Sekaraea 8:4 - Pijin Bible

⁴ ?Olketa olo man an woman bae i save kam sidaon moa long olketa open ples blong datfala taon wea olketa pipol save hipap long hem. Nomata olketa olo tumas, mekem olketa mas yusim wokingstik, bae olketa fri fo wakabaot long taon.

Pijin Deuterocanon

⁴ ?Olketa olo man an woman bae i save kam sidaon moa long olketa open ples blong datfala taon wea olketa pipol save hipap long hem. Nomata olketa olo tumas, mekem olketa mas yusim wokingstik, bae olketa fri fo wakabaot long taon.

Sekaraea 8:4 Iomraidhean Croise

Stori abaotem Job 42:17

Taem hemi dae, hemi barava olo fogud.

Stori abaotem Job 5:26

Bae yu save laef gudfala go-go yu barava olo fogud, olsem kaikai blong wit wea hemi grou gudfala long gaden go kasem taem wea hemi fit fo tekemaot.

Jeremaea 31:13

Olketa gele bae i dans fo hapi, an olketa yanga an olketa olo tu bae i joenem olketa. Bae mi liftimap tingting blong olketa an finisim evri sore blong olketa, mekem olketa hapi fogud.

Jeremaea 31:24

“Nomata olketa hu i stap long taon, o olketa hu i wakem gaden, o olketa hu i lukaftarem sipsip, bae olketa stap gudfala tugeta long lan blong Jiuda an long olketa taon blong hem.

Sekaraea 2:4

An narafala enjel ya hemi tok olsem long hem, ?Yu resis go fo talem disfala yang man wea hemi holem making teip ya wea Yawe hemi tok olsem, ?Jerusalem bae hemi fulap long plande pipol an plande animol tu. Ples ya bae hemi kamap bikfala fogud, wea olketa no nid fo bildim wolston raonem.

Hibrus 12:22

Bat yufala ya, yufala kasem finis disfala maonten wea yumi kolem Saeon, disfala bikfala taon blong God hu hemi laef, wea hem nao disfala Jerusalem long heven ya. Yufala kasem ples wea plande taosen long olketa enjel nao olketa stap long hem.

1 Samuel 2:31

Ilae, yu save, i no longtaem nomoa, an bae mi kilim dae yu wetem evriwan long laen blong yu. No eniwan long olketa bae kamap olo.

1 Samuel 2:32

Olketa narafala laen long Israel bae garem blesing bat yufala bae filnogud tumas olowe, an bae no eniwan long laen blong yu i save kamap olo.