Biblia Todo Logo
Bìoball air-loidhne

- Sanasan -




JƐRƖMAAYA 2:3 - WƖA TENIŊ

3 Iziral tɩmma, ma fa bɩ disiniŋ kɛnɛ mɩ-na ma TƖƖNA teeŋ. Ma nɛ mɩ laa sɩpaaŋ lɩɩsɛ, a nagɛ paara sɩ ŋaa ʋ kʋdii falaa. Mɩ fa joŋ cheeriŋ pɩ nɩalɩŋ kala sɩɩ dɔgɩsɛma nɛ a leŋ wʋlɔrʋŋ faasa jʋʋba. Mɩ-na ma TƖƖNA nɛ bʋla.”

Faic an caibideil Dèan lethbhreac




JƐRƖMAAYA 2:3
32 Iomraidhean Croise  

Má ŋaa ma kʋdiilee arɩ ma tɩɩnɛnɛɛ a sʋl Wɩɩsʋlʋŋ pɩmɛ. Má joŋ ma hambolibii bumbumba ma pɩmɛ.


Dɩ ma nɛ bumoo ŋaa ma baga kʋdii falaa, má gbieli gbiele-la ba sɩɩ yɩrɛ kʋdii falaa gbiele. Dɩ ma nɛ bɩra kʋ tɔrɛ ma tɩɩnɛnɛɛ, má bɩra gbieli gbiele-la ba sɩɩ yɩrɛ bagasieu gbiele.


Nɩalɩŋ sɩ chaasa na baanɩŋ ma nyuŋ, hɩɩsɩŋ jaŋ diiba. Nɩalɩŋ ma sɩɩ yuoma jaŋ nagɛ kʋpɛɩba a sʋʋ.


Mɩ fa na baanɩŋ nɛ mɩ nɩaa nyuŋ a joŋ wɩaa ŋaa ba lɛ arɩ mɩ dee bɩra bɩ ba tɩɩ. Mɩ sɩ jomba a hɛ ŋ nɩsɩŋ lɛ, ŋ bɩ ba nenige fá. Nɩalɩŋ ma sɩ paala hɩɛsɛ, ŋ dɔgɩsɛba nɛ woruŋ.


Wɩɩ-la La TƖƖNA sɩ bʋla nɛ ŋ-la: “Nɩbɔmɔ-la sɩ jʋʋ kpɩkpagɛ mɩ nɩaa Iziral tɩŋŋaa, a kɛŋ dʋa-la mɩ sɩ joŋo pɩba kaa laa, mɩ jaŋ churi nɩbɔmɔ-la ba tinteeŋ lɛ a nagɛ mɩ sɩ churi Juda nɩaa ba tinteeŋ lɛ ŋɩɩ.


Iziral tɩmma, Jekɔb doho nɩaa, ma Iziral doho nyɩŋ-nɩaa kala, má jegile nɩɩ wɩɩ-la La TƖƖNA sɩɩ chɛ ʋ bʋl.


Ama nɩalɩŋ kala sɩ cheima, mɩ ma jaŋ cheiba. Mɩ jaŋ kɛŋ ma dʋndɔŋŋɔɔ kala mʋ yoŋ-baga. Nɩalɩŋ sɩ laa ma kɩaa, ba jaŋ laa ba ma kɩaa. Nɩalɩŋ kala sɩ ŋaa ma bɔmbɔŋ, mɩ ma jaŋ ŋaaba bɔmbɔŋ.


Nʋʋ na-kala sɩ naba yie kpʋba nɛ. Ba dʋndɔŋŋɔɔ sɩ, ‘La bɩ cheeriŋ kɛnɛ, bɛɛ wɩaa ba ŋaa wʋbɔŋ nɛ ba TƖƖNA teeŋ, Nɩɩ-la sɩɩ pɩba kʋdiilee. La TƖƖNA lɛ nɛ ba nyɩmmaba fa joŋ ba yɩɛlaa hɛ.’


Má bʋlʋ pɩ ma biiriŋ, dɩ ma biiriŋ ma bʋlʋ a pɩ ba biiriŋ, dɩ ba ma bʋlʋ pɩ biiri-la ba ha sɩ jaŋ lʋl.


Wɩɩŋ puu ma nɩalɩŋ sɩ hɛ Zaayɔŋ lɛ a hɔnɔ ta jɩa arɩ ma nɩalɩŋ sɩ hɛ Samarɩa peel-la lɛ, wɩɩkala bɩ maa walɩmɛ. Ma Iziral tintee balɩŋ deeŋ sɩpaalaarɩ-duoruŋ nɩaa sɩ yie kɔ ma teeŋ a chɩchɛ dɩ ma pɛ ba lɛ, ma jaŋ na hɛɛŋ.


Ŋɩɩ nɛ ba kʋ bal a nagɛ peliŋ. Nɩaa deemba ŋaa wʋcheeree nɛ, ba doluŋ nɛ ŋaa ba wɩa.”


Ama mɩ baanɩŋ chaasa sisii tinteye-la sɩ hɔnɔ wɩɩkala bɩ baa walɩmɛ nyuŋ nɛ. Mɩ fa na baanɩŋ mʋa nɛ mɩ nɩaa nyuŋ, ka nɩalɩŋ mɩɩra leŋ ba hɛɛŋ yʋgɛ.’


Wɩɩ-la La TƖƖNA doluŋ kala Tɩɩna sɩ bʋla nɛ ŋ-la, “Ʋ sɩ zilmi harɩŋ lɛ nɛ, ʋ tɩmmɛ tinteye-la sɩ yuo paa ma kɩaa teeŋ. Nɩɩ-la kala sɩ digima, ʋ tʋʋ mɩ-na Wɩa sɩɩŋ lɛ nɛ ŋɩɩ.


Ma nɛ ha tɩɩ kɩaa deemba ma sɩ chaasa zɔŋ Iziral tɩŋŋaa sɩ yie kaa kʋ ŋaa Wɩɩsʋlʋŋ pɩmɛ: olif nʋʋŋ, tɩɩnɛnɛɛ sɩnɩŋ arɩ mɩaa ba sɩ yie kaa kʋ ŋaa kʋdii falaa Wɩɩsʋlʋŋ.


Dɩ ŋ nɛ buu boroboro munuŋ a laa sɩpaaŋ lɔgɛ mʋa a pɩ Wɩa, dɩ ʋ nɛ bɩ disiniŋ kɛnɛ, kʋkaanɩŋ ma bɩra bɩ disiniŋ kɛnɛ. Dɩ tɩa naapoloo ma nɛ zɔmɔ, ʋ naakelee ma zɔmɔ nɛ.


Má chʋɔlɛ nɩalɩŋ ma sɩ laa Yesu wɩaa dii a hilimee chʋɔlɛ Wɩa ba dɩa lɛ. Má chʋɔlɛ mɩ nandɔŋ-chooluŋ Epinetus ma. Ʋ nɛ laa sɩpaaŋ laa Kirisito wɩaa dii Esia tinteeŋ lɛ.


Ka dɩ ʋ-na suomo ŋaa dʋnɩa, ʋ to Kirisito lɛ nɛ a lɩɩsɛla, dɩ la kɛŋ tʋɔpʋla, a sɩ́ cheeri kala kɛŋ ʋ sɩpaaŋ. A tɩŋ Wɩa sɩ chola wɩaa,


bɛɛ wɩaa ma ŋaa ma TƖƖNA Wɩa nɩaa sɩ bɩ disiniŋ kɛnɛ nɛ. Dʋnɩa kala tʋɔŋ, ma TƖƖNA lɩɩsɛma nɛ dɩ ma ŋaa nɩa ʋ sɩ chaasa cho.


Ʋ daga arɩ ʋ jaŋ leŋ dɩ ma nɛ kɩɩ tinteyee kala ʋ sɩ ŋaa, a kɛŋ yɩrɩŋ dɩ nɩaa bɩbɛsɛ ma lɛ. Ʋ jaŋ leŋ dɩ ma ŋaa tʋɔpʋl tɩmma ʋ-na ma TƖƖNA Wɩa teeŋ arɩ ʋ sɩ hɛ niiŋ pɩma ŋɩɩ.”


Ma chaasa ŋaa ma TƖƖNA Wɩa nɩaa nɛ. Ʋ lɩɩsɛma nɛ dʋnɩa nɩaa kala tʋɔŋ dɩ ma nɛ chaasa ŋaa ʋ nɩchooloo.


Ʋ tʋɔtɔrʋŋ lɛ nɛ ʋ laa sɩpaaŋ bʋl ʋ niiŋ wɩaa sɩ ŋaa wʋtɩtɩɩ a pɩla dɩ la wuo tutoba, a ŋaa ʋ bii-bumbumba kɩalɩŋ kala ʋ sɩ ŋaa tʋɔŋ.


Ama Wɩa lɩɩsɛma nɛ dɩ ma ŋaa ʋ nɩaa, a laa nɩaa nyuŋ a tɩma pɩpɩ ma Kuoro. Ma ŋaa nɩa sɩ bɩ disiniŋ kɛnɛ nɛ. Wɩa tɩtɩa nɛ tɩɩma. Ʋ yɩrɛma dɩ ma wuo bʋl wʋkpuŋkperisi-la kala ʋ sɩ ŋaa a pɩ nɩaa arɩ ŋɩɩ ʋ sɩ lɩɩsɛma birimiŋ tʋɔŋ a kaa kʋ jʋʋ ʋ pʋlʋŋ-jalɩɩ-la tʋɔŋ.


Nɩaa deemba nɛ ŋaa nɩalɩŋ sɩ bɩ wʋlɩɩlɩŋ ŋaa, a lɩɩsɛ ba tɩta disiŋ kala lɛ. Ba nɩɩ to Pie-bie-la harɩŋ lee-na kala ʋ sɩɩ mʋ. Ba nɛ Wɩa laa sɩpaaŋ lɩɩsɛ nuhuobiinee tʋɔŋ, dɩ ba ŋaa Wɩa arɩ Pie-bie-la tʋɔpʋl tɩŋŋaa.


Lean sinn:

Sanasan


Sanasan