Taetas 3:9 - Pijin Bible

⁹ Bat yu mas tanem baeksaet long enikaen krangge toktok, an long olketa stori abaotem olketa laen blong olketa olo long bifoa, an long enikaen faet o raoa abaotem mining blong Lo blong Mosis. Olketa toktok olsem hemi no garem eni gud samting long hem, an hemi nating save helpem eniwan.

Pijin Deuterocanon

⁹ Bat yu mas tanem baeksaet long enikaen krangge toktok, an long olketa stori abaotem olketa laen blong olketa olo long bifoa, an long enikaen faet o raoa abaotem mining blong Lo blong Mosis. Olketa toktok olsem hemi no garem eni gud samting long hem, an hemi nating save helpem eniwan.

Taetas 3:9 Iomraidhean Croise

Stori abaotem Job 15:3

!Man wea hemi waes hemi no save talem yusles toktok, an hemi no talemaot toktok wea hemi samting nating nomoa!

1 Korin 13:2

Nomata mi save talemaot eni mesij blong God, an nomata mi save long evrisamting wea hemi staphaed an mi garem evri save moa, an nomata mi garem strongfala biliv fo muvum olketa maonten, bat sapos mi no lavem olketa pipol, mi samting nating nomoa ya.

1 Korin 8:1

Nao mi laek toktok abaotem mit wea olketa bin sakrifaesim go long olketa laea god. Hemi tru wea samfala pipol olketa sei, “Yumi evriwan garem save.” Bat diskaen save hemi mekem man fo praod nomoa, bat lav nao hemi save mekem biliv blong yumi fo kamap strong.

1 Timoti 4:7

Yu no lisin go long olketa krangge stori wea olketa nating tru. Bat yu mas gohed fo mekem Kristin laef blong yu fo kamap strong moa.

2 Timoti 2:14

Yu mas gohed fo toktok long olketa pipol abaotem disfala samting ya. Long ae blong God yu tokstrong long olketa fo no raoa abaotem olketa toktok. Diskaen wei ya hemi nogud tumas, an hemi save spoelem olketa pipol hu i lisin go long olketa raoa olsem ya.

2 Timoti 2:16

Yu mas tanem baeksaet blong yu long enikaen ravis toktok, bikos olketa pipol hu i tok olsem, olketa mekem olketa nara pipol fo goawe from God.

2 Timoti 2:23

Bat yu mas no lisin long olketa krangge toktok wea hemi no garem eni mining, bikos yu save finis olketa toktok olsem ya save mekem pipol fo raoa tumas.

Taetas 1:14

An tokhad long olketa mekem olketa no falom laea kastom stori blong olketa Jiu an toktok blong olketa hu i agensim finis tru toktok.

Jemes 4:1

?Waswe, yufala save wanem nao hemi mekem yufala fo raoa an wande faet olowe? !Hem nao diskaen tingting fo laekem plande gudfala samting fo yufala seleva ya! Diswan nao save kamap olowe long tingting blong yufala.