Sekaraea 6:3 - Pijin Bible

³ Mektri kaat, olketa waet hos nao i pulum, an las kaat, olketa hos wea kala blong tufala i olsem asis nao olketa pulum. Olketa hos evriwan i strong tumas.

Pijin Deuterocanon

³ Mektri kaat, olketa waet hos nao i pulum, an las kaat, olketa hos wea kala blong tufala i olsem asis nao olketa pulum. Olketa hos evriwan i strong tumas.

Sekaraea 6:3 Iomraidhean Croise

Jenesis 31:10

“Long taem wea olketa mere nanigot i letem man nanigot fo klaemapem olketa, mi lukim wanfala drim. Nao long drim ya mi lukim olketa man nanigot ya wea i gohed fo klaemapem olketa merewan ya, olketa i blak bat olketa garem waet mak olobaot long bodi blong olketa. Samfala long olketa garem olketa waet laen long bodi blong olketa, an samfala long olketa garem olketa bikfala waet mak long bodi blong olketa, an samfala long olketa garem olketa smolfala waet mak olobaot long bodi blong olketa.

Daniel 2:33

Tufala lek blong hem olketa wakem long aean wea hemi strong tumas, an tufala lek blong hem long daon olketa wakem long aean wea olketa miksim wetem red graon.

Sekaraea 1:8

Long naet, mi lukim wanfala spesol drim. An long disfala spesol drim, mi lukim wanfala enjel blong Yawe wea hemi sidaon long wanfala red hos. Disfala hos hemi stanap long wanfala smolfala vali, long midol long olketa smolfala tri wea olketa kolem matel. An mi lukim dat olketa narafala man long hos tu i stanap bihaen long red hos ya, an olketa narafala hos i red, an braon, an waet.

Revelesin 19:11

Den mi lukim moa heven hemi open, an mi lukim wanfala waet hos. An man hu hemi sidaon antap long hos ya, nem blong hem: “Kipim Promis an Tru Toktok.” Taem hemi jajem pipol an go long faet tu, wei blong hem hemi barava stret.

Revelesin 20:11

Den mi lukim wanfala bikfala tron wea hemi waet fogud, an mi lukim tu God hu hemi sidaon long hem. An wol wetem skae tufala ranawe from God, an no eniwan save faendem tufala long eni ples.

Revelesin 6:2

Mi luk go nomoa, an mi lukim wanfala waet hos hemi kamaot. An man wea hemi sidaon antap long hem, hemi holem wanfala bou an aro, an olketa givim hem wanfala kraon fo putum long hed blong hem. Hemi raed go long hos ya olsem man hu hemi winim faet finis, an hemi go fo winim nara faet blong hem moa.

Revelesin 6:8

Mi luk go moa, an mi lukim wanfala hos hemi kamaot wea kala blong hem hemi luknogud, olsem hemi dae finis. An man hu hemi sidaon antap long hem, nem blong hem “Dae”, an narawan wea hemi kam wetem hem, nem blong hem “Ples blong man dae.” An God hemi givim paoa long tufala fo kilim dae smolfala haf long olketa pipol long wol. Tufala save kilim olketa dae, long olketa samting olsem bikfala faet an taem blong hanggre an olketa nogud siknis an olketa wael animol.