Sekaraea 8:5 - Pijin Bible

⁵ An taon ya bae hemi fulap moa long olketa pikinini wea i stap evriwea long olketa rod an gohed fo plei.

Pijin Deuterocanon

⁵ An taon ya bae hemi fulap moa long olketa pikinini wea i stap evriwea long olketa rod an gohed fo plei.

Sekaraea 8:5 Iomraidhean Croise

Jeremaea 31:12

“Bae olketa kam antap long maonten long Saeon an singsing fo hapi. Bae olketa hapi from evri gudfala samting wea bae mi givim olketa, olsem kaikai, an gudfala waen, an oliv oel, an olketa yang sipsip, an olketa yang buluka. Bae olketa garem plande gudfala samting olsem gudfala gaden hemi garem plande gudfala wata, an bae olketa no save wikdaon moa.

Jeremaea 31:13

Olketa gele bae i dans fo hapi, an olketa yanga an olketa olo tu bae i joenem olketa. Bae mi liftimap tingting blong olketa an finisim evri sore blong olketa, mekem olketa hapi fogud.

Jeremaea 31:27

“Mi Yawe mi talem yufala tru nao. Taem bae hemi kam wea mi mekem olketa pipol an olketa animol fo kamap plande fo olketa long olketa traeb blong Israel an olketa long traeb blong Jiuda, olsem man wea hemi wakem gudfala graon, mekem plande kaikai hemi kamap.

Jeremaea 33:11

wea olketa pipol i singaot bikfala, bikos olketa barava hapi tumas. Olketa save herem tu singsing blong olketa boe an gele long fist blong marit. An olketa save herem olketa pipol wea i gohed fo karim olketa ofaring long Tambuhaos blong mi fo talem tengkiu long mi. Bae olketa singaot olsem: Yumi talem tengkiu long Yawe hu hemi garem evri paoa, bikos hemi gud tumas. Ya, bikos hemi tinghevi long yumi olowe. “Olketa samting ya hemi hapen bikos bae mi mekem disfala lan blong yufala fo gudbaek moa olsem bifoa.” Hem nao toktok blong Yawe.

Lamentesin 2:19

Long evri naet, taem olketa gad i sens, hemi gud sapos yu wekap, an krae go long Masta. Liftimap han go long hem, an askem hem fo sevem laef blong olketa pikinini. Olketa pikinini i dae long hanggre olobaot long olketa kona blong rod.

Sekaraea 2:4

An narafala enjel ya hemi tok olsem long hem, ?Yu resis go fo talem disfala yang man wea hemi holem making teip ya wea Yawe hemi tok olsem, ?Jerusalem bae hemi fulap long plande pipol an plande animol tu. Ples ya bae hemi kamap bikfala fogud, wea olketa no nid fo bildim wolston raonem.

Sekaraea 2:8

Bihaen, Yawe hu hemi garem evri paoa hemi siusim mi fo go talemaot disfala mesij abaotem olketa kantri wea i mekful long olketa pipol blong hem. Hemi tok olsem, ?Taem eniwan hemi spoelem yufala pipol blong mi, hemi olsem wea hemi spoelem nambawan spesol samting blong mi.