JƐRƖMAAYA 13:16 - WƖA TENIŊ

¹⁶ Má zil ma TƖƖNA Wɩa, ka dɩ ʋ-na leŋ dɩ leriŋ biri, dɩ ma gɛrɛ dundollu-la sɩ kɛŋ birimiŋ lɛ. Maa chɛ dɩ ma na pʋlʋmʋŋ nɛ, ama ʋ jaŋ kɛŋ pʋlʋŋ-la bɩrɩmɛ birimiŋ lim, a ŋaa dɩ leriŋ faasa biri woruŋ.

JƐRƖMAAYA 13:16 Iomraidhean Croise

AZAAYA 59:9

La bɩ wʋtɩtɩɩ kɛnɛ arɩ dɔŋɔ, la dɩ tʋɔpʋla pɛgɛ bolie. La yie chɩchɛ pʋlʋmʋŋ, aŋ bɩ na, aŋ vɩvɛŋ birimiŋ tʋɔŋ.

AZAAYA 8:22

Ba jaŋ beŋ tinteeŋ ma a chɛ kʋŋ ka, see tʋɔ-cheeŋ arɩ birimiŋ arɩ fawʋllʋŋ dʋndʋŋa, biriŋ-la tʋɔŋ nɛ ba jaŋ hɛ.

AZAAYA 60:2

Bee na, birimiŋ tɔ dʋnɩa nɛ, nɩaa hɛ biriŋ lim tʋɔŋ. Ama mɩ-na ma TƖƖNA tʋla chaana hɛ ŋ lɛ nɛ, ŋ kɛŋ pʋlʋmʋŋ.

AZAAYA 5:30

Tapʋlɩɩ-la huuro jaŋ huuri nɩaa nyuŋ a nagɛ mʋga sɩɩ huuru, dɩ nʋʋ nɛ beŋ tintee-la, ʋ jaŋ na leriŋ kala bire dɩ tʋɔ-cheeŋ hɛ nɩmɛ. Duoŋ-bɩlɩmbaanaa jaŋ leŋ dɩ pʋlʋmʋŋ bɩrɩmɛ birimiŋ.

NAMAGABA 4:19

Ama nɩbɔŋŋɔɔ wombiiŋ-na nagɛ leriŋ sɩ chaasa biri nɛ, ba bɩ jaŋ jɩŋ kʋ-la kala sɩ jaŋ leŋ dɩ ba gɛrɛ tel.

JOSUA 7:19

Ŋɩɩ nɛ Josua bʋla pɩ Ekaŋ, “Mɩ bii, mɩɩ sʋlʋŋ, bʋl wʋtɩtɩɩ La TƖƖNA Iziral tɩŋŋaa Wɩa sɩpaaŋ. Dagɛ wɩɩ-la ŋ sɩ cheye pɩmɛ, sɩ́ joŋo faamɛ.”

JƐRƖMAAYA 23:12

Ŋɩɩ wɩaa, ba wombiiŋ jaŋ sɩsɩɛrɛ, mɩ jaŋ kiriba hɛ birimiŋ lɛ, dɩ ba tel nɩmɛ. Mɩ jaŋ kɛŋ wʋlɔrʋŋ kʋ hɛ ba lɛ jɩna-la lɛ mɩ sɩ jaŋ dɔgɩsɛba. Mɩ-na ma TƖƖNA nɛ bʋla.

JƐRƖMAAYA 4:23

Ŋɩɩ nɛ mɩ beŋ dʋnɩa, ʋ fa bɩ kʋŋkala naga, ʋ fa pɩŋ hoi nɛ. Mɩ sɩ beŋ wɩa-nyuŋ ma, ʋ pʋlʋmʋŋ kala nɛ lɛlɛ.

WƖA YƖƖLAA 44:19

Ka ŋ kirila ta la ŋaa nɩpɛɩba a guoli baga kɩaa tʋɔŋ a hɛ birimiŋ lim lɛ.

1 SAMƲƐL 6:5

Ʋ maga dɩ ma mɛ kɩalɩŋ sɩ nagɛ mɔpʋllʋŋ, a bɩra mɛ kɩalɩŋ sɩ nagɛ taatɩaa. Kɩaa deemba nɛ jʋʋ chichei ma tinteeŋ. Má kɛmba kaa mʋ zil Iziral tɩŋŋaa Wɩa. Kapo ʋ jaŋ leŋ ma dɩ ma vesiŋ arɩ ma tinteeŋ kala dɔgʋsʋŋ.

MOSIS KƐŊ IZIRAL TƖŊŊAA LƖƖ 10:21

Ŋɩɩ nɛ La TƖƖNA bʋla pɩ Mosis, “Kɛŋ ŋ nɩsɩŋ je wɩa-nyuŋ, birimiŋ jaŋ kʋ tɔ Ijipiti tinteeŋ kala, dɩ leriŋ biri churu.”

1 Pɩɩta 2:8

Ba bɩra ŋmʋnsa Wɩa teniŋ tʋɔŋ a bʋl, “Ʋ jaŋ nagɛ tabɩɩŋ nɩaa sɩ jaŋ gɛrɛ tel. Tabɩɩ-la ŋaa bʋŋ nɛ, ʋ jaŋ leŋ dɩ ba tel.” Ba jaŋ tel, bɛɛ wɩaa ba vɩa Wɩa niiŋ wɩalɩŋ nɛ. Wɩa bʋl faafaa nɛ arɩ ba jaŋ ŋaa ŋɩɩ.

Jɔɔŋ 12:35

Ŋɩɩ nɛ Yesu bʋla pɩ nɩalɩŋ, “Pʋlʋŋ-la sɩ hɛ ma teeŋ, ʋ bɩ jaŋ dieni. Pʋlʋŋ-la ha sɩ hɛ nɩmɛ ŋɩɩ, má vɛŋ pʋlʋŋ-la lɛ, dɩ birimiŋ sí ma tɔ. Nɩɩ-la sɩɩ vɛŋ birimiŋ tʋɔŋ bɩ jɩŋ lee-la ʋ sɩɩ mʋ.

JEMBIEE 4:17

La bee chɩchɛ nʋʋ nɛ dɩ ʋ kʋ pɛ la lɛ a lɔl, La sɩ sagɛ dɩɩ-leŋee nyuŋ a bee chɩchɛ tintee-la nɩaa dɩ ba pɛ la lɛ, ba bɩ jaŋ wuo laala ta.

JƐRƖMAAYA 14:19

Ŋ vɩa Juda nɩaa ta biri biri nɛɛ? Ŋ bɛrɛ Jerusalɛm nɩaa nɛɛ? Bɛɛ nɛ tɩɩ ŋ bolimi la ŋɩɩ kɩŋkɛŋ, dɩ ba sɩ́ wuo vaarɛla? La faa yɩɛlɛ dɩ la hɔŋ arɩ fɩɛlɩŋ nɛ, ama la bɩ ŋɩɩ na. Bʋa-la sɩ maga dɩ la duoro lɩɩ wɩaa lɛ, fawʋllʋŋ nɛ mɩɩra faasa kɛnla.

JƐRƖMAAYA 8:15

La faa yɩɛlʋ arɩ la jaŋ hɔŋ arɩ fɩɛlɩŋ nɛ, ama la bɩ ŋɩɩ na. Bʋa-la sɩ maga dɩ la duoro lɩɩ wɩaa lɛ, fawʋllʋŋ mɩɩra jʋʋla yʋgɛ nɛ.

TƖƖCHA 11:8

Jɩsɩŋ magɛ ŋɩɩ na-kala nuhuobiine sɩ hɛ ʋ mɩɩsɩŋ lɛ, ʋ maga dɩ ʋ nɩɩ ba kala sɩma nɛ. Ama ʋ maga dɩ ʋ liise yi ʋ sʋʋŋ tapʋlaa lɛ nɛ, ba nɛ jaŋ dieni a kɩɩ ʋ sɩ weye. Wɩɩkala bɩ bʋbʋɔ kɛnɛ.

JOB 3:5

A leŋ, dɩ birimiŋ lim tɔ tapʋlɩɩ-la kala. A leŋ dɩ duoŋ-bɩlɩmbaanɩŋ tɔʋ, dɩ birimiŋ tɔ ʋ pʋlʋmʋŋ.

WƖA YƖƖLAA 107:10

Ma dɔnsʋŋ fa ŋaa dansarɩkaba nɛ a hɔŋ birimiŋ tʋɔŋ lim, ba kɛŋ chɔrʋmɔ vɔɔma, ma nɩna hɛɛŋ,

WƖA YƖƖLAA 107:14

Ʋ kɛmba lɩɩ biriŋ lim-la tʋɔŋ, a kɛŋ ba chɔrʋmɔ-la kɛrɛ ta.

JƐRƖMAAYA 2:6

Ba bɩ pɩɛsa chɛmɛ a bʋl, ‘Nɩɩ nɛ La TƖƖNA hɛ?’ Nɩɩ-la sɩ laala ta Ijipiti tɩŋŋaa nɩsɩŋ lɛ a kɛnla lɩɩ, a vɛŋ tintee-hɩlɩŋ tʋɔŋ. Tintee-la fa ŋaa tintee-hɩlɩɩ nɛ, a kɛŋ buotuonuŋ sɩ luŋie. Duonuŋ bɩ nɩmɛ ka nɩɩ, lee-la sɩ bire, nʋʋkala bɩ nɩmɛ ka vɛŋ. Nʋʋkala ma bɩ lee-la hɔnɔ.

JƐRƖMAAYA 6:21

Ŋɩɩ wɩaa, wɩɩ-la La TƖƖNA bɩra sɩ bʋla nɛ ŋ-la: “Mɩ jaŋ joŋ baŋkɛŋ wɩaa kɛrɛ nɩaa deemba. Bii-lʋllaa arɩ ba biiriŋ jaŋ gɛrɛba tel. Pɛ-jʋʋraa arɩ ba nandɔnsʋŋ ma jaŋ sʋʋ.”

JƐRƖMAAYA 50:6

Mɩ nɩaa nagɛ piesee sɩ lɛlɛ nɛ. Ba sɩpaalaaraa leŋe ba yeŋŋi nɛ, a leŋ ba gʋgɔllɛ peelee nyuŋ. Baa baarɛ peelee arɩ dundolluŋ nyuŋ nɛ, a yʋ ba tɩtɩa dɩ-pɩna wiesiŋ wɩaa.

ƐZƖKƖƐL 21:15

dɩ ŋɩɩ leŋ dɩ ba nandaasɩŋ yʋɔrɛ, dɩ nɩaa sʋʋ yʋgɛ. Mɩ leŋe ba kɛŋ tokobiiŋ chɩŋ ba boi-baalaa lɛ nɛ dɩ ba kpʋ nɩaa. Ʋʋ tʋl nɛ a nagɛ duonuŋ sɩɩ lɩgɩsʋ, ba koru nɛ dɩ ba kaa kpʋ nɩaa.

ƐZƖKƖƐL 34:12

A nagɛ pie-daara piesee sɩ pɩsa ʋ kire hɛ dɔŋɔ a beŋ ba nyuŋ ŋɩɩ, ŋɩɩ nɛ mɩ jaŋ beŋ mɩ nɩaa. Mɩ jaŋ lorigo laaba a lɩɩ lere-la kala ba sɩ pɩsa mʋ tapʋlɩɩ-la duoŋ-bɩlɩmbaanaa arɩ birimiŋ sɩ tɔ.

ƐZƖKƖƐL 36:15

Tintee-la nɩaa bɩra bɩ jaŋ nɩnɩɩ ŋɩɩ tinteye-la nɩaa sɩɩ mɔmba lɛ koo a sisieri ba lɛ. Tintee-la bɩra bɩ jaŋ kpʋkpʋ ʋ nɩaa. Mɩ-na ma TƖƖNA Wɩɩjarɩbakɔ nɛ bʋla.”

AMƆS 4:13

Má bee na, mɩ nɛ ŋaa peelee arɩ peliŋ, a kɛŋ mɩ tʋɔbɩɩnaa a dagɛ nuhuobiine. Mɩ nɛ yie ŋaa taŋ biri, aŋ vɩvɛŋ peelee nyuŋ. Mɩ yɩrɩŋ nɛ ma Tɩɩna Wɩa doluŋ kala Tɩɩna.”

AMƆS 5:18

Maa gbɛrɛ tapʋlɩɩ-la La Tɩɩna sɩ jaŋ kʋ dii nɩaa sarɩya nɛ, ama tapʋlɩɩ-la jaŋ lɔrɔ pɩma. Bɛɛ nɛ tɩɩ maa gbɛrɛ La TƖƖNA tapʋlɩɩ-la? Tapʋlɩɩ-la, leriŋ kala jaŋ biri, pʋlʋmʋŋ jaŋ tuo.

WƖA YƖƖLAA 29:2

Má zil La Tɩɩna yɩrɩ-balɩŋ. Má kpɩɛrɛ ma tɩtɩa a dɛnnɛ La Tɩɩna, ʋ nɛ kɛŋ tʋla.

AZAAYA 59:10

La nagɛ nyʋlɩma sɩ laarɛ jeeŋ a chɩchɛ wombiiŋ nɛ. La nagɛ nyʋlɩma nɛ, wɩɩhɛyɛ ma la yie gɛrɛ nɛ a titel. Nɩduoruŋ tʋɔŋ, la nagɛ nɩsʋʋnʋŋ nɛ.

JOWƐL 2:2

Ʋ jaŋ ŋaa biriŋ lim tapʋlɩɩ, duoŋ-bɩlɩmbaanaa jaŋ tɔ dɩ leriŋ biri. A nagɛ wɩɩpɔsʋŋ sɩ yie guu tɔɔ lɩɩ ŋɩɩ peelee nyuŋ, ŋɩɩ nɛ laalɩyuoroo sɩ yʋga a kɛŋ doluŋ woruŋ jaŋ kɔ. Ba doho ha bɩ kɔ aŋ ka, maachie ma ba bɩra bɩ jaŋ kɔ.

MALAKAƖ 2:2

Dɩ ma nɛ bɩ jegile nɩɩ, a bɩ ma tʋɔŋ kɛnɛ dɩ ma zilmi, mɩ jaŋ joŋ ŋmɩaŋ hɛ ma lɛ a kɛŋ wʋzɔmɔ-la mɩ fa sɩ ŋaa pɩma kaa bɩrɩmɛ ŋmɩaŋ, dɩ ʋ dii ma kala. Wʋtɩtɩɩ, mɩ paala daŋa ŋmɩɛsa hɛ ma lɛ nɛ, bɛɛ wɩaa ma bɩ ma tʋɔŋ kɛnɛ dɩ ma zilmi.