Sekaraea 8:19 - Pijin Bible

¹⁹ Hemi tok olsem, ?Olketa pipol blong Jiuda. Evri yia long mekfoa mans, an long mekfaev mans, an long mekseven mans, an long mekten mans, yufala bin mekem bikde wea yufala stop fo no kaikai. Bat distaem, olketa mans ya bae i kamap mans fo mekem fist, mekem yufala i hapi. Yufala mas laekem tumas tru toktok an stap gudfala tugeta long piis.

Pijin Deuterocanon

¹⁹ Hemi tok olsem, ?Olketa pipol blong Jiuda. Evri yia long mekfoa mans, an long mekfaev mans, an long mekseven mans, an long mekten mans, yufala bin mekem bikde wea yufala stop fo no kaikai. Bat distaem, olketa mans ya bae i kamap mans fo mekem fist, mekem yufala i hapi. Yufala mas laekem tumas tru toktok an stap gudfala tugeta long piis.

Sekaraea 8:19 Iomraidhean Croise

2 Kings 25:1

So, long meknaen yia wea King Sedekaea hemi king long Jiuda, long mekten mans long mekten de blong hem, King Nebukadnesa blong Babilonia wetem ami blong hem i kam fo faet agensim Jerusalem. Olketa ya i kam stap aotsaet long Jerusalem, an olketa hipimap graon raonem bikfala wolston blong hem, mekem olketa haed bihaenem fo faet.

2 Kings 25:25

Bat Ismael san blong Netanaea, hemi wanfala wantok blong king blong Jiuda. Long datfala yia, long mekseven mans blong hem, hemi tekem tenfala man wetem hem fo go long Mispa. Olketa kilim dae Gedalaea, an olketa kilim dae tu olketa man blong Jiuda an olketa man blong Babilonia wea i stap wetem hem long ples ya.

Esta 8:17

An long evri taon long evri provins wea olketa talemaot disfala toktok blong king, olketa Jiu i holide an i gohed fo mekem fist bikos olketa hapi tumas. An taem samting ya hemi hapen, plande long olketa narafala pipol i talem dat olketa tu i blong Jiu, bikos olketa fraetem olketa Jiu.

Esta 9:22

Hem nao tufala de wea yumi kilim dae olketa enemi blong yumi. Long datfala taem nao, yumi bin tingse bae yumi sore tumas an krae, bat hemi kamap wanfala taem wea yumi barava hapi tumas. Bae yumi mas hapi long tufala de ya, an olketa famili blong yumi mas wakem kaikai, an mas givim kaikai long olketa fren blong yumi, an long olketa pua pipol tu.”

Sams 30:11

Yu bin sensim finis sore blong mi, an yu mekem mi hapi moa an mi gohed fo dans. An yu tekemaot finis olketa ravis kaleko from mi wea hemi bin somaot sore blong mi, an yu mekem mi fo barava hapi moa.

Sams 34:15

Yawe hemi save luk go long olketa stretfala pipol, an hemi save lisin long prea blong olketa.

Aesaea 12:1

(Profet) !Olketa pipol blong mi! Long taem ya, olketa laen blong yumi bae i singim wanfala singsing wea toktok long hem hemi olsem, “!Yawe! !Mi preisim yu! Bifoa, yu bin kros long mi, bat distaem, kros blong yu ya hemi finis nao, an yu mekem mi filgud moa.

Aesaea 35:10

Ya, olketa wea Yawe hemi peimaot finis bae i wakabaot kambaek long Jerusalem. An taem olketa kambaek long Saeon, bae olketa singaot bikfala bikos olketa hapi tumas. Bae olketa nating save sore an krae moa, bikos olketa hapi olowe nomoa long ples ya.

Aesaea 51:11

Ya, olketa wea Yawe bin peimaot, bae i kambaek long Jerusalem. An taem olketa kambaek long Saeon, bae olketa singaot bikfala bikos olketa i hapi tumas. Bae olketa nating save sore an krae moa long ples ya, bikos olketa i hapi olowe nomoa.

Jeremaea 36:6

Bat long neks taem olketa pipol i makem bikde wea evriwan mas stop fo no kaikai an wea olketa kam mekem wosip long Tambuhaos ya, mi laekem yu fo go long ples ya. Mi laekem yu fo ridimaot olketa toktok ya blong Yawe wea yu bin raetemdaon taem mi talemaot long yu. Yu ridimaot long evri pipol blong Jiuda hu i hipap kam long Jerusalem from olketa ples blong olketa.

Jeremaea 39:2

An long mekleven yia long mekfoa mans long meknaen de blong hem, olketa brekemdaon haf long wolston blong taon, mekem olketa save kam insaet.

Jeremaea 52:4

So, long meknaen yia wea King Sedekaea hemi king long Jiuda, long mekten mans long mekten de blong hem, King Nebukadnesa blong Babilonia wetem ami blong hem i kam fo faet agensim Jerusalem. Olketa ya i kam stap aotsaet long Jerusalem, an olketa hipimap graon raonem bikfala wolston blong hem, mekem olketa haed bihaenem fo faet.

Esikiel 18:8

Hemi no save givim seleni long narafala man fo winim bikfala intres long hem. Oltaem hemi nating laek fo duim eni rong samting. Hemi save jaj long stretfala wei.

Esikiel 24:1

Long mekten de long mekten mans long meknaen yia from taem wea olketa bin fosim mifala fo kam stap long Babilonia, Yawe hemi talemaot Mesij blong hem long mi. Hemi tok olsem,

Sekaraea 7:5

?Sekaraea. Yu mas askem olketa prist an olketa pipol blong disfala lan olsem: Long las seventi yia, long mekfaev mans blong evri yia, an long mekseven mans tu, yufala bin gohed fo stop fo no kaikai an fo sore an krae. ?Waswe, yufala bin gohed fo duim olsem fo mekhae long mi? Nomoa.

Sekaraea 8:16

?Olketa samting wea yufala mas duim hemi olsem: Yufala mas tok tru long olketa narafala pipol olowe. Taem yufala jajem pipol long kot, yufala mas jaj long stretfala wei.

Sekaraea 8:18

Narataem moa Yawe hu hemi garem evri paoa, hemi talemaot Mesij blong hem long mi.

Sekaraea 8:3

?Mi talem yufala tru nao: Bae mi gobaek moa long Jerusalem, an bae mi stap antap long maonten long Saeon. Bae olketa pipol i save tok olsem, ?Jerusalem hemi taon wea olketa pipol i tinghevi olowe nomoa long Yawe.? An maonten blong Yawe hu hemi garem evri paoa, bae olketa kolem hem ?Tambu Maonten.?

Revelesin 22:15

Bat olketa nara pipol moa olketa no save go insaet. Hem nao olketa hu i falom olketa ravis wei, an olketa hu i gohed fo mekem majik, an olketa hu i durong wetem eniwan, an olketa hu i kilim man dae, an olketa hu i gohed fo wosipim olketa narafala god, an olketa hu i save laea tumas long toktok an long laef blong olketa.