Taetas 1:5 - Pijin Bible

⁵ Mi letem yu stap long aelan long Krit, mekem yu stretem samfala waka wea yumi no finisim yet. Yu mas siusim samfala man fo kamap lida insaet sios long evri taon, olsem mi talem yu finis.

Pijin Deuterocanon

⁵ Mi letem yu stap long aelan long Krit, mekem yu stretem samfala waka wea yumi no finisim yet. Yu mas siusim samfala man fo kamap lida insaet sios long evri taon, olsem mi talem yu finis.

Taetas 1:5 Iomraidhean Croise

1 Kronikols 6:32

Fastaem olketa lidim miusik long Tambu Haostent, bat bihaen King Solomon hemi bildim Tambuhaos blong Yawe, olketa duim waka long hem falom olketa rul blong waka ya.

Eklesiastes 12:9

Disfala Waes Tisa hemi gohed fo tisim olketa pipol long olketa samting wea hemi save. Hemi save gud long olketa waes toktok, an hemi gohed fo traem wea olketa i tru o nomoa.

Aesaea 44:7

No eniwan moa hemi olsem mi. No eni narawan moa save talemaot long mi evrisamting wea hemi hapen stat kam long taem wea wol ya hemi no stap yet go-go kasem en long wol. !Ya, no eniwan nao save duim!

Levitikas 14:42

Den olketa mas tekem olketa niufala ston fo sensim olketa raviswan, an olketa mas putum niufala plasta long olketa wol ya.

Aposol 11:30

Olketa duim olsem nao, an olketa sendem go Banabas an Sol, fo tufala tekem go koleksin an givim long olketa lida long sios blong olketa.

Aposol 14:23

Nao long evri sios, tufala makem samfala pipol fo stap olsem lida blong olketa. An olketa stop fo no kaikai an olketa prea an tufala givim olketa Kristin ya long han blong Masta hu olketa biliv long hem finis.

Aposol 2:11

wea samfala blong Jiu an samfala jes falom wei blong olketa Jiu nomoa. An samfala long yumi moa i stap kam long Krit an long Arebia. Bat nomata olsem, yumi evriwan i herem dat olketa toktok long olketa langguis blong yumi abaotem olketa bikfala samting wea God hemi bin duim.”

Aposol 27:12

An haba ya hemi no eni gudfala ples tu fo stap long hem long taem blong bikfala raf si. So kolsap evriwan long sip olketa laek fo gohed nomoa long gogo blong mifala. Olketa laek fo traehad fo kasem taon long Finiks, mekem mifala save stapgud long taem blong bikfala raf si. Ples ya hemi wanfala gudfala haba long Krit wea hemi open nomoa long saet wea san i godaon.

Aposol 27:13

Nao wanfala win wea hemi no strong tumas, hemi stat fo blou kam long saot. An olketa tingse hemi barava fitim gogo blong olketa, so olketa pulumap angga an olketa sel go falom disfala aelan long Krit nao.

Aposol 27:21

Bihaen olketa nating bin kaikai fo longtaem tumas, Pol hemi stanap long midol long olketa, an hemi sei, “Olketa fren, sapos yufala bin herem toktok blong mi fastaem an yumi no bin lusim kam aelan long Krit yet, bae yumi no kasem disfala trabol an bae olketa samting i no lus.

Aposol 27:7

Nao fo plande de sip ya hemi go-go slou tumas an mifala wakahad fo go kasem kolsap long taon long Nidas. Nao mifala barava agensim win so mifala tane go long aelan long Krit, long saet long Salmoni wea win hemi no blou strong long hem.

1 Korin 11:34

An sapos eniwan hemi hanggre tumas, hemi mas kaikai kam long haos blong hem fastaem. Nogud God hemi jajem yufala from nogud wei blong yufala taem yufala kaikai tugeta. Nao abaotem olketa narasamting moa ya, bae mi stretem taem mi kam kasem yufala.

1 Korin 14:40

An yufala mas duim evrisamting long gudfala wei, wea evriwan olketa save hapi long hem.

1 Korin 4:17

An dastawe nao mi sendem go Timoti, disfala man wea hemi olsem gudfala pikinini blong mi wea hemi duim gudfala waka tumas fo Masta. Bae hemi tisim yufala moa abaotem olketa rul wea mi falom long disfala niu laef wea yumi stap joen wetem Jisas Kraes, olsem mi save tisim olketa pipol blong sios long evri ples.

Kolosi 2:5

Long distaem mi no stap wetem yufala bat tingting blong mi hemi stap finis wetem yufala nomoa ya. An mi hapi tumas fo lukim dat yufala waka stret an gohed fo biliv strong nomoa long Kraes.

1 Timoti 1:3

Olsem, mi talem strong long yu finis taem mi lusim yu fo go long provins long Masedonia, mi laekem yu fo stapbaek nomoa long taon long Efesas. Yu mas stap long ples ya, mekem yu stopem olketa pipol hu i gohed fo tisim olketa samting wea hemi falom laea tising.

2 Timoti 2:2

An olketa tising wea yu bin herem mi talemaot long plande pipol, yu mas talem go long olketa gudfala man, wea olketa fit fo tisim olketa nara pipol abaotem olketa tising ya.

Taetas 1:12

An nomata wanfala profet blong olketa pipol long Krit, hemi bin toktru taem hemi sei, “Olketa pipol long Krit, i pipol fo laea nomoa. Olketa save les tumas, an save kaikai bik tumas. Olketa i olsem wael animol nomoa.”