JEMBIEE 2:2 - WƖA TENIŊ

² La TƖƖNA bɩ ba nenige fá aŋ chei lere-la kala Iziral tɩŋŋaa sɩɩ jʋʋ. Ʋ sɩ na baanɩŋ, ʋ yigi ʋ yigi Juda nɩaa dɩ-duoruŋ lo nɛ. Ʋ kɛŋ ba tinteeŋ arɩ ba sɩpaalaaraa muuri nɛ, a leŋ ba dii hɩɩsɩŋ.

JEMBIEE 2:2 Iomraidhean Croise

JOB 2:3

Ŋɩɩ nɛ La TƖƖNA pɩɛsʋ, “Ŋ na mɩ tɩntɩnna Job nɛɛ? Nʋʋkala tuo dʋnɩa lɛ a nagʋ. Ʋ wɩaa tʋʋla nɛ woruŋ, ʋ bɩ wʋcheeli kala kɛnɛ. Ʋʋ fá mɩ-na Wɩa nɛ woruŋ a bɩ chɛ dɩ ʋ sɩɩŋ na wʋbɔŋ. Ŋ sɩ sʋlmɛ dɩ mɩ pɩŋ wombiiŋ dɩ ŋ cheyu arɩ ʋ sɩ bɩ wɩɩ cheye ma kala, ʋ ha chɩŋ ʋ wʋtɩtɩɩ naaŋ lɛ nɛ.”

WƖA YƖƖLAA 21:9

Bʋa-la lɛ ŋ sɩ jaŋ kɔ, ŋ jaŋ cheiba a nagɛ nyiniŋ sɩ dii kɩaa. Ŋ-na La Tɩɩna baanɩŋ jaŋ nagɛ nyiŋgeliŋ a jomba dii.

WƖA YƖƖLAA 74:7

Ba nyɩgɛ ŋ dɩɩ-bal-la nɛ, aŋ ŋaa lee-la ba sɩɩ chʋɔlʋŋ kɛŋ disiniŋ.

AZAAYA 22:5

La TƖƖNA doluŋ kala Tɩɩna lɩɩsɛ tapʋlɩɩ nɛ nɩaa sɩ jaŋ ŋaa goŋ, dɩ fuonaa-la lɛ ba sɩ mʋ nɩna wɩaa Wɩa teeŋ kala vʋgʋmɛ a kɛŋ fawʋllʋŋ woruŋ. Tapʋlɩɩ-la, jeye-la sɩ golli la taŋ, ba jaŋ ŋmooba lo ka nɩaa yiyel peelee tʋɔŋ aa chɛ dɩ nɩaa pɛ ba lɛ.

AZAAYA 23:9

La TƖƖNA doluŋ kala Tɩɩna nɛ leŋe ŋɩɩ ŋaa Taaya tabal-la lɛ, dɩ ʋ leŋ dɩ ba babii-ballɩŋ dɛrɛ, a mʋ tɩgɛ wɩalɩŋ ba sɩ ŋaa lɛ, dɩ ba nɩalɩŋ kala ba sɩɩ zil yɩrɩŋ tuu tinteeŋ.

AZAAYA 25:12

La TƖƖNA jaŋ ŋmoo ba jebii-leŋie-la kala ba sɩ kaa pʋpɔ ba tɩtɩa lo. Ʋ jaŋ leŋ dɩ ba kala tuu tinteeŋ.

AZAAYA 26:5

Ʋ yie kɛŋ nɩalɩŋ sɩɩ dagɛ ba tɩtɩa muuri nɛ, aŋ chei ba ta-duoruŋ ma kala a yigi ba jebiee lo a kaa jɛrɛ.

AZAAYA 27:11

Dɩ tɩɩsɩ-la naakelee nɛ hɩla a boro tel, haalaa yie paa mʋ hɛ nyiniŋ nɛ. Nɩaa deemba bɩ wɩɩkala jɩŋ, ŋɩɩ nɛ tɩɩ Wɩa sɩ ŋaaba bɩ ba nenige fá ŋɩɩ a bɩ ba lɛ pɛ.

AZAAYA 43:28

Ŋɩɩ wɩaa, mɩ jaŋ leŋ dɩ ma Wɩɩchʋɔlɛ dɩa nɩhɩasɩŋ dii hɩɩsɩŋ. Mɩ jaŋ chei Iziral kala aŋ leŋ dɩ nɩaa tʋʋsɛ ʋ joŋŋoo.”

AZAAYA 47:6

Mɩ fa na baanɩŋ nɛ mɩ nɩaa nyuŋ a joŋ wɩaa ŋaa ba lɛ arɩ mɩ dee bɩra bɩ ba tɩɩ. Mɩ sɩ jomba a hɛ ŋ nɩsɩŋ lɛ, ŋ bɩ ba nenige fá. Nɩalɩŋ ma sɩ paala hɩɛsɛ, ŋ dɔgɩsɛba nɛ woruŋ.

JƐRƖMAAYA 13:14

Mɩ jaŋ paaba yagɛ a daŋ dɔŋɔ lɛ, nyɩmmaba arɩ biiriŋ kala. Mɩ-na ma TƖƖNA nɛ bʋla. Mɩ bɩ jaŋ lemba, mɩ bɩ jaŋ fá ba nenige koo ba nisusuŋ, mɩ jaŋ kpʋba.’ ”

JƐRƖMAAYA 19:15

“Wɩɩ-la La TƖƖNA doluŋ kala Tɩɩna, Iziral tɩŋŋaa Wɩa sɩ bʋla nɛ ŋ-la: ‘Má jegile nɩɩ, mɩ jaŋ kɛŋ wʋlɔrʋnʋ-la mɩ sɩ daga a kʋ hɛ tabalɩŋ deeŋ arɩ tabiisi-la kala sɩ gollu lɛ, bɛɛ wɩaa ba kɛŋ nyuduoŋ nɛ a bɩ chɛ ba jegile nɩɩ mɩ niiŋ wɩaa.’ ”

JƐRƖMAAYA 21:7

La TƖƖNA sɩ, “Ŋɩɩ harɩŋ, mɩ jaŋ joŋ Juda kuoro Zedikaaya, ʋ tɩntɩnnɩ-hɩasɩŋ arɩ nɩalɩŋ sɩ hɛ tabalɩŋ deeŋ lɛ, nɩalɩŋ nyanyal-bɔŋ-la, laalɩŋ arɩ losuŋ sɩ bɩ kpʋa a hɛ Babɩlɔŋ kuoro Nebukadineza nɩsɩŋ lɛ, arɩ ba dʋndɔmɔ-la sɩɩ chɛ dɩ ba lɩɩsɛ ba mɩɩsɩŋ. Ʋ jaŋ kpʋba. Ʋ bɩ jaŋ fá ba nisusuŋ koo ba nenige, ʋ tʋɔŋ bɩ jaŋ wɩɩ ba lɛ.

JƐRƖMAAYA 5:10

Má gɔllɛ ʋ girep tɩɩsɩŋ bagɩsɩŋ a cheiba, ama má sɩ́ ba kala chei gbelem gbelem. Má keri ba naakelee ta, bɛɛ wɩaa nɩaa deemba bɩ mɩ-na ma TƖƖNA nɩaa ŋaa.

JEMBIEE 2:17

La TƖƖNA ŋaa wɩɩ-la ʋ sɩ bɩɩna dɩ ʋ ŋaa nɛ. Ʋ leŋe wɩɩ-la ʋ sɩ bʋla kʋ ŋaa nɛ, wɩɩ-la ʋ sɩ bʋla faafaa kala. Ʋ cheyiŋ nɛ Jerusalɛm a bɩ ŋ nɩaa nenige fá. Ʋ leŋe ŋ nɩaa dʋndɔŋŋɔɔ jʋɔsɛ ma nyuŋ nɛ. Ʋ leŋe ba laa doluŋ nɛ.

JEMBIEE 2:21

Hambiisiŋ arɩ nɩhɩasɩŋ pɩna hɛ dɔŋɔ kʋŋkɔlʋŋ lɛ womporunuŋ nyuŋ. Dʋndɔŋŋɔɔ kpʋ mɩ bapʋɔsaa arɩ mɩ hatoloo bil nɛ. Tapʋlɩɩ-la ŋ sɩ na baanɩŋ nɛ ŋ kpʋba a bɩ ba nenige fá.

JEMBIEE 2:5

La Tɩɩna nagɛ dʋndɔŋ nɛ a chei Iziral. Ʋ chei ba kuoru dɩɩsɩŋ kala nɛ arɩ ba dɩ-duoruŋ. Ʋ leŋe Juda nɩaa yele arɩ nii-ŋmobo yʋgɛ nɛ.

JEMBIEE 3:43

Ŋ joŋ baanɩŋ tɔ ŋ tɩtɩa nɛ a kire to la harɩŋ. Ŋ kpʋla nɛ a bɩ la nenige fá.

ƐZƖKƖƐL 5:11

Ŋɩɩ wɩaa, mɩ-na ŋ TƖƖNA Wɩɩjarɩbakɔ ŋmɩɛsa nɛ, a tɩŋ ŋ sɩ ŋaa wʋkɩsɩa-la a kɛŋ tɔŋŋɔɔ sɩ ŋaa disiŋ kɩa kʋ jʋʋ mɩ dɩa a leŋ ʋ kɛŋ disiniŋ, mɩ jaŋ lɩɩsɛ mɩ nɩsɩŋ ŋ lɛ, mɩ bɩ jaŋ fá ŋ nenige, mɩ jaŋ dɔgʋsʋŋ.

ƐZƖKƖƐL 7:4

Mɩ bɩ jaŋ fá ma nenige koo a lemma. Mɩ jaŋ dɔgɩsɛma a tiŋ ma wʋŋaalaa arɩ wʋkɩsɩa-la ma sɩ ŋaa chɩmɩŋ. Ŋɩɩ nɛ ma jaŋ jɩŋ arɩ mɩ nɛ ma TƖƖNA.”

ƐZƖKƖƐL 7:9

Mɩ bɩ jaŋ fá ma nenige koo a lemma. Mɩ jaŋ dɔgɩsɛma a tiŋ ma wʋŋaalaa arɩ wʋkɩsɩa-la ma sɩ ŋaa chɩmɩŋ. Ŋɩɩ nɛ ma jaŋ jɩŋ arɩ mɩ-na ma TƖƖNA nɛ dɔgɩsɛma.

ƐZƖKƖƐL 8:18

Ŋɩɩ wɩaa, mɩ jaŋ dagɛba arɩ baanɩŋ, mɩ bɩ jaŋ fá ba nenige koo a lemba. Ba jaŋ faasa suri ba yikoro a sʋsʋlmɛ, ama mɩ bɩ jaŋ jegili ba teeŋ.”

ƐZƖKƖƐL 9:10

Ŋɩɩ wɩaa, mɩ bɩ jaŋ kɔ dɩ mɩ fá ba nisusuŋ koo a lemba, ama mɩ jaŋ joŋ wɩalɩŋ ba sɩ ŋaa a tiŋ ba lɛ.”

MƖKA 5:14

Mɩ jaŋ churi vene-la ba sɩɩ yɩrɛ Asɩra daasɩ-la sɩ pɛ ma tʋɔŋ ta, aŋ ŋmoo ma tabalaa lo.

MALAKAƖ 1:4

Ɛsɔ doho nɩaa jaŋ wuo bʋl, ‘La tasɩŋ kala cheye nɛ, ama la jaŋ bɩra saaba.’ ” Ama wɩɩ-la mɩ-na ma TƖƖNA, Wɩɩjarɩbakɔ sɩ bʋla nɛ ŋ-la: “Ba jaŋ saa, ama mɩ jaŋ chei lere-la kala ba sɩ saa. Nɩaa jaŋ yɩyɩrɛ lee-la nɩbɔŋŋɔɔ tinteeŋ, nɩalɩŋ nyuŋ La TƖƖNA baanɩŋ sɩɩ sii bʋa na-kala.

Matiu 18:33

Bɛɛ nɛ saa tɩɩ ŋ-na bɩ wuo fá ŋ dɔŋɔ tɩɩna-la nenige arɩ mɩ sɩ fá ŋ nenige ŋɩɩ?’

2 Kɔrɩntɩ Nɩaa 10:4

La laalɩyuori kɩaa bɩ dʋnɩa kɩaa ŋaa, ama ba lɩɩ Wɩa teeŋ nɛ a faasa kɛŋ doluŋ, a wuo yigi dii-duoruŋ a lulo.

MOSIS BƖRA WULLI WƖA WOMBIIŊ 28:52

Ba jaŋ kʋ gollo chu ma tinteeŋ tasɩŋ kala a yuo dii tasɩ-la ma sɩ saa kɛrɩ-duoruŋ sɩ leŋie a golli a joŋ ma yɩɛlaa hɛ dɩ ba kala tel. Ba jaŋ kʋ gollo chu tintee-la ma TƖƖNA Wɩa sɩ jaŋ joŋo pɩma tasɩŋ kala, a pɔ ma sɩ́ kʋŋkala kaa kʋ jʋʋ koo a kaa lɩɩ,

MOSIS BƖRA WULLI WƖA WOMBIIŊ 32:22

Mɩ baanɩŋ jaŋ sii a nagɛ nyiŋgeliŋ a dii kʋŋkala sɩ hɛ tinteeŋ lɛ. Ʋ jaŋ dii a tuu yi lɛlɛɛ-jaŋ, a dii peelee kala. Kʋdiilii kala jaŋ tuo.