JƐRƖMAAYA 22:3 - WƖA TENIŊ

³ wɩɩ-la mɩ-na ma TƖƖNA sɩ bʋla nɛ ŋ-la: Má kɛŋ wʋtɩtɩɩ a ŋaa wɩaa ba bʋa lɛ. Má lorigo laa nɩɩ-la ba sɩ nyaga bil ta nɩɩ-la sɩɩ gʋrʋ nɩsɩŋ lɛ. Má sɩ́ wʋbɔŋ koo yuosu wɩɩ ŋaa nʋhʋɔrʋ koo biisime koo yo-haala lɛ. Má sɩ́ nʋʋ ma sɩ bɩ wɩɩ ŋaa chei kpʋ leriŋ deeŋ.

JƐRƖMAAYA 22:3 Iomraidhean Croise

2 SAMƲƐL 23:3

Iziral Wɩa, nɩɩ-la sɩ kɛŋ doluŋ a nagɛ bʋŋ bʋla pɩmɛ: ‘Dɩ kuoro nɛ kɛŋ tʋɔpʋla a bibeŋ ʋ nɩaa nyuŋ, a to Wɩa niiŋ lɛ a bibemba,

2 KUOROO 24:4

a wasa nyaŋ nɩalɩŋ kala sɩ bɩ wɩɩ cheye, aŋ ka Manasɛ kpʋba. La TƖƖNA fa bɩ cho dɩ ʋ joŋ wɩɩ-la chɛʋ.

JOB 22:9

aŋ kiri yo-haalaa ta ba kɛŋ na-hɩllɩŋ viiri, a nyagɛ biisinsiŋ bil ba bɩ wɩɩ wuo ŋaa.

JOB 24:9

Nɩbɔŋŋɔɔ kɛŋ biisiŋ bii-mulluŋ lɛrɛ kɛrɛ ba naamba yɩlɩŋ lɛ nɛ. Ba kɛŋ summoo bii-mulluŋ laa nɛ chɩmɩŋ bʋbʋɔŋ lɛ.

WƖA YƖƖLAA 68:5

Wɩa hɛ ʋ dɩɩ-bal-la sɩ bɩ disiniŋ kɛnɛ lɛ nɛ. Ʋ nɛ ŋaa biisinsiŋ nyɩmma, ʋ nɩɩ beŋ yo-haalaa ma.

WƖA YƖƖLAA 82:4

Má lorigo laa puwuoloo arɩ nɩalɩŋ sɩ bɩ ba tɩtɩa lɛ wuo pɛ ta nɩbɔŋŋɔɔ nɩsɩŋ lɛ.

WƖA YƖƖLAA 94:21

Ba vʋʋra sii chɩŋ tʋɔpʋl tɩŋŋaa lɛ nɛ, aa kpʋ nɩalɩŋ sɩ bɩ wɩɩ cheye.

WƖA YƖƖLAA 94:6

Ba kpʋ yo-haalaa arɩ nʋhʋɔraa nɛ, a kpʋ biisinsiŋ ma,

MOSIS KƐŊ IZIRAL TƖŊŊAA LƖƖ 22:21

Ma pɔ má sɩ́ nɩwogusuŋ kaa ŋmoo gbɛɛŋ koo a dɔgɩsɛba. Má jɩŋ arɩ ma ma fa ŋaa nʋhʋɔra nɛ Ijipiti tinteeŋ lɛ.

MOSIS KƐŊ IZIRAL TƖŊŊAA LƖƖ 22:22

Ma pɔ má sɩ́ yo-haalaa arɩ biisinsiŋ kaa ŋmoo gbɛɛŋ.

NAMAGABA 23:10

Pʋpɔ ŋ sɩ́ ma tinteeŋ bʋa magɩlɩ-bɩnɩŋ tabɩɩŋ kaa joŋ, koo a kɛŋ biisinsiŋ tinteeŋ laa,

NAMAGABA 6:17

Nɩalɩŋ sɩɩ dagɛ ba tɩtɩa, nɩalɩŋ sɩɩ nyɩɛ wɩaa, nɩalɩŋ sɩɩ kpʋ nɩaa sɩ bɩ wɩɩ cheye,

AZAAYA 1:23

Nɩalɩŋ sɩɩ bemma bɩ mɩ niiŋ ka to, gaaraa nɛ ŋaa ba nandɔsʋŋ, ba cho kpalaa laanɩŋ nɛ woruŋ a kiree to kʋmɔlɩɩba harɩŋ. Ba bɩ chɩna gbɛrɛ biisinsiŋ, dɩ yo-haalaa nɛ kɛŋ wɩaa kɔ ba teeŋ, ba bɩ jegile nɩnɩɩ.

AZAAYA 58:6

Nii-vɔbɩɩ-la doho mɩ sɩɩ chɛ nɛ ŋ-la: Má laa nɩalɩŋ wɩaa sɩ nyaga bil ba nɩna hɛɛŋ ta, a giri wʋbɔŋŋɔɔ ŋaanɩŋ, a laa nɩalɩŋ sɩ bɩ wɩɩ ŋaa ka baa dɔgɩsɛba ta.

AZAAYA 58:7

Má ŋaa ma kʋdiilee a pɩpɩ losumoo, aŋ pɛ summoo arɩ nɩalɩŋ ma sɩ bɩ dɩɩsɩŋ kɛnɛ lɛ dɩ ba na dɩjʋʋlaa. Dɩ nʋʋ nɛ kɛŋ yarɩ-biree a tɩŋ ʋ sɩ bɩ gɛrɩŋ kɛnɛ wɩaa, má pʋ gɛrɩŋ. Má sɩ́ ma naambiiriŋ vɩa ta, má pɩpɛ ba lɛ.

JƐRƖMAAYA 19:4

Ba vɩamɛ nɛ aŋ kɛŋ leriŋ deeŋ bɩrɩmɛ vesiŋ lee. Ba kpʋ pʋsʋŋ a nyɩga pɩ vesiŋ ba-na koo ba naabalɩmaba koo Juda kuoroo ha sɩ bɩ jɩŋ. Ba kpʋ nɩaa sɩ bɩ wɩɩ cheye nɛ a chei leriŋ deeŋ kala.

JƐRƖMAAYA 21:12

Devit doho nɩaa, wɩɩ-la mɩ-na ma TƖƖNA sɩ bʋla nɛ ŋ-la: Má to wʋtɩtɩɩ tapʋlɩɩ na-kala. Má lorigo laa nɩɩ-la ba sɩ nyaga bil ta, nɩɩ-la sɩɩ gʋrʋ nɩsɩŋ lɛ. Dɩ ŋɩɩ dee, mɩ baanɩŋ jaŋ pusi a nagɛ nyiniŋ, a tɩŋ wʋbɔmɔ-la ma sɩ ŋaa wɩaa. Nʋʋkala tuo sɩ jaŋ leŋ dɩ mɩ baaŋ-la fɩɛlɛ.

JƐRƖMAAYA 22:17

Ama ŋ sɩaa arɩ ŋ tʋɔŋ kala hɛ gɩrɩma dii lɛ nɛ, a kpʋkpʋ nɩaa sɩ bɩ wɩɩ cheye a dʋdɔgɩsɛ nɩaa, aŋ pɛ kɛŋ nɩaa kɩaa lɩlaa.”

JƐRƖMAAYA 26:16

Ŋɩɩ nɛ tɩntɩnnɩ-hɩasɩ-la arɩ nɩalɩŋ kala bʋla pɩ Wɩɩsʋllɩ sɩpaalaaraa arɩ Wɩa wʋlaabʋlla-la, “Ma bɩ maga dɩ ma kpʋ baala deeŋ. Ʋ bʋl wɩaa La TƖƖNA Wɩa yɩrɩŋ lɛ nɛ a pɩla.”

JƐRƖMAAYA 5:28

a nɛrɛ pɩla pɩla, ba yaraa kala magɛ dɔŋɔ. Ba wʋbɔŋŋɔɔ ŋaanɩŋ bɩ dɛrɛ. Ba bɩ biisinsiŋ wɩaa chɩla, ba bɩ chɩna gbɛrɛ summoo ba nɩna wɩalɩŋ sɩ maga dɩ ba na.”

JƐRƖMAAYA 7:23

Ama mɩ fa joŋ wɩɩŋ deeŋ ma a dagɛba nɛ: Má sɛɩ mɩ niiŋ, dɩ mɩ ŋaa ma Wɩa, dɩ ma ma ŋaa mɩ nɩaa. Má to wɩalɩŋ kala mɩ sɩ dagɛma, dɩ wɩaa wuo vɛŋ woruŋ a pɩma.

JƐRƖMAAYA 9:24

Ama, leŋ dɩ nʋʋkala nɩɩ ŋmoo ʋ bɔyɛ, ʋ ŋmoo ʋ bɔyɛ a mʋ tɩgɛ wɩɩŋ deeŋ nɛ: Arɩ ʋ jɩŋ mɩ wɩaa sɩaa nɛ, a jɩmmɛ dɩ mɩ nɛ ŋaa ʋ TƖƖNA. Nɩɩ-la sɩ cho nɩaa a kɛŋ wʋtɩtɩɩ arɩ tʋɔpʋla a ŋɩŋaa wɩaa tinteeŋ lɛ, wɩaa deemba nɩɩ tɔrɛ mɩ tʋɔŋ. Mɩ-na ma TƖƖNA nɛ bʋla.”

JEMBIEE 3:36

Dɩ ba nɛ pɔ dɩ ba sɩ́ kʋsɩŋŋaa joŋo pɩ nʋʋ sarɩya dɩ-diiliŋ, La TƖƖNA ka na nɛ.

ƐZƖKƖƐL 18:12

Ʋ yie nyagɛ summoo arɩ nɩalɩŋ sɩ bɩ ba tɩtɩa lɛ wuo pɛ bil, a kɛŋ nɩaa kɩaa lɩlaa arɩ doluŋ. Dɩ nʋʋ nɛ dii ʋ chɩmɩŋ aŋ joŋ kʋŋ bil bʋbʋɔŋ, ʋ bɩra bɩ kʋ-la joŋo pɩpɩ tɩɩna. Ʋʋ kpaarɛ tɔŋŋɔɔ a ŋɩŋaa wɩalɩŋ mɩ sɩɩ kɩsʋ.

ƐZƖKƖƐL 18:7

Ʋ bɩ nʋʋkala nyaga bil, ama dɩ nʋʋ nɛ dii ʋ chɩmɩŋ aŋ joŋ kʋŋ bil bʋbʋɔŋ, ʋ yie mɩɩra joŋ tɩɩna kʋa pʋ nɛ. Ʋ bɩ nɩaa kɩaa kaa lɩlaa arɩ doluŋ, ama ʋ yie ŋaa kʋdiilee pɩpɩ nɩalɩŋ losuŋ sɩ kɛnɛ nɛ, a joŋ gɛnnɩŋ ma pɩpɩ nɩalɩŋ sɩ kɛŋ yarɩ-biree.

ƐZƖKƖƐL 22:7

Ŋ lɛ nɛ ba bɩ nyɩmmaba arɩ naamba ka zil. Ba nyagɛ nʋhʋɔra-la sɩ hɔŋ ŋ lɛ bil nɛ, aŋ dʋdɔgɩsɛ biisinsiŋ arɩ yo-haalaa.

ƐZƖKƖƐL 45:9

Wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: “Iziral sɩpaalaaraa, ma ŋaa wʋbɔŋŋɔɔ kieli nɛ. Má leŋ doluŋ diiniŋ arɩ nɩaa dɔgʋsʋŋ, aŋ to wʋtɩtɩɩ a ŋɩŋaa wɩaa ba bʋa lɛ. Má leŋ mɩ nɩaa tinteeŋ kaa laanɩŋ. Mɩ-na ma TƖƖNA Wɩɩjarɩbakɔ nɛ bʋla.

JOWƐL 3:19

Ama Ijipiti jaŋ pɩŋ hoi, dɩ Ɛdɔm ma nagɛ tintee-hɩlɩŋ sɩ bɩ kʋŋkala kɛnɛ, a tɩŋ dol-la ba sɩ die Juda nɩaa lɛ, a kpʋ nɩaa sɩ bɩ wɩɩ cheye tintee-la lɛ.

LEVI DOHO NƖAA 19:15

Ma pʋpɔ má sɩ́ wʋtɩtɩɩ joŋo faa. Má sɩ́ summo gʋrʋ a tɩŋ ʋ sɩ bɩ kʋŋ kɛnɛ wɩaa, a sɩ́ kɩaa tɩɩna ma lɛ pɛ a tɩŋ ʋ sɩ kɛŋ kɩaa. Má dii nʋʋkala sarɩya arɩ wʋtɩtɩɩ.

AMƆS 5:15

Má bɛrɛ wʋbɔŋŋɔɔ, aŋ cho wʋzɔŋŋɔɔ, a leŋ dɩ wʋtɩtɩɩ chaasa chɩŋ ma sarɩya dɩ-diilee. Kapo La TƖƖNA doluŋ kala Tɩɩna jaŋ fá ma Josɛf doho nɩkaanaa nenige.

AMƆS 5:24

Má leŋ dɩ ma wʋtɩtɩɩ nagɛ fuoŋ sɩɩ pɛllʋ, dɩ tʋɔpʋla ma nagɛ fuoŋ lɩɩŋ sɩ bɩ hʋ.

MƖKA 3:11

Ma sɩpaalaara-la yie laa kpalaa nɛ aŋ dii sarɩya, ma Wɩɩsʋllɩ sɩpaalaaraa yie dagɛ nɩaa Wɩa wombiiŋ aa chɛ time. Ma nɩalɩŋ sɩ sɩ ma ŋaa Wɩa wʋlaabʋllaa yie bʋl wɩalɩŋ ma sɩ na aa laa moribiee. Ka ma ha yie bʋl dɩ ma yelli La TƖƖNA nɛ. Ma yie bʋl, “La TƖƖNA hɛ la teeŋ nɛ, wʋlɔrʋ kala bɩ jaŋ jʋʋla.”

MƖKA 6:8

Aɩ, Wɩa dagɛla wɩɩ-la sɩ zɔmɔ nɛ. Wʋbɛɛ nɛ La TƖƖNA chɩchɛ dɩ la ŋaa? Ʋʋ chɛ dɩ la kɛŋ wʋtɩtɩɩ a ŋɩŋaa wɩaa, a cho nɩaa, a muuri la tɩtɩa a tuto ʋ wombiiŋ.

MALAKAƖ 3:5

La TƖƖNA doluŋ kala Tɩɩna sɩ, “Mɩ jaŋ kɔ a guu dii ma sarɩya. Mɩ jaŋ guu dagɛ nɩaa deemba wʋcheelee. Nɩalɩŋ sɩɩ ŋaa chichiribi wɩaa, nɩalɩŋ sɩɩ ŋaa wʋlɩɩlɩŋ, nɩalɩŋ sɩɩ nyɩɛ wɩaa sarɩya dɩ-diiliŋ arɩ nɩalɩŋ sɩɩ gʋrɛ ba tɩntɩnnaa, nɩalɩŋ sɩɩ dɔgɩsɛ yo-haalaa arɩ biisinsiŋ koo a gʋgʋrɛ nɩwogusuŋ. Nɩaa deemba kala bɩ mɩ ka fá.

Matiu 23:23

Wɩɩŋ puu ma Wɩa teniŋ kerichiba arɩ ma Farisii tɩŋŋaa, ma kanfugi tɩmma-la. Dɩ ma nɛ jaa pɩpaarɩ-la ma sɩ yie joŋo hɛ kʋdiilee lɛ ba sʋɔra sɩŋ, ma yie kɛmba kala kaa kpaa leree fii fii a joŋ ba kʋŋkala leriŋ dɔŋɔ a pɩ Wɩa aŋ vɩa dɩ ma to sɩɩfɩaŋ wɩalɩŋ Mosis fa sɩ bile pɩma dɩ ma tuto. Ba nɛ ŋ-la: Má to wʋtɩtɩɩ wombiiŋ a fá nɩaa nenige a laa Wɩa dii. Ʋ maga dɩ ma kpaa ma kɩalɩŋ leree fii fii nɛ a joŋ kʋbala pɩ Wɩa, ama ʋ bɩ maga dɩ ma vɩa wʋtɩtɩɩ wombiiŋ.

MOSIS BƖRA WULLI WƖA WOMBIIŊ 10:18

Ʋ bɩ biisinsiŋ arɩ yo-haala wɩaa ka sɛɩ. Ʋ cho nɩwogusuŋ a pɩpɩba kʋdiilee arɩ gɛnnɩŋ.

MOSIS BƖRA WULLI WƖA WOMBIIŊ 24:17

Má sɩ́ nɩwogusuŋ arɩ biisinsiŋ gʋrʋ, koo dɩ ŋ nɛ joŋ kʋŋ a chɩŋ yo-haala, sɩ́ ʋ gɛrɩŋ laa bil chɩŋ-la bʋbʋɔŋ lɛ.

MOSIS BƖRA WULLI WƖA WOMBIIŊ 24:7

Dɩ Iziral tɩɩna kala nɛ gaa kɛŋ ʋ naambie a leŋ ʋ ŋaa ʋ yomo aa dɔgʋsʋ koo a yallʋ, ʋ maga dɩ má kpʋ gaarʋ-la. Ʋ maga dɩ ma giri wʋbɔmʋŋ deeŋ ta nɛ ma tʋɔŋ.

MOSIS BƖRA WULLI WƖA WOMBIIŊ 25:1

Dɩ nɩaa balɩa nɛ kɛŋ kaalɛrɛ, a kɛŋ wɩɩ-la mʋ sarɩya dɩ-diiliŋ, sarɩya diiree maga dɩ ba dii sarɩya-la a joŋ cheeriŋ a pɩ nɩɩ-la kɩaa sɩ bɩ sɩŋ, aŋ bʋla pɛ nɩɩ-la kɩaa sɩ sɩma lɛ.

MOSIS BƖRA WULLI WƖA WOMBIIŊ 27:19

‘La TƖƖNA ŋmɩaŋ jaŋ dii nɩɩ-la kala sɩ gʋrɛ nʋhʋɔraa, biisinsiŋ arɩ yo-haalaa.’ Nɩalɩŋ kala jaŋ laa bʋl, ‘Amɩɩ.’

Jeems 1:27

La Nyɩmma Wɩa wombiiŋ tonuŋ ʋ sɩ daga arɩ ʋ ŋaa wombii-tɩtɩɩ nɛ ŋ-la: Má pɩpɛ biisinsiŋ arɩ yo-haala-la sɩɩ na hɛɛŋ lɛ, aŋ lɩɩsɛ ma tɩtɩa dʋnɩa nɩaa wʋŋaalaa sɩ jaŋ leŋ dɩ ma kɛŋ disiniŋ lɛ.