋbɔŋŋɔɔ ŋaanɩŋ lɛ. Dɩ ba nɛ ŋaa ŋɩɩ, mɩ jaŋ kɛŋ mɩ tʋɔbɩɩnaa bɩrɩmɛ. Mɩ bɩra bɩ jaŋ kɛŋ wʋlɔrʋŋ kʋ hɛ ba lɛ, wʋlɔrʋ-la mɩ fa sɩ bɩɩna dɩ mɩ kaa kʋ hɛ ba lɛ a tɩŋ wʋbɔmɔ-la ba sɩ ŋaa wɩaa.

JƐRƖMAAYA 26:3 Iomraidhean Croise

1 KUOROO 21:27

Ahab sɩ nɩɩ wɩalɩŋ Ɩlaaja sɩ bʋla, ʋ kɛŋ ʋ gɛnnɩŋ kɩɛsɛ, aŋ paa tʋɔ-chei gɛnnɩŋ laalɛ a vɔɔ niiŋ, a pɩpɩŋ tʋɔ-chei gɛnnɩŋ nyuŋ, a ŋaa chɩm a vɩvɛŋ arɩ tʋɔ-cheeŋ.

1 KUOROO 21:29

“Ŋ na ŋɩɩ Ahab sɩ kɛŋ ʋ tɩtɩa muuri mɩ sɩpaaŋ? A tɩŋ ŋɩɩ wɩaa, mɩ bɩ jaŋ ŋaa wʋlɔrʋ-la ʋ mɩɩsɩŋ lɛ, ama mɩ jaŋ ŋaa wʋlɔrʋ-la ʋ dɩa lɛ bʋa-la lɛ ʋ nanʋala sɩ jaŋ dii kuoruŋ.”

JƐRƖMAAYA 26:13

Lɛɛlɛ, má bɩrɩmɛ ma mɛlɛ arɩ ma wʋŋaalaa aŋ to ma TƖƖNA Wɩa niiŋ. Dɩ ma nɛ ŋaa ŋɩɩ, La TƖƖNA jaŋ kɛŋ ʋ tʋɔbɩɩnaa bɩrɩmɛ, ʋ bɩra bɩ jaŋ kɛŋ wʋlɔrʋ-la wɩaa ʋ sɩ bʋla kʋ hɛ ma lɛ.

JƐRƖMAAYA 26:19

Juda tinteeŋ kuoro Hezikaaya koo Juda nʋʋ dɔŋ fa kpʋʋ nɛɛ? Hezikaaya fá La TƖƖNA nɛ, a sʋlʋ dɩ ʋ pɛ ʋ lɛ. Ʋ sɩ ŋaa ŋɩɩ, La TƖƖNA leŋ wʋlɔrʋnʋ-la ʋ fa sɩ sɩ ʋ jaŋ ŋaa ba lɛ nɛ. Laa chɛ dɩ la lɛrɛ wɩɩ sɩ chaasa lɔrɛ nɛ a kʋ hɛ la tɩtɩa lɛ.”

JƐRƖMAAYA 36:3

Kapo Juda nɩaa nɛ nɩɩ wʋlɔrʋnʋ-la mɩ sɩɩ bɩɩnʋ dɩ mɩ joŋo hɛ ba lɛ, ba jaŋ bɩrɩma lɩɩ ba wʋbɔŋŋɔɔ lɛ. Dɩ ba nɛ ŋaa ŋɩɩ, mɩ jaŋ joŋ ba wʋbɔŋŋɔɔ arɩ ba wʋcheelee a chɛba.”

JƐRƖMAAYA 36:7

Kapo ba jaŋ kɔ La TƖƖNA sɩpaaŋ a sʋlʋ aŋ bɩrɩma lɩɩ ba wʋbɔŋŋɔɔ lɛ, bɛɛ wɩaa La TƖƖNA sɩ na baanɩŋ a bʋl wɩalɩŋ tɩgɛ nɩaa deemba lɛ bɩ bana kɛnɛ.”

ƐZƖKƖƐL 12:3

Ŋɩɩ wɩaa, nuhuobiiŋ, leŋ dɩ ba naŋ ka dɩ ŋ paa ŋ kɩaa wɩɩhɛyɛ a lɩɩ mʋmʋ yoŋ-baga. Lɩɩ lee-la ŋ sɩ hɛ a lɩɩ mʋ lee dɔŋ. Ba ŋaa nɩa sɩ vɩa mɩ niiŋ nɛ, kapo ba jaŋ jɩŋ wɩɩ-la ŋ sɩɩ ŋaa bʋbʋɔŋ.

ƐZƖKƖƐL 18:21

Ama dɩ nɩbɔmʋŋ nɛ leŋ wʋbɔŋŋɔɔ ŋaanɩŋ aŋ tuto mɩ wombiee mɩ sɩ bile dɩ ba tuto, a ŋɩŋaa wɩaa ba bʋa lɛ arɩ wʋtɩtɩɩ, ʋ jaŋ kɛŋ mɩɩsɩŋ, ʋ bɩ jaŋ sʋʋ.

HOSIA 11:9

Mɩ bɩra bɩ jaŋ faasa na baanɩŋ, mɩ bɩra bɩ jaŋ chei Efirem. Mɩ nɛ Wɩa, mɩ bɩ nuhuobiiŋ ŋaa, mɩ bɩ disiniŋ kɛnɛ, mɩ hɛ ma tʋɔŋ nɛ. Mɩ bɩ jaŋ kɛŋ baanɩŋ a kɔ ma lɛ.

JOWƐL 2:14

Kʋbɛɛ nɛ jɩma? Ʋ jaŋ wuo joŋ ʋ baanɩŋ ta aŋ fá ma nisusuŋ a joŋ kʋ-daŋ pɛ ma lɛ, dɩ ma kaa ŋaa mɩaa Wɩɩsʋlʋŋ arɩ kʋnyʋalaa Wɩɩsʋlʋŋ, a pɩ ma TƖƖNA Wɩa.

JONA 4:2

Ʋ sʋl La TƖƖNA, “Ou, mɩ TƖƖNA, ŋ-la dee mɩ bʋl mɩ fa ha sɩ hɛ mɩ jaŋ lɛɛ? Ŋ-la wɩaa nɛ tɩɩ mɩ fa fá lɩma lɩma a mʋmʋ Taasɩs ŋɩɩ. Mɩ jɩma ŋ ŋaa Wɩa sɩ kɛŋ zile a fɩfá nɩaa nenige nɛ. Ŋ baanɩŋ bɩ lɩma lɩma ka sii. Ŋ cho nɩaa ma woruŋ aŋ ŋaa Wɩa sɩ bɩ cho ʋ joŋ wʋbɔŋ kala ŋaa nʋʋ lɛ.