Sekaraea 2:9 - Pijin Bible

⁹ Mi nomoa bae mi faet agensim olketa, mekem yufala hu i slev blong olketa i save kamap strong fo spoelem olketa.? Long wei ya nao, bae yufala pipol blong Jerusalem save dat Yawe hu hemi garem evri paoa nao, hemi bin sendem mi olsem profet blong hem.

Pijin Deuterocanon

⁹ Mi nomoa bae mi faet agensim olketa, mekem yufala hu i slev blong olketa i save kamap strong fo spoelem olketa.? Long wei ya nao, bae yufala pipol blong Jerusalem save dat Yawe hu hemi garem evri paoa nao, hemi bin sendem mi olsem profet blong hem.

Sekaraea 2:9 Iomraidhean Croise

Aesaea 10:32

Olketa enemi ya i kasem taon long Nob an liftimap han blong olketa fo mekfan go long Tambu Maonten long Saeon long Jerusalem.

Aesaea 11:15

Bae Yawe hemi mekem Red Si fo kamap barava drae, an bae hemi mekem hot win fo blou long Yufretis Riva, go-go hemi barava drae. Bae hemi divaedem riva ya long sevenfala smolfala haf mekem hem isi fo olketa pipol save wakabaot akros long hem.

Aesaea 12:6

!Yumi olketa pipol blong Saeon, yumi mas singaot bikfala! !Yumi mas singsing bikos yumi hapi! Bikos Holi God blong yumi long Israel, hemi garem bikfala paoa, an hemi stap wetem yumi nao.”

Aesaea 13:2

Yawe hemi tok olsem, “Yufala putumap flag wea hemi saen blong faet, antap long hil wea hemi no garem eni tri long hem. Yufala mas singaot go long olketa soldia blong yufala, an givim saen long olketa fo kam an faetem olketa bikman.

Aesaea 14:2

Olketa pipol blong plande narafala kantri bae i helpem yumi fo kambaek long disfala lan wea Yawe bin givim long yumi. An long taem ya, bae olketa pipol blong olketa narafala kantri i kamap slev blong yumi. Long bifoa, olketa ya i winim yumi an holem lan ya an rul ovarem yumi. Bat bae yumi winim olketa an rul ovarem olketa.

Aesaea 19:16

(Profet) Long datfala taem, bae olketa pipol blong Ijip i fraet olsem olketa woman nomoa. Olketa seksek bikos Yawe hu hemi garem evri paoa bae hemi liftimap han blong hem fo panisim olketa.

Aesaea 26:1

(Profet) Long taem ya, yumi evriwan long Jiuda bae i singim disfala singsing wea hemi olsem: !Yumi garem strongfala taon! An wei wea God hemi sevem yumi, hemi olsem wanfala bikfala wolston wea hemi raonem yumi fo gadem yumi.

Aesaea 33:1

(Profet) !Sore tumas long yufala hu i spoelem olketa narafala pipol! Yufala gohed fo duim diswan bikos no eniwan bin spoelem yufala yet. !Sore tumas long yufala hu i agensim olketa fren blong yufala! Yufala gohed fo duim diswan bikos no eniwan bin barava agensim yufala yet. Bat taem wea yufala spoelem evriwan finis, bae olketa spoelem yufala tu. An taem wea yufala bin agensim evri fren blong yufala, bae olketa narawan moa i agensim yufala tu.

Aesaea 33:21

Long ples ya nao, bae Yawe hu hemi strongfala God blong yumi hemi stap long hem. An bae hemi gadem yumi olsem wanfala bikfala riva wea hemi stap raonem yumi, an no eni sip blong olketa enemi save kam kolsap long yumi.

Aesaea 33:23

Distaem yufala long Jiuda i olsem wanfala sip wea olketa rop blong hem hemi nogud finis an olketa no save holestrong nao long mast long hem. Olketa seil blong hem tu hemi slak nomoa. Bat long taem wea bae hemi kam, bae yufala i kamap strong an save tekem plande gudfala samting from olketa enemi. An nomata man wea lek blong hem hemi dae, hem tu save karim go olketa gudfala samting.

Aesaea 4:5

Long de, Yawe bae hemi sendem klaod olsem smok fo kavarem antap long maonten long Saeon wetem olketa pipol hu i mit fo mekem wosip long hem, an long naet bae hemi sendem faea. Bae hemi kavarem olketa wetem bikfala paoa blong hem olsem wea hemi putumap wanfala haostent.

Aesaea 48:16

“Yufala kam kolsap long mi, an lisin gudfala long wanem mi talem. Stat kam long bifoa yet, mi nating save tokhaed. Oltaem nomoa mi save mekem olketa toktok blong mi fo kamap tru.” (Profet) Lod Yawe hemi givim finis paoa blong hem long mi, an hemi sendem mi nao fo talemaot olketa toktok blong hem.

Aesaea 60:18

Bae yufala no save herem moa noes blong faet insaet long kantri blong yufala. An olketa enemi i no save kam moa fo spoelem ples blong yufala. Bae mi lukaftarem yufala an gadem yufala, olsem wanfala bikfala wolston wea hemi stap raonem yufala. An long taem ya, bae yufala preisim mi, bikos mi bin sevem yufala.

Aesaea 60:19

Bae san hemi no laet moa fo yufala long de, an mun bae hemi no laet moa fo yufala long naet. Bat mi Yawe nao, bae mi laet blong yufala fo evritaem olowe nao. Ya, laet long saen blong bikfala paoa blong mi hu mi God blong yufala, bae hemi saen kam long yufala olowe.

Jeremaea 27:7

Evri kantri long wol ya, bae i stap andanit long paoa blong hem. An bihaen, bae olketa stap andanit long paoa blong san blong hem, an bihaen moa, bae i stap andanit long paoa blong grani blong hem, go-go kasem taem wea mi makem fo hemi finis. Long taem ya, bae olketa narafala kantri i strong moa winim Babilonia, an mekem datfala kantri hemi stap andanit long paoa blong olketa ya.

Jeremaea 28:9

Bat eni profet hu hemi gohed fo talemaot profesi abaotem taem blong piis, bae pipol save bilivim nomoa hemi barava profet wea Yawe hemi sendem, sapos olketa profesi hemi hapen barava olsem wea hemi talem.”

Jeremaea 8:19

!Lisin kam! From olketa farawe ples nao, mi herem olketa pipol blong mi. Olketa gohed fo kraeaot olsem, “?Waswe, Yawe hemi no stap moa long maonten long Saeon? ?King blong ples ya, hemi no stap yet long dea?” An Yawe hemi tok olsem, “?Waswe nao yufala gohed fo mekem mi kros long wei wea yufala mekem wosip long olketa narafala god wea i kanduit helpem yufala?”

Esikiel 39:10

Ya, bae olketa no nid fo lukaotem faeawud moa, an no nid fo go long bus fo katemdaon olketa tri, bikos olketa save yusim nomoa olketa wepon ya. An bae olketa tekem gudfala samting from olketa enemi hu bin tekem gudfala samting from olketa. Hem nao mesij blong mi Lod Yawe.”

Joel 2:27

Nao yufala blong Israel, bae yufala savegud dat mi nao Yawe hu mi God blong yufala, an mi stap wetem yufala. No eni narafala god moa hemi stap. Yufala pipol blong mi, no eniwan bae hemi meksem moa long yufala.”

Habakuk 2:17

Kolsap evri tri long Lebanon nao, yufala bin katemdaon. Long sem wei tu, bae Yawe hemi spoelem yufala evriwan. Yufala bin kilim dae plande animol long ples ya, bat bae yufala fraet tumas taem Yawe hemi panisim yufala. Hemi panisim yufala olsem bikos yufala bin gohed fo kilim dae plande pipol, an barava spoelem olketa lan, an olketa taon, an olketa pipol hu i stap long olketa.

Habakuk 2:8

Yufala bin gohed fo tekem evrisamting blong olketa pipol long plande narafala kantri, an yufala bin gohed fo kilim dae plande pipol, an barava spoelem olketa lan, an olketa taon, an olketa pipol hu i stap long olketa. From olketa samting ya nao, olketa hu i laef yet bae i winim yufala, an tekem evrisamting blong yufala.

Sefenaea 3:15

Yawe hemi finisim panis blong yufala. Ya, hemi ronem olketa enemi. King Yawe blong Israel hemi stap wetem yufala, an no enisamting save mekem yufala fraet moa.

Sekaraea 2:11

Long datfala taem, plande pipol long olketa narafala kantri bae i kam long mi Yawe, fo joen wetem yufala pipol blong mi, an bae mi stap wetem yufala.? Long wei ya nao, bae yufala save dat Yawe hu hemi garem evri paoa, hemi sendem mi kam long yufala.

Sekaraea 2:8

Bihaen, Yawe hu hemi garem evri paoa hemi siusim mi fo go talemaot disfala mesij abaotem olketa kantri wea i mekful long olketa pipol blong hem. Hemi tok olsem, ?Taem eniwan hemi spoelem yufala pipol blong mi, hemi olsem wea hemi spoelem nambawan spesol samting blong mi.

Sekaraea 4:9

?Serababel hem seleva nao hemi putum faondesin blong Tambuhaos ya, an bae hem seleva nao hemi finisim tu waka long haos ya. Distaem samfala pipol i tingdaonem olketa smolfala samting wea olketa wakaman i duim, bikos waka ya hemi gohed slou nomoa. Bat taem olketa lukim dat Serababel nao hemi mekem las ston blong Tambuhaos ya fo hemi stret, bae olketa hapi tumas.? Den mi gohed fo tok olsem, ?Serababel, taem olketa samting ya i hapen, bae yu save dat Yawe hu hemi garem evri paoa hemi sendem mi long yufala.? Nao enjel ya hemi ansarem kuestin blong mi olsem, ?Sevenfala lam ya i olsem sevenfala ae blong Yawe, wea i save lukluk long evri ples long disfala wol.?

Sekaraea 6:15

(Profet) Olketa pipol wea i stap farawe, bae i kam fo help fo bildimbaek moa Tambuhaos blong Yawe. Hem nao bae yufala save dat Yawe hu hemi garem evri paoa, hemi sendem mi kam long yufala. Hemi God blong yumi, an sapos yufala wakahad fo obeim hem, bae evrisamting ya hemi mas hapen olsem nao.

Sekaraea 9:15

Yawe hu hemi garem evri paoa, bae hemi gadem olketa pipol blong hem olsem wanfala sil. Bae olketa kilim an winim olketa enemi blong olketa wea i slingim ston long olketa. Taem olketa win, bae olketa mekem fist an dring, mekem olketa singaot bikfala olsem pipol wea i drang. Bae olketa fulap tumas, olsem olketa besin wea i yusim fo tekem go blad blong olketa sakrifaes fo kapsaetem go long olta.

Gudnius abaotem Jisas Kraes wea Jon hemi raetem 13:19

Mi talem long yufala distaem nao wanem bae hemi hapen, mekem taem hemi hapen bae yufala biliv wea ‘Mi nao Mi Stap Olowe’.

Gudnius abaotem Jisas Kraes wea Jon hemi raetem 16:4

Bat mi talem olketa samting ya long yufala nao, mekem taem olketa stat fo duim olketa samting ya long yufala, bae yufala tingimbaek olketa samting wea mi talem long yufala finis ya.” Jisas hemi toktok moa olsem, “Olketa samting ya, mi no talem long yufala bifoa bikos mi stap yet wetem yufala long taem ya.