JƐRƖMAAYA 1:16 - WƖA TENIŊ

¹⁶ Mɩ jaŋ dii mɩ nɩaa sarɩya a tɩŋ ba wʋbɔŋŋɔɔ wɩaa. Ba vɩamɛ nɛ, aŋ nyɩgɛ kʋsʋɔrʋsʋŋ pɩpɩ vesiŋ a kpʋkpaarɛ vʋɩyaa ba tɩtɩa sɩ ŋaa.

JƐRƖMAAYA 1:16 Iomraidhean Croise

2 KUOROO 22:17

bɛɛ wɩaa ba vɩamɛ nɛ aŋ nyɩgɛ kʋsʋɔrʋsʋŋ pɩpɩ vesiŋ, a leŋ mɩ baanɩŋ sii tɔmɔ-la ba tɩtɩa sɩ mɛ lɛ. Mɩ baanɩŋ chaasa sii ba nyuŋ nɛ, ʋ bɩ jaŋ fɩɛlɛ.’

2 IZIRAL TƖŊŊAA NAABARƖŊ 15:2

Ʋ lɩɩ Asa teeŋ a bʋla pʋ, “Kuoro Asa, ŋ dɩ Juda doho nɩaa arɩ Bɛnjamɩŋ doho nɩaa kala, má jegile nɩɩ mɩ teeŋ. La TƖƖNA jaŋ chɩna gbɛrɛma dɩ ma nɛ chɩna gbɛrʋ. Dɩ ma nɛ chɛʋ, ma jaŋ naʋ ma, ama dɩ ma nɛ vɩaʋ, ʋ ma jaŋ vɩama ta.

2 IZIRAL TƖŊŊAA NAABARƖŊ 28:2

Ʋ fa to Iziral tinteeŋ kuoroo naabʋɔsʋŋ nɛ a libi Baal tɔŋŋɔɔ a kpʋkpaarɛ.

2 IZIRAL TƖŊŊAA NAABARƖŊ 34:25

bɛɛ wɩaa ba vɩamɛ nɛ aŋ nyɩgɛ kʋsʋɔrʋsʋŋ pɩpɩ vesiŋ, a leŋ mɩ baanɩŋ sii kɩalɩŋ ba tɩtɩa sɩ ŋaa lɛ. Mɩ baanɩŋ chaasa sii ba nyuŋ nɛ, ʋ bɩ jaŋ fɩɛlɛ.’

2 IZIRAL TƖŊŊAA NAABARƖŊ 7:19

Ama dɩ ma nɛ vɩa mɩ niiriŋ arɩ wɩalɩŋ mɩ sɩ dagɛma aŋ mɩɩra mʋ tuto vesiŋ a kpʋkpaarɛba,

AZAAYA 2:8

Ba tinteeŋ suo nɛ arɩ vʋɩyaa, baa kpirimi kɩalɩŋ ba tɩtɩa sɩ ŋaa teeŋ, a dɛnnɛ kɩalɩŋ ba tɩtɩa sɩ mɛ.

AZAAYA 37:19

Ba paa ba vesi-la sɩ bɩ Wɩa ŋaa a nyɩgɛ nɛ. Daasɩŋ arɩ tabɩaa nɛ nuhuobiinee kaa ŋaaba.

AZAAYA 44:15

Nuhuobiine kɛŋ daasɩ-la hɛ nyiniŋ wiwieni nɛ aŋ pɛ kaa ŋaa kʋdiilee, aŋ ha sii kaa ŋaa tɔŋŋɔɔ ma a kpʋkpaarɛ.

AZAAYA 65:3

Ba yie chaasa ŋaa wɩaa nɛ mɩ sɩɩŋ lɛ a leŋ mɩ baanɩŋ sisii bʋa na-kala. Ba yie kpʋkpaarɛ vʋɩyaa ŋmaŋkaanɩŋ lɛ, a nyɩnyɩgɛ kʋsʋɔrʋsʋŋ vʋɩyaa korunuŋ lɛ.

JƐRƖMAAYA 10:15

Ba bɩ bʋbʋɔ kala kɛnɛ. Ba ŋaa kɩaa sɩ kɛŋ mɔmʋŋ nɛ. Dɩ ba sarɩya diiniŋ tapʋlʋŋ nɛ yie, ba jaŋ cheiba.

JƐRƖMAAYA 10:3

Nɩalɩŋ naabarɩŋ bɩ bʋbʋɔ kɛnɛ. Ba yie keri tɩa nɛ duuŋ lɛ, saara kɛŋ ʋ saaŋ saa daa-la a kaa bɩrɩmɛ vʋɩŋ.

JƐRƖMAAYA 11:12

Juda tasɩŋ arɩ Jerusalɛm nɩaa jaŋ mʋ bunso pɩ vesi-la ba sɩ nyɩgɛ kʋsʋɔrʋsʋŋ pɩpa. Ama ba bɩ jaŋ wuo pɛ ba lɛ dɩ wʋlɔrʋ-la nɛ jʋʋba.

JƐRƖMAAYA 11:17

Mɩ-na ma TƖƖNA, doluŋ kala Tɩɩna sɩ leŋe ma hɛ nɩmɛ, bʋla arɩ wʋlɔrʋŋ jaŋ jʋʋma, bɛɛ wɩaa ma Iziral arɩ ma Juda nɩaa ŋaa wʋbɔŋŋɔɔ nɛ a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a ŋaa mɩ baanɩŋ sii.”

JƐRƖMAAYA 15:6

Ma vɩamɛ nɛ. Mɩ-na ma TƖƖNA nɛ bʋla. Ma joŋ harɩŋ yɩyɩamɛ nɛ. Ŋɩɩ wɩaa mɩ jaŋ joŋ nɩsɩŋ daŋ ma lɛ a cheima. Mɩ bɩra bɩ jaŋ wuo fá ma nisusuŋ.

JƐRƖMAAYA 16:11

Ŋɩɩ-na bʋla pɩba, ‘A tɩŋ ma naabalɩmaba sɩ vɩamɛ, aŋ to vesiŋ, a kpaarɛba wɩaa nɛ tɩɩ.’ Mɩ-na ma TƖƖNA nɛ bʋla. Ba vɩamɛ nɛ a bɩ mɩ wombii-la mɩ sɩ bile dɩ ba tuto ka to.

JƐRƖMAAYA 17:13

La TƖƖNA, ŋ lɛ nɛ Iziral tɩŋŋaa yɩɛlaa kala hɛ. Hɩɩsɩŋ jaŋ dii nɩalɩŋ kala sɩ joŋ harɩŋ yɩaŋ. Nɩalɩŋ kala sɩ mɩɩrɛ ŋ harɩŋ yɩrɩŋ jaŋ lɛl a nagɛ ba sɩ ŋmʋnsɛ nɩa yɩrɩŋ bil hagɩla lɛ, a tɩŋ ba sɩ vɩa La TƖƖNA sɩɩ pɩba mɩɩsɩŋ a nagɛ lɩɩ-bulo.

JƐRƖMAAYA 18:15

Ama mɩ nɩaa yʋ mɩ wɩaa nɛ. Ba nyɩgɛ kʋsʋɔrʋsʋŋ a pɩpɩ tɔŋŋɔɔ sɩ ŋaa kʋpɛɩba nɛ. Tɔmɔ-la nɛ leŋe ba titel ba wʋŋaalaa lɛ, a bɩ wombii-bɩnɩa-la ka to. Tɔmɔ-la leŋe ba vɩvɛŋ wombiee ba sɩ vɩa ta lɛ nɛ, wombiee ba sɩ bɩ wasa.

JƐRƖMAAYA 19:4

Ba vɩamɛ nɛ aŋ kɛŋ leriŋ deeŋ bɩrɩmɛ vesiŋ lee. Ba kpʋ pʋsʋŋ a nyɩga pɩ vesiŋ ba-na koo ba naabalɩmaba koo Juda kuoroo ha sɩ bɩ jɩŋ. Ba kpʋ nɩaa sɩ bɩ wɩɩ cheye nɛ a chei leriŋ deeŋ kala.

JƐRƖMAAYA 2:13

Wʋbɔŋŋɔɔ balɩa nɛ mɩ nɩaa ŋaa. Mɩ nɩɩ pɩba mɩɩsɩŋ a nagɛ lɩɩ-bulo, ka ba vɩamɛ, aŋ lu ba tɩtɩa vilee, vil-kpaarɩŋ lɩɩŋ sɩ bɩ ba tʋɔŋ wuo chɩŋ.

JƐRƖMAAYA 2:17

Ma nɛ lɛrɛ wɩɩŋ deeŋ kʋ hɛ ma tɩtɩa lɛ, ma sɩ vɩa mɩ-na ma TƖƖNA Wɩa, mɩ nɛ fa kɛmma vɩvɛŋ.

JƐRƖMAAYA 2:19

Ma tɩtɩa wʋbɔŋŋɔɔ nɛ jaŋ gʋra diima. Ma sɩ mɩɩrɛ mɩ harɩŋ, ŋɩɩ jaŋ leŋ dɩ ma laa cheeriŋ. Lɛɛlɛ nɛ ma jaŋ jɩŋ arɩ ʋ ŋaa wʋbɔŋ nɛ, a ŋaa wʋtɔɔ, ma sɩ vɩamɛ a bɩ mɩ-na ma TƖƖNA Wɩa ka fá. Mɩ-na ma TƖƖNA doluŋ kala Tɩɩna nɛ bʋla.

JƐRƖMAAYA 2:28

Nɩɩ nɛ vesi-la ma sɩ ŋaa pɩ ma tɩtɩa hɛ? Má leŋ dɩ ba kʋ laama ta dɩ wɩaa nɛ jʋʋma, bɛɛ wɩaa ma kɛŋ vesiŋ yʋgɛ nɛ woruŋ a nagɛ Juda tasɩŋ sɩ yʋga ŋɩɩ.

JƐRƖMAAYA 4:12

Pel-duoŋ deeŋ lɩɩ mɩ teeŋ nɛ. Lɛɛlɛ mɩ dii ma sarɩya nɛ.”

JƐRƖMAAYA 4:28

Dʋnɩa nɩaa jaŋ yel, dɩ wɩa-nyuŋ ma biri lim, bɛɛ wɩaa, wɩɩ-la mɩ sɩ bʋla, mɩ bɩ jaŋ kɛŋ mɩ tʋɔbɩɩnaa bɩrɩmɛ. Mɩ kɛŋ tʋɔŋ dɩ mɩ ŋaa nɛ, mɩ bɩ jaŋ mɩɩrɛ harɩŋ.”

JƐRƖMAAYA 44:17

La jaŋ sɛnɛ ŋaa wɩalɩŋ kala la sɩ sɩ la jaŋ ŋaa. La jaŋ nyɩgɛ kʋsʋɔrʋsʋŋ a pɩ wɩa-nyuŋ veŋ ha-kuoru-la aŋ wansɛ kʋnyʋalaa ma a pʋ, a nagɛ la dɩ la naabalɩmaba, la kuoroo arɩ la tɩntɩnnɩ-hɩasɩŋ fa sɩ ŋaa ŋɩɩ Juda tasɩŋ arɩ Jerusalɛm womporunuŋ lɛ. Bʋa-la lɛ, la fa kɛŋ kʋdiilee nɛ woruŋ a kɛŋ kɩaa, wɩɩkala bɩ laa walɩmɛ.

JƐRƖMAAYA 5:29

La TƖƖNA pɩɛsa, “Bɛɛ nɛ tɩɩ mɩ bɩ jaŋ dɔgɩsɛba a tɩŋ wɩɩŋ deeŋ wɩaa? Bɛɛ nɛ jaŋ tɩɩ mɩ bɩ jaŋ joŋ mɩ baanɩŋ fɩɩsɛ tintee doho deeŋ nɩaa lɛ?

JƐRƖMAAYA 5:9

Bɛɛ nɛ tɩɩ mɩ bɩ jaŋ dɔgɩsɛba a tɩŋ wɩɩŋ deeŋ wɩaa? Mɩ-na ma TƖƖNA nɛ pɩɛsa. Bɛɛ nɛ jaŋ tɩɩ mɩ bɩ jaŋ joŋ mɩ baanɩŋ fɩɩsɛ tintee doho deeŋ nɩaa lɛ?

JƐRƖMAAYA 51:17

Nʋʋkala chʋʋla nɛ a bɩ wʋjɩmɩŋ kɛnɛ. Hɩɩsɩŋ dii nɩalɩŋ sɩ kɛŋ sɛlɩmɛ libi tɔŋŋɔɔ nɛ, bɛɛ wɩaa ba tɔmɔ-la bɩ wʋtɩtɩɩ kɛnɛ, ba bɩ wiese kɛnɛ.

JƐRƖMAAYA 7:17

Ŋ bɩ wɩalɩŋ ba sɩɩ ŋaa Juda tasɩŋ arɩ Jerusalɛm womporunuŋ lɛ naa?

JƐRƖMAAYA 7:18

Biiriŋ jaa daasɩŋ hɩhɛ dɔŋɔ nɛ, nyɩmmaba ma hɩhɛ nyiniŋ, haalaa ma bubuu munuŋ dɩ ba wasɛ boroboro pɩ vene-la ba sɩɩ yɩrɛ wɩa-nyuŋ ha-kuoro. Ba wansɛ kʋnyʋalaa ma aa pɩ vesiŋ nɛ. Ba ŋaa wɩaa deemba kala a chɩchɛ dɩ mɩ baanɩŋ sii nɛ.

JƐRƖMAAYA 7:9

Ma yie gɩgaa nɩaa kɩaa nɛ, a kpʋkpʋ nɩaa, a chɩchɛ dɔŋɔba haalaa, a nyɩɛ wɩaa aŋ ŋmɩŋmɩɛsɛ, a nyɩgɛ kʋsʋɔrʋsʋŋ pɩpɩ vene-la ba sɩɩ yɩrɛ Baal a tuto vesiŋ dɔnsʋŋ ma sɩ bɩ jɩŋ,

ƐZƖKƖƐL 16:18

Ŋ joŋ gɛnnɩ-la ba sɩ sʋa ba zɔŋ mɩ joŋo pɩŋ a laalɛ tɔmɔ-la nɛ, a joŋ mɩ olif nʋʋ-la arɩ kʋsʋɔrʋsʋŋ a pɩpɩba.

ƐZƖKƖƐL 24:14

Mɩ-na ma TƖƖNA nɛ bʋla. Bʋa-la yie nɛ dɩ mɩ ŋaa wɩaa. Mɩ bɩ jaŋ leŋ, mɩ bɩ jaŋ fá nʋʋ nenige, koo a kɛŋ mɩ tʋɔbɩɩnaa bɩrɩmɛ. Mɩ jaŋ dɔgʋsʋŋ a tɩŋ ŋɩɩ ŋ mɛlɛ arɩ ŋ wʋŋaalaa sɩ naga. Mɩ-na ma TƖƖNA Wɩɩjarɩbakɔ nɛ bʋla.”

HOSIA 11:2

Ama dɩ mɩ yɩrʋ magɛ ŋɩɩ kala ma, ʋ yie fa kagɛ mɩ lɛ a mʋ dɩ-bolii. Ʋ yie kpaarɛ vene-la ba sɩɩ yɩrɛ Baal a nyɩgɛ kʋsʋɔrʋsʋŋ pɩpɩ tɔŋŋɔɔ.

HOSIA 8:6

Iziral tɩŋŋaa gɔgɔ nɛ ŋaa tɔmʋŋ deeŋ sɩ nagɛ nɛ-bel-pɔrʋŋ, ʋ bɩ Wɩa ŋaa. Ma tɔŋ-la sɩ nagɛ nɛ-bel-pɔrʋŋ, ba jaŋ yɛrʋ muno muno.

JOWƐL 2:11

La TƖƖNA kpɩa ʋ laalɩyuoroo lɛ nɛ. Ʋ laalɩyuoroo bɩ nii kɛnɛ. Nɩalɩŋ sɩɩ to ʋ niiŋ ŋaa nɩduoru nɛ. La TƖƖNA tapʋlɩɩ-la ŋaa tapʋl-bal nɛ a kɛŋ fawʋllʋŋ woruŋ. Kʋbɛɛ nɛ jaŋ wuo nyalɩmɛ tapʋlɩɩ-la?

Tɩntɩŋŋaa 7:41

Bʋa-la lɛ nɛ ba mɛ vene ʋ nagɛ nɛ-bie a kpaarʋ. Ba gbieli a zil kʋ-la ba tɩtɩa sɩ mɛ.

MOSIS BƖRA WULLI WƖA WOMBIIŊ 28:20

Dɩ ma nɛ vɩa La TƖƖNA, ʋ jaŋ leŋ dɩ ma wɩɩkala vʋgʋmɛ, dɩ wʋwalɩmaa jʋʋma dɩ ma to ŋɩɩ lɛ a kala guu chei, a tɩŋ wʋbɔŋ-la ma sɩ ŋaa lɛ.

MOSIS BƖRA WULLI WƖA WOMBIIŊ 31:16

aŋ bɩra bʋla pɩ Mosis, “Ŋ jaŋ sʋʋ a mʋ ŋ nyɩmmaba teeŋ. Ŋ sʋʋŋ harɩŋ lɛ, nɩaa deemba jaŋ vɩamɛ aŋ suomo ŋɩŋaa wʋlɩɩlɩŋ, aa kpaarɛ vesiŋ tintee-la ba sɩɩ mʋ lɛ, a chei nii-la mɩ sɩ bile mɩ dɩ ba pɛgɛ.

JOSUA 24:20

Dɩ ma nɛ vɩa La TƖƖNA aŋ to vesiŋ, ʋ jaŋ mɩɩra joŋ wʋlɔrʋnʋŋ a ŋaa ma lɛ dɩ ma kala sʋʋ a dɛrɛ, arɩ ʋ sɩ ŋaa wʋzɔŋŋɔɔ a pɩma ma kala.”

Jɔɔŋ Wʋnaalaa 9:20

Dʋnɩa nɩkaana-la nyanyal bɔŋŋɔɔ deemba sɩ bɩ kpʋa, ba ma ha bɩ bɩrɩma lɩɩ ba wʋbɔŋŋɔɔ ŋaanɩŋ lɛ. Ba haa to Sɩtaanɩ nɛ a kpʋkpaarɛ vʋɩyaa. Sɛlɩmɛ arɩ hɔɔŋ arɩ kɔlɩɩŋ nɛ ba kaa mɛ vʋɩya-la dɔnsʋŋ, dɔnsʋŋ ma ŋaa tabɩaa, dɔnsʋŋ ma ŋaa tɩɩsɩŋ. Vʋɩya-la bɩ na, ba bɩ wɩaa maa nɩɩ, ba bɩra bɩ wuo vɩvɛŋ ma.