Sekaraea 6:11 - Pijin Bible

¹¹ Yu tekem olketa silva an gol wea trifala givim long yu, an yu wakem wanfala spesol kraon long hem. Den yu go putum long hed blong Haeprist Josua, san blong Jehosadak.

Pijin Deuterocanon

¹¹ Yu tekem olketa silva an gol wea trifala givim long yu, an yu wakem wanfala spesol kraon long hem. Den yu go putum long hed blong Haeprist Josua, san blong Jehosadak.

Sekaraea 6:11 Iomraidhean Croise

2 Samuel 12:30

Long taon ya, wanfala tambu kaving blong god olketa kolem Milkom hemi stap. Long hed blong hem, wanfala kraon hemi stap, an olketa wakem kraon ya long gol. Hevi blong kraon ya hemi kasem teti-foa kilo, an hemi garem olketa nambawan spesol ston. King Deved hemi tekemaot kraon ya, an olketa putum hem long hed blong hem. An hemi tekemaot plande narafala samting tu from taon ya.

Esra 10:18

Hem nao list long olketa prist hu bin maritim olketa hiden woman: Long famili blong Jesua, san blong Josadak, wetem olketa brata blong hem: Maasea, an Eliesa, an Jarib, an Gedalaea.

Esra 3:2

Nao Haeprist Jesua, san blong Jehosadak, wetem olketa narafala prist, an Serababel, san blong Sealtiel, wetem olketa long laen blong hem, olketa wakembaek moa olta blong God blong Israel, mekem olketa save bonem olketa sakrifaes long hem, barava falom wei wea hemi stap long Lo blong Mosis, man blong God.

Sams 21:3

Yu kam long hem, an yu givim olketa gudfala samting long hem. Yu wakem wanfala kraon long gol, an yu putum long hed blong hem.

Eksodas 29:6

Yu mas putum spesol hat blong hae prist long hed blong hem, an yu mas tekem disfala tambu gol medol an fasenem long frant blong hat ya.

Eksodas 39:30

Olketa tekem wanfala smol pis long nambawan gol, an wakem wanfala medol long hem. Olketa hamarem flat gudfala, an katem toktok olsem antap long hem, “Mektambu fo Yawe.”

Nambawan Singsing 3:11

!Kam, yufala woman blong maonten long Saeon! !Kam lukim King Solomon! Hemi werem kraon blong king wea mami blong hem hemi bin putum long hed blong hem, long de wea hemi marit, an hemi hapi an filgud tumas.

Levitikas 8:9

An hemi tekem spesol hat blong hae prist an putum long hed blong Eron, an long frant long hat hemi hangem disfala tambu gol medol. Evrisamting nao, hemi duim barava olsem wea Yawe hemi bin talem long hem.

Hagae 1:1

Long mektu yia wea Darias hemi king long Pesia, long fas de blong meksiks mans long hem, Yawe hemi talemaot Mesij blong hem long Profet Hagae, mekem hemi go talemaot long gavna blong Jiuda, Serababel, san blong Sealtiel, an long Haeprist Josua, san blong Jehosadak.

Hagae 1:14

Nao Yawe hemi mekem Gavna Serababel, an Haeprist Josua, an olketa people long dea fo tingting strong long mesij ya. So olketa stat fo bildimbaek moa Tambuhaos blong Yawe hu hemi garem evri paoa.

Hagae 2:4

Bat yu Serababel, yu mas strongim tingting blong yu seleva. An yu Josua, yu mas strongim tingting blong yu seleva. Yufala evriwan long disfala ples, yufala mas strongim tingting blong yufala seleva. Mi Yawe hu mi garem evri paoa, mi talem stret long yufala nao: Mi laekem yufala evriwan fo waka, bikos mi stap wetem yufala.

Sekaraea 3:1

Mi lukim narafala spesol drim moa wea Yawe hemi som long mi. Long spesol drim ya, mi lukim Haeprist Josua hemi stanap frant long Enjel blong Yawe. An Seitan tu hemi stanap long dea, long raet saet blong hae prist, an hemi redi fo talemaot samfala poen fo agensim hem.

Sekaraea 3:5

Den mi tu mi tok olsem, ?Letem olketa putum spesol hat blong hae prist long hed blong hem.? So olketa putum spesol hat long hed blong hem, an mekem hae prist fo werem niufala kaleko ya, an Enjel blong Yawe hemi lukim.

Sekaraea 6:14

An disfala kraon bae hemi stap olowe long Tambuhaos blong Yawe olsem wanfala memori fo tinghae long Heldae, an Tobaeja, an Jedaea, an Josaea, san blong Sefenaea.?

Hibrus 2:9

Bat Jisas nao hemi garem olketa paoa. Fo lelebet taem, God hemi mekem hem fo stap lou andanit long olketa enjel, mekem hemi somaot kaenfala lav blong God taem hemi sensim evri pipol an dae. An bikos hemi safa tumas an dae, God hemi liftimap nem blong hem an givim hem saen blong bikfala paoa blong hem.

Revelesin 19:12

Ae blong hem hemi laet olsem faea, an hemi garem plande kraon long hed blong hem. Wanfala nem hemi stap long bodi blong hem, bat hem seleva nomoa hemi save long nem ya an no eniwan moa hemi save.

Revelesin 6:2

Mi luk go nomoa, an mi lukim wanfala waet hos hemi kamaot. An man wea hemi sidaon antap long hem, hemi holem wanfala bou an aro, an olketa givim hem wanfala kraon fo putum long hed blong hem. Hemi raed go long hos ya olsem man hu hemi winim faet finis, an hemi go fo winim nara faet blong hem moa.