Sekaraea 14:7 - Pijin Bible

⁷ Bae no eni narafala de olsem datfala de. Bae no eni delaet an no eni tudak. Bat long ivining, bae laet hemi kam moa. An Yawe nomoa hemi save hao nao disfala de hemi save kamap.

Pijin Deuterocanon

⁷ Bae no eni narafala de olsem datfala de. Bae no eni delaet an no eni tudak. Bat long ivining, bae laet hemi kam moa. An Yawe nomoa hemi save hao nao disfala de hemi save kamap.

Sekaraea 14:7 Iomraidhean Croise

Sams 37:18

Yawe hemi gohed fo lukaftarem olketa wea i gohed fo obeim hem, an oltaem bae olketa onam lan wea hemi bin promisim fo olketa.

Aesaea 11:9

Long disfala Tambu Maonten long Saeon, olketa pipol bae i nating save spoelem olketa samting, bikos disfala wol bae hemi fulap long pipol hu i barava savegud long Yawe, olsem si hemi fulap long solwata.

Aesaea 24:23

Long datfala taem tu, san an mun bae i no saen moa, bikos Yawe hu hemi garem evri paoa hemi rul olsem king. Bae hemi rul ovarem Jerusalem antap long Tambu Maonten long Saeon, an olketa lida blong yumi bae i lukim saen long bikfala paoa blong hem.

Aesaea 30:26

Long naet, bae mun hemi saen olsem san, an long de, bae san hemi saen strong sevenfala taem moa. Olketa samting ya bae hemi hapen taem Yawe hemi mekem gudbaek moa olketa soa wea hemi yusim fo panisim olketa pipol blong hem.

Aesaea 45:21

Yufala kam an talemaot olketa toktok blong yufala, olsem insaet long kot. Yufala save toktok tugeta fastaem fo stretem tingting blong yufala. ?Yufala tingse hu nao hemi talemaot olketa samting ya longtaem bifoa olketa jes hapen? ?Waswe, yufala no save? !Mi Yawe nao! Mi God hu mi stret olowe, an mi nao mi sevem yufala. !No eni narafala god moa hemi stap, wea hemi olsem mi!

Aesaea 58:10

an sapos yufala givim kaikai go long olketa hu i hanggre, an sapos yufala helpem olketa hu i garem trabol, bae mi helpem yufala. “Ya, sapos yufala duim olsem, bae mi mekem disfala tudak wea hemi stap raonem yufala fo kamap olsem delaet long midol long de.

Aesaea 9:7

Wei blong hem fo rul, bae hemi kamap gudfala moa. An ples wea hemi rul ovarem, bae hemi garem piis olowe. Ya, bae hemi kamap wanfala king long laen blong King Deved. Paoa blong hem an stretfala wei blong hem fo jajem pipol, bae hemi gohed olowe nao. Lod Yawe yu garem evri paoa, an strongfala tingting blong yu nao bae hemi mekem evrisamting ya fo hapen.

Jeremaea 30:7

!Man! Datfala taem bae hemi barava had tumas. No eni narafala de moa hemi had olsem. Bae hemi barava taem blong trabol fo laen blong Israel, bat bae i no lus finis.

Daniel 12:4

Nao hemi tok olsem long mi, “Daniel, yu satem buk ya an putum wanfala mak long hem fo hemi staphaed go-go kasem las de ya. An long taem ya tu, bae plande pipol i gohed fo go olobaot fo trae an save long olketa samting wea hemi gohed fo kamap.”

Hosia 3:5

An bihaen, olketa pipol blong Israel bae i sensim tingting blong olketa, an kambaek moa long Yawe, hu hemi God blong olketa. An bae olketa kambaek tu long man wea hemi bon kam long laen blong King Deved, hu hemi kamap king fo olketa. An long datfala taem, bae olketa tinghae long Yawe, an bae Yawe hemi blesim olketa long evri gudfala samting wea hem nomoa save givim.

Emos 8:9

Hem ya mesij blong Lod Yawe, ?Long datfala De , bae mi mekem san fo godaon nomoa long midol long de, an bae mi sensim delaet long tudak.

Matiu 24:36

Nao Jisas hemi sei moa, “Barava de an taem ya, no eniwan i save long hem. Dadi nomoa hemi save, bat mi San blong hem, wetem olketa enjel long heven, mifala no save tu.

Gudnius abaotem Jisas Kraes wea Mak hemi raetem 13:32

Jisas hemi sei moa, “De blong olketa samting an taem blong hem ya, no eniwan hemi save long hem. Dadi nomoa hemi save, bat mi San blong hem wetem olketa enjel long heven, mifala no save tu.

Aposol 1:7

Bat Jisas hemi ansarem olketa olsem, “Dadi blong mi nomoa hemi garem paoa fo makem olketa taem olsem, an hemi no fitim fo yufala save long olketa.

Aposol 15:18

Hem nao toktok blong Masta, wea hemi bin mekem olketa pipol fo save long olketa samting ya, long bifoa kam.’”

Aposol 17:26

Stat kam long wanfala man nomoa, God hemi mekem evri pipol long wol an hemi mekem olketa fo stap long evri ples long disfala wol. Hem seleva hemi bin makem olketa ples blong olketa fo stap an hemi bin makem taem blong olketa.

Aposol 17:31

Bikos God ya, hemi bin makem finis wanfala de wea bae hemi jajem evriwan long disfala wol long hem. Bae hemi jajem evriwan long wei wea hemi stret fogud. An hemi bin makem finis disfala man wea bae hemi jajem olketa pipol olsem, an hemi bin somaot diswan klia long yumi evriwan, from hemi bin mekem disfala man fo laefbaek moa from dae.”

1 Tesalonaeka 5:2

Bikos yufala seleva yufala savegud finis wea Masta blong yumi bae hemi kambaek long eni de nomoa, olsem man fo stil save kam enitaem nomoa long naet.

Revelesin 11:15

Nao mekseven enjel hemi bloum trampet blong hem. An mi herem olketa toktok long heven, wea olketa singaot olsem, “Evrisamting long wol ya hemi barava kam andanit long paoa blong Masta blong yumi wetem disfala Mesaea blong hem. An bae hemi rul ovarem evrisamting evritaem an olowe.”

Revelesin 14:6

Nao mi lukim nara enjel moa wea hemi flae antap long skae, an hemi garem Gudnius wea hemi no save finis enitaem. Waka blong hem nao fo talemaot Gudnius ya long evri pipol long wol, olketa long deferen traeb an laen an langguis an kantri.

Revelesin 21:23

An olketa no nidim san an mun fo saen kam long biktaon ya, bikos bikfala paoa blong God hemi saen kam long hem. An Smolfala Sipsip ya tu hemi laet blong biktaon ya.

Revelesin 21:25

Olketa geit blong hem bae i no save sat enitaem, bikos ples ya hemi no save naet.

Revelesin 21:3

Nao mi herem wanfala voes from tron, wea hemi singaot olsem, “Lukim, ples blong God hemi stap wetem olketa pipol nao. An bae hemi stap oltaem wetem olketa, an olketa nao i barava pipol blong hem. God seleva nao bae hemi stap wetem olketa, an bae hemi barava God blong olketa.

Revelesin 22:5

Long ples ya, bae no eni naet long hem, an bae olketa no nidim laet blong lam o laet blong san, bikos God Masta nao bae hemi laet blong olketa. An bae olketa rul olsem king evritaem an olowe.