JƐRƖMAAYA 21:10 - WƖA TENIŊ

¹⁰ La TƖƖNA bɩra sɩ, “Mɩ chaasa kɛŋ mɩ tʋɔŋ dɩ mɩ ŋaa wʋbɔŋ nɛ tabalɩŋ deeŋ lɛ, wʋzɔŋ dee. Mɩ jaŋ joŋu hɛ Babɩlɔŋ kuoro nɩsɩŋ lɛ, dɩ ʋ cheyu arɩ nyiniŋ.”

JƐRƖMAAYA 21:10 Iomraidhean Croise

JƐRƖMAAYA 44:11

Ŋɩɩ wɩaa, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Mɩ chaasa kɛŋ mɩ tʋɔŋ nɛ dɩ mɩ kɛŋ wʋlɔrʋŋ kʋ hɛ ma lɛ a chei Juda kala.

AMƆS 9:4

Dɩ ba dʋndɔŋŋɔɔ nɛ yuo kɛsɛba kaa mʋ yoŋ-baga ma, mɩ jaŋ leŋ dɩ ba kpʋba nɩmɛ. Mɩ jaŋ joŋ mɩ sɩaa pɛsɛ ba lɛ a ŋaaba wʋbɔŋ, wʋzɔŋ dee.”

JƐRƖMAAYA 44:27

Mɩ bene a chɩchɛ wombiiŋ nɛ dɩ mɩ ŋaaba wʋbɔŋ, wʋzɔŋ dee. Juu tɩmma-la sɩ hɛ Ijipiti lɛ jaŋ sʋʋ laalɩŋ lɛ, koo losuŋ kpʋba, dɩ ba kala dɛrɛ.

ƐZƖKƖƐL 15:7

Mɩ jaŋ dɔgɩsɛba, ba loo lɩɩ nyiniŋ tʋɔŋ nɛ, ama nyiniŋ nɛ ha jaŋ diiba. Dɩ mɩ nɛ dɔgɩsɛba, ŋɩɩ nɛ ba jaŋ jɩŋ arɩ mɩ nɛ ba TƖƖNA.

JƐRƖMAAYA 52:13

Ʋ sɩ kɔ, ʋ nyɩgɛ Wɩa dɩɩ-bal-la, kuoru dɩa arɩ Jerusalɛm dɩɩsɩŋ kala. Dɩɩ-nyuŋ kala sɩ hɛ nɩmɛ nɛ ʋ nyɩgɛ.

JƐRƖMAAYA 39:8

Babɩlɔŋ tɩmma-la chol nyiniŋ hɛ kuoro dɩa lɛ arɩ nɩalɩŋ dɩɩsɩŋ aŋ ŋmoo Jerusalɛm jebiee lo.

JƐRƖMAAYA 38:18

Ama dɩ ŋ nɛ bɩ ŋ tɩtɩa joŋo hɛ ba nɩsɩŋ lɛ, La Tɩɩna jaŋ joŋ tabalɩŋ deeŋ hɛ Babɩlɔŋ nɩaa nɩsɩŋ lɛ dɩ ba nyɩgʋ dɩ ʋ dii tel. Ŋ ma tɩtɩa bɩ jaŋ fori ba nɩsɩŋ lɛ.”

JƐRƖMAAYA 38:3

Wɩɩ-la La TƖƖNA sɩ bʋla nɛ ŋ-la: ‘Mɩ jaŋ sɛnɛ joŋ tabalɩŋ deeŋ a hɛ Babɩlɔŋ kuoro laalɩyuoroo nɩsɩŋ lɛ, dɩ ba yuo diiu.’ ”

JƐRƖMAAYA 34:2

Wɩɩ-la La TƖƖNA, Iziral tɩŋŋaa Wɩa sɩ bʋla nɛ ŋ-la: Mʋ Juda tinteeŋ kuoro Zedikaaya teeŋ a bʋla pʋ, “Wɩɩ-la mɩ-na ma TƖƖNA sɩ bʋla nɛ ŋ-la: Mɩɩ chɛ mɩ joŋ tabalɩŋ deeŋ a hɛ Babɩlɔŋ kuoro nɩsɩŋ lɛ nɛ dɩ ʋ nyɩgʋ.

2 IZIRAL TƖŊŊAA NAABARƖŊ 36:19

Ŋɩɩ nɛ ba chol nyiniŋ hɛ Wɩa dɩɩ-bal-la lɛ aŋ ŋmoo jebii-la sɩ golli Jerusalɛm lo a nyɩgɛ kuoru dɩɩsɩ-la a chei kʋzɔŋ na-kala sɩ hɛ nɩmɛ.

JƐRƖMAAYA 38:23

Ba jaŋ kɛsɛ ŋ haalaa arɩ ŋ biiriŋ kala a kaa kʋ lɩɩ pɩ Babɩlɔŋ tɩmma-la. Ŋ ma tɩtɩa bɩ jaŋ fori ba nɩsɩŋ lɛ. Ama Babɩlɔŋ kuoro jaŋ yuo kɛnɩŋ, ka dɩ ba nyɩgɛ tabalɩŋ deeŋ dɩ ʋ dii tel.”

WƖA YƖƖLAA 34:16

Ama Wɩa joŋ ʋ harɩŋ yɩa wʋbɔŋ ŋaaraa nɛ, ʋ jaŋ tii paa ba kala tinteeŋ lɛ dɩ ba yɩrɩŋ lɛl.

LEVI DOHO NƖAA 26:17

Mɩ jaŋ vɩama ta a leŋ dɩ ma dʋndɔŋŋɔɔ yuo diima. Nɩalɩŋ sɩ bɛrɛma nɛ jaŋ bemma. Ma jaŋ fá, ka nʋʋ bɩ maa kiri.

LEVI DOHO NƖAA 17:10

Dɩ Iziral tɩɩna koo nʋhʋɔrʋ sɩ hɛ ma tʋɔŋ nɛ dii chalɩŋ, mɩ jaŋ vɩa nɩɩ-la a keru ta mɩ nɩaa tʋɔŋ.

ZƐKARƖYA 1:6

Ama mɩ niiŋ wɩaa arɩ mɩ niiri-la mɩ sɩ joŋo dagɛ mɩ tɩntɩnnaa sɩ ŋaa mɩ wʋlaabʋllaa dii ma naabalɩmaba nɛ. Ŋɩɩ nɛ ba bɩrɩma lɩɩ ba wʋbɔŋŋɔɔ lɛ aŋ bʋl, ‘La TƖƖNA doluŋ kala Tɩɩna joŋ la wombiee arɩ la wʋŋaalaa sɩ nagɛ ŋɩɩ chɩmɩŋ nɛ a tiŋ la lɛ, arɩ ŋɩɩ ʋ sɩ bɩɩna dɩ ʋ ŋaa.’ ”

JƐRƖMAAYA 34:22

Mɩ-na ma TƖƖNA nɛ bʋla, mɩ jaŋ pa wombiiŋ, a kɛmba mɩɩra kɔ tabalɩŋ deeŋ. Ba jaŋ yuo laaʋ a nyɩgʋ dɩ ʋ dii tel. Mɩ jaŋ leŋ dɩ Juda tasɩŋ chei a pɩŋ, dɩ nʋʋkala sɩ́ wuo hɔŋ nɩmɛ.”

JƐRƖMAAYA 26:6

ŋɩɩ-na mɩ jaŋ leŋ dɩ mɩ dɩɩ-balɩŋ deeŋ ma nagɛ taŋ-la ba sɩɩ yɩrɛ Sɩlɔ, dɩ dʋnɩa tinteyee nɩaa kala kɛŋ tabalɩŋ deeŋ yɩrɩŋ ŋmɩɛsa hɩhɛ nɩaa lɛ.’ ”

JƐRƖMAAYA 17:27

Ama dɩ ma nɛ bɩ mɩ niiŋ to a joŋ chɛ-wiesii-la dɩ ʋ ŋaa tapʋl-zɔŋ, aŋ chʋŋ kɩaa to boi-baala-la kʋʋ jʋʋ Jerusalɛm chɛ-wiesii-la chɛɛŋ, ŋɩɩ-na mɩ jaŋ chol nyiniŋ nʋʋ sɩ bɩ jaŋ wuo dɩsɛ a hɛ Jerusalɛm boi-baala-la lɛ dɩ ʋ dii Jerusalɛm dɩɩ-duoruŋ kala.”

JƐRƖMAAYA 33:5

bʋa-la lɛ Babɩlɔŋ tɩŋŋaa sɩ yuo diiba nɛ ŋ-la: Dɩɩsɩ-la jaŋ su arɩ sʋʋnʋŋ nɩalɩŋ mɩ sɩ jaŋ faasa na baanɩŋ a kpʋ. Mɩ jaŋ lɩɩsɛ mɩ sɩaa tabalɩŋ deeŋ lɛ a tɩŋ wʋbɔmɔ-la kala ba sɩ ŋaa wɩaa.

JƐRƖMAAYA 39:16

“Mʋ bʋla pɩ Ɛbɛd-Mɛlɛk sɩ ŋaa Kus tɩɩna, ‘Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Mɩɩ chɛ mɩ ŋaa wɩalɩŋ mɩ sɩ bʋla tɩgɛ tabalɩŋ deeŋ lɛ nɛ: Wʋlɔrʋnʋŋ nɛ, wʋzɔŋŋɔɔ dee. Bʋa-la lɛ wɩalɩŋ kala jaŋ ŋaa ŋ sɩɩŋ lɛ.

ƐZƖKƖƐL 24:11

Joŋ pupoi-la kʋwuoluŋ chɔ nyiŋ-halaa lɛ dɩ ʋ faasa lɩŋ dɩ hɔɔ-fɩaŋ-la ba sɩ kaa ŋaaʋ fɩɛsɛ, dɩ disiŋ-la ma ŋmɩɛrɛ, dɩ ʋ sɩ sʋa ŋɩɩ ma dii.

AMƆS 2:5

Mɩ jaŋ joŋ nyiniŋ hɛ Juda lɛ dɩ ʋ dii Jerusalɛm dɩɩ-duoruŋ.”

JƐRƖMAAYA 38:17

Ŋɩɩ nɛ Jɛrɩmaaya bʋla pɩ Zedikaaya, “Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Dɩ ŋ nɛ joŋ ŋ tɩtɩa hɛ Babɩlɔŋ kuoro tɩntɩnna-la nɩsɩŋ lɛ, ŋ jaŋ laa ŋ mɩɩsɩŋ, ba bɩ jaŋ nyɩgɛ tabalɩŋ deeŋ ma, ŋ dɩ ŋ dɩa nɩaa jaŋ kɛŋ mɩɩsɩŋ.