Sekaraea 7:2 - Pijin Bible

^2-3 Long datfala taem, olketa pipol blong Betel i bin sendem Saresa an Regem-Melek wetem olketa man blong tufala fo go long Tambuhaos blong Yawe hu hemi garem evri paoa. Olketa askem kuestin long olketa prist an profet long Tambuhaos olsem, ?Oltaem yumi bin gohed fo kipim kastom fo stop fo no kaikai an fo sore an krae long mekfaev mans long evri yia. ?Waswe, hemi gud fo mifala gohed fo duim samting ya, o nomoa??

Pijin Deuterocanon

^2-3 Long datfala taem, olketa pipol blong Betel i bin sendem Saresa an Regem-Melek wetem olketa man blong tufala fo go long Tambuhaos blong Yawe hu hemi garem evri paoa. Olketa askem kuestin long olketa prist an profet long Tambuhaos olsem, ?Oltaem yumi bin gohed fo kipim kastom fo stop fo no kaikai an fo sore an krae long mekfaev mans long evri yia. ?Waswe, hemi gud fo mifala gohed fo duim samting ya, o nomoa??

Sekaraea 7:2 Iomraidhean Croise

1 Kings 13:6

Nao king hemi tok long man blong God olsem, “Plis, yu prea go long Yawe, God blong yu, fo mekem han blong mi gudbaek moa.” So man ya hemi prea go long Yawe, an han blong king hemi gudbaek moa.

Esra 2:28

Blong Betel an Ai: 223.

Esra 6:10

Yufala mas givim olketa samting ya, mekem olketa save ofarem olketa sakrifaes go long God ya long heven mekem hemi hapi long olketa, an olketa save prea long hem fo hemi blesim mi wetem olketa pikinini blong mi.

Eksodas 32:11

Bat Mosis hemi trae fo sensim tingting blong Yawe, God blong hem, an hemi tok olsem, “Lod Yawe. ?Waswe nao yu kros tumas olsem, an yu laek fo spoelem olketa? Olketa pipol ya i pipol blong yu, an yu seleva nao bin tekem olketa kamaot from Ijip, long bikfala paoa blong yu.

Aesaea 60:7

Bae olketa tekem kam olketa nambawan sipsip from Kedaa an Nebaeot, an bae Yawe hemi hapi fo olketa sakrifaesim antap long olta blong hem. An bae Yawe hemi haemapem Tambuhaos blong hem mekem evri pipol long wol save mekhae long hem.

Jeremaea 26:19

“?Waswe, long datfala taem, King Hesekaea wetem olketa pipol blong Jiuda i kilim dae Profet Maeka from toktok blong hem? Nomoa nao. King ya hemi tinghae long Yawe, an hemi prea long hem fo hemi helpem olketa. An from disfala samting, Yawe hemi stop fo no spoelem olketa, olsem hemi planem finis fo duim. !Bat yumi ya, kolsap yumi mekem bikfala trabol fo kam kasem yumi!”

Sekaraea 6:10

?Yu tekem olketa presen wea Heldae, an Tobaeja, an Jedaea i givim long yu, an yu go kuiktaem long haos blong Josaea, san blong Sefenaea. Trifala ya i jes kambaek from Babilonia, ples wea olketa enemi bin fosim trifala fo stap long hem.

Sekaraea 8:21

Long taem ya, bae olketa pipol blong wanfala taon i save tok olsem long olketa pipol blong narafala taon, ?Distaem mifala go fo prea an wosipim Yawe hu hemi garem evri paoa, mekem hemi blesim mifala. Hemi gud fo yufala kam wetem mifala, mekem yumi go tugeta.?

1 Samuel 13:12

An hemi luk olsem hemi no longtaem bifoa olketa kam faetem mi moa long hia. An bikos mi nating mekem enisamting yet fo Yawe hemi hapi long mi, hem nao mi mas ofarem disfala sakrifaes wea hemi barava bone.”