JEMBIEE 1:3 - WƖA TENIŊ

³ Ba chaasa dɔgɩsɛ Juda nɩaa nɛ ba tɩma na hɛɛŋ woruŋ, ŋɩɩ harɩŋ ba kɛmba mʋ yoŋ-baga. Ba mʋ guoli tinteyee nɩaa tʋɔŋ, ba bɩ dɩ-wiesii na. Nɩalɩŋ kala sɩ kire to ba harɩŋ kɛsɛba nɛ, ba bɩ lee-kala kɛnɛ dɩ ba to mʋ.

JEMBIEE 1:3 Iomraidhean Croise

2 KUOROO 25:11

Nebuzaradaŋ sɩ ŋaa nɩalɩŋ sɩɩ pɔ kuoro nɩhɩaŋ kɛsɛ nɩalɩŋ kala sɩ ka Jerusalɛm lɛ, a kaa mʋ yoŋ-baga a pɛ nɩalɩŋ Nebukadineza fa sɩ laa sɩpaaŋ kɛsɛ mʋ lɛ.

2 KUOROO 25:21

Rɩbɩla tinteeŋ lee-la ba sɩɩ yɩrɛ Hamaf lɛ nɛ kuoro leŋ ba kpʋba. Ŋɩɩ nɛ Juda nɩaa mʋ yoŋ-baga a kagɛ ba tinteeŋ lɛ.

2 KUOROO 25:4

Ŋɩɩ nɛ Babɩlɔŋ laalɩyuoro-la ŋmoo taŋ-la kɛrɛ lo. Zedikaaya arɩ ʋ laalɩyuoroo sii tɩtaŋɩŋ a fá to boi-baal-la sɩ hɛ kɛrɩsɩŋ balɩa pɛgɛ a kpagɛ kuoro ŋmaŋkaaŋ a lɩɩ, arɩ ba dʋndɔŋŋɔɔ fa sɩ golli tabal-la ma kala. Ba fá to Jɔdaŋ fuo-la dɩɩrɩŋ a mʋ.

2 KUOROO 25:5

Ama Babɩlɔŋ laalɩyuoro-la kire to ba harɩŋ, a mʋ puuba Jeriko tintee-taalɩ-la lɛ, Zedikaaya laalɩyuoroo kala fá pɩsɛ aŋ kaʋ.

JƐRƖMAAYA 13:19

Ba jaŋ tɔ tabala-la sɩ hɛ Juda tinteeŋ wɩɩpɔsʋŋ nadiiŋ dɩɩrɩŋ a hɛ, nʋʋkala tuo sɩ jaŋ wuo laaba ta. Ba jaŋ kɛsɛ Juda nɩaa kala a kaa mʋ yoŋ-baga, ba jaŋ kɛsɛ ba kala a kaa viiri.

JƐRƖMAAYA 16:16

Ama lɛɛlɛ, mɩ-na ma TƖƖNA jaŋ tɩma yɩrɛ nɩ-daŋ dɩ ba kʋ kɛsɛ nɩaa deemba a nagɛ chenfil-kpʋʋra sɩɩ kɛsɛ chenfilee. Ʋ ŋɩɩ harɩŋ lɛ, mɩ jaŋ tɩma yɩrɛ nambagɩlaa ma a yʋgɛ, dɩ ba kʋ bagɩla kɛsɛba peelee arɩ dundolluŋ nyuŋ arɩ bʋ-pɛgɩsɩŋ lɛ.

JƐRƖMAAYA 24:9

Mɩ jaŋ lɛrɛ wʋlɔrʋŋ kʋ hɛ ba lɛ, dɩ ba nagɛ kʋŋ sɩɩ sʋɔrʋ dʋnɩa tinteyee nɩaa kala teeŋ. Hɩɩsɩŋ jaŋ diiba dɩ nɩaa sisieri ba lɛ. Nɩaa jaŋ kɛŋ ba yɩrɩŋ ŋmɩɛsa hɩhɛ nɩaa lɛ lee na-kala mɩ sɩ kɛmba pɩsa hɛ.

JƐRƖMAAYA 39:9

Ŋɩɩ nɛ Nebuzaradaŋ sɩ ŋaa laalɩyuoro-la sɩɩ pɔ Babɩlɔŋ kuoro nɩhɩaŋ kɛsɛ nɩalɩŋ sɩ ka tabal-la lɛ a kaa mʋ yoŋ-baga Babɩlɔŋ lɛ, a pɛ nɩalɩŋ sɩ kɛŋ ba tɩtɩa mʋ pʋ, arɩ nɩalɩŋ dɔnsʋŋ sɩ ka.

JƐRƖMAAYA 52:15

Nebuzaradaŋ sɩ ŋaa nɩalɩŋ sɩɩ pɔ kuoro nɩhɩaŋ kɛsɛ nɩalɩŋ dɔnsʋŋ sɩ faasa summi arɩ nɩalɩŋ kala sɩ ka Jerusalɛm lɛ, arɩ nɩalɩŋ kala sɩ jɩŋ nɩsɩŋ tɩntɩŋŋaa, a kaa mʋ yoŋ-baga a pɛ nɩalɩŋ Nebukadineza fa sɩ laa sɩpaaŋ kɛsɛ mʋ lɛ.

JƐRƖMAAYA 52:8

Ama Babɩlɔŋ laalɩyuoro-la kire to ba harɩŋ, a mʋ puuba Jeriko tintee-taalɩ-la lɛ, Zedikaaya laalɩyuoroo kala fá pɩsɛ aŋ kaʋ.

JEMBIEE 2:9

Zaayɔŋ boi-baalaa tele nɛ hagɩla tɔ, ba daadoloo bori a chei. Ba kɛŋ ʋ kuoro arɩ ʋ sɩpaalaaraa mʋ yoŋ-baga nɛ, ba guoli tinteyee nɩaa tʋɔŋ. Ba bɩra bɩ wɩalɩŋ ba sɩ ŋmʋnsa bil dɩ ba tuto ka dagɛ. Wɩa wʋlaabʋlla-la sɩ hɛ ʋ lɛ bɩra bɩ wɩaa ka na arɩ duosoo tʋɔŋ La TƖƖNA teeŋ.

JEMBIEE 4:15

Nɩaa yie bʋl ba lɛ, “Má sʋrɩsa lɩɩ, ma kɛŋ disiniŋ nɛ. Má sʋrɩsa mʋ, má sʋrɩsa lɩɩ. Má sɩ́ la digu.” Dɩ ba nɛ fá mʋ guoli tinteyee nɩaa tʋɔŋ a gɔllɔɔ baarɛ, nɩalɩŋ ma yie bʋl, “Ba bɩ daha wuo hɔŋ.”

JEMBIEE 5:5

Nɩalɩŋ sɩɩ kirila paa puula nɛ, la kala bɛsɩmɛ, aŋ bɩ wuo wiesi.

ƐZƖKƖƐL 5:12

Nyanyalaa arɩ losuŋ jaŋ kpʋ nɩalɩŋ dɔnsʋŋ sɩ hɛ ŋ lɛ, ba jaŋ kpʋ dɔnsʋŋ ma laalɩŋ lɛ taŋ-la harɩŋ, ka mɩ kɛŋ ba dɔnsʋŋ ma pɩsɛ lee-kala, aŋ kire to ba harɩŋ arɩ laalɩŋ.

MOSIS BƖRA WULLI WƖA WOMBIIŊ 28:48

Ŋɩɩ wɩaa, ma jaŋ kɛŋ losuŋ, lɩɩnyʋasʋŋ, yarɩ-biree, a nyaabɛ, aŋ pɛ tɩma pɩpɩ ma dʋndɔmɔ-la ma TƖƖNA Wɩa sɩ joŋo hɛ ma lɛ. La TƖƖNA jaŋ leŋ dɩ ma chaasa na hɛɛŋ ŋɩɩ a mʋ sʋʋ.