Sekaraea 3:5 - Pijin Bible

⁵ Den mi tu mi tok olsem, ?Letem olketa putum spesol hat blong hae prist long hed blong hem.? So olketa putum spesol hat long hed blong hem, an mekem hae prist fo werem niufala kaleko ya, an Enjel blong Yawe hemi lukim.

Pijin Deuterocanon

⁵ Den mi tu mi tok olsem, ?Letem olketa putum spesol hat blong hae prist long hed blong hem.? So olketa putum spesol hat long hed blong hem, an mekem hae prist fo werem niufala kaleko ya, an Enjel blong Yawe hemi lukim.

Sekaraea 3:5 Iomraidhean Croise

Stori abaotem Job 29:14

Long datfala taem, stretfala wei hemi olsem kaleko blong mi, an wei fo mekem evrisamting stret, hemi olsem kaleko wea mi werem olowe.

Eksodas 29:6

Yu mas putum spesol hat blong hae prist long hed blong hem, an yu mas tekem disfala tambu gol medol an fasenem long frant blong hat ya.

Aesaea 61:10

Bae olketa pipol blong Jerusalem i tok olsem, “Long evri tingting blong mifala, mifala hapi tumas dat Yawe hemi God blong mifala. Wei wea hemi sevem mifala an mekem mifala fo falom stretfala wei blong hem, hemi mekem mifala hapi fogud, an mifala i olsem nao boe an gele hu i werem spesol kaleko an redi fo marit.

Esikiel 42:14

Taem olketa prist i finisim waka blong Yawe insaet long Tambuhaos blong hem, olketa mas aotem evri tambu kaleko insaet long olketa rum ya, an werem olketa narafala kaleko, bifoa olketa save go aotsaet fo ples wea olketa pipol i hipap long hem. Olketa tambu kaleko ya mas stap nomoa insaet long tambu ples.”

Sekaraea 3:6

Enjel blong Yawe hemi tok moa long Josua olsem,

Sekaraea 6:11

Yu tekem olketa silva an gol wea trifala givim long yu, an yu wakem wanfala spesol kraon long hem. Den yu go putum long hed blong Haeprist Josua, san blong Jehosadak.

Revelesin 4:10

tuenti-foa bikman ya olketa nildaon long frant long man hu hemi laef oltaem an hemi no save dae, an hemi sidaon long tron ya. An olketa mekhae long hem an putumdaon olketa kraon blong olketa long frant long tron ya, an olketa gohed fo singsing olsem,

Revelesin 4:4

An raonem tron ya tu, tuenti-foa nara tron hemi stap. Nao long olketa tron ya mi lukim tuenti-foa bikman nao sidaon long olketa. An olketa werem olketa waet kaleko an olketa werem gol kraon.