Taetas 1:16 - Pijin Bible

¹⁶ Nomata hemi talem hemi barava save long God, wei blong hem hemi somaot dat hemi nating save long God. Olketa pipol olsem, i barava nogud tumas an nating wiling fo obeim God an olketa no save duim eni gud samting.

Pijin Deuterocanon

¹⁶ Nomata hemi talem hemi barava save long God, wei blong hem hemi somaot dat hemi nating save long God. Olketa pipol olsem, i barava nogud tumas an nating wiling fo obeim God an olketa no save duim eni gud samting.

Taetas 1:16 Iomraidhean Croise

Stori abaotem Job 15:16

So hao nao hemi save trastem yumi man wea yumi barava nogud tumas, an yumi laek fo dringim olketa nogud wei olsem hemi wata.

Provebs 30:12

Samfala man tingse olketa stret, bat wei blong olketa i nogud tumas.

Aesaea 29:13

Yawe hemi tok olsem long mi, “Olketa pipol ya, olketa mekhae nomoa long mi long toktok, bat maen blong olketa hemi barava stap farawe from mi. Wei blong olketa fo mekhae long mi hemi falom nomoa olketa rul blong man.

Aesaea 48:1

(Profet) !Lisin kam long disfala toktok, yufala olketa pipol blong Israel hu i bon kam long traeb blong Jiuda, san blong Jekob! Yufala mekem strongfala promis long nem blong Yawe, an talem dat yufala wosipim nomoa God blong Israel. Oltaem yufala tokpraod tumas wea yufala nao i pipol blong holi taon blong hem. An yufala talem dat yufala dipen long God blong Israel wea nem blong hem nao Yawe hu hemi garem evri paoa. Bat yufala barava laea fogud ya. Yufala nating falom tru an stretfala wei blong hem.

Aesaea 58:2

Evri de, olketa kam fo wosipim mi, an olketa talem dat olketa laekem tumas fo save long olketa wei blong mi, an fo falom olketa lo blong mi. Olketa trae fo luk olsem pipol wea i laekem tumas fo mi helpem olketa long stretfala wei blong mi, an fo mi stap wetem olketa.

Aesaea 59:13

Mifala bin agensim yu, an les long yu, an nating laek fo falom yu nao. Mifala lusim yu finis. Hem nao mifala lukdaon long olketa narafala pipol, an mifala gohed nomoa fo mekem olketa safa. Evri tingting blong mifala, an evri toktok blong mifala, hemi laea wan nomoa ya.

Jeremaea 12:2

Yu putum olketa long ples blong olketa, olsem man hemi plantem olketa kaikai long gaden. Nao olketa grou gudfala, an olketa karim kaikai. Nomata olketa gohed fo toktokgud abaotem yu olowe, bat olketa no tinghevi long yu.

Jeremaea 5:2

Nomata yufala i mekem strongfala promis olsem, ‘Mi mekem disfala strongfala promis long nem blong Yawe hu hemi laef,’ bat yufala no minim nomoa. Yufala laea nomoa.”

Jeremaea 6:30

An olsem wea man hemi les long silva wea ravis blong hem no save ranaot, bae mi Yawe nao mi les tu long olketa ravis pipol ya.”

Esikiel 33:31

Oltaem olketa pipol blong mi i hipap kam raonem yu fo herem olketa samting wea bae yu talem, bat olketa nating duim nomoa wanem yu talem long olketa. Maos blong olketa i fulap nomoa long ravis tok, an olketa gohed nomoa fo tingim long wei fo ravem pipol fo winim seleni.

Nambas 24:16

Hem nao toktok blong man hu hemi herem toktok blong God, an save long tingting blong God hu hemi hae tumas. Ya, hemi profesi blong man hu hemi foldaon long graon an lukim spesol drim from God hu hemi garem evri paoa.

Leta wea Pol hemi raetem go long sios long Rom 1:28

An bikos olketa les fo save long God, God hemi letem olketa fo falom nomoa ravis tingting blong olketa seleva, an olketa duim nomoa olketa samting wea no fit fo pipol i duim.

Efesas 5:6

Yufala mas no letem eniwan fo laea long yufala abaotem olketa samting ya long olketa toktok wea hemi no tru. God bae hemi barava kros long olketa pipol wea olketa no save obeim hem, bat olketa falom olketa ravis wei olsem ya.

1 Timoti 1:9

An yumi save tu dat olketa lo ya olketa no stap fo stretem olketa gudfala pipol ya, bat fo stretem olketa pipol hu i brekem olketa lo an olketa hu i mekem trabol olowe. Hemi fo stretem wei blong olketa pipol hu i no falom God, an olketa hu i stap long wei blong sin, an olketa hu i tokdaonem God an olketa narasamting moa wea hemi holi. Hemi fo stretem olketa hu i kilim dae mami o dadi blong olketa, an olketa hu i kilim dae eni nara man moa.

1 Timoti 5:8

Bikos eniwan wea hemi no duim enisamting fo helpem olketa pipol long laen blong hem an long famili blong hem seleva, hemi somaot dat hemi lusim biliv blong hem. Wei blong hem hemi wos moa winim olketa pipol hu i no biliv long God.

2 Timoti 3:17

Long wei ya nao, bae hemi mekem yumi pipol blong God redi fo duim evri gudfala waka.

Taetas 3:1

Yu mas talem gud long evri Kristin fo tinghae long olketa bikman long gavman an olketa narafala bikman moa. Olketa mas obeim olketa, an mas redi nomoa fo duim enikaen gudfala waka.

Taetas 3:3

Long bifoa, Seitan hemi laea long yumi tu, an yumi nating tingting stret an no wiling fo obeim eniwan. Long taem ya, enikaen samting wea yumi seleva laekem tumas nomoa, hemi bosim yumi. An enikaen samting wea yumi filgud tumas long hem, hemi bosim yumi tu. An laef blong yumi hemi somaot enikaen joles an ravis wei long nara pipol. Olketa save heitem yumi, an yumi tu bin heitem olketa.

1 Jon 2:4

Sapos eniwan hemi sei hemi savegud long God, bat hemi nating obeim olketa lo blong hem, disfala man hemi laea nao. No eni tru toktok hemi stap long man olsem.

Jiud 1:4

Mi raet go long yufala olsem, bikos samfala pipol olketa bin kamhaed fo joen wetem yumi long sios. Olketa ya no barava biliv long God. Olketa sensim tru tising abaotem kaenfala lav blong God wea hemi mekem yumi fri, fo laea tising wea olketa sei yumi fri fo duim enikaen ravis samting. An olketa les long Jisas Kraes, wea hem nomoa hemi King an Masta blong yumi. Longtaem bifoa, Buktambu hemi talemaot finis disfala panis wea bae hemi kasem olketa pipol olsem.

Revelesin 21:27

Bat olketa samting wea hemi no klin an olketa pipol hu i gohed fo duim olketa ravis samting, o gohed fo laea, olketa ya nao olketa no save kam insaet long biktaon ya. Bat olketa pipol wea nem blong olketa hemi stap insaet long disfala buk blong laef wea Smolfala Sipsip ya hemi garem, olketa pipol ya nao save go insaet long biktaon ya.

Revelesin 21:8

“Bat olketa pipol hu i sem long mi, an olketa hu i lusim biliv, an olketa hu i mekem olketa ravis wei, an olketa hu i kilim man dae, an olketa hu i durong wetem eniwan, an olketa hu i mekem majik, an olketa hu i wosipim olketa nara god, an olketa hu i laea tumas, olketa ya nao bae mektu dae kasem olketa. Bae olketa go long bikfala hol blong barava hot faea wea hemi bone long diskaen ston salfa.”

1 Samuel 15:22

Bat profet hemi tok olsem, “?Wanem nao Yawe hemi laekem? ?Waswe, hemi laekem yu fo obeim toktok blong hem, o fo yu mekem sakrifaes wea hemi barava bone? Fo yu obeim hem hemi moabeta winim sakrifaes. Fo yu lisin long hem hemi moabeta winim gris blong sipsip long sakrifaes.

1 Samuel 15:24

Den Sol hemi tok olsem, “!Ya, hemi tru! !Mi sin nao! Mi no obeim toktok blong Yawe an mi no falom olketa toktok blong yu tu. Mi fraet long olketa soldia blong mi, so mi duim olsem olketa laekem.