JƐRƖMAAYA 1:5 - WƖA TENIŊ

⁵ “Ka dɩ mɩ-na ŋaaŋ a hɛ ŋ naaŋ luoruŋ tʋɔŋ, mɩ jɩmɩŋ nɛ. Ka dɩ ba-na lʋlʋŋ, mɩ lɩɩsɩŋ nɛ a leŋ ŋ ŋaa mɩ wʋlaabʋllʋ a pɩ tinteyee nɩaa.”

JƐRƖMAAYA 1:5 Iomraidhean Croise

WƖA YƖƖLAA 139:15

Mɩ dɩ-suomuŋ kala bɩ faa ŋ teeŋ! Ŋ jɩŋ ŋɩɩ mɩ nandaasɩŋ sɩ kʋ pɛ dɔŋɔ lɛ nɛ, bʋa-la lɛ mɩ fa sɩ faa mɩ naaŋ luoruŋ tʋɔŋ aa waa mʋa mʋa.

WƖA YƖƖLAA 139:16

Ŋ namɛ nɛ ka mɩ wʋwaa mʋa mʋa mɩ naaŋ luoruŋ tʋɔŋ. Ŋ jɩŋ mɩ tapʋlaa niiŋ nɛ a ŋmʋnsa hɛ ŋ teniŋ tʋɔŋ, ka tapʋlɩa-la kʋŋkala-na suomi.

MOSIS KƐŊ IZIRAL TƖŊŊAA LƖƖ 33:12

Ŋɩɩ nɛ Mosis bʋla pɩ La TƖƖNA, “Ŋ bʋla pɩmɛ arɩ mɩ laa nɩaa deemba sɩpaaŋ a kɛmba mʋ tintee-la ŋ sɩɩ chɛ ŋ joŋo pɩba, ama ŋ bɩ leŋe mɩ jɩŋ mɩ dɩ nɩɩ-la ŋ sɩ jaŋ tɩŋ, aŋ bʋl ŋ jɩŋ mɩ yɩrɩŋ nɛ, dɩ ŋ tʋɔŋ tɔrɛ mɩ nyuŋ.

MOSIS KƐŊ IZIRAL TƖŊŊAA LƖƖ 33:17

Ŋɩɩ nɛ La TƖƖNA bʋla pɩ Mosis, “Wɩɩŋ deeŋ ŋ sɩ pɩɛsaa chɛ, mɩ jaŋ ŋaaʋ, bɛɛ wɩaa mɩ jɩmɩŋ nɛ, mɩ tʋɔŋ tɔrɛ ŋ nyuŋ.”

AZAAYA 44:2

Mɩ-na ma TƖƖNA sɩ ŋaama a pɛ ma lɛ a lɩɩ bʋa-la lɛ ba sɩ lʋlma, wɩalɩŋ mɩ sɩ bʋla nɛ ŋ-la: Mɩ tɩntɩnnaa Iziral tɩŋŋaa, má sɩ́ fawʋllʋŋ fá, ma nɛ mɩ lɩɩsɛ.

AZAAYA 49:1

Má jegili mɩ teeŋ tinteye-la lɩɩŋ sɩ gollo chu. Tinteye-la sɩ hɛ dɩ-bolii nɩaa, ma ma nɩɩ wɩɩŋ deeŋ. Ka dɩ ba-na lʋlmɛ, La TƖƖNA yɩrɛmɛ nɛ. Mɩ lʋlʋŋ bʋa lɛ nɛ ʋ lɩɩsɛmɛ dɩ mɩ ŋaa ʋ tɩntɩnnʋ.

AZAAYA 49:5

Ŋɩɩ nɛ La TƖƖNA bʋl arɩ ka ba na lʋlmɛ, ʋ lɩɩsɛmɛ nɛ, mɩ ŋaa ʋ tɩntɩnnʋ, dɩ mɩ kɛŋ Jekɔb mɩɩra kɔ ʋ teeŋ, dɩ Iziral tɩŋŋaa hɛ dɔŋɔ lɛ kɔ ʋ leriŋ. La TƖƖNA zilmi nɛ, mɩ Wɩa nɛ mɩ doluŋ.

JƐRƖMAAYA 1:10

Jɩnɩŋ, mɩ lɩɩsɩŋ nɛ a leŋ ŋ kɛŋ doluŋ tinteyee arɩ kuoroo tinteyee lɛ, dɩ ŋ wuo churiba a yigiba lo, dɩ ŋ wuo cheiba a yuo diiba, dɩ ŋ wuo saaba a leŋ dɩ ba chɩŋ.”

JƐRƖMAAYA 1:4

La TƖƖNA fa bʋl wɩaa pɩmɛ. Ʋ sɩ,

JƐRƖMAAYA 20:15

Leŋ dɩ ŋmɩaŋ dii baal-la sɩ kʋ hɛ duoso pɩ mɩ nyɩmma, a leŋ ʋ tʋɔŋ tɔrɛ a bʋl, “Ba lʋl hambolibie nɛ a pɩŋ.”

JƐRƖMAAYA 25:13

Mɩ jaŋ joŋ wɩalɩŋ kala mɩ sɩ bʋla tɩgɛ tintee-la lɛ a ŋaa ʋ lɛ. Wɩalɩŋ ba sɩ ŋmʋnsa hɛ teniŋ deeŋ tʋɔŋ arɩ wɩalɩŋ Jɛrɩmaaya sɩ bʋla mɩ doluŋ lɛ a tɩgɛ tinteye-la kala lɛ.

JƐRƖMAAYA 36:2

“Joŋ teniŋ a ŋmʋnsɛ wɩalɩŋ kala mɩ sɩ bʋla tɩgɛ Iziral arɩ Juda lɛ arɩ tinteye-la dɔnsʋŋ, a chɩŋ bʋa-la lɛ mɩ sɩ suomo a bʋl wɩaa pɩpɩŋ, bʋa-la lɛ Josaaya sɩ dii kuoruŋ a kaa kɔ lɛɛlɛ.

JƐRƖMAAYA 50:34

Ama ba Laataara kɛŋ doluŋ nɛ, ʋ yɩrɩŋ nɛ La TƖƖNA doluŋ kala Tɩɩna. Ʋ jaŋ faasa chɩna gbɛrɛba a leŋ dɩ ba na wiese ba tinteeŋ lɛ. Ama Babɩlɔŋ nɩaa-na bɩ jaŋ na wiese.

Luuk 1:15

Ʋ jaŋ ŋaa nɩbal La Tɩɩna teeŋ. Ʋ bɩ jaŋ nyʋnyʋa sɩ-duo kala. Ba jaŋ lʋlʋ, dɩ Wɩa Dɩŋ-zɔmʋŋ hɛ ʋ lɛ woruŋ.

Luuk 1:41

Ʋ laa Mɛɛrɩ chʋɔlaa. Ʋ sɩ laa ŋɩɩ, bile sɩ hɛ ʋ luoruŋ lɛ sii bɩrɩmɛ. Ŋɩɩ nɛ Wɩa Dɩŋ-zɔmʋŋ kʋ hɛ Ɛlɩzabɛt lɛ woruŋ.

Luuk 1:76

Zɛkarɩya sɩ bʋl wɩaa deemba dɛrɛ, ʋ bʋl wɩaa a tɩgɛ ʋ bie ma lɛ, “Ŋ-na mɩ bii, ŋ jaŋ ŋaa Wɩɩ-balɩŋ wʋlaabʋllʋ. Ŋ jaŋ laa La Tɩɩna-la sɩ jaŋ kɔ sɩpaaŋ a wasɛ wombiiŋ bil ʋ lɛ.

Jɔɔŋ 10:36

Wɩa nɛ lɩɩsɛmɛ a tɩmmɛ mɩ kʋ tuu dʋnɩa, ɛɛ nɛ saa ma jaŋ bʋl mɩɩ tʋʋsɛ Wɩa joŋŋoo nɛ mɩ sɩ sɩ mɩ ŋaa Wɩa Bii nɛ?

Rom Tɩŋŋaa 1:1

Mɩ-na Pɔɔl sɩ ŋaa Yesu Kirisito tɩntɩnna, mɩ nɛ ŋmʋnsɛ teniŋ deeŋ a pɩpɩ ma Rom tɩŋŋaa. Wɩa nɛ yɩrɛmɛ mɩ ŋaa ʋ nanzɔɔ. Ʋ lɩɩsɛmɛ dɩ mɩ bʋl ʋ wʋzɔmɔ-la a pɩ nɩaa nɛ.

Rom Tɩŋŋaa 8:29

Nɩalɩŋ Wɩa sɩ laa sɩpaaŋ lɩɩsɛ, ʋ lɩɩsɛba dɩ ʋ kɛmba bɩrɩmɛ dɩ ba nagɛ ʋ tɩtɩa Bie nɛ, a leŋ ʋ Bie ŋaa ba kala kʋhɩaŋ.

1 Kɔrɩntɩ Nɩaa 8:3

Ama dɩ nʋʋ nɛ cho Wɩa, Wɩa jɩŋ ʋ tɩɩna nɛ.

Ɛfɛsɩs Nɩaa 1:22

Wɩa joŋ kʋŋkala doluŋ a hɛ Kirisito nɩsɩŋ lɛ nɛ, a bɩra leŋ ʋ ŋaa Wɩa nɩaa kala kʋhɩaŋ ma.