JƐRƖMAAYA 2:5 - WƖA TENIŊ

⁵ Wɩɩ-la La TƖƖNA sɩ bʋla nɛ ŋ-la, “Wʋbɛɛ nɛ mɩ ŋaa chei ma naabalɩmaba, ba vɩamɛ a leŋ la pɛgɛ bol? Ba to vʋɩyaa sɩ ŋaa kʋpɛɩba harɩŋ nɛ a ma kʋ ŋaa nɩpɛɩba.

JƐRƖMAAYA 2:5 Iomraidhean Croise

2 KUOROO 17:15

Ba vɩa ʋ wombiiŋ arɩ nii-la ʋ fa sɩ bile pɩ ba nyɩmmaba nɛ arɩ ŋɩɩ ʋ fa sɩ kpʋrɩsɛ ba dɩgɩlaa. Ba to vʋɩyaa sɩ bɩ bʋbʋɔ kɛnɛ harɩŋ nɛ, a kʋ ŋaa nɩyaayasɩ. Tinteye-la sɩ golliba wʋŋaalaa nɛ ba chesi. La TƖƖNA fa sɩ dɩ ba sɩ́ ŋɩɩ ŋaa nɛ, ka ba vɩa aŋ ŋaa.

WƖA YƖƖLAA 115:8

Nɩalɩŋ sɩ ŋaa vʋɩya-la arɩ nɩalɩŋ sɩ joŋ ba yɩɛlaa hɛ ba lɛ, ba kala bɩ jaŋ kɛŋ bʋbʋa a nagɛ vʋɩya-la sɩ bɩ bʋbʋa-kala kɛnɛ ŋɩɩ.

AZAAYA 29:13

La TƖƖNA sɩ, “Nɩaa deemba yie kɔ mɩ teeŋ a kɛŋ niiŋ nɛ zizilmi, ka ba tʋɔbɩɩnaa bol arɩ mɩ. Ba yie to nuhuobiinee wombiee nɛ a chʋchʋɔlɛmɛ.

AZAAYA 44:9

Nɩalɩŋ kala sɩɩ mɛ tɔŋŋɔɔ bɩ dol kala kɛnɛ, tɔmɔ-la ma sɩ ŋaa ba sɩɩfɩaŋ kɩaa bɩ bʋbʋa kala kɛnɛ. Nɩalɩŋ sɩɩ kpaarɛ tɔmɔ-la ma ŋaa nyʋlɩma nɛ, a ŋaa nɩyaara. Hɩɩsɩŋ jaŋ diiba.

AZAAYA 46:12

Má jegile nɩɩ mɩ teeŋ, ma tʋɔ-dol tɩmma-la, ma nɩalɩŋ arɩ tʋɔpʋla pɛgɛ sɩ bolie.

JƐRƖMAAYA 10:8

Ba kala ŋaa nɩaa sɩ chʋʋla arɩ nɩyaaraa nɛ. Daasɩŋ ba sɩ kaa ŋaa vʋɩyaa sɩ ŋaa kʋpɛɩba nɩɩ dagɛba wɩaa.

JƐRƖMAAYA 12:2

Ŋ chɔnsɛba a nagɛ tɩa ba sɩ chɔnsɔ nɛ, ba naapoloo tuu woruŋ, ba waa a nɛŋ nɛnɛɛ. Ŋ wɩaa hɛ ba niiree lɛ aŋ bol arɩ ba tʋɔŋ.

JƐRƖMAAYA 14:22

Tinteyee nɩaa vʋɩ pɛɩba-la kʋŋ jaŋ wuo leŋ dɩ duonuŋ nɩɩ? Wɩa-nyuŋ ma tɩtɩa bɩ jaŋ wuo ŋaa dɩ duonuŋ nɩɩ. Ŋ-na La TƖƖNA Wɩa nɩɩ ŋaa wɩaa deemba kala. Ŋɩɩ wɩaa, la joŋ la yɩɛlaa hɛ ŋ lɛ nɛ, bɛɛ wɩaa ŋ nɩɩ ŋaa wɩaa deemba kala.

JƐRƖMAAYA 2:31

Iziral tɩmma, má jegile nɩɩ wɩɩ-la mɩ sɩɩ pɩɛsɛma: Mɩ wɩaa hɛyɛ ma teeŋ a nagɛ tintee-hɩlɩŋ wɩaa sɩ hɛyɛ ŋɩɩ nɛ, koo mɩ wɩaa lɔrɛ ma teeŋ a nagɛ birimiŋ wɩaa sɩ lɔrɔ ŋɩɩ nɛ? Bɛɛ nɛ saa tɩɩ ma bʋl: La laa la tɩtɩa nɛ ŋ nɩsɩŋ lɛ dɩ la gɔllɔ ta jɩa, a bɩra bɩ jaŋ mɩɩra kɔ ŋ teeŋ?

JƐRƖMAAYA 2:4

Iziral tɩmma, Jekɔb doho nɩaa, ma Iziral doho nyɩŋ-nɩaa kala, má jegile nɩɩ wɩɩ-la La TƖƖNA sɩɩ chɛ ʋ bʋl.

JƐRƖMAAYA 8:19

Jegile nɩɩ mɩ nɩaa nii-ŋmobo tintee-bolii-la lɛ. La TƖƖNA tuo Zaayɔŋ lɛɛ? Ʋ kuoru-balɩŋ bɩra tuoo?” La TƖƖNA pɩɛsɛ “Bɛɛ nɛ tɩɩ ba kɛŋ kɩalɩŋ ba sɩ mɛ ŋaa mɩ baanɩŋ sii, ba vʋɩ-pɛɩba-la ba sɩ kaa lɩɩ tawogusuŋ?”

ƐZƖKƖƐL 11:15

“Nuhuobiiŋ, ŋ naambiiriŋ arɩ Iziral tɩŋŋaa kala sɩ hɛ yoŋ-baga lɛ, ma wɩaa nɛ nɩalɩŋ sɩ hɛ Jerusalɛm lɛ bʋl, ‘Ba dɩ La TƖƖNA pɛgɛ bolie nɛ, La TƖƖNA joŋ tinteeŋ deeŋ pɩla nɛ dɩ ʋ ŋaa la kʋŋ.’

ƐZƖKƖƐL 14:5

Ŋɩɩ nɛ mɩ jaŋ ŋaa a kɛŋ Iziral tɩmma-la kala sɩ vɩamɛ aŋ kpʋkpaarɛ vʋɩyaa tʋɔbɩɩnaa bɩrɩmɛ dɩ ba tutomi.’

JONA 2:8

Nɩalɩŋ sɩɩ to vʋɩyaa sɩ ŋaa kʋpɛɩba harɩŋ, bɩ Wɩa lahɔrɩmɔ jaŋ jʋʋ.

Matiu 15:8

Ʋ fa sɩ: ‘Nɩaa deemba kɛŋ niiŋ nɛ zizilmi, ka ba tʋɔŋ lɩɩmɛ.

Tɩntɩŋŋaa 14:15

“Nandɔmba, bɛɛ nɛ tɩɩ maa ŋaa ŋ-la? La ma ŋaa nuhuobiinee nɛ a nagɛ ma. La kɔ dɩ la bʋl La Tɩɩna Yesu wʋzɔmɔ-la nɛ a pɩma, dɩ ma wuo leŋ ma vʋɩyaa sɩ ŋaa kʋpɛɩba aŋ bɩrɩma to Wɩa sɩ weye. Ʋ nɛ ŋaa wɩa-nyuŋ, arɩ tinteeŋ, mʋgʋ-balaa arɩ fuonuŋ, arɩ kʋŋkala sɩ hɛ ba lɛ.

Rom Tɩŋŋaa 1:21

Ba jɩma Wɩa hɛ nɩmɛ nɛ, ama ba bɩ ʋ ka zil arɩ ʋ ŋaa Wɩa. Ba bɩ ʋ ka lɔllɛ. Ba tʋɔbɩɩnaa kala bɩrɩma nɛ ba ŋɩŋaa wʋlɩɩlɩŋ. Ba tʋɔbɩɩŋ lɔrʋnʋ-la kɛmba kaa mʋ hɛ birimiŋ tʋɔŋ.

MOSIS BƖRA WULLI WƖA WOMBIIŊ 32:21

Ba leŋe mɩ yaraa bieri ba veŋ-kpaarɩɩ-la lɛ nɛ, mɩ na baanɩŋ ba nyuŋ. Mɩ jaŋ leŋ dɩ nɩalɩŋ ba sɩ bene dɩ ba bɩ nɩa ŋaa, ma ŋaa dɩ ba yaraa bieri. Mɩ jaŋ leŋ dɩ tintee-la nɩaa sɩ bɩ wɩɩkala jɩŋ ŋaa dɩ ba baanɩŋ sii.

1 SAMƲƐL 12:21

Má pɔ ma sɩ́ mʋ tuto tɔŋŋɔɔ sɩ bɩ bʋbʋa kala kɛnɛ. Ba bɩ wʋzɔŋ kala wuo ŋaa pɩpɩma, ba bɩra bɩ ma wuo laa tɩta ma, bɛɛ wɩaa ba ŋaa kʋpɛɩba nɛ.