JƐRƖMAAYA 21:12 - WƖA TENIŊ

¹² Devit doho nɩaa, wɩɩ-la mɩ-na ma TƖƖNA sɩ bʋla nɛ ŋ-la: Má to wʋtɩtɩɩ tapʋlɩɩ na-kala. Má lorigo laa nɩɩ-la ba sɩ nyaga bil ta, nɩɩ-la sɩɩ gʋrʋ nɩsɩŋ lɛ. Dɩ ŋɩɩ dee, mɩ baanɩŋ jaŋ pusi a nagɛ nyiniŋ, a tɩŋ wʋbɔmɔ-la ma sɩ ŋaa wɩaa. Nʋʋkala tuo sɩ jaŋ leŋ dɩ mɩ baaŋ-la fɩɛlɛ.

JƐRƖMAAYA 21:12 Iomraidhean Croise

AZAAYA 1:17

Má gʋnnɛ wʋzɔŋŋɔɔ ŋaanɩŋ, a tuto wʋtɩtɩɩ, a pɩpɛ nɩalɩŋ ba sɩ nyaga bil lɛ. Má chɩna gbɛrɛ biisinsiŋ arɩ yo-haalaa.”

JƐRƖMAAYA 4:4

Má joŋ ma tɩtɩa hɛ mɩ-na ma TƖƖNA nɩsɩŋ lɛ. Má Juda arɩ Jerusalɛm nɩaa, má pʋllɛ ma tʋɔŋ, dɩ ŋɩɩ dee, mɩ baanɩŋ jaŋ sii ma nyuŋ a nagɛ nyiniŋ a diima a tɩŋ wʋbɔmɔ-la ma sɩ ŋaa wɩaa. Dɩ nyiŋ-la nɩɩ diima, nʋʋkala bɩ jaŋ wuo dɩsʋ.

AZAAYA 1:31

A nagɛ nyiŋ-pʋgʋmʋŋ sɩ yie tel ya-hɩlɩŋ lɛ ʋ chol ŋɩɩ, ŋɩɩ tɩtɩa nɛ nɩaa deemba sɩ ŋaa nɩduoru, wʋbɔŋŋɔɔ jaŋ gʋra cheiba, ka nʋʋkala tuo sɩ jaŋ laaba ta.

ZEFANAAYA 3:5

La TƖƖNA ŋaa tʋɔpʋl Tɩɩna nɛ a hɛ tabal-la lɛ, ʋ bɩ wʋbɔŋ kala ka ŋaa. Tapʋlɩɩ na-kala ʋ yie dagɛ ŋɩɩ ʋ sɩ kɛŋ wʋtɩtɩɩ nɛ, ʋ bɩ giri, ka nɩalɩŋ sɩ kɛŋ tʋɔbɔmʋŋ ha bɩ hɩɩsɩŋ jɩŋ.

NAHUM 1:6

Kʋbɛɛ nɛ jaŋ wuo chɩŋ ʋ sɩpaaŋ dɩ ʋ baanɩŋ nɛ sie? Kʋbɛɛ nɛ jaŋ wuo waa, dɩ ʋ baanɩŋ nɛ hoso? Ʋ baanɩŋ yie pusi a nagɛ nyiniŋ nɛ, bʋsʋŋ yɩyɛrɛ ʋ sɩpaaŋ.

JƐRƖMAAYA 36:7

Kapo ba jaŋ kɔ La TƖƖNA sɩpaaŋ a sʋlʋ aŋ bɩrɩma lɩɩ ba wʋbɔŋŋɔɔ lɛ, bɛɛ wɩaa La TƖƖNA sɩ na baanɩŋ a bʋl wɩalɩŋ tɩgɛ nɩaa deemba lɛ bɩ bana kɛnɛ.”

JƐRƖMAAYA 17:4

A tɩŋ ma tɩtɩa cheeriŋ wɩaa, dʋa-la mɩ sɩ joŋo pɩma jaŋ lɛl ma nɩsɩŋ lɛ. Mɩ jaŋ leŋ dɩ ma ŋaa ma dʋndɔŋŋɔɔ yosi, tintee-la ma sɩ bɩ jɩŋ lɛ. Ma leŋe mɩ baanɩŋ faasa sii ma nyuŋ nɛ, ʋ saa bɩ jaŋ fɩɛlɛ.”

JƐRƖMAAYA 7:20

Ŋɩɩ wɩaa, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Mɩ na baanɩŋ ba nyuŋ kɩŋkɛŋ nɛ, mɩ jaŋ joŋ mɩ baaŋ-la sɩ faasa sii fɩɩsɛ Juda nɩaa lɛ, ba pʋsʋŋ arɩ ba tɩɩsɩŋ arɩ ba kʋpɛrɛɛ lɛ. Mɩ baaŋ-la jaŋ nagɛ nyiŋ-la sɩ bɩ dɩsɛ a diiba.

JƐRƖMAAYA 5:28

a nɛrɛ pɩla pɩla, ba yaraa kala magɛ dɔŋɔ. Ba wʋbɔŋŋɔɔ ŋaanɩŋ bɩ dɛrɛ. Ba bɩ biisinsiŋ wɩaa chɩla, ba bɩ chɩna gbɛrɛ summoo ba nɩna wɩalɩŋ sɩ maga dɩ ba na.”

Rom Tɩŋŋaa 13:4

Ʋ ŋaa Wɩa tɩntɩnnʋ nɛ dɩ ʋ pɛ ŋ lɛ. Ama dɩ ŋ nɩɩ ŋaa wʋbɔŋŋɔɔ, fɩfáʋ, bɛɛ wɩaa dol-la ʋ sɩ kɛnɛ, ʋ bɩ dol pɛɩ ŋaa. Ʋ ŋaa Wɩa tɩntɩnnʋ nɛ. Nʋʋkala sɩ ŋaa wʋbɔmʋŋ, Wɩa na baanɩŋ ʋ nyuŋ nɛ. Ŋɩɩ nɛ tɩɩ nɩɩ-la sɩɩ beŋ tinteeŋ jaŋ wuo dɔgɩsɛ tɩɩna.

Luuk 1:69

Ʋ lɩɩsɛ nɩduo nɛ pɩla dɩ ʋ kʋ laala ta. Ʋ lɩɩ Devit doho nɩaa tʋɔŋ nɛ.

ƐZƖKƖƐL 22:31

Ŋɩɩ wɩaa mɩ baanɩŋ jaŋ sii ba nyuŋ, mɩ baanɩŋ jaŋ nagɛ nyiniŋ a jomba dii. Wɩalɩŋ kala ba sɩ ŋaa jaŋ gʋra nyʋa ba nyuŋ lɛ. Mɩ-na ma TƖƖNA Wɩɩjarɩbakɔ nɛ bʋla.”

JEMBIEE 4:11

La TƖƖNA chaasa na baanɩŋ nɛ, ʋ baanɩŋ chaasa sii nɛ ʋ pɔsɛ. Ʋ fuuni nyiniŋ hɛ Zaayɔŋ lɛ nɛ, ʋ joŋ ʋ kala kɔlɩmɛ a tuu yi gentine.

JƐRƖMAAYA 23:19

Bee na, mɩ-na ma TƖƖNA baanɩŋ nagɛ pel-duoŋ nɛ. Ʋ jaŋ lu a nagɛ pel-vinvilimiŋ a kʋ tuu nɩbɔŋŋɔɔ nyuŋ.

JƐRƖMAAYA 5:14

Ŋɩɩ wɩaa wɩɩ-la La TƖƖNA Wɩa doluŋ kala Tɩɩna sɩ bʋla nɛ ŋ-la: “A tɩŋ nɩalɩŋ sɩ bʋl wɩaa deemba, mɩ jaŋ leŋ dɩ mɩ wɩalɩŋ ŋ sɩɩ bʋl nagɛ nyiniŋ, dɩ nɩalɩŋ ma nagɛ daasɩŋ, dɩ wɩalɩŋ jomba dii.”

AZAAYA 7:13

Ŋɩɩ nɛ Azaaya ma bʋl, “Má jegili daha, kuoro Devit doho nɩaa, ma magɩsɛ nuhuobiine nɛ dɩ ma na ʋ kenyiri sɩ magɛ ŋɩɩ, ma saa chɛ dɩ ma magɩsɛ Wɩa ma a na ʋ kenyiri sɩ magɛ ŋɩɩ nɛɛ?

AZAAYA 7:2

Devit doho nɩaa sɩ kʋ nɩɩ arɩ Siiria tɩŋŋaa arɩ Iziral tɩŋŋaa pɛ niiŋ nɛ dɩ ba yuoba, ŋɩɩ nɛ Ahas arɩ ʋ nɩaa bɔyɛ joŋ ba chichel, a nagɛ peliŋ sɩ yie lu a kɛŋ tɩɩsɩŋ jijigisi ŋɩɩ duuŋ lɛ.

WƖA YƖƖLAA 101:8

Tapʋlɩɩ na-kala mɩ jaŋ chei nɩbɔŋŋɔɔ la tinteeŋ lɛ. Mɩ jaŋ kiri wʋbɔŋ-ŋaaraa ta dɩ ba lɩɩ La Tɩɩna tabalɩŋ lɛ.

ZEFANAAYA 1:18

Tapʋlɩɩ-la mɩ-na ba TƖƖNA sɩ jaŋ na baanɩŋ, ba warɩpʋla koo ba sɛlɩmɛ bɩ jaŋ wuo laaba ta. Mɩ yarɩ-bieri baanɩŋ jaŋ nagɛ nyiniŋ a joŋ dʋnɩa kala dii, bɛɛ wɩaa mɩ jaŋ leŋ dɩ nʋʋkala sɩ hɛ dʋnɩa lɛ guu sʋʋ.”

JƐRƖMAAYA 23:5

La TƖƖNA sɩ, “Tapʋlaa ka kɔ nɛ, dɩ mɩ lɩɩsɛ tʋɔpʋl Tɩɩna Devit doho nɩaa tʋɔŋ, ʋ jaŋ ŋaa kuoru sɩ jaŋ beŋ ʋ nɩaa arɩ wʋjɩmɩŋ. Ʋ jaŋ kɛŋ wʋtɩtɩɩ, a ŋaa wɩaa ba bʋa lɛ tintee-la lɛ.

JƐRƖMAAYA 21:5

Mɩ-na tɩtɩa nɛ jaŋ tɩɛnɛ mɩ naduoŋ a yuoŋ arɩ baanɩŋ. Mɩ baanɩŋ jaŋ chaasa sii woruŋ.

JOB 29:17

Mɩ yie chei nɩbɔŋŋɔɔ doluŋ nɛ, aŋ lorigo laa nɩaa ta ba niiŋ lɛ.

2 SAMƲƐL 8:15

Devit fa dii kuoruŋ Iziral tinteeŋ kala lɛ nɛ, a ŋaa wɩaa ba bʋa lɛ a pɩpɩ ʋ nɩaa kala.

MOSIS BƖRA WULLI WƖA WOMBIIŊ 32:22

Mɩ baanɩŋ jaŋ sii a nagɛ nyiŋgeliŋ a dii kʋŋkala sɩ hɛ tinteeŋ lɛ. Ʋ jaŋ dii a tuu yi lɛlɛɛ-jaŋ, a dii peelee kala. Kʋdiilii kala jaŋ tuo.

LEVI DOHO NƖAA 26:28

mɩ baanɩŋ jaŋ sii ma nyuŋ dɩ mɩ dɔgɩsɛ ma a kɩɩ ŋɩɩ naansɩɩŋ bʋlɩpɛ, a tɩŋ ma wʋbɔmɔ-la wɩaa.

MOSIS KƐŊ IZIRAL TƖŊŊAA LƖƖ 18:13

Taŋ sɩ pʋla, Mosis sii hɔŋ dɩ ʋ laa nɩalɩŋ wɩaa jɩma pɩba. Ŋɩɩ nɛ ba chɩna gollu a lɩɩ chʋchʋɔŋ a kaa mʋ dɩdaanɩŋ.

JƐRƖMAAYA 7:5

Dɩ ma nɛ chaasa bɩrɩma lɩɩ ŋɩɩ ma sɩ naga lɛ, a joŋ wɩalɩŋ ma sɩɩ ŋaa ta, aŋ ŋɩŋaa wɩaa ba bʋɔsʋŋ lɛ dɔŋɔba teeŋ,

JƐRƖMAAYA 23:2

Ŋɩɩ wɩaa, wɩɩ-la mɩ-na ma TƖƖNA, Iziral tɩŋŋaa Wɩa sɩ bʋla a pɩpɩ ma sɩpaalaara-la sɩɩ beŋ mɩ nɩaa nɛ ŋ-la: A tɩŋ ma sɩ bɩ mɩ nɩaa nyuŋ bene, aŋ ŋaa ba pɩsɛ, a kiriba ta wɩaa, mɩ jaŋ dɔgɩsɛma a tɩŋ wʋbɔŋ-la ma sɩ ŋaa wɩaa.

JƐRƖMAAYA 44:22

La TƖƖNA sɩ kʋ magɛ ŋɩɩ a bɩra bɩ ma wʋbɔŋŋɔɔ arɩ ma wʋkɩsɩa-la lɛ wuo nyalɩmɛ, ʋ leŋe ma tinteeŋ pɩŋ hoi nɛ, nʋʋkala tuo nɩmɛ arɩ ʋ sɩ nagɛ ŋɩɩ jɩnɩmba, nɩaa kɛŋ ʋ yɩrɩŋ ŋmɩɛsa hɩhɛ nɩaa lɛ.