Taetas 2:8 - Pijin Bible

⁸ Yu mas talem tru samting nomoa mekem pipol no save lukim enisamting rong long hem. Olsem nao bae olketa enemi i filsem taem olketa no save talem eni nogud samting agensim yumi.

Pijin Deuterocanon

⁸ Yu mas talem tru samting nomoa mekem pipol no save lukim enisamting rong long hem. Olsem nao bae olketa enemi i filsem taem olketa no save talem eni nogud samting agensim yumi.

Taetas 2:8 Iomraidhean Croise

Nehemaea 5:9

Den mi tok olsem, “!Wanem yufala gohed fo duim hemi no stret nao! Hemi gud sapos yufala tinghevi long God, an obeim hem, mekem olketa hiden enemi blong yumi no save meksem long yumi.

Aesaea 66:5

“!Lisin kam gudfala long Mesij blong mi Yawe, yufala hu i obeim mi an tinghae long mi! Bikos yufala tinghevi olowe long mi, samfala long olketa pipol blong yufala i les nomoa long yufala an agensim yufala. Hem nao olketa nating laek fo joen wetem yufala. Olketa gohed fo laf long yufala an tok olsem, ‘Letem Yawe hemi somaot saen long bikfala paoa blong hem, mekem mifala lukim dat yufala barava hapi tumas.’ Bat bae olketa ya nao i barava sem fogud.

Gudnius abaotem Jisas Kraes wea Mak hemi raetem 12:17

So Jisas hemi sei long olketa nao, “Sapos olsem, samting wea hemi blong bikfala King ya, yufala mas givim gobaek long hem. An wanem hemi blong God, yufala mas givim gobaek long hem.” Taem olketa herem diswan nomoa, olketa barava sapraes fogud long Jisas nao.

Gudnius abaotem Jisas Kraes wea Mak hemi raetem 12:28

Nao wanfala tisa blong Lo hemi stap hu hemi lisin long olketa toktok ya long Jisas an olketa Sadiusi. An hemi herem dat Jisas hemi givim gudfala ansa nao long olketa. So hemi kam long Jisas an hemi askem hem olsem, “?Watkaen lo nao hemi nambawan long evri lo?”

Gudnius abaotem Jisas Kraes wea Mak hemi raetem 12:32

Nao tisa blong Lo ya hemi talem long Jisas olsem, “!Tru tumas ya Tisa! Samting yu talem hemi barava tru ya, wea yu sei wanfala God nomoa hemi stap, an no eni narawan moa.

Gudnius abaotem Jisas Kraes wea Mak hemi raetem 12:34

Jisas hemi luksave nao dat man ya barava waes tumas taem hemi ansarem olketa toktok blong hem. So Jisas hemi talem hem olsem, “Man, yu kolsap insaet long kingdom blong God.” Bihaen nomoa, evriwan olketa fraet fo askem kuestin long Jisas moa.

Gudnius abaotem Jisas Kraes wea Luk hemi raetem 13:17

Taem Jisas hemi tok olsem, olketa enemi blong hem olketa barava filsem fogud nao, bat olketa pipol i hapi tumas long olketa nambawan samting wea Jisas hemi duim.

2 Tesalonaeka 3:14

Maet samwan long yufala hemi no save obeim olketa toktok wea mifala bin raetem go long disfala leta. Sapos olsem, hemi gud fo yufala mas luksave gud long man ya. An yufala mas no stap tugeta wetem hem, mekem hemi filsem long wei blong hem seleva.

1 Timoti 5:14

Dastawe nao mi laekem olketa yangfala wido woman fo olketa marit moa, mekem olketa save garem pikinini an lukaftarem haos blong olketa seleva. Sapos olketa duim olsem, bae olketa enemi blong yumi i no save faendem eni wei fo tokdaonem yumi.

1 Timoti 6:3

Samfala pipol stat fo tisim samting wea hemi deferen, an olketa no save falom barava tru tising blong Masta blong yumi Jisas Kraes wetem olketa tising blong sios.

Taetas 3:14

Olketa Kristin fren blong yumi, olketa mas lanem wei fo duim gudfala waka, mekem olketa save helpem narafala pipol hu i sot long enisamting. Nogud olketa les fo duim olketa gudfala waka.

1 Pita 2:12

Distaem, olketa pipol hu i no biliv long God, olketa gohed fo tok nogud agensim yufala. So yufala mas mekem wei blong yufala stret gudfala long ae blong olketa, mekem olketa save lukim gudfala wei blong yufala. Sapos yufala duim olsem, bae olketa save preisim God from diswan, long taem wea bae hemi kam.

1 Pita 2:15

God hemi laekem yufala fo gohed long olketa stretfala wei, mekem yufala save stopem krangge toktok blong olketa pipol hu i no garem gudfala save.

1 Pita 3:16

Bat yufala mas ansarem olketa long wei wea hemi kuaet an kaen. An yufala mas stret an laef blong yufala mas gud olowe, mekem olketa pipol hu i save tokspoelem yufala from gudfala wei blong yufala hu i falom Kraes, bae olketa filsem fogud.