JƐRƖMAAYA 16:5 - WƖA TENIŊ

⁵ Wɩɩ-la La TƖƖNA bɩra sɩ bʋla nɛ ŋ-la: “Pʋpɔ ŋ sɩ́ dɩa kala lɛ ba sɩɩ ŋaa yoho kʋdiilee jʋʋ. Pʋpɔ ŋ sɩ́ yel koo a nyagɛ nɩalɩŋ sɩɩ yel bɔyɛ, bɛɛ wɩaa, mɩ leŋ ŋɩɩ mɩ fa sɩɩ pɛ ba lɛ nɛ. Mɩ fa sɩ choba ŋɩɩ a fɩfá ba nisusuŋ, ŋɩɩ bɩra tuo. Mɩ-na ma TƖƖNA nɛ bʋla.

JƐRƖMAAYA 16:5 Iomraidhean Croise

AZAAYA 27:11

Dɩ tɩɩsɩ-la naakelee nɛ hɩla a boro tel, haalaa yie paa mʋ hɛ nyiniŋ nɛ. Nɩaa deemba bɩ wɩɩkala jɩŋ, ŋɩɩ nɛ tɩɩ Wɩa sɩ ŋaaba bɩ ba nenige fá ŋɩɩ a bɩ ba lɛ pɛ.

MOSIS BƖRA WULLI WƖA WOMBIIŊ 31:17

Dɩ ŋɩɩ nɛ kʋ ŋaa, mɩ baanɩŋ jaŋ sii ba nyuŋ dɩ mɩ vɩaba, a joŋ harɩŋ yɩaba dɩ ba chei. Wʋlɔrʋnʋŋ arɩ wʋwalɩmaa jaŋ jʋʋba. Bʋa-la lɛ ba jaŋ bʋl, ‘La Wɩa sɩ tuo la teeŋ nɛ tɩɩ wʋlɔrʋnʋŋ deemba kala ŋɩŋaa la lɛ ŋɩɩ.’

Jɔɔŋ Wʋnaalaa 6:4

Ŋɩɩ nɛ mɩ bee a na jaaba dɔŋɔ dɩ ʋ kʋ lɩɩ. Jɔɔ-la ŋaa ja-fɩaŋ nɛ a faasa fɩɛsɛ, ka nʋʋ hɔŋ ʋ nyuŋ. Ŋɩɩ nɛ ba pɩ tɩɩna wombiiŋ dɩ ʋ kɛŋ yuosuŋ kaa kɔ dʋnɩa, dɩ nɩaa yuyuo dɔŋɔ a kpʋkpʋ dɔŋɔ. Ba joŋ tokobii-bal nɛ a hɛ ʋ nɩsɩŋ lɛ.

ZƐKARƖYA 8:10

Faafaa la, ba fa bɩ nɩaa koo pʋsʋŋ ka tiŋ dɩ ba nɛ tɩma. Nʋʋkala fa bɩ ʋ tɩntɩŋŋaa wuo tɩma tɩta jɩa a tɩŋ ʋ dʋndɔmɔ wɩaa, bɛɛ wɩaa mɩ fa yigi nʋʋkala hɛ ʋ dɔŋɔ tɩɩna lɛ nɛ.

WƖA YƖƖLAA 25:6

La Tɩɩna, liise yi ŋ chonuŋ sɩ yʋga arɩ ŋ sɩ faasa fá nɩaa nenige ŋɩɩ faafaa kala.

JƐRƖMAAYA 12:12

Laalɩyuoro-la sɩɩ chei leriŋ jaŋ kʋ waala tɔ dundollu-la kala sɩ hɛ tintee-hɩlɩŋ lɛ, mɩ-na ma TƖƖNA tokobiiŋ jaŋ chɩŋ tintee-la sɛmɛ dɔŋɔ, a kpʋ nɩaa deeŋ deeŋ a mʋ yi sɛmɛ dɔŋɔ. Nʋʋkala bɩ jaŋ wiesi.

JƐRƖMAAYA 13:14

Mɩ jaŋ paaba yagɛ a daŋ dɔŋɔ lɛ, nyɩmmaba arɩ biiriŋ kala. Mɩ-na ma TƖƖNA nɛ bʋla. Mɩ bɩ jaŋ lemba, mɩ bɩ jaŋ fá ba nenige koo ba nisusuŋ, mɩ jaŋ kpʋba.’ ”

JƐRƖMAAYA 16:13

Ŋɩɩ wɩaa, mɩ jaŋ lɩɩsɛma tinteeŋ deeŋ lɛ a kaa mʋ tintee dɔŋ, ma-na koo ma naabalɩmaba sɩ bɩ jɩŋ. Nɩmɛ nɛ, ma jaŋ tuto vesiŋ wɩɩhɛyɛ arɩ tɩtaŋɩŋ kala. Mɩ bɩ jaŋ kɔ dɩ mɩ fá ma nenige.”

JEMBIEE 3:17

Ʋ pɔ mɩ sɩ́ fɩɛlɩŋ na nɛ, mɩ yʋ sɩma wɩaa.