Sekaraea 5:6 - Pijin Bible

⁶ An mi askem hem olsem, ??Watkaen samting nao ya?? Nao hemi ansa olsem, ?Wanfala bikfala basket fo mesarem samting nao. Hem nao saen long sin blong olketa pipol long disfala lan.?

Pijin Deuterocanon

⁶ An mi askem hem olsem, ??Watkaen samting nao ya?? Nao hemi ansa olsem, ?Wanfala bikfala basket fo mesarem samting nao. Hem nao saen long sin blong olketa pipol long disfala lan.?

Sekaraea 5:6 Iomraidhean Croise

Levitikas 19:36

Taem yufala skelem hevi blong samting, o yufala mesarem haomas lita blong samting, yufala mas duim long wei wea hemi stret fogud, bikos mi nao Yawe, God blong yufala, an mi nao mi tekem yufala aot from Ijip.

Emos 8:4

(Profet) !Yufala olketa bisnisman hu i spoelem olketa pua pipol an daonem olketa hu i no garem enisamting! !Yufala lisin gudfala!

Emos 8:5

Oltaem yufala talem olsem, ??Wataem nao bae olketa Bikde blong Niu Mun hemi finis, mekem yumi salem olketa wit blong yumi? Hemi gud tumas sapos Sabat de hemi finis kuiktaem, mekem yumi save salem moa evrisamting blong yumi. An bae yumi apem olketa praes blong yumi an taetem olketa skel fo ravem gudfala long olketa hu i pei long yumi.

Emos 8:6

Nomata olketa wit wea hemi nogud finis, bae yumi apem praes blong olketa. Bae yumi peim kaon blong olketa pua pipol ya, an nomata man hu hemi kaonem nomoa tufala saet sandol, bae yumi peim tu kaon blong hem. Sapos yumi duim olsem, bae yumi save fosim olketa fo waka olsem slev fo yumi.?

Maeka 6:10

Long evri haos blong olketa nogud pipol, olketa garem plande gudfala samting wea olketa winim long wei wea hemi no stret. An long evri stoa blong olketa evriwan, olketa garem raverave skel an kap fo mesarem olketa samting. Wei ya hemi nogud tumas, an mi barava les long hem.

Sefenaea 1:9

Bae mi panisim evriwan wea i falom kastom blong wosip blong olketa hiden pipol. An bae mi panisim olketa hu i stil, an kilim man dae, mekem olketa fulumap haos blong masta blong olketa long staka samting.

Sekaraea 5:7

An mi lukim basket ya hemi garem kava wea olketa wakem long led. An taem mi lukluk yet, kava ya hemi open, an den mi sapraes fo lukim wanfala woman hemi sidaon insaet.