JƐRƖMAAYA 23:3 - WƖA TENIŊ

³ Mɩ tɩtɩa jaŋ kɛŋ mɩ nɩaa nɩkaana-la kaa kʋ lɩɩ tinteye-la lɛ mɩ sɩ kiriba mʋ hɛ, a kɛmba mɩɩra kɔ ba tɩtɩa tinteeŋ. Dɩ ba nɛ kɔ nɩmɛ, ba jaŋ lʋl biiriŋ, a pʋŋa yʋgɛ.

JƐRƖMAAYA 23:3 Iomraidhean Croise

WƖA YƖƖLAA 106:47

Laala ta, La Tɩɩna Wɩa. Kɛnla lɩɩ tinteyee nɩaa tʋɔŋ a kʋ hɛ dɔŋɔ, dɩ la wuo lɔllʋŋ a dɛnnɛ ŋ yɩrɩ-balɩŋ sɩ bɩ disiniŋ kɛnɛ.

JƐRƖMAAYA 16:15

Ama ba jaŋ bʋl, ‘La ŋmɩɛsɛ La TƖƖNA sɩ weye, ʋ nɛ kɛŋ Iziral tɩŋŋaa kaa lɩɩ wɩɩpɔsʋŋ nagʋa tinteeŋ arɩ tinteye-la kala lɛ ʋ sɩ kɛmba pɩsa hɛ.’ Mɩ jaŋ bɩra leŋ dɩ ba kʋ tɩɩ tintee-la mɩ sɩ joŋo pɩ ba naabalɩmaba.

JƐRƖMAAYA 29:14

ma jaŋ namɛ. Mɩ-na ma TƖƖNA nɛ bʋla. Mɩ jaŋ kɛmma mɩɩra lɩɩ yoŋ-baga-la kɔ. Mɩ jaŋ chɛ kɛsɛma a lɩɩ tinteye-la arɩ lere-la kala mɩ sɩ kɛmma pɩsa hɛ lɛ. Mɩ-na ma TƖƖNA nɛ bʋla. Mɩ jaŋ mɩɩra kɛmma kɔ lee-la ma fa sɩ hɛ, ka mɩ kɛmma mʋ yoŋ-baga.”

JƐRƖMAAYA 30:10

Ŋɩɩ wɩaa, má sɩ́ fawʋllʋŋ fá, mɩ tɩntɩnna Jekɔb doho nɩaa. Iziral tɩmma, má sɩ́ leŋe dɩ ma niiree maa. Mɩ-na ma TƖƖNA nɛ bʋla. Mɩ jaŋ sɛnɛ laama ta tintee-bolii-la ma sɩ hɛ lɛ a kɛmma kɔ dɩa. Mɩ jaŋ laa ma doho nɩalɩŋ sɩ hɛ yoŋ-baga lɛ ta. Iziral tinteeŋ jaŋ bɩra kɛŋ fɩɛlɩŋ dɩ ba hɔŋ sɔm, nʋʋkala bɩ jaŋ ŋaa dɩ fawʋllʋŋ kɛmba.

JƐRƖMAAYA 30:3

Tapʋlaa ka kɔ nɛ, mɩ-na ma TƖƖNA jaŋ kɛŋ mɩ nɩaa Iziral tɩŋŋaa arɩ Juda nɩaa mɩɩra lɩɩ yoŋ-baga kɔ, a bɩra leŋ dɩ ba hɔŋ tintee-la mɩ sɩ joŋo pɩ ba naabalɩmaba ʋ ŋaa ba kʋŋ lɛ. Mɩ-na ma TƖƖNA nɛ bʋla.”

JƐRƖMAAYA 31:7

Wɩɩ-la La TƖƖNA sɩ bʋla nɛ ŋ-la: “Má yɩɩ yɩɩlaa arɩ tʋɔtɔrʋŋ a pɩ Iziral. Má ŋaa goŋ a pɩ tinteyee kala tʋɔŋ kʋbalɩŋ. Má leŋ dɩ nɩaa nɩɩ ma sɩ dɛnnʋ a bʋl, ‘La TƖƖNA, laa ŋ nɩaa ta, Iziral tɩŋŋaa nɩkaana-la.’

JƐRƖMAAYA 31:8

Má bee na, mɩ jaŋ kɛmba lɩɩ wɩɩpɔsʋŋ nagʋa tinteeŋ dɩɩrɩŋ a kɔ, mɩ jaŋ kɛmba lɩɩ dʋnɩa sɛmɛ na-kala a kʋ hɛ dɔŋɔ. Nyʋlɩmaa arɩ gbɛrɩgɛɛ jaŋ hɛ ba tʋɔŋ, hapuugoo arɩ haalaa sɩɩ chɛ ba lʋl ba luoruŋ wʋwɩɩ ma jaŋ hɛ ba tʋɔŋ. Ba jaŋ yʋgɛ woruŋ a mɩɩra kɔ.

JƐRƖMAAYA 32:37

Mɩ jaŋ sɛnɛ kɛsɛba hɛ dɔŋɔ lɛ a kaa lɩɩ tinteye-la kala lɛ mɩ sɩ chaasa na baanɩŋ mɩ yaraa hosi mɩ kiriba hɛ lɛ. Mɩ jaŋ kɛmba mɩɩra kɔ leriŋ deeŋ dɩ ba hɔŋ sɔm.

JƐRƖMAAYA 46:27

Mɩ tɩntɩnna Jekɔb, sɩ́ fawʋllʋŋ fá. Sɩ́ leŋe dɩ ŋ yaraa yʋɔrɛ Iziral. Mɩ jaŋ laama ta dɩ-bolii-la lɛ ma sɩ hɛ, mɩ jaŋ laa ma doho nɩalɩŋ ta yoŋ-baga lɛ. Jekɔb jaŋ bɩra kɛŋ fɩɛlɩŋ a hɔŋ sɔm, nʋʋkala bɩ jaŋ leŋ dɩ fawʋllʋŋ kɛnʋ.

JƐRƖMAAYA 50:19

Ama mɩ jaŋ mɩɩra kɛŋ Iziral tɩŋŋaa kaa kɔ ba tinteeŋ, ba jaŋ dii kɩaa Kamɛl peel-la nyuŋ arɩ Basaŋ fuonaaŋ lɛ. Ba jaŋ dii kɩaa a vɔgɛ Efirem arɩ Gɩlɩad dundolluŋ nyuŋ.

JƐRƖMAAYA 8:3

Lee na-kala mɩ sɩ vɩa tintee-bɔmʋŋ deeŋ nɩaa ta, nɩkaana-la sɩ bɩ sʋba jaŋ cho sʋʋŋ a kɩɩ mɩɩsɩŋ. Mɩ-na ma TƖƖNA doluŋ kala Tɩɩna nɛ bʋla.”

ƐZƖKƖƐL 11:17

Ŋɩɩ wɩaa bʋla pɩba, ‘Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ jaŋ kɛmma hɛ dɔŋɔ a kaa lɩɩ tinteyee arɩ tinteye-la lɛ mɩ fa sɩ kɛmma pɩsa hɛ kɔ. Mɩ jaŋ bɩra joŋ ma Iziral tɩŋŋaa tinteeŋ pɩma.’

ƐZƖKƖƐL 36:11

Mɩ jaŋ leŋ dɩ ma nɩaa arɩ ma pʋsʋŋ pʋŋ. Ma jaŋ yʋgɛ a kɩɩ ŋɩɩ ma fa sɩ maga, dɩ ma biiriŋ ma pʋŋa pɛ. Mɩ jaŋ leŋ dɩ ma hɔŋ nɩmɛ arɩ ma fa sɩ hɔŋ ŋɩɩ, a dʋa kɩaa a kɩɩ ŋɩɩ ma fa sɩ kɛnɛ. Ŋɩɩ nɛ ma jaŋ jɩŋ arɩ mɩ nɛ ma TƖƖNA.

ƐZƖKƖƐL 36:24

Mɩ jaŋ kɛmma lɩɩ tintee-wogusuŋ kala tʋɔŋ, a kɛmma mɩɩra kɔ ma tɩtɩa tinteeŋ.

ƐZƖKƖƐL 36:37

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: “Mɩ jaŋ bɩra jegile nɩɩ Iziral tɩŋŋaa sʋla a pɛ ba lɛ. Mɩ jaŋ leŋ dɩ ba faasa pʋŋa yʋgɛ a nagɛ pie-laalɩŋ.

LEVI DOHO NƖAA 26:9

Mɩ jaŋ pɛ ma lɛ dɩ ma pʋŋ, aŋ leŋ dɩ nii-la ma mɩ sɩ bile mɩ dɩ ma pɛgɛ chɩŋ.

MƖKA 2:12

La TƖƖNA bɩra sɩ, “Mɩ sɛnɛ jaŋ kɛŋ ma Jekɔb doho nɩaa kala kʋ hɛ dɔŋɔ, mɩ sɛnɛ jaŋ kɛŋ Iziral nɩkaanaa kʋ hɛ dɔŋɔ lɛ. Mɩ jaŋ kɛmba kʋ hɛ dɔŋɔ a nagɛ piesee sɩ hɛ pie-dɩa lɛ. Ba jaŋ nagɛ pie-laalɩŋ sɩ hɛ yaŋ dɩ-diiliŋ. Nɩaa jaŋ bɩra su tintee-la.

MƖKA 7:12

Tapʋlɩɩ-la nɩaa jaŋ lɩɩ Asiiria arɩ Ijipiti tinteeŋ a kɔ ma teeŋ. Nɩaa jaŋ paala kɔ ma teeŋ a chɩŋ Ijipiti tinteeŋ lɛ a kaa mʋ yi Yufireti fuo-la, a bɩra chɩŋ mʋgʋ-balɩŋ dɔŋɔ lɛ a kaa mʋ dɔŋɔ, a chɩŋ peeliŋ dɔŋɔ lɛ a kaa mʋ dɔŋɔ.