JƐRƖMAAYA 2:7 - WƖA TENIŊ

⁷ Mɩ kɛmma kaa kʋ jʋʋ tinteeŋ sɩ sɩma nɛ, dɩ ma dii ʋ kɩaa arɩ kʋzɔŋ na-kala sɩ hɛ ʋ lɛ a nɩɩ sɩma. Ama ma kʋ jʋʋ nɛ a ŋaa disiniŋ hɛ mɩ tintee-la mɩ sɩ joŋo pɩma lɛ, a leŋ mɩ dɩ-tɩɩlɩŋ nagɛ kʋŋ mɩ sɩɩ kɩsʋ.

JƐRƖMAAYA 2:7 Iomraidhean Croise

NƐHƖMAAYA 9:25

Ba yuo laa tabalaa ba sɩ saa kɛrɩsɩŋ golli arɩ tinteyee sɩ sɩma nɛ. Ba laa dɩɩsɩŋ sɩ suo arɩ kʋzɔŋ dosunuŋ, vilee ba sɩ luo, girep tɩɩsɩŋ bagɩsɩŋ, olif tɩɩsɩŋ arɩ tɩɩsɩŋ dɔnsʋŋ ma sɩ yʋga a nɩnɛŋ. Ba dii kɩaa vɔgɛ nɛ woruŋ a kala nɛrɛ, ba tʋɔŋ tɔrɛ ŋ wʋzɔmɔ-la kala ŋ sɩ ŋaa lɛ.

NƐHƖMAAYA 9:26

Ama ba vɩa ŋ niiŋ nɛ a lɩɩ ŋ harɩŋ, a joŋ harɩŋ yɩa ŋ wombiiŋ ŋ sɩ bile dɩ ba tuto. Ba kpʋ ŋ wʋlaabʋllaa nɛ, nɩalɩŋ sɩ bʋl wɩaa kpʋrɩsɛ ba dɩgɩlaa dɩ ba mɩɩra kʋ toŋ. Ba chaasa tʋʋsɛ ŋ joŋoo nɛ.

AZAAYA 19:25

La TƖƖNA doluŋ kala Tɩɩna jaŋ pɛ ba lɛ aŋ bʋl, “Pɛnɩŋ jaŋ hɛ mɩ nɩaa Ijipiti tɩŋŋaa teeŋ, arɩ Asiiria tɩŋŋaa mɩ sɩ ŋaa, arɩ Iziral tɩŋŋaa, nɩalɩŋ mɩ sɩ lɩɩsa.”

JƐRƖMAAYA 16:18

Mɩ jaŋ timba naansɩɩŋ bʋlɩa a tɩŋ ba wʋbɔŋŋɔɔ arɩ ba wʋcheelee wɩaa, bɛɛ wɩaa ba ŋaa disiniŋ hɛ mɩ tinteeŋ lɛ nɛ arɩ ba tɔmɔ-la sɩ bɩ wei, a leŋ mɩ tinteeŋ su arɩ ba tɔmɔ-la mɩ sɩɩ kɩsʋ.”

JƐRƖMAAYA 3:1

La TƖƖNA pɩɛsa, “Dɩ baal nɛ vɩa ʋ haala, dɩ haal-la lɩɩ mʋ jaa baal dɔŋ, baal-la sɩ laa sɩpaaŋ vɩaʋ maga dɩ ʋ bɩra mʋ chɩchɛ haal-la nɛɛ? Dɩ ʋ nɛ ŋaa ŋɩɩ, ba tinteeŋ bɩ jaŋ kɛŋ disiniŋ? Ama ma Iziral tɩŋŋaa ŋaa wɩaa a nagɛ hachɔrʋŋ nɛ, a kɛŋ hɩɩlaba yʋgɛ, aŋ lɛɛlɛ chɩchɛ dɩ ma mɩɩra kɔ mɩ teeŋ.

JƐRƖMAAYA 3:2

Má beŋ dundol kpʋlaa nyuŋ na, lee hɛ nɩmɛ ma sɩ bɩ wʋchɔrʋmɔɔ ŋaa? Ma yie hɔŋ wombiiŋ sɛmɛ nɛ a gbɩgbɛrɛ ma hɩɩlaba. Ma nagɛ nɩaa sɩ gɔllɔɔ baarɛ tintee-hɩlɩŋ lɛ nɛ. Ma ŋaa wʋchɔrʋmɔɔ arɩ tʋɔhɛɩ wɩaa a leŋ tintee-la kɛŋ disiniŋ nɛ.

JƐRƖMAAYA 3:9

Iziral tɩŋŋaa fa sɩ bɩ wʋchɔrʋmɔɔ ŋaanɩŋ joŋo dɩ ʋ ŋaa wʋbɔŋ ŋɩɩ, ba kpʋkpaarɛ tabɩaa arɩ tɩɩsɩŋ a ŋaa disiniŋ a hɛ tintee-la lɛ.

JƐRƖMAAYA 32:23

Ba kʋ jʋʋ tintee-la nɛ a tɩɩʋ, ama ba bɩ ŋ niiŋ sɛyɛ koo a to wombii-la ŋ sɩ bile dɩ ba tuto. Ba bɩ wɩalɩŋ ŋ sɩ daga dɩ ba ŋaa kʋŋkala ŋaa. Ŋɩɩ nɛ ŋ kɛŋ wʋlɔrʋŋ deeŋ kala kʋ hɛ ba lɛ.

JƐRƖMAAYA 32:30

Iziral tɩŋŋaa arɩ Juda nɩaa hambiiriŋ kala lɛ a kaa kɔ ŋ-la, ba bɩ wʋzɔŋ kala ŋaa mɩ sɩɩŋ lɛ, see wʋbɔŋ. Wʋtɩtɩɩ, Iziral tɩŋŋaa bɩ wʋzɔŋ kala ŋaa, ba mɩɩra kɛŋ vesi-la ba tɩtɩa sɩ ŋaa nɛ a leŋ mɩ baanɩŋ sii. Mɩ-na ma TƖƖNA nɛ bʋla.

ƐZƖKƖƐL 20:24

bɛɛ wɩaa ba bɩ mɩ wombie-la mɩ sɩ bile to. Ba fa vɩa wɩalɩŋ mɩ sɩ daga nɛ aŋ chei mɩ chɛ-wiesii-la, a kpʋkpaarɛ tɔmɔ-la tɩtɩa ba naabalɩmaba fa sɩɩ kpaarʋ.

ƐZƖKƖƐL 20:28

Bʋa-la lɛ mɩ sɩ kɛmba kʋ jʋʋ tintee-la mɩ fa sɩ hɛ niiŋ arɩ mɩ jaŋ joŋo pɩba, dɩ ba nɛ na dundolo kala koo tɩɩ-lugu kala nɩmɛ, ba yie kpʋkpaarɛ vʋɩyaa nɩmɛ nɛ. Ba yie joŋ kɩaa pɩpɩba, a nyɩnyɩgɛ kʋsʋɔrʋsʋŋ sʋɔra sɩ sɩma a ŋaa kʋnyʋalaa pɩpɩba a ŋaa mɩ baanɩŋ sii.

ƐZƖKƖƐL 20:6

Tapʋlɩɩ-la mɩ ŋmɩɛsa pɩba arɩ mɩ jaŋ kɛmba lɩɩ Ijipiti tinteeŋ lɛ a kaa kɔ tintee-la mɩ sɩ chɛ bil ba lɛ, tintee-la sɩ sɩma a kɛŋ kɩaa woruŋ. Ʋ nɛ zɔmɔ kɩɩ tintee kala.”

ƐZƖKƖƐL 23:35

Ŋɩɩ wɩaa, wɩɩ-la mɩ-na ma TƖƖNA Wɩɩjarɩbakɔ sɩ bʋla nɛ ŋ-la: Ŋ sɩ folo yʋ mɩ wɩaa a joŋ harɩŋ yɩamɛ, ʋ maga dɩ ŋ na hɛɛŋ a tɩŋ wʋlɩɩlɩ-la arɩ hachɔrʋŋ wɩalɩŋ ŋ sɩ ŋaa wɩaa nɛ.”

ƐZƖKƖƐL 36:17

“Nuhuobiiŋ, Iziral tɩŋŋaa fa sɩ hɛ ba tɩtɩa tinteeŋ lɛ, ba mɛlɛ arɩ ba wʋŋaalaa leŋe tintee-la kala kɛŋ disiniŋ nɛ. Ba wʋŋaalaa fa nagɛ haala sɩ hɛ tɩŋa a kɛŋ disiniŋ ŋɩɩ nɛ mɩ sɩpaaŋ.

HOSIA 9:3

Ba bɩ jaŋ pɛsɛ hɔŋ La TƖƖNA tintee-la lɛ. Efirem jaŋ mɩɩra mʋ Ijipiti tinteeŋ, dɩ ba kɛsɛba kaa mʋ Asiiria tinteeŋ dɩ ba dii kʋdiile-la sɩ kɛŋ disiniŋ Wɩa teeŋ.

MƖKA 2:10

Má sii viiri, daha tuo ma dɩ-wiesii. Ma wʋŋaalaa leŋe ʋ kɛŋ disiniŋ nɛ, ʋ cheye nɛ, nʋʋ bɩra bɩ jaŋ wuo wasʋ.

NAMBABA 13:27

Wɩalɩŋ ba sɩ bʋla pɩ Mosis nɛ ŋ-la, ba sɩ, “La sɩ jʋʋ tintee-la ma sɩ tɩnla dɩ la mʋ lʋara beŋ, wʋtɩtɩɩ, tintee-la sɩma. Ʋ kɛŋ kɩaa nɛ woruŋ, na ʋ kɩaa nɛ ŋ-la.

MOSIS BƖRA WULLI WƖA WOMBIIŊ 21:23

ʋ bɩ maga dɩ ma leŋ dɩ ʋ sagɛ nɩmɛ dɩ taŋ pʋl. Ʋ maga dɩ ma hugu tapʋlɩɩ-la tɩtɩa nɛ, bɛɛ wɩaa Wɩa ŋmɩɛsa hɛ nɩɩ-la kala kʋsʋʋŋ sɩ sagɛ tɩa nyuŋ nɛ. Ʋ bɩ maga dɩ ma ŋaa disiniŋ a hɛ tintee-la ma TƖƖNA Wɩa sɩ joŋo pɩpɩ ma dɩ ʋ ŋaa ma kʋŋ lɛ.

MOSIS BƖRA WULLI WƖA WOMBIIŊ 32:9

Ama La TƖƖNA lɩɩsɛ Jekɔb doho nɩaa nɛ dɩ ba ŋaa ʋ nɩaa.

MOSIS BƖRA WULLI WƖA WOMBIIŊ 6:18

Má ŋɩŋaa wɩaa ba bʋa lɛ arɩ wɩalɩŋ sɩ zɔmɔ La TƖƖNA teeŋ, dɩ wɩɩkala vɛŋ woruŋ a pɩma dɩ ma wuo jʋʋ tintee-zɔŋ-la La TƖƖNA sɩ hɛ niiŋ pɩ ma naabalɩmaba arɩ ʋ jaŋ joŋo pɩma,