JƐRƖMAAYA 1:10 - WƖA TENIŊ

¹⁰ Jɩnɩŋ, mɩ lɩɩsɩŋ nɛ a leŋ ŋ kɛŋ doluŋ tinteyee arɩ kuoroo tinteyee lɛ, dɩ ŋ wuo churiba a yigiba lo, dɩ ŋ wuo cheiba a yuo diiba, dɩ ŋ wuo saaba a leŋ dɩ ba chɩŋ.”

JƐRƖMAAYA 1:10 Iomraidhean Croise

1 KUOROO 17:1

Wɩa wʋlaabʋllʋ kʋbala nɛ fa hɛ nɩmɛ baa yɩrɛ Ɩlaaja, a lɩɩ taŋ-la ba sɩɩ yɩrɛ Tɩsɩbɩ sɩ hɛ Gɩlɩad tinteeŋ lɛ. Ʋ fa bʋla pɩ kuoro Ahab, “La TƖƖNA Iziral tɩŋŋaa Wɩa sɩ weye wɩaa, nɩɩ-la mɩ sɩ tɩma pɩpa, jɩsɩŋ baŋmɛnɛ lɛ, nyalɩŋ bɩ jaŋ nyal koo dɩ duonuŋ nɩɩ, see dɩ mɩ pa wombiiŋ.”

1 KUOROO 19:17

Dɩ nʋʋkala nɛ wuo fori Hazɩɛl nɩsɩŋ lɛ, ʋ bɩ ʋ kpʋa, Jehu-na jaŋ kpʋ tɩɩna. Dɩ nʋʋ ma nɛ wuo fori Jehu nɩsɩŋ lɛ, Elaasa jaŋ kpʋ tɩɩna.

TƖƖCHA 3:3

Bʋa-la lɛ ba sɩ jaŋ kpʋ arɩ bʋa-la lɛ ba sɩ jaŋ tɩɩbɛ. Bʋa-la lɛ ba sɩ jaŋ ŋmoo lo arɩ bʋa-la lɛ ba sɩ jaŋ saa.

JƐRƖMAAYA 1:5

“Ka dɩ mɩ-na ŋaaŋ a hɛ ŋ naaŋ luoruŋ tʋɔŋ, mɩ jɩmɩŋ nɛ. Ka dɩ ba-na lʋlʋŋ, mɩ lɩɩsɩŋ nɛ a leŋ ŋ ŋaa mɩ wʋlaabʋllʋ a pɩ tinteyee nɩaa.”

JƐRƖMAAYA 24:6

Mɩ jaŋ beŋ ba nyuŋ dɩ wɩaa zɔmɔ pɩba, a kɛmba mɩɩra kɔ tinteeŋ deeŋ. Mɩ jaŋ leŋ dɩ ba chɩŋ, mɩ bɩ jaŋ leŋ dɩ ba tel. Mɩ jaŋ leŋ dɩ ba naapoloo jʋʋ tinteeŋ, mɩ bɩ jaŋ churiba.

JƐRƖMAAYA 25:13

Mɩ jaŋ joŋ wɩalɩŋ kala mɩ sɩ bʋla tɩgɛ tintee-la lɛ a ŋaa ʋ lɛ. Wɩalɩŋ ba sɩ ŋmʋnsa hɛ teniŋ deeŋ tʋɔŋ arɩ wɩalɩŋ Jɛrɩmaaya sɩ bʋla mɩ doluŋ lɛ a tɩgɛ tinteye-la kala lɛ.

JƐRƖMAAYA 31:28

Mɩ fa sɩ beŋ ba nyuŋ a kɛmba churi ŋɩɩ, a yigiba lo, a cheiba, a lɛrɛ wʋlɔrʋŋ kʋ hɛ ba lɛ, ŋɩɩ tɩtɩa nɛ mɩ jaŋ bɩra beŋ ba nyuŋ dɩ ba wasa hɔŋ a leŋ dɩ ba chɩŋ woruŋ. Mɩ-na ma TƖƖNA nɛ bʋla.

JƐRƖMAAYA 31:40

a kɛŋ fuonaa-la lɛ ba sɩɩ hugi sʋʋnʋŋ aŋ joŋ tʋɔrʋŋ ma tɩta, a pɛ lere-la kala ba sɩ dɩŋa lɛ a mʋ yi Kɩdɩrɔŋ Fuonaaŋ sɩ hɛ wɩɩpɔsʋŋ dɩɩrɩŋ, a kɛŋ ŋɩɩ mʋ yi Janɩŋ Boi-baal-la sɩ hɛ je-gʋnʋŋ lɛ. Leree deemba kala jaŋ ŋaa dɩ-zɔmɔ a pɩ mɩ-na ma TƖƖNA. Ba bɩra bɩ jaŋ kɔ dɩ ba churi tabal-la koo a ŋmobu lo.”

JƐRƖMAAYA 36:2

“Joŋ teniŋ a ŋmʋnsɛ wɩalɩŋ kala mɩ sɩ bʋla tɩgɛ Iziral arɩ Juda lɛ arɩ tinteye-la dɔnsʋŋ, a chɩŋ bʋa-la lɛ mɩ sɩ suomo a bʋl wɩaa pɩpɩŋ, bʋa-la lɛ Josaaya sɩ dii kuoruŋ a kaa kɔ lɛɛlɛ.

JƐRƖMAAYA 44:27

Mɩ bene a chɩchɛ wombiiŋ nɛ dɩ mɩ ŋaaba wʋbɔŋ, wʋzɔŋ dee. Juu tɩmma-la sɩ hɛ Ijipiti lɛ jaŋ sʋʋ laalɩŋ lɛ, koo losuŋ kpʋba, dɩ ba kala dɛrɛ.

JƐRƖMAAYA 45:4

La TƖƖNA bʋla pɩmɛ, “Bʋl ŋ-la a pʋ: ‘Wɩɩ-la mɩ-na ma TƖƖNA sɩ bʋla nɛ ŋ-la: Mɩ jaŋ yigi kʋ-la mɩ sɩ saa a lo, a churi kʋ-la ma mɩ sɩ chɔnsɔ tintee-la kala lɛ.

ƐZƖKƖƐL 21:19

“Nuhuobiiŋ, bil wombiee balɩa dɩ Babɩlɔŋ kuoro kori ʋ tokobiiŋ to nɩmɛ kɔ. Leŋ dɩ wombie-la kala suomi tintee-bala lɛ. Bil kɩaa sɩ ŋaa magɩl wɛŋ-chɛŋŋɛɛ lɛ a dagɛ wɛŋ-la sɩ gɛbɛ jʋjʋʋ tabal-la.

ƐZƖKƖƐL 23:36

La TƖƖNA fa pɩɛsɛmɛ: “Nuhuobiiŋ, ŋ jaŋ dii Ohola arɩ Oholiba sarɩyaa? Ŋɩɩ-na leŋ dɩ ba jɩŋ wɩalɩŋ sɩɩ kɩsʋ ka ba ŋaa.

ƐZƖKƖƐL 32:18

“Nuhuobiiŋ, yel a pɩ Ijipiti tɩŋŋaa nɩ-daŋ-la kala sɩ jaŋ tuu bʋa a pɛ tintee-duoruŋ nɩalɩŋ sɩ tuu bʋa lɛ.

ƐZƖKƖƐL 36:36

Ŋɩɩ nɛ tinteye-la ha sɩ ka a gollima jaŋ jɩŋ arɩ mɩ-na ma TƖƖNA nɛ wasa paa tasɩ-la ba fa sɩ cheye saa, a pɛrɛ baga-la fa sɩ pɩŋ hoi. Mɩ-na ma TƖƖNA nɛ bʋla, mɩ jaŋ ŋaa wɩɩ-la mɩ sɩ bʋla.”

ƐZƖKƖƐL 43:3

Wɩaa deemba mɩ sɩ na a nagɛ duosoo tʋɔŋ, ma yie nagɛ wɩalɩŋ mɩ fa sɩ laa sɩpaaŋ na nɛ dɩ La TƖƖNA kɔ dɩ ʋ chei Jerusalɛm a bɩra nagɛ wɩalɩŋ mɩ fa sɩ na Keba fuo-la niiŋ. Ŋɩɩ nɛ mɩ tuu tele chu.

HOSIA 6:5

Ŋɩɩ wɩaa nɛ mɩ tɩŋ mɩ wʋlaabʋllaa ba kɛŋ mɩ niiŋ wɩaa kʋ tɔɔ ma sɩɩŋ lɛ. Mɩ niiŋ wɩalɩŋ nɛ mɩ kaa kpʋma, mɩ wʋbʋlaa nagɛ taŋ sɩ lɩgɩsa nɛ ma nyuŋ lɛ.

AMƆS 3:7

Wɩɩ na-kala mɩ-na ma Tɩɩna Wɩɩjarɩbakɔ sɩ bɩɩna dɩ ma ŋaa, mɩ yie leŋ mɩ tɩntɩnna-la sɩ ŋaa mɩ wʋlaabʋllaa jɩŋ nɛ.

AMƆS 9:11

Tapʋlɩɩ dɔŋ mɩ jaŋ wasa saa kuoro Devit dɩa-la sɩ tele a pɩŋ jikpeeŋ dɩ ʋ nagɛ ʋ fa sɩ nagɛ ŋɩɩ, mɩ jaŋ wasa saa lere-la kala sɩ cheye.

ZƐKARƖYA 1:6

Ama mɩ niiŋ wɩaa arɩ mɩ niiri-la mɩ sɩ joŋo dagɛ mɩ tɩntɩnnaa sɩ ŋaa mɩ wʋlaabʋllaa dii ma naabalɩmaba nɛ. Ŋɩɩ nɛ ba bɩrɩma lɩɩ ba wʋbɔŋŋɔɔ lɛ aŋ bʋl, ‘La TƖƖNA doluŋ kala Tɩɩna joŋ la wombiee arɩ la wʋŋaalaa sɩ nagɛ ŋɩɩ chɩmɩŋ nɛ a tiŋ la lɛ, arɩ ŋɩɩ ʋ sɩ bɩɩna dɩ ʋ ŋaa.’ ”