Sekaraea 8:14 - Pijin Bible

¹⁴ ?Taem olketa grani blong yufala i mekem mi kros, mi mekem plan fo letem trabol hemi kam kasem olketa, an mi mekem samting ya fo hapen.

Pijin Deuterocanon

¹⁴ ?Taem olketa grani blong yufala i mekem mi kros, mi mekem plan fo letem trabol hemi kam kasem olketa, an mi mekem samting ya fo hapen.

Sekaraea 8:14 Iomraidhean Croise

2 Kronikols 36:16

Bat olketa gohed fo mekfan long olketa profet ya, an olketa les long toktok blong olketa. Olketa gohed fo tokspoelem olketa, go-go Yawe hemi kros fogud long olketa, mekem no eni wei fo sevem olketa hemi stap.

Sams 33:11

Bat olketa plan blong Yawe i gohed fo stap strong olowe. Ya, plan blong hem hemi no save finis.

Aesaea 14:24

Yawe hu hemi garem evri paoa hemi mekem wanfala strongfala promis olsem, “!Plan blong mi bae hemi mas kam tru! !Evrisamting wea mi laek fo duim, bae hemi mas hapen nao!

Jeremaea 20:16

Mi laekem trabol fo kasem man ya olsem trabol hemi kasem olketa taon wea Yawe hemi bin spoelem nogud. Mi laekem hem fo herem olketa pipol krae long moning an olketa enemi singaot long midol long de.

Jeremaea 29:11

Mi talem yufala tru nao. Yufala mas save dat mi mekem finis gudfala plan fo yufala. Mi laek fo yufala stap gudfala olowe, mekem trabol no save kasem yufala. Mi laekem yufala fo trastem mi fo mekem laef blong yufala fo kamap gudfala moa.

Jeremaea 31:28

Bifoa, mi bin lukaftarem olketa taem mi tekemaot olketa from lan blong olketa, an brekemdaon olketa, an spoelem olketa finis, an tekova long olketa. Long sem wei tu, bae mi lukaftarem olketa gudfala taem mi bildimbaek olketa moa, an putumbaek olketa moa olsem man hemi plantem kaikai long gaden blong hem.” Hem nao mesij blong Yawe.

Jeremaea 32:42

Hem nao Yawe hemi tok olsem, “Mi seleva nao mekem disfala bikfala trabol fo kasem olketa. An bae mi seleva nao givim olketa gudfala samting barava olsem mi promisim olketa, mekem olketa garem barava gudfala laef.

Jeremaea 4:28

Bae evrisamting long disfala wol hemi krae, an bae skae ya hemi kamap tudak. Bikos hem nao toktok blong mi an plan blong mi, wea bae mi no save sensim moa tingting blong mi.”

Esikiel 24:14

“Mi Yawe nao mi tok. Hemi kasem taem nao fo mi duim samting wea mi bin talem. Bae mi no sore long yufala nao an mi no sensim moa tingting blong mi. Bae mi mas panisim yufala nao fitim olketa ravis wei blong yufala an olketa ravis samting wea yufala bin duim. Hem nao mesij blong mi Lod Yawe.”

Sekaraea 1:2

?Mi Yawe mi bin barava kros long olketa olo blong yufala.

Sekaraea 1:6

Bat olketa toktok an olketa woning wea mi talem olketa profet ya hu i wakaman blong mi bifoa, fo talemaot long olketa grani blong yufala, olketa les fo lisin long toktok ya. An from samting ya, mi bin panisim olketa. ?Den olketa lusim olketa ravis wei ya blong olketa, an olketa tok olsem, ?Yawe hu hemi garem evri paoa, hemi stret nomoa fo hemi panisim yumi from olketa ravis wei blong yumi. Olketa samting ya, hemi planem finis olsem bae hemi mas hapen, an olketa hapen finis olsem wea hemi talem.??