Sekaraea 9:3 - Pijin Bible

³ Olketa pipol blong Taea bin wakem strongfala sefples, an i hipimap plande silva an gol long ples blong olketa. Olketa garem plande tumas olsem dast long olketa rod.

Pijin Deuterocanon

³ Olketa pipol blong Taea bin wakem strongfala sefples, an i hipimap plande silva an gol long ples blong olketa. Olketa garem plande tumas olsem dast long olketa rod.

Sekaraea 9:3 Iomraidhean Croise

2 Samuel 24:7

Den olketa go long saot long taon long Taea wea hemi garem bikfala wolston. Bihaen, olketa go long olketa taon long lan blong Hivi, an long olketa taon long lan blong olketa narafala pipol blong Kenan. An las ples nao, olketa go kasem taon long Beereseba long distrik blong Jiuda, long saot.

1 Kings 10:21

An evri kap blong King Solomon, olketa wakem long gol. An evri narafala samting wea olketa yusim long disfala Haos long Olketa Tri blong Lebanon, olketa wakem long gol nomoa. Olketa no yusim silva fo wakem olketa samting ya bikos long taem blong Solomon, olketa tingse silva hemi samting nating nomoa.

1 Kings 10:27

Solomon hemi mekem silva fo kamap plande fogud long Jerusalem olsem ston nating nomoa. An hemi mekem timba blong sida tri hemi kamap plande fogud olsem enikaen timba wea hemi grou olobaot nomoa long olketa hil.

Stori abaotem Job 22:24

Yu mas torowem gol blong yu, ya, barava lusim nambawan gol blong yu.

Stori abaotem Job 27:16

An nomata hemi garem staka seleni, olketa stretfala pipol bae searem olketa seleni ya. Ya, nomata hemi hipimap staka kaleko, bat olketa gud pipol nao bae werem.

Stori abaotem Job 3:15

Sapos mi bin dae, ating distaem mi gohed fo slip gudfala nao olsem olketa sif hu i dae nomata olketa haos blong olketa i bin fulap long gol an silva.

Aesaea 23:11

Yawe hemi liftimap han blong hem antap long solwata, an hemi spoelem samfala kingdom an hemi haemapem olketa narafala. Hemi tokstrong mekem olketa enemi i kam fo spoelem olketa taon an olketa strongfala sefples long Fonisia.

Aesaea 23:8

Long bifoa, olketa pipol blong Taea nao i putum olketa pipol fo rul ovarem olketa narafala ples, an olketa pipol i gohed fo tinghae long olketa bisnisman blong Taea, winim olketa narafala bisnisman. !Bat yufala nating save hao nao disfala nogud samting wea hemi kasem yufala!

Esikiel 26:12

Olketa enemi ya bae i tekem olketa gudfala samting blong yufala, an olketa samting blong yufala fo salem, an karim go fo olketa. Bae olketa brekemdaon bikfala wolston blong yufala, an brekemdaon olketa haos blong yufala wea i barava luk barava spesol fogud. An bae olketa karim evri ston ya wetem olketa timba an olketa graon blong yufala, an torowem go insaet long si.

Esikiel 27:27

Taem yu singdaon long dipsi olketa gudfala kago blong yu ya, wetem olketa wakaman blong yu, an olketa kru blong yu, an olketa kapenta blong yu, an olketa bisnisman blong yu, an olketa soldia blong yu, an evriwan moa hu i stap long sip, bae evriwan ya i lus insaet long si.

Esikiel 27:33

Taem yu sendem kago blong yu fo go ovasi, olketa blong olketa narafala kantri i gohed fo peim, mekem olketa garem evrisamting wea olketa laekem. Long olketa gudfala samting wea yu garem, yu mekem olketa king fo kamap ris.

Esikiel 27:34

Bat distaem solwata hemi spoelem yu finis, an yu draon finis long dipsi. Olketa kago blong yu, an evri wakaman blong yu, i lus finis wetem yu insaet long si.

Esikiel 28:1

Yawe hemi talemaot Mesij blong hem long mi. Hemi tok olsem,

Emos 1:9

Yawe hemi tok olsem, ?Bikos olketa pipol long Taea i gohed fo sin olowe nomoa, mi mas talem tru long yufala wea bae mi panisim olketa fo disfala ravis wei blong olketa. Bikos taem olketa winim wanfala ples long faet, olketa tekem evri pipol long ples ya an salem olketa olsem slev go long olketa pipol blong Idom, an bikos olketa nating kipim nomoa agrimen wea olketa mekem fo fren gudfala wetem olketa pipol blong mi,

Josua 19:29

Disfala spialaen ya hemi tane go moa long Rama, an go kolsap long taon long Taea wea bikfala wolston nao hemi goraonem. Spialaen ya hemi tane go long Hosa an go-go hemi en long Mediterenian Si. Olketa narafala taon moa wea i stap insaet long eria ya nao: Mahalab, an Aksib,