JƐRƖMAAYA 12:2 - WƖA TENIŊ

² Ŋ chɔnsɛba a nagɛ tɩa ba sɩ chɔnsɔ nɛ, ba naapoloo tuu woruŋ, ba waa a nɛŋ nɛnɛɛ. Ŋ wɩaa hɛ ba niiree lɛ aŋ bol arɩ ba tʋɔŋ.

JƐRƖMAAYA 12:2 Iomraidhean Croise

JOB 24:12

Nɩalɩŋ sɩɩ sʋʋ ka huuni nɛ tabal-la tʋɔŋ. Nɩalɩŋ ma ba sɩ bolimo ŋmoo niiŋ a chɩchɛ nɩaa dɩ ba pɛ ba lɛ. Ama Wɩa bɩ cheeriŋ joŋo pɩ nʋʋkala.

JOB 5:3

Mɩ na nɩyaaraa wɩaa sɩ naga ba chɩna woruŋ, ama ŋmɩaŋ guu dii ba dɩɩsɩŋ nɛ.

WƖA YƖƖLAA 37:35

Bʋa kʋbala lɛ mɩ na nɩbɔmʋŋ sɩ kɛŋ tʋɔhɛɛŋ a waayi a nagɛ tɩa sɩ chɩŋ dɩ-zɔmʋŋ a waayi.

AZAAYA 29:13

La TƖƖNA sɩ, “Nɩaa deemba yie kɔ mɩ teeŋ a kɛŋ niiŋ nɛ zizilmi, ka ba tʋɔbɩɩnaa bol arɩ mɩ. Ba yie to nuhuobiinee wombiee nɛ a chʋchʋɔlɛmɛ.

JƐRƖMAAYA 11:17

Mɩ-na ma TƖƖNA, doluŋ kala Tɩɩna sɩ leŋe ma hɛ nɩmɛ, bʋla arɩ wʋlɔrʋŋ jaŋ jʋʋma, bɛɛ wɩaa ma Iziral arɩ ma Juda nɩaa ŋaa wʋbɔŋŋɔɔ nɛ a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a ŋaa mɩ baanɩŋ sii.”

JƐRƖMAAYA 3:10

Arɩ wɩaa deemba kala ba sɩ ŋaa ma, ama ba naambie Juda sɩ bɩ wʋtɩtɩɩ kɛnɛ bɩ mɩɩra kɔ mɩ teeŋ arɩ ʋ tʋɔŋ kala. Ama ʋ fa fugo nagɛ ʋ cheye nɛ. Mɩ-na ma TƖƖNA nɛ bʋla.”

JƐRƖMAAYA 45:4

La TƖƖNA bʋla pɩmɛ, “Bʋl ŋ-la a pʋ: ‘Wɩɩ-la mɩ-na ma TƖƖNA sɩ bʋla nɛ ŋ-la: Mɩ jaŋ yigi kʋ-la mɩ sɩ saa a lo, a churi kʋ-la ma mɩ sɩ chɔnsɔ tintee-la kala lɛ.

ƐZƖKƖƐL 33:31

Mɩ nɩaa jaŋ yʋgɛ a kɔ ŋ teeŋ dɩ ba jegile nɩɩ ŋ niiŋ wɩaa, ama ba bɩ jaŋ kɛmba tɩŋ. Ba niiree yie bʋbʋl wʋzɔŋŋɔɔ nɛ, ama ba tʋɔŋ bɔmɔ a gɩrɩma lɩlaa nɩaa kɩaa.

HOSIA 7:14

Ba tʋɔŋ kala dee ba kaa yele pɩpɩmɛ, ba mɩɩrɛ mɩ harɩŋ nɛ. Dɩ ba nɛ sʋla chɩchɛ kʋdiilee arɩ sɩnɩŋ ba yie pɩŋ ba bɔsʋnʋŋ lɛ nɛ a ŋmuŋmoo niiŋ a nagɛ nɩalɩŋ sɩ bɩ mɩ jɩŋ sɩɩ ŋaa ŋɩɩ.

HABAKU 1:13

Ŋ sɩaa zɔmɔ nɛ kɩŋkɛŋ, ŋ sɩ jaŋ kaa beŋ wʋbɔŋŋɔɔ. Ŋ bɩ jaŋ sɛɩ pɩ nɩalɩŋ sɩ bɩ wɩaa woruŋ ka ŋaa. Bɛɛ nɛ saa tɩɩ ŋ sɛɩ pɩ nɩbɔŋŋɔɔ? Bɛɛ nɛ tɩɩ ŋ tɔrɛ ŋ niiŋ, ka nɩbɔŋŋɔɔ chichei nɩalɩŋ sɩ kɛŋ tʋɔpʋla a kɩɩba?

Matiu 15:8

Ʋ fa sɩ: ‘Nɩaa deemba kɛŋ niiŋ nɛ zizilmi, ka ba tʋɔŋ lɩɩmɛ.

Maak 7:6

Ŋɩɩ nɛ ʋ bʋla pɩba, “Ma ŋaa kanfugi tɩmma nɛ. Wɩalɩŋ kala Azaaya fa sɩ bʋla Wɩa doluŋ lɛ a tɩgɛ ma lɛ ŋaa wʋtɩtɩɩ nɛ. Ba ŋmʋnsa Wɩa teniŋ tʋɔŋ arɩ Wɩa sɩ, ‘Nɩaa deemba kɛŋ niiŋ nɛ a zizilmi, ka ba tʋɔŋ lɩɩmɛ.

Taatɩs 1:16

Baa bʋl arɩ ba jɩŋ Wɩa nɛ, ama ba wʋŋaalaa daga arɩ ba bɩ Wɩa jɩŋ. Ba wʋŋaalaa lɔrɔ, ba bɩ Wɩa niiŋ ka to, ba bɩ wʋzɔŋ kala wuo ŋaa.