JƐRƖMAAYA 19:3 - WƖA TENIŊ

³ Bʋl, ‘Juda kuoroo arɩ Jerusalɛm nɩaa, má jegile nɩɩ mɩ-na ma TƖƖNA wɩaa.’ Wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Má jegile nɩɩ, mɩ jaŋ kɛŋ wʋlɔrʋŋ kʋ hɛ leriŋ deeŋ nɩaa lɛ. Dɩ nʋʋkala nɛ nɩɩʋ ʋ dɩgɩlaa jaŋ chɩɩmɛ.

JƐRƖMAAYA 19:3 Iomraidhean Croise

WƖA YƖƖLAA 102:15

Tinteyee nɩaa jaŋ fá La Tɩɩna, dʋnɩa kuoroo kala jaŋ zilu a tɩŋ ʋ tʋla wɩaa.

WƖA YƖƖLAA 110:5

La Tɩɩna hɛ ŋ nadiiŋ nɛ, tapʋlɩɩ-la ʋ sɩ jaŋ na baanɩŋ, ʋ jaŋ bʋrɩgɛ kuoroo.

WƖA YƖƖLAA 2:10

Ŋɩɩ wɩaa, ma dʋnɩa kuoru-balaa arɩ kuoru-biisiŋ, má kɛŋ wʋjɩmɩŋ a jegile nɩɩ ŋɩɩ mɩ sɩɩ chagɩlɛma.

AZAAYA 28:19

Bʋa-la kala lɛ ʋ sɩ jaŋ kɔ, ʋ jaŋ cheima, chʋchʋɔŋ, wɩɩhɛyɛ arɩ tɩtaŋɩŋ kala, ʋ jaŋ tii paama. Fawʋllʋŋ jaŋ kɛmma dɩ ma nɛ jɩŋ wɩɩŋ deeŋ bʋbʋɔŋ.

JƐRƖMAAYA 13:18

La TƖƖNA bʋla pɩmɛ, “Bʋla pɩ kuoru-balɩŋ arɩ ha-kuoro, má tuu ma kuoru kpasɩnɩŋ nyuŋ, ma kuori-nyunchu zɔmɔ-la jaŋ suri ma nyusuŋ lɛ a tuu tel.”

JƐRƖMAAYA 17:20

Bʋla pɩba: Má jegile nɩɩ mɩ-na ma TƖƖNA wɩaa, Juda kuoroo arɩ Juda nɩaa kala, arɩ nɩalɩŋ kala sɩ hɛ Jerusalɛm lɛ a to boi-baalaa deemba jʋjʋʋ.

JƐRƖMAAYA 18:11

Lɛɛlɛ bʋla pɩ Juda nɩaa arɩ ba nɩalɩŋ dɔnsʋŋ sɩ hɛ Jerusalɛm lɛ, ‘Wɩɩ-la mɩ-na ma TƖƖNA sɩ bʋla nɛ ŋ-la: Má bee na, mɩɩ bɩɩnɛ wɩɩ nɛ dɩ mɩ ŋaa ma lɛ. Wʋlɔrʋ nɛ mɩɩ bɩɩnɛ dɩ mɩ joŋo dɔgɩsɛma. Ŋɩɩ wɩaa má kʋŋkala bɩrɩma lɩɩ ma wʋbɔŋŋɔɔ lɛ. Ma bɩrɩmɛ ma mɛlɛ arɩ ma wʋŋaalaa.’

JƐRƖMAAYA 19:15

“Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Má jegile nɩɩ, mɩ jaŋ kɛŋ wʋlɔrʋnʋ-la mɩ sɩ daga a kʋ hɛ tabalɩŋ deeŋ arɩ tabiisi-la kala sɩ gollu lɛ, bɛɛ wɩaa ba kɛŋ nyuduoŋ nɛ a bɩ chɛ ba jegile nɩɩ mɩ niiŋ wɩaa.’ ”

JƐRƖMAAYA 25:29

Má bee na, mɩ suomo kɛŋ wʋlɔrʋŋ nɛ a kʋkɔ dɩ mɩ hɛ mɩ tabal-la lɛ. Ma bɩɩna mɩ jaŋ vɩa ma dɔgʋsʋŋ? Mɩ bɩ jaŋ leŋ ma mʋ pɛɩ, bɛɛ wɩaa mɩ lɔgɛ laalɩŋ nɛ dɩ mɩ hɛ nɩalɩŋ kala sɩ hɛ dʋnɩa lɛ. Mɩ-na ma TƖƖNA doluŋ kala Tɩɩna nɛ bʋla.

JƐRƖMAAYA 35:17

Ŋɩɩ wɩaa, wɩɩ-la mɩ-na ma TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: Má jegile nɩɩ, mɩ jaŋ kɛŋ wʋlɔrʋnʋ-la kala wɩaa mɩ sɩ bʋla a kaa kʋ hɛ Juda arɩ nɩalɩŋ kala sɩ hɛ Jerusalɛm lɛ. Mɩ bʋl wɩaa pɩba nɛ, ama ba bɩ jegile nɩɩ. Mɩ yɩrɛba nɛ, ama ba bɩ sɛyɛ.”

JƐRƖMAAYA 44:3

a tɩŋ wʋbɔmɔ-la ba sɩ ŋaa wɩaa. Ba leŋe mɩ baanɩŋ sii ba nyuŋ nɛ ba sɩ nyɩgɛ kʋsʋɔrʋsʋŋ a kpʋkpaarɛ vesiŋ, ba-na koo ma-na koo ma naabalɩmaba sɩ bɩ jɩŋ.

JƐRƖMAAYA 6:19

Tinteeŋ nɩaa, má jegile nɩɩ. Mɩ kɛŋ wʋlɔrʋ nɛ a kʋkɔ dɩ mɩ hɛ nɩaa deemba lɛ, a tɩŋ ba wʋŋaalaa wɩaa. Ba bɩ jegile nɩɩ mɩ niiŋ wɩaa, aŋ vɩa mɩ wombie-la mɩ sɩ bile dɩ ba tuto.

ƐZƖKƖƐL 7:5

La TƖƖNA Wɩɩjarɩbakɔ bɩra sɩ, “Wʋlɔrʋnʋŋ jaŋ kɔ ma lɛ a lɩɩ aŋ ka pɩpɩ dɔŋɔ.

Matiu 10:18

A tɩŋ mɩ wɩaa, ba jaŋ kɛmma kaa mʋ kuoroo arɩ taŋ nɩhɩasɩŋ sɩpaaŋ dɩ ma ŋaa mɩ pɛ-naaraa. Ba jaŋ kɛmma kaa mʋ nɩalɩŋ sɩ bɩ Juu tɩŋŋaa ŋaa ma sɩpaaŋ.

Jɔɔŋ Wʋnaalaa 2:29

Dɩgɩlaa tɩŋŋaa, má wuoli ma dɩgɩlaa a nɩɩ wɩalɩŋ Wɩa Dɩŋ-zɔmʋŋ sɩ bʋla pɩ nɩalɩŋ sɩ laa Yesu wɩaa dɩ aa hilimi Esia tinteeŋ lɛ.

1 SAMƲƐL 3:11

Ŋɩɩ nɛ La TƖƖNA bʋla pʋ, “Bee na, mɩɩ chɛ mɩ ŋaa wɩɩ nɛ Iziral tinteeŋ lɛ, dɩ nʋʋkala nɛ nɩɩ wɩɩ-la, ʋ jaŋ hirigi.